آج نیٹ ورک پلاننگ گروپ (این پی جی) کا 83واں اجلاس، جو کہ محکمہ برائے فروغ صنعت و داخلی تجارت (ڈی پی آئی آئی ٹی) کے ایڈیشنل سیکریٹری، جناب راجیو سنگھ ٹھاکر کی صدارت میں منعقد ہوا، میں بھارت بھر میں اہم بنیادی ڈھانچے کے منصوبوں کا جائزہ لیا گیا۔ منصوبہ بندی میں شامل افراد، بھاسکر آچاریہ نیشنل انسٹی ٹیوٹ فار اسپیس ایپلیکیشنز اینڈ جیو انفارمیٹکس (بی آئی ایس اے جی-این)، اور متعلقہ ریاستوں کے نوڈل افسران نے شرکت کی، اور وزیر اعظم گتی شکتی نیشنل ماسٹر پلان (پی ایم جی ایس این ایم پی) کے تحت کثیر الجہتی رابطہ کاری اور لاجسٹکس کی کارکردگی بڑھانے پر توجہ مرکوز کی۔

 

این پی جی نے وزیر اعظم گتی شکتی کے اصولوں کی بنیاد پر آٹھ منصوبوں کا جائزہ لیا: کثیر الجہتی بنیادی ڈھانچے کی مربوط ترقی، اقتصادی اور سماجی مراکز تک آخری میل کی رابطہ کاری، بین الریاستی رابطہ، اور ہم آہنگ منصوبہ بندی کا نفاذ۔ ان منصوبوں سے قومی ترقی میں اہم کردار ادا کرنے کی توقع ہے، جو لاجسٹکس کی کارکردگی کو بہتر بنائیں گے، سفر کے اوقات کو کم کریں گے، اور ان علاقوں کو نمایاں سماجی و اقتصادی فوائد فراہم کریں گے۔

منصوبوں کی تکمیل پر، ان سے توقع ہے کہ وہ بھارت کے بنیادی ڈھانچے کے منظرنامے میں اہم کردار ادا کریں گے، اور ہموار رابطہ کاری کے فوائد ملک کے ہر خطے تک پہنچائیں گے۔ ان منصوبوں کے ذریعے کثیر الجہتی نقل و حمل کے نظام کو مضبوط کرنے اور بنیادی ڈھانچے کی اہم کمیوں کو دور کرنے سے حکومت کے مربوط اور پائیدار ترقی کے وژن کو عملی جامہ پہنایا جائے گا۔ منصوبوں کی جانچ اور ان کے متوقع اثرات کی تفصیل درج ذیل ہے:

 الف: وزارت ریلوے (ایم او آر) کے منصوبے

1۔وردھا - بالھار شاہ چوتھی لائن 

یہ 134.52 کلومیٹر براؤن فیلڈ منصوبہ دہلی-چنئی ہائی ڈینسٹی کوریڈور پر وردھا اور چندرپور اضلاع (مہاراشٹر) کے راستے سے گزرنے والے اہم رش کو دور کرنے کے لیے ہے۔ یہ علاقہ چندرپور سپر تھرمل پاور اسٹیشن، بالارپور پیپر ملز جیسے اہم صنعتی مراکز کا گھر ہے، اور چندرپور میں ویسٹرن کول فیلڈز لمیٹڈ (ڈبلیو سی ایل) کے کوئلے کے علاقوں کی خدمت کرتا ہے۔

زیر تعمیر تیسری لائن کے متوازی مجوزہ چوتھی لائن کوئلے، اسٹیل، اور سیمنٹ کی صنعتوں کی بغیر رکاوٹ مال برداری کے لیے 152 فیصد سے زیادہ لائن کے استعمال کو کم کرنے میں مدد دے گی۔ ناگپور اور مشرقی اور مغربی ساحلوں پر بندرگاہوں کے ساتھ بہتر رابطہ کاری سپلائی چین کو مضبوط کرے گی اور ودربھ علاقے کی اقتصادی ترقی میں حصہ ڈالے گی۔

2۔ایتارسی - ناگپور چوگنی 

یہ براؤن فیلڈ منصوبہ ایتارسی-ناگپور کوریڈور کے ساتھ چوتھی ریلوے لائن کی تعمیر پر مشتمل ہے، جو 297.05 کلومیٹر کا ایک اہم حصہ ہے اور ہائی ڈینسٹی نیٹ ورک روٹ کا حصہ ہے۔ یہ نرمدا پورم، بیتول، اور ناگپور اضلاع کو جوڑتا ہے اور ناگپور میں ملٹی ماڈل انٹرنیشنل پیسنجر اینڈ کارگو ہب ایئرپورٹ (ایم آئی ایچ اے این)، سرنی اور کوراڈی کے پاور پلانٹس، اور پیتھامپور میں ابھرتے ہوئے کلسٹرز کی خدمت کے لیے متوقع ہے۔

موجودہ لائنوں کی بھیڑ اور بڑھتی ہوئی مال برداری کی ضروریات کے ساتھ، منصوبہ، جیسا کہ جائزہ لیا گیا، بھیڑ کو دور کرنے، سفر کے اوقات کو کم کرنے، اور لاجسٹکس کی کارکردگی کو بہتر بنانے میں مدد دے گا۔ سرنگوں، جنگلی حیات کے گزرگاہوں، اور بہتر رابطہ کاری کی خصوصیات کے ساتھ، اس سے وزیر اعظم گتی شکتی کے ساتھ ہم آہنگی پیدا ہوگی اور علاقائی اقتصادی ترقی میں حصہ ڈالے گا۔

3۔گوندیا - بالھار شاہ ڈبلنگ 

تقریباً 240 کلومیٹر پر محیط یہ ڈبلنگ منصوبہ گوندیا، بھنڈارا، گڈچیروالی، اور چندرپور اضلاع سے گزرتا ہے، اور اہم صنعتی علاقوں کی مال برداری کو سپورٹ کرنے کی امید ہے۔ یہ راستہ کیلزار میں اہم آئرن اور کی کانوں اور چندرپور کے کوئلہ کے میدانوں کو جوڑتا ہے، جس سے جنوبی سینٹرل اور ساؤتھ ایسٹرن ریلوے زونز میں صنعتوں کے لیے مال برداری کو ہموار کرنے میں مدد ملے گی۔ یہ کوراڈی جیسے پاور پلانٹس اور ناگپور کے ایم آئی ایچ اے این (ملٹی ماڈل انٹرنیشنل پیسنجر اینڈ کارگو ہب ایئرپورٹ) خصوصی اقتصادی زون میں صنعتوں کو بھی فائدہ پہنچائے گا۔

یہ منصوبہ موجودہ لائن پر 125 فیصد سے زیادہ مال برداری کی بھیڑ کو کم کرنے کی توقع رکھتا ہے، اور شمال-جنوب مال برداری ٹریفک کے لیے ایک متبادل اور مختصر راستہ فراہم کرے گا۔ لاجسٹکس کی کارکردگی کو بڑھا کر، یہ صنعتی کلسٹرز اور اہم بندرگاہوں کے درمیان روابط کو مضبوط کرے گا، علاقائی اور قومی اقتصادی انضمام کی حمایت کرے گا۔

4۔علیواری - نیو جلپائی گوڑی چوگنی 

یہ 56.60 کلومیٹر چوگنی منصوبہ شمالی بنگال اور بہار میں ریل رابطہ بڑھانے کے لیے ہے، جو نیو جلپائی گوڑی اور علیواری روڈ کو جوڑتا ہے۔ یہ راہداری مسافروں اور مال برداری کی نقل و حمل کی حمایت کے لیے اہم ہے، خاص طور پر زرعی پیداوار، سیمنٹ، اور صنعتی سامان کی ترسیل کے لیے۔ اس منصوبے میں 8 بڑے اور 91 چھوٹے پل جیسے مضبوط ڈھانچے شامل ہیں، جو چیلنجنگ زمین میں مؤثر اور قابل اعتماد آپریشنز کے لیے ڈیزائن کیے گئے ہیں۔

نیپال، بھوٹان، اور بنگلہ دیش جیسے پڑوسی ممالک کے لیے ایک گیٹ وے کے طور پر، اس منصوبے سے سفر کے وقت کو کم کرنے، علاقائی تجارت کو فروغ دینے، اور اقتصادی انضمام کو فروغ دینے کی امید ہے۔ بڑھتی ہوئی نقل و حمل کی مانگ کو پورا کرتے ہوئے، یہ شمال مشرقی علاقے کی سماجی و اقتصادی ترقی کی حمایت کرے گا اور پی ایم گتی شکتی فریم ورک کے تحت کثیر الجہتی رابطہ کاری کو بہتر بنائے گا۔

5۔بلاری - چکججور ڈبلنگ 

یہ 185 کلومیٹر ڈبلنگ منصوبہ بلاری، چترادرگا، اور اننت پور اضلاع کو جوڑنے کے لیے ہے، اور آئرن اور، کوئلہ، سیمنٹ، اور اناج کی ترسیل کو سہولت فراہم کرنے کی امید ہے۔ یہ منصوبہ صنعتی مراکز جیسے جندال اسٹیل، جو اپنی پیداوار کو 24 ملین ٹن سالانہ تک بڑھانے کی منصوبہ بندی کر رہا ہے، کی حمایت کرے گا، جبکہ جنوبی بندرگاہوں سے منسلک مال برداری کی ضروریات کو پورا کرے گا۔ اس منصوبے سے لائن کی بھیڑ کو کم کرنے، مال برداری کی کارکردگی کو بہتر بنانے، اور ریل کی گنجائش میں اضافہ کرنے کی توقع ہے۔

قومی بنیادی ڈھانچے کے ساتھ دور دراز علاقوں کو جوڑ کر، یہ منصوبہ سماجی و اقتصادی ترقی کو فروغ دے گا اور کرناٹک اور آندھرا پردیش میں سرمایہ کاری کو متوجہ کرے گا۔ اس سے تعمیر اور آپریشن کے دوران روزگار کے مواقع پیدا ہوں گے، صنعتوں کے لیے نقل و حمل کے اخراجات کم ہوں گے، اور بھارت کے کثیر الجہتی لاجسٹکس نیٹ ورک میں انضمام کو مضبوط کیا جائے گا۔

6۔ہوسور - اومالور ڈبلنگ 

یہ 147 کلومیٹر ریل لائن ڈبلنگ منصوبہ تمل ناڈو میں ہوسور کے زرعی و صنعتی علاقے کو سیلم کے تجارتی مرکز سے جوڑنے کے لیے ہے۔ یہ راستہ سیمنٹ مینوفیکچرنگ، زرعی پراسیسنگ، اور آٹوموبائل لاجسٹکس جیسے اہم شعبوں کو سپورٹ کرنے کی توقع ہے، جبکہ بنگلور کی الیکٹرانکس اور آئی ٹی راہداری سے مضبوط رابطہ برقرار رکھے گا۔

کثیر الجہتی رابطہ کاری کو بڑھا کر، یہ منصوبہ صنعتی مراکز جیسے سیلم اسٹیل پلانٹ، ٹی این پی ایل (تمل ناڈو نیوز پرنٹس اینڈ پیپرز لمیٹڈ)، اور آس پاس کے خصوصی اقتصادی زونز کو بنگلور اور سیلم کے ہوائی اڈوں سے جوڑے گا۔ اس سے گنجائش کی پابندیوں کو حل کرنے، مال برداری کی کارکردگی کو بہتر بنانے، سیاحت کی حمایت کرنے، اور وسیع تر علاقائی اقتصادی انضمام کو فروغ دینے کی امید ہے۔

7۔سکندرآباد - واڈی چوگنی 

ایک سو تہتر اعشاریہ ایک آٹھ (173.18) کلومیٹر پر محیط یہ منصوبہ سکندرآباد اور واڈی کے درمیان 3ری اور 4ری لائنوں کی تعمیر کے لیے ہے، جو جنوبی مرکزی بھارت میں ایک اہم مال بردار اور مسافر راہداری ہے۔ یہ صنعتی مراکز جیسے تانڈور (سیمنٹ)، سیڈم، اور ناگولاپلی (اسٹیل) کی خدمت کرے گا، اور کوئلہ، سیمنٹ، اور اناج کی نقل و حمل کو آسان بنائے گا۔ موجودہ استعمال 114 فیصد سے زیادہ ہونے کے ساتھ، اس منصوبے سے بھیڑ کو کم کرنے، اعتماد کو بڑھانے، اور صنعتوں کے لیے مال برداری کی ترقی کی حمایت کی توقع ہے۔

اہم بندرگاہوں اور شہری مراکز سے رابطہ بہتر بنا کر، اس چوگنی منصوبے سے سفر میں تاخیر کو کم کرنے اور مستقبل کی ٹریفک کی ضروریات کو پورا کرنے کی امید ہے۔ موجودہ بنیادی ڈھانچے پر دباؤ کم کر کے، یہ منصوبہ پی ایم گتی شکتی کے اصولوں کے مطابق ہوگا، اور ممکنہ طور پر علاقائی اقتصادی ترقی، مسافروں کی سہولت، اور سماجی و اقتصادی ترقی کو فروغ دے گا۔

 ب: وزارت روڈ ٹرانسپورٹ اور ہائی ویز (ایم او آر ٹی ایچ) کے منصوبے

امپھال - کاکچنگ - لمکھائی روڈ این ایچ-137اے 

یہ 44.517 کلومیٹر سڑک کی بہتری کا منصوبہ امپھال، ریاستی دارالحکومت، کو کاکچنگ سے جوڑنے کے لیے ہے، جو ایک ابھرتا ہوا زرعی اور تجارتی مرکز ہے۔ یہ منصوبہ حکمت عملی کے لحاظ سے منی پور کے انڈو-میانمار راہداری میں واقع ہے، اور مورے سرحدی تجارتی نقطہ تک رسائی کو بہتر بنانے اور ایشیائی ہائی وے نیٹ ورک کے ساتھ انضمام کی امید ہے۔

اپ گریڈ کی گئی این ایچ-137اے سے سفر کے وقت کو کم کرنے، زرعی پیداوار کی نقل و حرکت کو آسان بنانے، اور لوکتک جھیل جیسے اہم سیاحتی مقامات تک رابطہ بہتر کرنے کی توقع ہے۔ سماجی و اقتصادی روابط کو مضبوط بنا کر، یہ منصوبہ چھوٹے پیمانے کی صنعتوں کو فروغ دے گا، تجارت کو آسان بنائے گا، اور سرحد پار تجارت کے مواقع پیدا کرے گا۔

*********

 (ش ح۔اس ک۔)

U:2597

 

(Release ID: 2074363) Visitor Counter : 25