بین الاقوامی سیاحتی مارٹ (آئی ٹی ایم) کا 12 واں ایڈیشن کازی رنگا، آسام میں 26 سے 29 نومبر، 2024 تک منعقد ہوگا۔ انٹرنیشنل ٹورزم مارٹ ایک سالانہ تقریب ہے جس کا اہتمام وزارت سیاحت، حکومت ہند نے کیا ہے، جو کہ ملکی اور بین الاقوامی سامعین کے لیے شمال مشرقی خطے کی سیاحت کی صلاحیت کو اجاگر کرنے کے لیے ڈیزائن کیا گیا ہے۔ یہ ایونٹ ایک اہم پلیٹ فارم کے طور پر کام کرتا ہے، جو آٹھ شمال مشرقی ریاستوں- آسام، اروناچل پردیش، منی پور، میگھالیہ، میزورم، ناگالینڈ، تریپورہ، اور سکم سے سیاحت کے کاروبار اور کاروباری افراد کو ایک ساتھ لاتا ہے تاکہ خریداروں، بیچنے والوں، میڈیا  ، سرکاری ایجنسیو ں، اور دیگر اسٹیک ہولڈرز کے درمیان تعاون اور بات چیت کو فروغ دیا جا سکے۔

آئی ٹی ایم  کا 12 واں ایڈیشن ایک ایسے خطے میں منعقد ہوگا جو اپنی متنوع ٹپوگرافی، بھرپور نباتات اور حیوانات، متحرک نسلی برادریوں، قدیم روایات، تہواروں اور بے شمار  فنون و دستکاری کے لیے مشہور ہے۔ کازی رنگا نیشنل پارک، یونیسکو کی ایک سائٹ اور شاندار ایک سینگ والے گینڈے کا گھر، اس تقریب کی طرف  رغبت میں اضافہ کرتا ہے۔

آئی ٹی ایم کے 12ویں ایڈیشن پر میڈیا کو بریفنگ دیتے ہوئے، آج یہاں، ڈی جی، سیاحت محترمہ مگدھا سنہا نے بتایا کہ اس تقریب میں تقریباً 400 شرکاء  کی شرکت متوقع ہے۔ جن میں بین الاقوامی اور گھریلو ٹور آپریٹرز، ہوٹل مالکان اور ہوم اسٹے کے مالکان، سیاحتی خدمات فراہم کرنے والے، اثر و رسوخ پیدا کرنے والے اور رائے ساز، حکومت ہند اور ریاستی حکومتوں کے سینئر عہدیداران، میڈیا اور بین الاقوامی طلباء وغیرہ شامل ہیں۔

ڈی جی نے مزید بتایا کہ تین روزہ مارٹ مختلف قسم کی سرگرمیاں پیش کرے گا، جس میں ریاستی حکومتوں کی طرف سے پریزنٹیشنز، بی 2 بی میٹنگز، پینل مباحثے، کھانے کے مظاہرے، ثقافتی شامیں، لائیو موسیقی، شمال مشرقی بازار، اور اہم مقامات  جیسے چارائیڈیو موئدم (بھارت کا تازہ ترین اور 43 واں یونیسکو عالمی ثقافتی ورثہ سائٹ)، کازیرانگا نیشنل پارک (جو نیشنل پارک کے طور پر 50 سال مکمل ہونے کا جشن مناتا ہے)، ہاتھیکولی ٹی اسٹیٹ اور آرکڈ اور بائیو ڈائیورسٹی پارک کے تکنیکی دورے شامل ہیں۔ یہ ان بین الاقوامی طلباء کو بھی شامل کرے گا جو شمال مشرقی خطہ میں زیر تعلیم ہیں اور پوری دنیا کے اثر انگیز افراد کو علاقے کی بھرپور ثقافت کے بارے میں براہ راست بصیرت فراہم کرے گا۔

اس بات کو اجاگر کرتے ہوئے کہ کازی رنگا میں آئی ٹی ایم وزارت سیاحت کے ٹریول فار لائف پہل سے ہم آہنگ، پائیداری کے لیے ایک مضبوط وابستگی کی مثال پیش کرے گا، ڈی جی نے کہا کہ اس تقریب کا انعقاد ماحولیاتی اثرات کو کم کرنے، توانائی کے موثر طریقوں کو بروئے کار لانے اور   واحد استعمال پلاسٹک کے خاتمے پر توجہ مرکوز کرتے ہوئے کیا جائے گا۔ انہوں نے مزید کہا کہ مارٹ کے دوران نقل و حمل کو وقف  شدہ شٹل خدمات کے ذریعے سہولت فراہم کی جائے گی، جو سیاحت کو فطرت کے ساتھ ہم آہنگ کرنے اور دیرپا  مثبت میراث کو یقینی بنانے کے لیے وزارت کی لگن کو ظاہر کرتی ہے۔

*****

ش ح ۔ ا ک ۔ ر ب

U. No.2814