மத்திய புள்ளியியல் மற்றும் திட்ட அமலாக்க அமைச்சகத்தின் கீழ் உள்ள தேசிய புள்ளியியல் அலுவலகம் அகில இந்திய அளவில் பல்வேறு சமூக-பொருளாதார தலைப்புகளில் பெரிய அளவிலான மாதிரி கணக்கெடுப்புகளை நடத்தும் பொறுப்பைக் கொண்டுள்ளது. இந்த ஆய்வுகள் வீடு அடிப்படையிலான அளவீடுகள் என்றால் கணக்கெடுப்பின் முதன்மை அலகு ஒரு குடும்பமாக இருக்கும் அல்லது நிறுவன அடிப்படையிலான ஆய்வுகள் என்றால் கணக்கெடுப்பின் முதன்மை அலகு ஒரு நிறுவனமாக இருக்கும். பல்வேறு குழுக்கள் மற்றும் வல்லுநர் குழுக்களின் பரிந்துரைகள் அடிப்படையில், சம்பந்தப்பட்ட பல்வேறு அமைச்சகங்கள் மற்றும் துறைகளின் தேவைகளை பூர்த்தி செய்யும் வகையில் இந்த ஆய்வுகள் வடிவமைக்கப்பட்டுள்ளன. வீட்டுக் கணக்கெடுப்புகள் முதன்மையாக, நிர்வாக பதிவுகள் மூலமாகவோ அல்லது களம் சார்ந்த அமைச்சகங்கள் அல்லது துறைகளால் நடத்தப்படும் கணக்கெடுப்புகள் மூலமாகவோ கிடைக்காத தகவல்களை சேகரிக்கின்றன.

தரவு சேகரிப்பு நிலையில் நிலைத்தன்மையை உறுதி செய்வதற்காக, கணினி உதவியுடன் கூடிய தனிப்பட்ட நேர்காணல்  அல்லது இணைய அடிப்படையிலான பயன்பாட்டைப் பயன்படுத்தி டிஜிட்டல் தளத்தில் இந்த ஆய்வுகள் நடத்தப்படுகின்றன. சேகரிக்கப்பட்ட புள்ளி விவரங்கள் மேற்பார்வை நிலை அலுவலர்களால் முழுமையாக ஆராய்ந்து முரண்பாடுகள் எவையேனும் காணப்படும்போது விளக்கங்கள் கோரப்பட்டு திருத்தங்கள் சேர்க்கப்படுகின்றன. கணக்கெடுப்பு செயல்முறையின் கண்காணிப்பும் டிஜிட்டல் தளத்தின் வழி நிறைவேற்றப்படுகிறது. எந்த ஒரு கணக்கெடுப்பையும் தொடங்குவதற்கு முன், நில அளவை கருவிகள் மற்றும் கணினி உதவியுடன் கூடிய தனிப்பட்ட நேர்காணல் பயன்பாடு குறித்து விரிவான பயிற்சி கள அலுவலர்களுக்கு வழங்கப்படுகிறது. கணக்கெடுப்பின் போது களப்பணியாளர்களால் எழுப்பப்படும் வினாக்களுக்கு தொடர்ந்து விளக்கங்கள் அளிக்கப்படுகின்றன. கணக்கெடுப்பு தரவுகளின் தரத்தை அவ்வப்போது கண்காணிக்க தரவு தர பயிலரங்குகள் நடத்தப்படுகின்றன. கூடுதலாக, தரவு தரத்தை மேம்படுத்த கணக்கெடுப்பு கருவிகள் அவ்வப்போது மேம்படுத்தப்படுகின்றன. எந்தவொரு புதிய கணக்கெடுப்பையும் மேற்கொள்வதற்கு முன், கணக்கெடுப்புகளிலிருந்து உருவாக்கப்பட வேண்டிய குறியீடுகள் வேறு ஏதேனும் அரசு கணக்கெடுப்பு / நிர்வாக தரவு மூலங்களிலிருந்து கிடைக்கின்றனவா என்பது விரிவாக சரிபார்க்கப்படுகின்றன.  ஒரே வேலை, முயற்சியும் இருமுறை செய்யப்படுவதைத் தவிர்ப்பதற்காக சம்பந்தப்பட்ட  அமைச்சகங்கள் மற்றும் துறைகளுடன் ஆலோசனைகள் நடத்தப்படுகின்றன.

தரவு பயனர்களுடன் வழக்கமான உரையாடல்கள் நடத்தப்படுகின்றன, இதனால் அமைச்சகங்கள் / துறைகள் கூடுதல் தரவு தேடுதல் மற்றும் வெளிப்படுத்தல் தேவைகள் குறித்த தங்கள் கருத்துக்களை இணைக்க முடியும். இதை எளிதாக்க, மாதிரி கணக்கெடுப்புகளின் முடிவுகள் வெளியிடப்பட்ட பிறகு, தரவு அணுகல், விளக்கம், பயனர் கவலைகள், கணக்கெடுப்பு முறை ஆகியவற்றில் கவனம் செலுத்தி, பங்குதாரர்களை ஈடுபடுத்தவும், கணக்கெடுப்பின் கண்டுபிடிப்புகள் பற்றிய புரிதலை மேம்படுத்தவும் புள்ளியியல் மற்றும் திட்ட அமலாக்க அமைச்சகம் தரவு பயனர் மாநாடுகளை நடத்துகிறது. கணக்கெடுப்பு முடிவுகளின் வெளிப்படைத்தன்மையை உறுதி செய்வதற்காக, நாட்டின் தரவுகளை நன்கு புரிந்துகொள்வதற்கும், பகுப்பாய்வு செய்வதற்கும், ஆராய்வதற்கும் பல்வேறு ஆராய்ச்சியாளர்கள், கொள்கை வகுப்பாளர்கள் போன்றவர்கள் அணுகுவதற்கு வசதியாக ஆய்வுகளின் அலகு அளவிலான தரவுகளும்புள்ளியியல் மற்றும் திட்ட அமலாக்க அமைச்சக இணையதளத்தில் கிடைக்கின்றன.

மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில் புள்ளியியல் மற்றும் திட்ட அமலாக்கத்துறை இணையமைச்சர் (தனிப்பொறுப்பு), திட்ட அமைச்சகத்தின் இணையமைச்சர் (தனிப்பொறுப்பு) மற்றும் கலாச்சாரத்துறை இணையமைச்சர் திரு ராவ் இந்தர்ஜித் சிங் இந்தத் தகவலைத் தெரிவித்தார்

***

TS/SMB/RR/DL

 

(Release ID: 2076948) Visitor Counter : 5