وزیر دفاع جناب راج ناتھ سنگھ نے 20 نومبر 2024 کو 11ویں آسیان وزرائے دفاع کی میٹنگ کے موقع پر چین کے وزیر دفاع ایڈمرل ڈونگ جون سے وینٹیانے، لاؤ پی ڈی آر میں ملاقات کی۔ دونوں ممالک کی افواج کو سرحدوں سے پیچھے لے جانے کےحالیہ معاہدوں اور برکس سربراہی اجلاس کے موقع پر وزیر اعظم نریندر مودی اور چینی صدر شی جن پنگ کی ملاقات کے بعد  دونوں وزرائے دفاع کی یہ پہلی ملاقات تھی۔

 

 

وزیر دفاع نے اس حقیقت کو اجاگر کیا کہ دنیا کے دو سب سے بڑے ممالک بھارت اور چین کے درمیان خوشگوار تعلقات کے عالمی امن اور خوشحالی کے لیے مثبت اثرات مرتب ہوں گے۔ اس بات پر غور کرتے ہوئے کہ دونوں ممالک پڑوسی ہیں اور رہیں گے، انہوں نے کہا کہ ’ہمیں تنازعات کی بجائے تعاون پر توجہ دینے کی ضرورت ہے‘۔

 

جناب راج ناتھ سنگھ نے 2020 کی بدقسمت سرحدی جھڑپوں سے سیکھے گئے اسباق پر غور کرنے، ایسے واقعات کی تکرار کو روکنے کے لیے اقدامات کرنے اور بھارت-چین سرحد پر امن و سکون کی حفاظت کرنے پر زور دیا۔ انہوں نے کشیدگی میں کمی کے ذریعے دونوں فریقوں کے درمیان زیادہ اعتماد اور اعتماد سازی پر زور دیا ۔ دونوں فریقوں نے باہمی اعتماد اور افہام و تفہیم کی تعمیر نو کے لیے ایک روڈ میپ کے لیے مل کر کام کرنے پر اتفاق کیا۔

 

اس سے پہلے دن میں، وزیر دفاع  تین روزہ دورے پر وینٹیانے پہنچیے۔ وہ 21 نومبر 2024 کو 11ویں اے ڈی ایم ایم پلس میں شرکت کریں گے اور علاقائی اور بین الاقوامی سلامتی کے مسائل پر فورم سے خطاب کریں گے۔

***

(ش ح۔اص)

 

UR No 2707

 

(Release ID: 2075212) Visitor Counter : 25