দিপার্তমেন্ত ওফ সাইন্তিফিক এন্দ ইন্দস্ত্রীএল রিসর্চ (DSIR) না পায়খৎলিবা PACE প্রোগ্রাম অসিনা ভারতকী ইন্দস্ত্রীশিং অমসুং R&D ওর্গনাইজেসনশিং, একাদেমিক ইন্সতিত্যুসনশিং, নৎত্রগা য়ুনিভর্সিতীশিংগী মরক্তা কোল্লাবোরেতিব রিসর্চ ফগৎহল্লি। মসিনা ইনোবেতিব ওইবা থবকশিংদা মীৎয়েং থম্লি অমসুং মপুং ফাদ্রিবা ইন্দস্ত্রীগী মথৌ তাবশিং কোকহন্নবা পোত্থোকশিং অমসুং থৌওংশিং ললোন-ইতিক তৌবদা মীৎয়েং চঙবা অনৌবা তেক্নোলোজীশিং পুথোকপদা মতেং পাংই। মসিগী প্রোগ্রাম অসিদা প্রাক্তিকেল এপ্লিকেসনগা লোয়ননা অখন্নবা ইন্দস্ত্রীএল সেক্তরশিংদা পান্দম থম্লিবা প্রোপোজেলশিং অসি পুক্নিং থৌগৎলি। ইন্দস্ত্রীএলগী মরুওইবা থুংহনবা ঙমদ্রিবা মথৌ তাবশিং কোকহন্নবগী পান্দমদা প্রুফ-ওফ-কন্সেপ্ত উৎলিবা প্রোজেক্তশিং অসি প্রোগ্রাম অসিগী মখাদা মতেং পাংলি। প্রোগ্রাম অসিনা চহি 1দগী 3 ফাওবগী মনুংদা লৈবা প্রোজেক্তশিংদা মতেং পাংই।

PACE প্রোগ্রামগী মখাদা, দিপার্তমেন্ত ওফ সাইন্তিফিক এন্দ ইন্দস্ত্রীএল রিসর্চ (DSIR)না 20-11-2024দা M/s. দেভাশিশ পোলিমর্স প্রাইভেৎ লিমিতেদ (DPPL), মুম্বাই অমসুং M/s. GPS রিন্যুএবলস প্রাইবেৎ লিমিতেদ, বেঙ্গলোর অমসুং আগরকর রিসর্স ইন্সতিত্যুত (ARI), পুনেগা লোয়ননা তোঙান তোঙানবা ত্রাইপর্তাইত এগ্রীমেন্ত অনিদা খুৎয়েক পীনখ্রে।

M/s. দেভাশিশ পোলিমর্স প্রাইভেৎ লিমিতেদ (DPPL), মুম্বাইনা কম্পাউন্দ ইলাস্তোমরশিং শেমগৎনবা অমসুং প্রোজেক্ত অসিগী মখাদা তোঙান-তোঙানবা এপ্লিকেসনশিংগীদমক মখোয়গী পর্ফোমেন্স চাং য়েংনবা পান্দম থম্লি। অদুগা, M/s. GPS রিন্যুএবলস প্রাইভেৎ বেঙ্গলোরনা আগরকর রিসর্স ইন্সতিত্যুত (ARI), পুনেগা লোয়ননা খুৎশম্নদুনা এনারোবিক ফঙ্গি শীজিন্নদুনা এগ্রিকলচরেল রেসিদ্যুশিংদগী মাইক্রোবিএল মিথেন প্রদক্সন হেনগৎহন্নবা পাইকোৎ ত্রাইএলশিং থুজিনবা অমসুং পাংথোক্নবা হোৎনরি।

এগ্রীমেন্ত খুৎয়েক পীনবগী থৌরম অদু DSIRগী সেক্রেতরী অমসুং CSIRগী দাইরেক্তর জেনরেল, দা. এন. কালাসেলবি, সাইন্তিস্ত-জি, অমসুং হেদ PACE, কোম্মোদোর (রিতয়র্দ) দা. ভিপিন চন্দ্র শুক্লা, নেস্নেল রিসর্চ দিবেলপমেন্ত কোর্পোরেসন (NRDC)গী চেয়রমেন অমসুং মেনেজিং দাইরেক্তর অমিত রাস্তোগি, আগরকর রিসর্স ইন্সতিত্যুত (ARI), পুনেগী দাইরেক্তর, দা. প্রশান্ত ধাকেফালকর, দাইরেক্তর অমসুং CFO, M/s. দেভাশিশ পোলিমর্স প্রাইভেৎ লিমিতেদ (DPPL), মুম্বাই, এস. অদিত্য মোদী, CTO, M/s. GPS রিন্যুএবলস প্রাইভেৎ লিমিতেদ, বেঙ্গলোর, শ্রী রভি গোমাতম, সাইন্তিস্ত-ই, DSIR, দা. এম.এস. শশী কুমার, সাইন্তিস্ত-ই, DSIR,  দা. সুমন মজুমদার লোয়ননা NRDC অমসুং DSIRগী অতোপ্পা তীম মেম্বরশিংগা লোয়ননা শরুক য়াখি।

DSIRগী সেক্রেতরী অমসুং CSIRগী দাইরেক্তর জেনরেল, দা. এন. কালাসেলভিদনা মহাক্কী হৌদোক ৱারোলদা PACE প্রোগ্রাম অসিনা ভারত্তা ইনোবেসন অমসুং কোল্লাবোরেতিব রিসর্চ হেনগৎহন্নবা DSIRগী অচেৎপা থৌদাং অদুগী য়ুম্ফম অমনি হায়না অকনবা ৱাফম থমখি। মসিগী খোংথাং অসিগী খুত্থাংদা, ঐখোয়না অনৌবা পোত্থোকশিং, থৌওংশিং অমসুং সোলুসনশিং পুথোক্নবা হোৎনরি। মখোয়শিং অসি তেক্নোলোজীগী ওইনা অফবা ওইবতা নত্তনা কম্মর্সিএলাইজেসনগী লম্বীসু ময়েক শেংনা লৈ। দোক্তর. এন. কালাসেলভিনা M/s. দেভাশিশ পোলিমর্স প্রাইভেৎ লিমিতেদ (DPPL), মুম্বাই অমসুং M/s. GPS রিন্যুএবলস প্রাইভেৎ লিমিতেদ বেঙ্গলোর অমসুং আগরকর রিসর্স ইন্সতিত্যুত (ARI), পুনেনা মরু ওইবা জাতিগী শীংনবশিং কোকহন্নবা অমসুং ভারতকী চাউখৎ-থৌরাংগী পান্দম থুংহনবদা চাউনা শরুক তম্বগদবা প্রোজেক্তশীং পাইখৎপগীদমক অনিমক্তা নুংঙাইবা ফোংদোকখি। দা. এন. কালাসেলভিনা অসিগুম্বা প্রোজেক্তশিং অসিনা ইন্দস্ত্রী-একাদেমিয়া পার্তনরশিপশিং শেমগৎপদা মরু ওইবা থৌদাং লৌরি হায়না পনখি। মসিনা তুং কোইনা চৎনবা য়াবা সোলুসনশিং পুথোকপা ঙমগনি অমসুং সাইন্স, তেক্নোলোজী অমসুং খুন্নাইদা ইথিল পীবদা লৈবাক অসিনা খুমাং চাউশিলহল্লগনি।

সাইন্তিস্ত-জি অমসুং হেদ PACE দা. ভিপিন চন্দ্র শুক্লানা হায়খি মদুদি DSIRনা কান্নরবা সোলুসনশিংদা ওন্থোকপা ৱাখল্লোনশিং পুথোকপদা অচেৎপা থাজবা থম্লি অমসুং PACE প্রোগ্রাম অসিনা মিসন অসিগী খুদম অমনি। পুন্না হোৎনমিন্নরগা, ঐখোয়না তুংকোইনা চৎনগদবা ইন্দস্ত্রীএল গ্রোথ অমসুং ভারতকী তেক্নোলোজীগী লমদা মশা-মরোমদোম লেপচবা ঙমগনি।

শ্রী অদিত্য মোদী, দাইরেক্তর অমসুং & CFO, M/s. দেভাশিশ পোলিমর্স প্রাইভেৎ লিমিতেদ (DPPL), মুম্বাই অমসুং শ্রী রবি গোমাতাম, CTO, M/s. GPS রিন্যুএবলস প্রাইভেৎ লিমিতেদ, বেঙ্গলোরনা পুন্না DSIRগী PACE প্রোগ্রাম অসি থাগৎখি অমসুং মসিনা একাদেমিয়া অমসুং R&D ইন্সতিত্যুসনশিংগা ইনোবেসন পুথোক্নবা অমসুং অশেংবা মালেমগী শিংনবশিংগীদমক্তা সোলুসন পুথোক্নবা হোৎনবদা মতেং পাংলিবা ইন্দস্ত্রীগীদমক গেম চেঞ্জর প্রোগ্রাম অমা ওইনা শকখঙখি। মখোয়না DSIRগী খোঙথাংবু থাগৎপা ফোংদোকখি, মসিনা অনৌবা পুথোকপদা খোংজেল য়াংখৎহনবতা নত্তনা ভারতকী তেক্নোলোজী অমসুং ইকোনোমিক লেন্দস্কেপসু মপাঙ্গল কনখৎহল্লি।

সাইন্তিস্ত-ই অমসুং মেম্বর সেক্রেতরী, PACE প্রোগ্রাম, দা, এম.এস. শশি কুমারনা DSIRগী সেক্রেতরী অমসুং CSIRদগী দাইরেক্তর জেনরেল, দা. এন. কলাসিএলভি অমসুং থৌরম অসিদা শরুক য়াখিবা পুম্নমক্তা মফমদা থাগৎ ৱাহৈশিং ফোংদোকখিবগা লোয়ননা থৌরম অসি লোইশিনখি।

M/s. দেভাশিশ পোলিমর্স প্রাইবেৎ লিমিতেদ (DPPL), মুম্বাইগা লোয়ননা MoU খুৎয়েক পীনবা

 

M/s. GPS রিন্যুএবল প্রাইবেৎ লিমিতেদ, বেঙ্গলোর, অমসুং আগরকর রিসর্চ ইন্সতিত্যুত (ARI), পুনেগা লোয়ননা MoU খুৎয়েক পীনবা

***

(Release ID: 2075530) Visitor Counter : 8