12শুবা ইন্তর্নেস্নেল তুরিজম মার্ত (ITM) অসি 2024গী নবেম্বর 26তগী 29 ফাওবা অসামগী কাজিরঙ্গাদা পাংথোক্কনি। ইন্তর্নেস্নেল তুরিজম মার্ত অসি ভারত সরকারগী তুরিজম মন্ত্রালয়না চহিগী ওইনা পাংথোকপা থৌরম অমনি। মসি লৈবাক অসিগী অমসুং মালেমগী মীয়ামগীদমক অৱাং নোংপোক লমদমগী তুরিজমগী ওইথোকপা য়াবশিং উৎনবগীদমক্তা দিজাইন তৌখি। অসিগুম্বা থৌরম অসিনা অৱাং-নোংপোক্কী রাজ্যশিং অসাম, অরুনাচল প্রদেশ, মনিপুর, মেঘালয়া, মিজোরাম, নাগালেন্দ, ত্রিপুরা অমসুং সিক্কিমদগী তুরিজম বিজিনেস অমসুং ওন্তাপ্রিনরশিং পুনশিন্নবা মরুওইবা প্লেৎফোর্ম অমা ওইরি।

ITMগী 12শুবা ইদিসন অসি মখল-মখা কয়াগী তোপোগ্রাফী, য়াম্লবা ফ্লোরা অমসুং ফৌনাশিং, অচৌবা ইথনিক কম্ম্যুনিতীশিং, অরিবা চৎনবীশিং, কুহ্মৈশিং অমসুং মরাং কায়না লৈজবা কলা অমসুং খুৎশা হৈবগী থৌওংশিংগীদমক মমিং চৎপা মফম অমদা পাংথোক্কনি। UNESCO সাইৎ অমসুং ফজরবা মচি অমা পানবা শমুগন্ধাগী য়ুম ওইরিবা  কাজিরঙ্গা নেস্নেল পার্কনা থৌরম অসিগী পুক্নিং চিংশিনবা হেনগৎহল্লি।

ঙসি ITMগী 12শুবা ইদিসনগী মতাংদা মীদিয়াদা পাউদম্লদুনা, তুরিজমগী দি.জি. কুমারি মুগধা সিনহানা ইন্তর্নেস্নেল অমসুং দোমেস্তিক তুর ওপরেতরশিং, হোতেলিয়রশিং অমসুং হোমস্তে মপুশিং, তুরিজম সর্ভিস প্রোভাইদরশিং, ইথিল পীবা মীওইশিং অমসুং ওপিনিয়ন মেকরশিং, ভারত সরকার অমসুং রাজ্য সরকারশিংগী মকোক থোংবা ওফিসিএলশিং, মীদিয়া অমসুং ইন্তর্নেস্নেল মহৈরোইশিং য়াওনা চাউরাক্না শরুক য়ারিবা মীওই 400 রোম থৌরম অসিদা শরুক য়াগনি পানরি হায়খি।

দি.জি.না মখা তানা হায়খি মদুদি নুমিৎ হুমনিগী মার্ত অসিদা রাজ্য সরকারশিংনা প্রজেন্তেসনশিং, B2B মীফমশিং, পেনেল দিস্কসনশিং, ফুদ দেমোনস্ত্রেসনশিং, কলচরেল ইভনিংশিং, লাইব ম্যুজিক, নোর্থ ইস্ত বজার অমসুং মরু ওইবা মফমশিং হায়বদি চারাদিও মোইদাম (অনৌবা অমসুং ভারতকী 43শুবা UNESCO ৱর্ল্দ হেরিতেজ সাইৎ), কাজিরঙ্গা নেস্নেল পার্ক (নেস্নেল পার্ক ওইনা চহি 50 মপুং ফারকপা), হাথিকুলী তি ইস্তেত অমসুং ওর্কিদ অমসুং বাইওদাইবর্সিতী পার্ক য়াওনা তোঙান তোঙানবা থবক থৌরমশিং পাংথোক্কনি। মসিনা অৱাং-নোংপোক লমদমদা মহৈ তম্বা মালেমগী মহৈরোয়শিং অমসুং মালেমগী ইথিল পীবশিংসু শরুক য়াহল্লগনি। মসিনা মখোয়দা লমদম অসিগী মগুন লৈরবা চৎনবীগী ফার্স্ত ইনসাইৎশিং পীগনি।

কাজিরঙ্গাদা ITMনা তুরিজম মন্ত্রালয়গী ত্রাভেল ফোর লাইফ ইনিসিএতিবকা মরী লৈননা সস্তেনেবিলিতীগীদমক অচেৎপা ফিরেপ অমা উৎলগনি হায়না পল্লদুনা দি.জি.না হায়খি মদুদি থৌরম অসি অকোইবদা শোকহনবা হন্থহন্নবা, ইনর্জী ইফিসেন্ত প্রেক্তিসশিং শীজিন্নবা অমসুং সিঙ্গল য়ুজ প্লাস্তিক শীজিন্নদনবা মীৎয়েং থমদুনা পাংথোক্কনি। মার্ত মনুংদা ত্রান্সপোর্তেসন অসি দেদিকেতেদ শত্তল সর্বিসশিংগী খুত্থাংদা লায়থোকহল্লগনি। মসিনা তুরিজমগা মহৌশাগা চান্নহন্নবা অমসুং তুং কোইবা, পোজিতিব লেগেসী অমা লৈহন্নবা মন্ত্রালয় অসিনা হোৎনরিবা অদু উৎলি হায়না মহাক্না মখা তাখি।

*****