ہندوستان نے آج باکو، آذربائیجان میں اقوام متحدہ کے موسمیاتی تبدیلی سربراہ اجلاس کے سی او پی 29 کے مکمل اجلاس میں موسمیاتی فنڈ کی مناسب دستیابی کی جگہ صرف تخفیف پر توجہ مرکوز کیے جانے پر مایوسی کا اظہار کیا۔ ہندوستان نے ہم خیال ترقی پذیر ممالک (ایل ایم ڈی سیز) کی جانب سے بولیویا کے بیان کے ساتھ اپنے موقف کو ہم آہنگ کیا اور اس بات کا اعادہ کیا کہ موسمیاتی تبدیلیوں سے لڑنے کے عمل کی رہنمائی یو این ایف سی سی سی اور اس کے پیرس معاہدے کے ذریعہ کی جانی چاہئے، کیونکہ موسمیاتی تبدیلی کے شدید اثرات  گلوبل ساؤتھ پرپڑنا جاری ہے۔

 

 

ہندوستان کے موقف کا اظہار کرتے ہوئے  سکریٹری (ماحولیات اور جنگلات کی وزارت) اور وفد کی ڈپٹی لیڈر محترمہ لینا نندن نے کہا، "ہمیں اس حقیقت سے مایوسی ہوئی ہے کہ ہم ایسے وقت میں توجہ سے انحراف کررہے ہیں جب  سی بی ڈی آر-آرسی اور مساوات کے مطابق تجویزات کے ذریعے تخفیف کے عمل کی حمایت کرتے ہوئے اسے یقینی بنایا جائے۔سی او پی کے بعد سی او پی، ہم تخفیف کے اہداف کے بارے میں بس بات کرتے رہتے ہیں-اس پر ہوتا کیا ہے - بغیر اس  پر بات کیے کہ ہونا کیا چاہیے- دوسرے الفاظ میں تخفیف کے اہداف کو عملی بنانا ہوگا اور اس سی او پی کی شروعات نئے اجتماعی مقداری اہداف (این سی کیوجی) کے ذریعے عمل پر توجہ سے ہوئی تھی، لیکن جیسے جیسے ہم اختتام کی طرف بڑھ رہے ہیں، ہم دیکھ رہے ہیں کہ تخفیف سے توجہ ہٹ رہی ہے۔‘‘

ہندوستان نے سختی سے کہا کہ مالیات سے توجہ ہٹانے کی کسی بھی کوشش کو تخفیف پر بار بار زور دینے کو قبول نہیں کیا جاسکتا۔ بیان میں کہا گیا ہے کہ’’تمام ممالک نے اپنی این ڈی سیز جمع کرائے ہیں اور  ہم قومی سطح پر طے شدہ شراکت (این ڈی سیز) کا اگلا دور جمع کرائیں گے جن سے ہم نے ماضی میں ساتھ ساتھ اپنے قومی حالات کی بنیاد پر اور پائیدار ترقی کے اہداف اور غربت کے خاتمے کے تناظر میں  لئے گئے مختلف فیصلوں سے آگاہ کیا ہے۔ ہم یہاں موسمیاتی فنڈ کے بارے میں جو فیصلہ کرتے ہیں وہ یقینی طور پر اس بات کو متاثر کرے گا جو ہم اگلے سال جمع کرائیں گے۔کچھ فریق کے ذریعہ تخفیف پر مزید بات کرنے کی کوشش بنیادی طور پر ان کی فنڈ فراہم کرنے کی اپنی ذمہ داری پر توجہ سے ہٹنے کی کوشش ہے۔ ‘‘  بیان میں ’آب و ہوا کی گفتگو میں توازن‘ کا مطالبہ کیا گیا ہے اور کہا گیا ہے، ’’اگر اس کو یقینی نہیں بنایا گیا تو، ہم تخفیف کے بارے میں مسلسل بات چیت کرتے رہ سکتے ہیں، جس کا کوئی مطلب نہیں ہے جب تک کہ  عملی طریقوں کی حمایت کرتے ہوئے  زمینی  سطح پر موسمیاتی تبدیلی   کے لئے ضروری کارروائی نہ کی جائے۔  ‘‘

ہندوستان نے مندرجہ ذیل مسائل پر اپنا موقف پیش کیا جو موسمیاتی تبدیلی کے خلاف جنگ میں اہم ہیں۔ وہ مندرجہ ذیل ہیں:

این سی کیو جی

ہندوستان نے اس بات پر روشنی ڈالی کہ چونکہ گرانٹ پر مبنی رعایتی موسمیاتی  فنڈ نئے این ڈی سی کی تشکیل اور نفاذ کے لیے سب سے اہم معاون ہے، اس لیے عمل درآمد کے مناسب ذرائع کی عدم موجودگی میں کارروائی میں شدید رکاوٹ آئے گی۔ بیان میں کہا گیا ہے کہ "دستاویز ڈھانچہ، مقدار، معیار، ٹائم فریم، رسائی، شفافیت اور نظرثانی کے حوالے سے مخصوص ہونی چاہیے،’’ بیان میں کہا گیا ہے کہ متحرک کرنے کا ہدف1.3 ٹریلین امریکی ڈالر ہونا چاہیے، جس میں سے600 بلین امریکی ڈالر گرانٹس اور گرانٹ جیسے وسائل کے ذریعے ہوں گے۔ امداد میں وسائل شراکت داروں کی بنیاد میں توسیع، میکرو اکنامک اور مالیاتی اقدامات پر شرائط کی عکاسی، کاربن کی قیمتوں کے تعین کے لیے تجاویز، سرمایہ کاری کی صورت میں وسائل کے بہاؤ کو بڑھانے میں نجی شعبے کی شمولیت کے ذریعے حاصل ہوں گے۔ سرمایہ کاروں  پر توجہ مرکوز کرنا این سی کیو جی کے مینڈیٹ کے خلاف ہے۔  ہمیں اس بات کو تسلیم کرنا چاہیے کہ ترقی پذیر ممالک کی طرف سے موسمیاتی عمل کو ان کے حالات کے مطابق اور ملک کی ترجیحات کے مطابق ہونا چاہیے۔‘‘

 

تخفیف

ہندوستان نے مسودے کے متن میں تخفیف کام پروگرام(ایم ڈبلیو پی) کے دائرہ کار کو تبدیل کرنے کی سختی سے مخالفت کی۔ بھارت نے درجہ حرارت کے اہداف میں تبدیلیوں کے خلاف بھی خبردار کیا، جو پیرس معاہدے کی صحیح بیانیہ کے مطابق ہونا چاہیے۔ ہندوستان نے تمہید میں 2030، 2035 اور 2050 کے اہداف کی شمولیت کو خالصتاً نسخہ کے طور پر بیان کیا۔

بھارت نے متن میں کچھ عناصر شامل کرنے پر زور دیا، جیسے کہ انیکسچر-1 فریقین کے ذریعے 2020 سے پہلے تخفیف کے فرق کو پرکرنا؛ گہری تشویش کا اظہار کرتے ہوئے کہ 2020 سے 2030  وغیرہ تک انیکسچر -14 فریقین کے اخراج میں اضافہ ہو رہا ہے ۔ ہندوستان نے سختی سے زور دیا کہ وہ آب و ہوا کی کارروائی پر زبردستی یکطرفہ اقدامات کے منفی اثرات  خاص طور پر تخفیف کے عزائم اور نفاذ پر کو یاد کریں۔

 

منصفانہ تبدیلی

ہندوستان نے ’منصفانہ منتقلی‘پر دبئی کے فیصلے میں موجود مشترکہ افہام و تفہیم کے کسی بھی دوبارہ مذاکرات کو قبول کرنے سے سختی سے انکار کردیا۔ بیان میں کہا گیا کہ ’منصفانہ منتقلی‘کو تنگ گھریلو اصطلاحات میں بیان کیا جاتا ہے، اس کا مطلب یہ ہے کہ یہ قومی حکومتیں ہیں جنہیں گھریلو منصفانہ منتقلی کو یقینی بنانے کے لیے اقدامات کرنا ہوں گے۔’’حالاں کہ ، ہم نے بارہا یہ نکتہ اٹھایا ہے کہ مساوی منتقلی کا آغاز ترقی یافتہ ممالک کے ساتھ ہوتا ہے جو عالمی سطح پر تخفیف میں اہم کردار ادا کرتے ہیں اور اس بات کو یقینی بناتے ہیں کہ وہ تمام ترقی پذیر ممالک کو نفاذ کے ذرائع فراہم کرتے ہیں‘‘

ہندوستان کے بیان میں مزید کہا گیا ہے کہ "ہم نے بارہا یہ بھی کہا ہے کہ ہماری گھریلو تبدیلیوں کے امکانات، ترقی کے ہمارے حق اور پائیدار ترقی کو حاصل کرنے کی ہماری اولین ترجیح ترقی یافتہ ممالک کی بار بار اور مسلسل بے عملی کی وجہ سے رکاوٹ ہے" ہم جو نکتہ بنا رہے ہیں، وہ دبئی کے فیصلے میں بھی ظاہر ہوتا ہے۔ "تبدیلیوں کی مکمل تشریح کرتا ہے۔"

 

جی ایس ٹی

ہندوستان نے جی ایس ٹی پر درج ذیل باتیں کہیں:

 

1. ہندوستان نے جی ایس ٹی کے نتائج پر عمل کرنے پر اتفاق نہیں کیا ہے۔ پیرس معاہدے کے مطابق، جی ایس ٹی کو صرف فریقین کو موسمیاتی کارروائی کرنے کے لیے مطلع کرنا چاہیے۔
2. عمل، حمایت اور بین الاقوامی تعاون کو بڑھانے کے نئے باب کا مسودہ متن کے ساتھ کسی مناسب تعلق یا انضمام کے بغیر تیار کیا گیا ہے، جس کے کچھ حصے متحدہ عرب امارات کے مذاکرات میں زیر بحث ہیں۔

• iii. فریقین کی طرف سے گفت و شنید کا حتمی متن وہ تھا جس میں تمام فریقین کے خیالات کو شامل کیا گیا تھا اور یہ مزید مذاکرات کے لیے ایک قابل عمل بنیاد تھا۔’یواے ای مذاکرات کی نہج‘ کے عنوان سے سیکشن کے تحت نئے اختیارات میں یہ بالکل شامل نہیں ہے۔
• iv. نئے باب کا فنانس کے موضوع سے کوئی تعلق نہیں ہے جو متحدہ عرب امارات کے مذاکرات کا بنیادی مقصد ہے۔
• مزید برآں، فقرہ "ترقی یافتہ ممالک کے ساتھ (دو سالہ رپورٹ کی ترکیب کی رپورٹ کے مطابق) 2020 سے 2030 تک ان کے اخراج میں 0.5 فیصد اضافہ کرنے کے لیے" کے فقرے کی جگہ "2019 کی سطح کے مقابلے 2030 تک 2.6 فیصد اضافہ ہو"، شامل کیا جا سکتا ہے۔
• اگرچہ نیا باب عنوان عام ہے، لیکن جو متن شامل کیا گیا ہے وہ مکمل طور پرتخفیف پر مرکوز اور مکمل طور پر غیر متوازن ہے۔ بھارت اس متن کو قبول نہیں کرتا ۔
• ہندوستان متحدہ عرب امارات کے مذاکرات کے وقت اور فارمیٹ سیکشن میں جس طرح سے آپشن بنائے گئے ہیں اسے قبول نہیں کرتا ہے۔

 

مطابقت

ہندوستان نے مندرجہ ذیل پانچ نکات کا اشتراک کیا جن پر فیصلے کے مسودے میں غور کرنا ضروری ہے:

• حتمی نتیجہ میں نفاذ کے ذرائع پر اشارے شامل ہونے چاہئیں تاکہ مطابقت کے عالمی ہدف پر یہ کام بامعنی ہوسکے۔
• تبدیلی کے مطابقت پر مزید توجہ دینے کی ضرورت نہیں ہے۔ اس کی بجائے، قومی حالات کے تناظر میں اضافی مطابقت، طویل مدتی مطابقت جیسے دیگر طریقوں پر توجہ مرکوز کرنا ضروری ہے۔
• اشارے پر رپورٹنگ کے لیے استعمال ہونے والا ڈیٹا فریق کی طرف سے جمع کرائی گئی رپورٹس سے لیا جانا چاہیے، نہ کہ فریق ثالث کے ڈیٹا بیس سے، لہٰذا اس متن کو ہٹا یا جا سکتا ہے۔
• باکو روڈ میپ کے قیام پر زبان مطابقت کے عالمی اہداف سے متعلق کام جاری رکھنے کے ایک ذریعہ کے طور پر ضروری ہے۔
• اشارے کوجی جی اے اہداف  میں پیش رفت کی عکاسی کرنی چاہیے۔ مزید علاحدگی کی ضرورت نہیں ہوسکتی ہے۔

آخر میں، اس بات کا اعادہ کیا کہ یہ سی او پی مالیاتی سی او پی –متوازن سی او پی –عملی سی او پی ہے۔ بیان میں کہا گیا ہے کہ "اگر ہم یہاں ناکام ہو جاتے ہیں، تو ہم موسمیاتی تبدیلی کے خلاف جنگ میں ناکام ہو جائیں گے، جس کے لیے ذمہ داری ان لوگوں پر عائد ہونی چاہیے جو موسمیاتی کارروائی کے لیے مالی معاونت کے پابند ہیں۔"

 

************

ش ح۔م ش ۔ ج ا

 (U: 2896)

(Release ID: 2076868) Visitor Counter : 47