ناگپور کے کیمپٹی میں واقع ڈریگن پیلس ٹیمپل نے 15 نومبر 2024 کو ایک  شاندار اور پروقار  تقریب میں اپنی 25 ویں سالگرہ منائی۔ جاپان کی اوگاوا سوسائٹی جس نے کیمپٹی میں خوبصورت  مٹھ کمپلیکس کی تعمیر میں تعاون کیا ہے اس کی نمائندگی جاپان کے تقریباً 50 راہبوں نے کی۔ تقریب کا آغاز 15 نومبر کی صبح جاپانی راہبوں کے ایک گروپ کے جشن مارچ کے ساتھ ہوا جو جاپانی زبان میں  منتر   وغیرہ پڑھنے  کے ساتھ ساتھ شنکھ اور ڈھول بجاتے ہوئے دور سے  مٹھ میں داخل ہوئے۔ مرکزی  مٹھ میں خصوصی  پرارتھنا کی  قیادت  وین نیچیو (کان سین) موچیدا اور جاپان کے قابل احترام بھکشوؤں نے کیا۔ مہاپاؤسیکا راہبہ محترمہ نوریکو اوگاوا کی صاحبزادی اور ٹیچر تکاکوتناکا بھی اس تقریب میں شرکت کی۔ میڈم نوریکو اوگاوا نے ڈریگن پیلس مندر کمپلیکس کے قیام میں تقریب کی میزبان اور ڈریگن پیلس مندر کمپلیکس کی مالکہ محترمہ سلیکھتائی کمبھارے کی مدد کرنے میں اہم کردار ادا کیا ہے۔ انٹرنیشنل بدھسٹ کنفیڈریشن(آئی بی سی ) نے اس تقریب کے انعقاد میں ڈریگن پیلس ٹیمپل کے ساتھ اشتراک کیا۔ آئی بی سی کی جانب سے متعدد بین الاقوامی راہبوں اور ہندوستان کے مختلف حصوں سے آنے والوں نے اس تقریب میں شرکت کی۔ کیمپٹی اور ناگپور کے دیگر حصوں سے تقریباً 5000 لوگوں نے اس تقریب میں شرکت کی۔

ثقافت اور سیاحت کے مرکزی وزیر جناب گجیندر سنگھ شیخاوت اور پارلیمانی اور اقلیتی امور کے مرکزی وزیر جناب کرن رجیجو نے اس تقریب میں شرکت کی اور اس موقع پر خطاب کیا۔ جناب گجیندر سنگھ شیخاوت نے کہا کہ ڈریگن پیلس مندر اس خطے کے لوگوں اور ہمارے جاپانی دوستوں کی بدھ دھام کے جوہر اور مطابقت کے تئیں عزم اور لگن کی علامت ہے۔  جناب شیخاوت پر امید  ہیں کہ یہ  رشتہ ہندوستان اور جاپان میں بدھ مت کے ڈومینز کے درمیان مستقبل میں تعاون کی بنیاد بنے گا ۔ وزیر موصوف نے ان بات چیت اور مذاکرات کی حوصلہ افزائی کے لیے محترمہ سلیکھتائی کی کوششوں کی تعریف و توصیف  کی۔ ثقافت کے وزیر کی حیثیت سے انہوں نے مہاراشٹر میں متعدد بدھ مقامات کو فروغ و ترقی دینے کے اپنے عہد کا بھی اعادہ کیا،  جس میں  ڈریگن پیلس مندر جو اس طرح کے بڑے قومی سرکٹس کا حصہ بنے گا جس کا تصور کیا جا رہا ہے۔

اس موقع پر مرکزی وزیر جناب کرن رجیجو نے کہا کہ مہاراشٹر میں مہاتما بدھ کے پیغام کو پھیلانے میں بابا صاحب امبیڈکر کا کردار زبردست رہا ہے۔ سماجی اور سیاسی بیانیہ کے بارے میں ان  کی گہری سمجھ نے اسے شروع کرنے کے قابل بنایا جسے ہندوستان میں دوسرا بڑا دھم واقعہ بھی قرار دیا جاتا ہے۔ مرکزی  وزیر  جناب کرن رجیجو نے یہ بھی کہا کہ باباصاحب  بھیم راؤامبیڈکر کی خدمات عام طور پر سماج اور بنی نوع انسان کے تئیں بہت زیادہ ہیں اور یہ اس حقیقت کی وجہ سے ہے کہ ان کے بعض نظریات نہ صرف برقرار ہیں بلکہ وقت گزرنے کے نتیجے میں نئی ​​اہمیت حاصل کرتے دکھائی دیتے ہیں۔مذہب کو ایک نیا اور جدید اصولی ڈھانچہ فراہم کرنے کی ضرورت کے بارے میں ان کا پیغام جوآزادی، برابری اور بھائی چارہ کے مطابق ہوگا ، اختصار میں جمہوریت کے ساتھ صرف ایک مثال ہے۔ "اس کی وجہ سے زندگی کی ترجیحایت میں مجموعی تبدیلی آئی ہے۔"

خیال رہے 16 اور 17 نومبر2024 کو ڈریگن پیلس ٹیمپل میں منترواچارلگانے کی تقریب جاری رہے گی جس کے دوران ثقافتی پروگرام بھی منعقد کیے جائیں گے۔

 

 

*****

ش ح۔ ظ ا

UR No.2600

 

(Release ID: 2074409) Visitor Counter : 25