'اتکل کیشری' ڈاکٹر ہری کرشنا مہتاب کے 125ویں یوم پیدائش کی تقریب کا افتتاح کل صبح 11.30 بجے وگیان بھون میں ہوگا۔ ہندوستان کی صدر محترمہ دروپدی مرمو اس موقع پر مہمان خصوصی ہوں گی۔ وزیر تعلیم جناب دھرمیندر پردھان، ثقافت اور سیاحت کے وزیر جناب گجیندر سنگھ شیخاوت، اور اڈیشہ کے وزیر اعلیٰ جناب موہن چرن ماجھی بھی اس تقریب کے دوران موجود ہوں گے۔

کٹک سے ممبر پارلیمنٹ اور ڈاکٹر ہریو کرشنا مہتاب کے  صاحبزادے  جناب بھرتری ہری مہتاب بھی اڈیشہ میں  شیر کے اثرات اور وراثت کے اعزاز کے پروگرام کا حصہ ہوں گے۔

ڈاکٹر ہری کرشنا مہتاب کے اعزاز میں تقریب میں ایک خصوصی یادگاری ڈاک ٹکٹ اور سکے کا اجراء ہوگا۔ ثقافت کی وزارت کے تحت ایک خود مختار تنظیم ساہتیہ اکادمی نے کل کے پروگرام کے دوران ریلیز کے لیے اوڈیہ میں ایک مونوگراف، گان مجلس کا انگریزی ترجمہ اور گاؤں مجلس کا ہندی ترجمہ تیار کیا ہے۔

مزید برآں، وزارت ثقافت کی جانب سے ان کی زندگی اور میراث پر مبنی ایک نمائش بھی لگائی گئی ہے۔ اس نمائش میں اوڈیہ کے فنکاروں کے کاموں کو بھی دکھایا جائے گا جو گزشتہ کچھ دنوں سے دہلی میں ہیں، جو وزارت ثقافت کے تحت ایک خود مختار تنظیم للت کلا اکادمی کے زیر اہتمام نیشنل پینٹنگ کیمپ میں حصہ لے رہے ہیں۔

اس تقریب میں محترمہ سشمیتا داس ایک میوزیکل پروگرام کے ذریعے اوڈیشہ کی بھرپور تاریخ اور ثقافت کو خراج تحسین پیش کریں گی۔

ڈاکٹر ہری کرشنا مہتاب، جسے "اتکل کیشری" کے نام سے بھی جانا جاتا ہے، 21 نومبر 1899 کو اڈیشہ کے  اگرپارہ میں پیدا ہوئے۔ وہ ہندوستانی تاریخ کے ایک ہمہ جہتی رہنما تھے، جنہیں ایک  مجاہد آزادی ، سیاست دان، مورخ، مصنف، سماجی مصلح اور صحافی کے طور پر جانا جاتا ہے۔ وہ سوامی وویکانند، رام کرشن پرمہنس اور مہاتما گاندھی جیسی شخصیات سے بہت زیادہ  متاثر تھے۔ ان کے سیاسی کریئر کا آغاز کالج کے زمانے میں ہوا جب انہوں نے تحریک آزادی میں شمولیت اختیار کی، تحریک عدم تعاون، نمک ستیہ گرہ وغیرہ جیسی  تحریکوں میں بڑھ چڑھ کر حصہ لیا۔ انہیں اپنی سرگرمی کے لیے برطانوی دور حکومت میں متعدد بار گرفتار کیا گیا اور اڈیشہ کے یونین میں انضمام میں اہم کردار ادا کیا۔

ڈاکٹر ہری کرشنا مہتاب ریاست کے آخری وزیر اعظم تھے۔ بعد میں آزاد ہندوستان میں چیف منسٹر کے طور پر انہوں نے اوڈیشہ کی صنعت کاری پر توجہ مرکوز کی اور ریاست کی اقتصادی ترقی کی وکالت کی۔ ڈاکٹر ہری کرشنا مہتاب ایک اہم ادبی شخصیت بھی  تھے، جنہوں نے اوڈیہ اور انگریزی دونوں زبانوں میں بڑے پیمانے پر لکھا اور اپنے کام کے لیے تعریفیں و ستائش  حاصل کیں،  جس میں تاریخی اکاؤنٹ 'ہسٹری آف اڑیسہ' اور 1983 میں 'گاؤں مجلس' کے لیے ساہتیہ اکادمی ایوارڈ جیتا تھا۔ انہوں نے تجارت اور صنعت کے مرکزی وزیر کے طور پر بھی خدمات انجام دیں اور 1962 میں بلامقابلہ لوک سبھا کے لیے منتخب ہوئے۔

ڈاکٹر ہری کرشنا مہتاب کو ان کے مضبوط  قوت ارادی ، عزم اور اثر و رسوخ کے لیے یاد کیا جاتا ہے، جنہوں  نے ریاست کے صف اول کے رہنماؤں میں سے ایک کے طور پر  شناخت حاصل کی۔

*****

ش ح۔ ظ ا

UR- No.2708