تینتالیسویں انڈیا انٹرنیشنل ٹریڈ فیئر (آئی آئی ٹی ایف) کا انعقاد بھارت منڈپم کمپلیکس، نئی دہلی میں 14 سے 27 نومبر 2024 تک وکست بھارت ایٹ 2047تھیم کے ساتھ  کیا جا رہا ہے۔

الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی کے ڈیجیٹل انڈیا پویلین میں آنے والوں کو متعدد دلچسپ اقدامات کے تعلق سے جاننے اور تجربہ کرنے کا موقع ملے گا، جسے ہال نمبر 3 میں پیش کیا گیا ہے اور اسے ایم ای آئی ٹی وائی کے تحت نیشنل ای-گورننس ڈویژن (این ای جی ڈی) کی طرف سے آئی آئی ٹی ایف 2024 میں ایک اہم توجہ کے طور پر قائم کیا جا رہا ہے۔ پویلین کا مقصد ڈیجیٹل انڈیا کے  ان کلیدی اقدامات پر تجربہ فراہم کرنا ہے ، جو ہندوستان میں آبادی کے بڑے پیمانے پر ڈیجیٹل تبدیلی کو کامیابی سے آگے بڑھا رہے ہیں۔

ملک میں ڈیجیٹل پبلک انفراسٹرکچر (ڈی پی آئی)  کے نفاذ کے بارے میں تجربے اور بہترین طریقوں کے اشتراک میں سہولت فراہم کرنے کے لیے، اسٹیک ہولڈرز کو ان اقدامات سے آگاہ کرنا جو قابل توسیع اور قابل نقل ہیں اور حاضرین کو ڈیجیٹل انڈیا کی طاقت کا تجربہ کرنے کا ایک منفرد موقع فراہم کرنے کے لیے، الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی) ڈیجیٹل انڈیا پویلین قائم کر رہی ہے۔ اس  نمائش کے ذریعے عالمی معیار کے اقدامات کو ظاہر کرنا ہے جو درج ذیل سہولت فراہم کرتے ہیں:

• زندگی میں آسانی
• کاروبار کرنے میں آسانی
• حکومت کی آسانی

ڈیجیٹل انڈیا پویلین علم کا ایک خزانہ ہے،  جو چھ اہم اقدامات یعنی ڈیجی لاکر، اینٹیٹی لاکر، یو پی آئی، امنگ، او این ڈی سی اور بھاشینی کے بارے میں معلومات فراہم کرے گا۔

براہ راست نمائش کے ذریعے، یو پی آئی  نمائش حاضرین  کو  بھیم ایپ کے بارے میں جاننے کا اہل بنائے گا،  جس نے ہندوستان کے ڈیجیٹل لین دین کے نظام  کو تبدیل کر دیا ہےاور کیش لیس معیشت کی طرف تبدیلی کو فروغ دیا ہے۔ بھیم  ایپ کی یو پی آئی سرکل کی خصوصیت نمائش میں دکھائی جائے گی، جو دیکھنے والوں کو اس کی تازہ ترین خصوصیات کے ساتھ ایک تجربہ فراہم کرے گی۔ یوپی آئی سرکل بنیادی صارفین کو قابل اعتماد ثانوی صارفین کو اپنے اکاؤنٹ سے لین دین کرنے کی اجازت دیتا ہے، مقررہ حدود کے ساتھ، سہولت اور سیکیورٹی مزید بڑھ جاتی ہے۔ انٹرایکٹو ڈیمو اور رہنمائی کے ذریعے، حاضرین  اس خصوصیت کے استعمال کے بارے میں معلومات حاصل کر سکتے ہیں۔ یہ بتاتے ہوئے کہ کس طرح یوپی آئی سرکل خاندانوں اور کاروباروں کے لیے محفوظ اور سودمند  مالی رسائی کو قابل بناتا ہے۔ اس شوکیس کے ذریعے، ویزیٹر ڈیجیٹل بااختیار بنانے اور مالی شمولیت کو فروغ دینے میں یوپی آئی کے کردار کے بارے میں جان سکتے ہیں۔

شرکاء  ہندوستان کے ڈیجی لاکر کی عملی افادیت کے بارے میں بھی جان سکتے ہیں، جس میں عمل کو ہموار کرنے اور تعلیم، مالیات اور بینکنگ، سفر، نقل و حمل، رئیل اسٹیٹ، قانونی اور عدلیہ جیسے شعبوں میں کارکردگی کو بڑھانے میں اس کے رول کو ظاہر کرتا ہے۔ ڈیجی لاکر کا استعمال میں آسان انٹرفیس، فوری دستاویز کی بازیافت اور اشتراک جیسی خصوصیات کو نمائش اور انٹرایکٹو اسکرینوں کے ذریعے دکھایا جائے گا۔ حفاظتی خصوصیت کی وضاحت اور کامیاب کیس اسٹڈیز حاضرین  کو اپنی طرف متوجہ کریں گے، جو پلیٹ فارم کی کارکردگی اور تاثیر پر زور دیں گے۔

ڈی جی لاکر،  ڈیجیٹل انڈیا پہل کے تحت ایک محفوظ ڈیجیٹل پلیٹ فارم ہے، جسے سرکاری دستاویزات کو آن لائن طور پر محفوظ کرنے اور ان تک رسائی کے لیے ڈیزائن کیا گیا ہے، جس سے اصل  کاپیوں کی ضرورت کو ختم کیا گیا ہے۔ شہری ، حکومت کی طرف سے جاری کردہ دستاویزات براہ راست اپنے اکاؤنٹس سے حاصل کر سکتے ہیں  اور شیئر کر سکتے ہیں، فوری تصدیق کو یقینی بناتے ہوئے کاغذ کے کم سے کم استعمال کے تصور کو فروغ دے سکتے ہیں۔

اینٹیٹی لاکر،  کے ڈیش بورڈ، دستاویز یکجا کرنے، محفوظ رسائی کی خصوصیات، بغیر کسی رکاوٹ کے ڈیٹا شیئرنگ کے براہ راست  مظاہروں کے ذریعے، یہ واضح کیا جائے گا کہ تنظیمیں  کام کاج کو کس طرح  منظم  کر سکتی ہیں۔ مزید برآں، معلوماتی ڈسپلے تعمیل کے فوائد اور کامیاب حقیقی دنیا کی ایپلی کیشنز کو نمایاں کریں گے۔

اینٹیٹی لاکر،  ایک محفوظ ڈیجیٹل ریپوزیٹری ہے،  جو تنظیموں کے لیے تیار کیا گیا ہے، جو اسکولوں، کاروباروں اور سرکاری ایجنسیوں جیسے اداروں کو دستاویزات کا آن لائن انتظام اور اشتراک کرنے کی سہولت فراہم کرتا ہے۔ یہ کام کاج کو آسان بناتا ہے، کاغذی کارروائی کو کم کرتا ہے، اور ڈیجی لاکر  کے ساتھ بغیر کسی رکاوٹ کے مربوط ہو جاتا ہے، جس سے اداروں اور افراد کے درمیان ہموار ڈیجیٹل تبادلے ممکن ہوتے ہیں۔

امنگ نمائش،  آنے والوں کو ایک پرکشش تجربہ پیش کرے گی، جس سے وہ انٹرایکٹو ڈسپلے اور معلوماتی ویڈیوز کے ذریعے ایپ پر دستیاب خدمات کی تنوع کے بارے میں جان سکیں گے۔ امنگ اہم خدمات کو اجاگر کرے گا جیسے کہ  ای-رَکت کوش،  جس کے ذریعے صارف خون کی دستیابی تلاش کر سکتے ہیں، جن اوشدھی سگم ، جو پردھان منتری بھارتیہ جن اوشدھی کیندروں کے ذریعے سستی قیمتوں پر معیاری ادویات پیش کرتی ہے۔ دیگر سہولیات  میں ای پی ایف او، ہندوستانی ثقافت، دہلی پولیس اور بہت سی دیگر خدمات  شامل ہے۔

امنگ (یونیفائیڈ موبائل ایپلیکیشن فار نیو ایج گورننس) ایک موبائل ایپ ہے، جو 23 نومبر 2017 کو وزیر اعظم نے شروع کی تھی تاکہ شہریوں کو وسیع پیمانے پر سرکاری خدمات تک رسائی فراہم کی جا سکے۔ ایپ کو الیکٹرانکس اور انفارمیشن ٹیکنالوجی کی وزارت (ای ای آئی ٹی وائی) اور نیشنل ای گورننس ڈویژن (این ای جی ڈی) نے تیار کیا ہے۔ امنگ کا مقصد سرکاری خدمات کو تمام شہریوں کے لیے قابل رسائی، جامع اور مؤثر بنانا ہے۔ فی الحال 7 کروڑ سے زیادہ شہری امنگ ایپ استعمال کر رہے ہیں اور 200 سے زیادہ سرکاری محکموں سے خدمات تک رسائی حاصل کر رہے ہیں۔

بھاشینی نمائش میں، آنے والے افراد بھاشنی  ایپ کے بارے میں معلومات  حاصل کر سکتے ہیں ، جو ہندوستانی شہریوں کو مختلف ہندوستانی زبانوں میں مواد کا ترجمہ کرنے میں مدد کرتی ہے اور ہندوستان میں زبان کی رکاوٹوں کو کم کرتے ہوئے مختلف زبانیں بولنے والے دوسرے لوگوں کے ساتھ مؤثر رابطے کے قابل بناتی ہے۔ ایپ میں پانچ اہم خصوصیات شامل ہیں:

ٹیکسٹ، کنورس، وائس، سین اینڈ براؤز۔

ٹیکسٹ فیچر 22 ہندوستانی زبانوں میں ترجمے کی حمایت کرتا ہے، جبکہ کنورس اور وائس  فیچر 13 زبانوں کا احاطہ کرتا ہے، جس سے لسانی رسائی میں اضافہ ہوتا ہے۔‘ سین’ لفظ کی سطح پر کام کرتا ہے اور 15 زبانوں کا احاطہ کرتا ہے، جبکہ براؤز 13 زبانوں کو سپورٹ کرتے ہوئے یو آر ایل ایس پیسٹ کر کے ویب سائٹ کے ترجمہ کی سہولت فراہم کرتا ہے۔

بھاشینی نے بین الاقوامی مندوبین کے لیے کنورس خصوصیات میں اقوام متحدہ کی 5 زبانوں کو مربوط کیا ہے۔ فیچر میں ان پٹ اور آؤٹ پٹ دونوں کے لیے ڈوئل مائکروفونز شامل ہیں۔ صارفین مائیکروفون کو دبا کر اپنی منتخب زبانوں میں بات چیت شروع کر سکتے ہیں۔

بھاشینی کا مقصد زبان کی رکاوٹوں کو عبور کرنا ہے، اس بات کو یقینی بنانا کہ ہر شہری آسانی سے اپنی زبان میں ڈیجیٹل خدمات تک رسائی حاصل کر سکے۔ آواز کو ایک میڈیم کے طور پر استعمال کرتے ہوئے، بھاشینی زبان کے ساتھ ساتھ ڈیجیٹل تقسیم کو ختم کرنے کی صلاحیت رکھتی ہے۔ قومی زبان ٹکنالوجی مشن کے تحت جولائی 2022 میں عزت مآب وزیر اعظم جناب نریندر مودی کے ذریعہ شروع کئے گئے  بھاشینی  ایپ کا مقصد 22 شیڈول ہندوستانی زبانوں میں ٹیکنالوجی  کی مدد سےترجمے کی خدمات فراہم کرنا ہے۔

صارفین یہ دیکھنے کے لیے بھی بات چیت کر سکتے ہیں کہ اوپن نیٹ ورک فار ڈیجیٹل کامرس (او این ڈی سی) کس طرح بڑے پیمانے پر فروخت کنندگان، صارفین اور نیٹ ورک فراہم کرنے والوں کے ساتھ تعاون کرتا ہے، اس اثر کو اجاگر کرتا ہے جو یہ پچھلے ڈھائی برسوں  کے کام کاج  میں پیدا کرنے میں کامیاب رہا ہے۔ نیٹ ورک پر فی الحال ہو رہی لائیو لین دین کا اصل ڈیٹا ظاہر کیا جائے گا۔ مزید برآں، حاضرین  حال ہی میں لانچ کی گئی بائر ایپ:ڈیجیٹل ہاٹ کے ذریعے نمائش میں او این ڈی سی  نیٹ ورک کا تجربہ کر سکیں گے ، جو انہیں او این ڈی سی  نیٹ ورک پر کسی بھی پارٹنر ایپ کے ذریعے سامان آرڈر کرنے کی اجازت دے گا۔

اوپن نیٹ ورک فار ڈیجیٹل کامرس (او این ڈی سی)، ایک سیکشن 8 کمپنی، صنعت اور اندرونی تجارت کے فروغ کے محکمے (ڈی پی آئی آئی ٹی)، وزارت تجارت اور صنعت، حکومت ہند کی ایک پہل ہے تاکہ ایک ایسا سہولتی ماڈل بنایا جا سکے جو ڈیجیٹل کامرس میں انقلاب لاتا ہے۔  او این ڈی سی  کوئی ایپلیکیشن، پلیٹ فارم، انٹرمیڈیری یا سافٹ ویئر نہیں ہے بلکہ یہ ایک مجموعہ ہے،  جو کھلے، اَن بنڈلڈ، اور انٹرآپریبل اوپن نیٹ ورکس کو فروغ دینے کے لیے ڈیزائن کیا گیا ہے۔

ایم ای آئی ٹی وائی کے ڈیجیٹل انڈیا پویلین میں معلوماتی اور انٹرایکٹو ڈسپلے، گیمز اور جدید ترین ٹیکنالوجیز کا استعمال کیاگیا ہے۔ ہر تنصیب کو اس کے ہدف کے سامعین کے ساتھ تال میل قائم کرنے کے لیے تیار کیا گیا ہے،جس سے با مقصد مصروفیت اور عمر کے لحاظ سے مناسب مواد کو یقینی بنایا جا سکے۔

آئی آئی ٹی ایف 2024 کا  پہلا ہفتہ صرف کاروباری/تجارتی مہمانوں کے لیے مخصوص ہے، جس میں عالمی صنعت کے سینئر نمائندے/سی ای اوز، سینئر ریاستی نمائندے اور عالمی خریدار اور فروخت کنندگان شامل ہیں جبکہ دوسرا ہفتہ خاص طور پر عام لوگوں اورشہریوں کے لیے ہے۔

***

ش ح۔ ک ا۔ ن م

(Release ID: 2073229) Visitor Counter : 8