ওস্ত্রেলিয়াগী হাই কমিস্নর, স্রী ফিলিপ গ্রীননা ঙরাং নই দিল্লীগী কৃষী ভাৱনদা লৌউ-শিংউ অমসুং লৌমীশিংগী য়াইফ-থৌরাংগী দিপার্তমেন্তকী সেক্রেতরী, দা. দেভেশ চতুর্বেদিগা উনখি। মীফম অদুনা ভারত অমসুং ওস্ত্রেলিয়াগী মরক্তা লৈরিবা লৈবাক অনিগী ওইবা মরি অদুবু হেন্না চেৎশিনহন্নবা অমসুং লৌউ-শিংউ অমসুং মসিগা মরি লৈনবা সেক্তরশিংদা খুৎশম্ননা থবক তৌমিন্ননবগী অনৌবা খুদোংচাবশিং বেংশিন্নবা মরু ওইবা প্লেতফোর্ম অমা পীরি।

মীফম অদুদা, দা. চতু্র্বেদিনা ভারত অমসুং ওস্ত্রেলিয়াগী মরক্তা মতম কুইনদগী লৈরকপা অমসুং হিরম কয়া অমদা থম্লিবা পার্তনরশিপ অদুগী মরু ওইবা অদুগী মতাংদা পনখি। মহাক্না লৌউ-শিংউদা হৌজিক হৌজিক ভারতনা থম্লিবা মরু ওইবা অদুগী মতাংদা পনখি অমসুং মহাক্না য়াম্না মরু ওইনা হায়খি মদুদি সরকার অসিনা ফুদ সেক্যুরিতী লৈহন্নবা অচেৎপা ফিরেপ লৌবদা নত্তনা লৌমীশিংগী ইনকম হেনগৎহন্নবা অমসুং লৈবাক অসিগী য়াম্লবা মীশিং অসিগী মচি লৈবা চিঞ্জাক ফংহন্নবা ফিরেপ লৌরি। দা. চতুর্বেদিনা মরু ওইবা অনৌবা থৌরাংশিং খুদম ওইনা ক্রোপ দাইভর্সিফিকেশন, এক্সপোর্তশিং প্রোমোত তৌবা, থাও শুংনবা মরু-মরাংশিং অমসুং হৱাই-চেংৱাইশিংদা ইশাগী ওক্নবা পুথোকচবা অমসুং ভারতকী এগ্রিকলচরেল স্ত্রেতেজীগী মরু ওইবা শরুক অমা ওইনা ফার্মর প্রোদ্যুসর ওর্গনাইজেশনশিং (FPOশিং)বু হেন্না মপাঙ্গল লৈহনবা হায়বনচিংবশিং অসিগি মতাংদা পনখি। মহাক্না সেক্তর অসিবু মোদর্নাইজ তৌবদা খুদম ওইনা প্রেসিজন এগ্রিকলচর, দিজিতেল এগ্রিকলচর মিসন য়াওনা তেক্নোলোজিকেল এদভান্সমেন্তশিং অমসুং অপিকপা ফার্মশিংগী মেকানাইজেশনগী মরু ওইবা অদুগী মতাংদা য়াম্না লুনা পনখি। মসিগী মথক্তা, মহাক্না ইন্নোভেশন লৈহনবদা অমসুং লৌউ-শিংউদা অওনবা অমা পুরকপদা স্তার্তঅপশিংনা লৌরিবা থৌদাংশিং অদুবু মশক খঙবীখি।

শ্রী গ্রীননশু ওস্ত্রেলিয়াগী খ্বাইদগী হেন্না মরু ওইবশিংগী মনুংদা লৌউ-শিংউগী মরু ওইবা অমসুং লৈবাক অনি অসিগী মরক্তা খুৎশম্নদুনা থবক তৌমিন্নবা হেনগৎহন্নবগী পোতেন্সিয়েলগী মতাংদা পনখি। মহাক্না সগ্রিতেক সেক্তরদা খুদোংচাবশিং য়েংমিন্নবগী অৱম্বা ফোংদোরকখি অমসুং মসিগী পান্দমশিং অসিবু হেন্না খুমাং চাউশিহন্নবা লাল্লোল-ইতিক্কী থম্লিবা মরি অসিবু হেন্না চেৎশিহনবগী মরু ওইবা অদুগী মতাংদা য়াম্না মরু ওইনা পনখি। শ্রী গ্রীননা ত্রেদ অমসুং কোওপরেশনগীদমক্তা অনৌবা খুদোংচাবশিং থিদোক্নবা অমসুং লৈহন্নবা মখাতানা থবক তৌমিন্নবগী তঙাইফদবা অদুগী মতাংদা য়াম্না মরু ওইনা পনখি।

নাকল অনিমক্না এগ্রি-তেক, ওর্তিকলচর, দিজিতেল এগ্রিকলচর অমসুং এগ্রিকলচরেল মেছিনরী বাওনা হিরম কয়া অমদা অমুক্কশু হেন্না খুৎশম্নদুনা থবক তৌমিন্নবগী মরু ওইবা অদুগী মতাংদা য়ানখি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়দগী সেনিয়র ওফিসিয়েলশিং, ICARদগী মীহুৎশিং অমসুং এক্সতর্নেল এফিয়র্স মন্ত্রালয়গী জোইন্ত সেক্রেতরীশু খন্ন-নৈনবা অদুদা শরুক য়াদুনা, য়াম্না মমল য়াম্লবা ৱাখল-লৌশিং কয়া পীখি অমসুং খন্ন-নৈনবা অদুবু হেন্না মগুন লৈহনখি।

***