سائنسدانوں نے منکی پوکس وائرس (ایم پی وی) کی وائرولوجی کو سمجھنے اور انفیکشن کے لیے تشخیصی آلات تیار کرنے کے ساتھ ساتھ علاج کے مضمرات کا نیا راستہ تلاش کرنے کے لیے نئے روٹ کی نشاندہی کی ہے۔

 منکی پوکس وائرس (ایم پی وی) کی وبا، جسے  ایم پوکس وائرس کے  نام سے بھی موسوم کیا گیا ہے، کو حالیہ طور پر گزشتہ تین سالوں کے دوران دو مرتبہ عالمی تشویش  کی  صحت عامہ  کی ایمرجنسی (پی ایچ ای آئی سی) قرار دیا گیا ہے۔ اس وباء کے پھیلا ؤ سے پوری دنیا میں اس کے غیر متوقع  افشاء کے بارے میں شدید تشویش پیدا  ہوگئی ہے، کیونکہ اس کی منتقلی کے طریقوں اور علامات کو اچھی طرح سے سمجھا نہیں گیا ہے۔  تشخیص اور علاج کی مؤثر حکمت عملیوں کی تیز رفتار ترقی کے ساتھ ساتھ وائرولوجی کی جامع فہم انتہائی اہمیت کا حامل ہے۔

ایم پی وی  ایک طرح کا ڈبل اسٹرینڈڈ ڈی این اے (ڈی ایس – ڈی این اے) وائرس ہے۔ پولیمریز چین ری ایکشن (پی سی آر) کے ذریعے ایکسٹرا سیلولر وائرل پروٹین جین کا پتہ لگانے کا طریقہ طبی نمونوں میں ایم پی وی کی نشاندہی کے لیے وسیع پیمانے پر مستعمل تکنیک ہے۔ وائرس کا پتہ لگانے کےعام  طریقے، بشمول پی سی آر، ڈبل اسٹرینڈڈ ڈی این اے (ڈی ایس – ڈی این اے) وائرس کے ایمپلی فکیشن پر منحصر ہوتے ہیں، جن میں  ایمپلی فکیشن کی مقدار درست کرنے کے لیے فلوروسینٹ پروب کو بھی بروئے  کار لایا جاتا ہے ۔

اگرچہ یہ تحقیقات ڈی ایس – ڈی این اے  کے ارتکاز کے لیے حساس ہیں، لیکن ان میں مخصوص اور غیر مخصوص ایمپلی فکیشن کی پیدا وار کے درمیان فرق کرنے کی صلاحیت کا فقدان ہے۔ اس کے برعکس، ڈی این اے میں موجود مخصوص ترتیب  اُن منفرد ساختوں کو جوڑ سکتی ہے، جو کلاسیکل ڈبل ہیلکس سے منحرف ہو جاتی ہیں ، جسے نان کینونیکل نیوکلئک ایسڈ کنفرمیشن کے نام سے جانا جاتا ہے۔  خورد سالمیاتی فلوروسینٹ پروبس کے اہداف کے طور پر ان خلاف معمول ڈی این اے ساختوں کی صلاحیت کا فائدہ اٹھانا، انتہائی قابل اعتماد تشخیصی  جانچوں کی ترقی کے لیے نئی راہیں کھول سکتا ہے۔

جی کواڈروپلیکس (جی کیو) گوانائن  (جی) سے بھرپور نیوکلئک ایسڈ کی ترتیب میں مشاہدہ کی جانے والی ایسی ہی خلاف معمول نان کینونیکل کنفرمیشن ہے، جہاں ہائیڈروجن بانڈنگ کے ذریعے چار گوانائنز آپس میں مل کر پلانر جی- ٹیٹریڈ پلین  بنتے ہیں، اور متعدد  جی - ٹیٹریڈس کے تہہ بندی کے نتیجے میں جی کیو کی تشکیل ہوتی ہے۔

محکمہ سائنس اور ٹیکنالوجی (ڈی ایس ٹی) کے خودمختار ادارہ  جے این سی اے ایس آرکے سائنسدانوں نے انتہائی محفوظ جی کیو تشکیل دینے والے ڈی این اے سیکوینسز کی نشاندہی کی ہے، جو کہ  ایم پی وی  جینوم کے اندر موجود چار سیکوینسزکا ایک مجموعہ ہے، اور خاص طور پر تیار کردہ فلوروسینٹ کے چھوٹے سالمیاتی  پروب کا استعمال کرتے ہوئے مخصوص جی کیو ترتیب کا پتہ لگایا ہے، جس سے ایم پی وی کا درست پتہ لگانے کا کام  ممکن  ہوتا ہے۔ جی کیو جیسے خلاف معمول نیوکلئک ایسڈ کی ساختوں کی شناخت، زمرہ بندی اور ہدف بندی کے معالجاتی  مضمرات ہوتے ہیں۔

یہ جی کیوسیکوینسز جسمانی حالات کے تحت مستحکم ہوتی ہیں، انتہائی محفوظ ہوتی ہیں اور دیگر پوکس وائرس، دیگر پیتھوجینز اور انسانی جینوم میں موجود نہیں ہیں۔ یہ خصوصیات جی کیو کی سیکوینسز کو تشخیصی آلات اور طبی علاج کی ایجاد کے لیے قابل قدر معلومات کے اہداف بناتی ہیں۔

سمن پرتیہار، رام جے کمار وینکٹیش، محمد نبیل متّھ، اور تھمیا گووندراجو کے ذریعہ تیار کردہ  فلوروجینک مالیکیولر پروب (بی بی جے ایل) سے، ایم پی وی  جی کیو (ایم پی 2) کے ساتھ مرکب  کرنے پر فلوروسینس آؤٹ پٹ میں 250 گنا سے زیادہ اضافہ بھی ہوتا ہے۔  ایم پی وی جینوم میں موجود اس انتہائی محفوظ سکوئنس کا منتخب طور پر پتہ لگانے کی بی بی جے ایل کی صلاحیت نان کینونیکل نیوکلئک ایسڈز کو ہدف  بنانے والی اکتشافی تکنیکوں کی ترقی کے لیے نمونہ بن سکتی ہے۔

مالیکیولر پروب ٹارگٹ جی کیو- ڈین این اے کی عدم موجودگی میں نان فلوروسینٹ ہوتاہے اور منکی پوکس وائرس (ایم پی وی) کا پتہ لگانے کے لیے جی کیو ٹارگٹڈ تشخیصی حکمت عملی کا پہلا عملی مظاہرہ ہے۔ اس سے ان کے ماڈیولر تشخیصی پلیٹ فارم  جی کیو- ٹارگٹڈ قابل اعتماد کنفرمیشن پولیمورفزم (جی کیو-آرسی پی)کی توسیع کی نمائندگی ہوتی ہے، جو کہ ابتدائی طور پر ایم پی وی / ایم  پوکس-مخصوص جی کیو کی نشاندہی کے ذریعہ  سارس – سی او وی -2 / کووڈ- 19 کا پتہ لگانے کے لیے تیار کیا گیا تھا، اور ناول فلوروجینک پروب جو پہلے اے سی ایس سینسر میں شائع ہوا تھا۔

حساس تحقیقات سے مؤثر طور پر ہدف کے ایم پی وی سے ماخوذ جی کیوکو مختلف دیگر جی کیو، اور انسانی جینوم سے اخذ کردہ دیگر ڈین این اے کنفرمیشنز سے علیحدہ کیا جاسکتا ہے۔ ایم پی وی جینوم میں  موجود شناخت شدہ جی کیوممکنہ اینٹی وائرل اہداف کے طور پر بھی کام آ سکتے ہیں۔

مستقبل کے علاج کے لیے ممکنہ جی کیواہداف کی شناخت کے لیے ایم پی وی جینوم کی اضافی پیمائش کی جا رہی ہے۔ نتیجتاً، اس مطالعہ میں جی کیوکی بنیاد پر ممکنہ اکتشافی پلیٹ فارمز تیار کرنے کے موضوع پر  بحث  کی گئی ہے ، اور شناخت شدہ جی کیوکی ان کی اینٹی وائرل خصوصیات کے لیے مزیدتحقیق کی جا سکتی ہے۔

مالیکیولر کی ایسی تحقیقات  سے،جس میں نیوکلئک ایسڈز کی اعلیٰ ساخت یا ترتیب کی مخصوص شناخت ہوتی ہے، موجودہ ایمپلی فکیشن پر مبنی تکنیکوں  کےچیلنج کو کم کیا جاسکتا ہے۔ منکی پوکس وائرس (ایم پی وی) میں نئے جی کیو سکوئنسز کی شناخت اور خصوصیت شناسی سے ایم پی وی کی وائرولوجی کو سمجھنے یا تشخیص اور علاج کے طریقے تیار کرنے کی کوشش کرنے والی سائنسی برادری کو مدد مل سکتی ہے۔

************

ش ح۔م ش ع۔ق ر

U.No:2810

(Release ID: 2076101) Visitor Counter : 4