নেস্নেল মিসন ফোর ক্লীন গঙ্গা (NMCG)গী 58শুবা একজিক্যুতিব কমিতী মীফমনা মরু ওইবা প্রোজকে্ত কয়া অমা অয়াবা পীখ্রে। মীফম অদু নেস্লেল মিসন ফোর ক্লীন গঙ্গাগী দাইরেক্তর-জেনরেল, শ্রী রাজীব কুমার মিত্তলনা ময়াই তাংবল লৌখি। মসিগী প্রোজেক্তশিং অসিনা গঙ্গা তুরেল অমসুং মসিদা লৈরিবা ঈশিংগী জিবশিংগী কঞ্জার্ভেশনগী মাইকৈদা মরু ওইবা খোংথাং কয়া অমা লৌখৎনবগী পান্দম থম্লি।

একজিক্যুতিব কমিতীনা চাম্বল, সোন, দামোদর অমসুং তোনস তুরেলগী মহৌশাদগী লৈরক্লবা অকোইবগী ফিভমগী লৈরিবা ঈচেল অদুবু য়েংশিন্নবগীদমক্তা মরু ওইবা প্রোজেক্ত অমা অয়াবা পীখ্রে। লুপা করোর 11গী চাউরাকপা বজেত অমগা লোইননা মসিগী প্রোজেক্ত অসিগী পান্দম অসি তুরেলশিং অসিগী মহৌশাদগী লৈরক্লবা অকোইবগী ফিভমগী লৈরিবা ঈচেল অদুবু য়েংশিনবা খক্তা নত্তনা ফ্লো সিস্তেমশিংগী সাইন্তিফিক ইভাল্যুৱেশন তৌবা য়াবা হাইদ্রোলোজিকেল অমসুং হাইদ্রোদাইনামিক মোদেলশিং শেম্নবশুনি। মসিদা হৌজিক হৌজিক লৈরিবা ঈশিংগী ঈচেলশিং অমসুং মহৌশাদগী লৈরক্লবা ফ্লো পেতর্নশিং নৈনগনি, মসিনা ঈশিংগী ক্বান্তিতী অমসুং ক্বালিতী হেনগৎহনবদা নত্তনা মসিগী রিভর সিস্তেমশিং অসিদা বায়োদাইভর্সিতীবুশু নৈনরগনি, মসিনা মখোয়গী ইকোসসিস্তেমশিং অসিগী খল কাইদনা অমসুং মহৌশাগুম নিংথিনা থম্বা ঙমগনি।  

গঙ্গা রিভর দোলফিনগী কঞ্জার্ভেশনগীদমক্তা য়াম্না চাউবা প্রোজেক্ত অমা অয়াবা পীখ্রে। ‘এদভান্সিং রেসক্যু সিস্তেম ফোর দ প্রোতেক্সন ওফ স্ত্রান্দেদ গেঞ্জেজ রিভর দোলফিন’ হায়না মিংথোনবা প্রোজেক্ত অসিগী চাউরাকপা বজেত লুপা করোর 1 থম্মি। মসিনা খুদোংথিবা নংলবা দোলফিনশিংবু মতেং পাংনবা, অখন্নবা রেসক্যু ভেহিকল, ‘দোলফিন এম্বুলেন্স’ অমা দেবেলপ তৌনবগী পান্দম থম্লি। মসিগী মথক্তা, প্রোজেক্ত অসিনা ত্রেনিংগী খুত্থাংদা দোলফিন কঞ্জার্ভেশন অমসুং  কম্যুনিতী কেপাসিতী বিল্দিংগীদমক্তা এৱেয়রনেস লৈহনবদা অখন্নবা মিৎয়েং থমগনি।

উত্তর প্রদেশকী গঙ্গা বেসিনদা এন্দেঞ্জর্দ তর্তলশিংগী কঞ্জার্ভেশনগীদমক্তা য়াম্না ইন্নোভেতিব ওইবা অমসুং য়াম্না মরু ওইবা প্রোজেক্ত অমা অয়াবা পীখ্রে। মসিগি অণৌবা থৌরাং অসিগী পান্দমদি এন্দেঞ্জর্দ ওইরবা তর্তল স্পিসীসপি রিহেবিলিতেত তৌবদা নত্তনা য়াম্না শাধিনা খুদোংথিনিংঙাই ওইবা ফিভমদা লৈরবা সপিসীস অহুম অমশু অমুক হন্না ইন্ত্রোদ্যুস তৌবা, লোইন-লোইননা নেস্নেল চাম্বল সাঙ্কচুৱারিদা স্পেসিয়েল মোনিতরিং  অমসুং রিপোইর্তিং তুল অমা থম্বশুনি। মসিগী প্রোজেক্ত অসি চাউরাকপা লুপা লাখ 78.09 চংগনি।

কোলকাতাগী কেওরাপুকুরদা 50 MLD STP (মিলিয়ন লিতর পর দে সেপতেজ ত্রীৎমেন্ত প্লান্ত)গী রিহেবিলিতেশন তৌনবগী হান্না লুপা করোর 67.06 ওইরম্বদগী নৌনা রিভাইজ তৌরবা লুপা করোর 114.27গী বজেতকা লোইননা অয়াবা পীখ্রে। মসিগী মরু ওইবা প্রোজক্ত অসি কোলকাতাদা ঈশিং শেংদোকপগী থৌওংশিংবু হেন্না ফগৎহন্নবগী মাইকৈদা য়াম্না অচৌবা খোংথাং অমনি অমসুং মসিনা এনভাইরনমেন্তকী স্তেন্দার্দশিং য়াম্না হকচিন্না ঙাক্না চৎহল্লগনি। প্রোজেক্ত অসিদা চহি 15  থবক তৌনবগী অমসুং মেন্তেনেন্সকী প্রোভিজনশিং য়াওরি, মসিনা তুং-কোইনা মাইপাক্না থবক তৌবা ঙমহল্লগনি।

ৱেস্ত বেঙ্গলগী বার্ধমানদা, ইন্তিগ্রেতেদ সেপতেজ ত্রীৎমেন্ত প্লান্ত প্রোজেক্তকী রিভাইজ তৌদুনা অয়াবা পীখিবগা লোইননা য়াম্না মরু ওইবা খোংথাং অমা লৌখৎখ্রে। মসিগী প্রোজেক্ত অসি হৌজিক্তি হান্ন সেঙ্কশন তৌরম্বা লুপা করোর 6.46গী বজেত অদুদগী নৌনা রিভাইজ তৌদুনা লুপা করোর 10.35 সেঙ্কশন তৌখ্রে। প্রোজেক্ত অসিগী মখাদা, 50 KLD (কিলো লিতর পর দে)গী কেপাসিতী লৈবা FSTP (ফীকেল স্লজ ত্রীৎমেন্ত প্লান্ত) অমা শারগনি, মসিদা প্লান্ত অসি থম্বা খক্তা নত্তনা চহি মঙাগী মসিগী ওপরেশন অমসুং মেন্তেনেন্সকীদমক্তা প্রোভিজনশিংশু য়াওরি।

মীফম অদুদা, ত্রাভেলোগ সিরীজ “রগ-রগ মেন গঙ্গা – এক জীৱন ধারা”গী অহুমশুবা সীজনগীদমক্তা থাংগৎলকখিবা প্রোপোজল অদু অয়াবা পীখ্রে। অনৌবা সিজন অসিনা অনৌবামিৎয়েং অমদগী গঙ্গাগী মরু ওইবা অমসুং ঙাক-শেন্দুনা থম্নবগী হোৎনরিবশিং অদু উৎলগনি। সীজন অসিনা ইকোলোজিকেল বেলেন্স, ইক্বাতিক লাইব ঙাক-শেন্দুনা থম্বা, ইকো-তুরিজম, কলচরেল হেরিতেজ, অমসুং কম্যুনিতীনা মসিদা হকথেংননা শরুক য়াবা হেনগৎহনবনচিংবা অসিদআ অখন্নবা মিৎয়েং থমগনি। হিন্দীদা এপিসোদ ১৬ লৈবা সিরীজ অসিনা গঙ্গা দোলফিন, ঘারিয়লগুম্বা য়াম্না তাংবা ঈশিংগী জিবশিং  অমসুং নেচরেল রিসোর্সশিং ঙাক-শেন্দুনা থম্বনাচিংবা কয়া অসি য়াওনা গঙ্গাবু অমুক হন্না হিংগৎহল্লকপগী য়াম্না শিংথানিংঙাই ওইরবা খোংচৎ অদুবু উৎলগনি। চাউরাক্না লুপা করোর 6.25 চংনা পুথোকপা সিরীজ অসিনা গ্লোবল প্লেতফোর্মদা গঙ্গা তুরেলগা মরি লৈনবা ভারতকী মপাল নাইদ্রবা পারি-পুরিনা থম্বীরম্বা লন-থুমশিং অদুবু উৎনবগী পাইখৎপা থবক অমা ওইগনি। লৈবাক শিনথুংনা লৈরিবা ভ্যুৱরশিংনা সিরীজ অসিবু দুর্দর্শনদা য়েংবা ফংগনি। 

মীফম অদুদা জল শক্তি মন্ত্রালয়গী RD&GRগী DoWRগী জোইন্ত সেক্রেতরী অমসুং ফাইনান্সিয়েল এদভাইজর, শ্রীমতি রিচা মিশ্রা, NMCGগী দেপ্যুতী দাইরেক্তর জেনরেল, শ্রী নালিন স্রিবাস্তব, ED (তেক্নিকেল), শ্রী অনুপ কুমার স্রিবাস্তব, ED (এদমিন), শ্রী এস.পি. বাশিস্থ, ED (ফাইনান্স), শ্রী ভাস্কর দাসগুপ্তা অমসুং ৱেস্ত বেঙ্গলগী SPMGগী প্রোজেক্ত দাইরেক্তর, শ্রীমতি নন্দিনি ঘোশনা শরুক য়াখি।

***