অৱাং-নোংপোক (NE) লমদমদা স্বচ্ছ ভারত মিসন-গ্রামীন (SBM-G) গী মরুওইবা য়েংশিন মীফম অমা ঙসি অসামগী গুৱাহাতিদা জল শক্তিগী ইকাই খুম্নরবা মন্ত্রী শ্রী সি. আর. পাতিলনা ময়াই তাংবল লৌদুনা পাংথোকখ্রে। য়েংশিনখিবা অসিনা অৱাং-নোংপোক্কী রাজ্যশিংনা পায়খৎলিবা খোংথাংশিং উৎখি। খুঙ্গংশিংগী 51%না ODF প্লস মোদেলগী থাক ফংবা ঙমখি। সিক্কিমনা 100% কবরেজগা লোয়ননা ত্রেইলব্লেজর অমা ওইনা থোরকখি। মসিগী মতুংদা মিজোরাম (86%), ত্রিপুরা (80%) অমসুং অসাম (74%) লাকখি। শ্রী সি.আর. পাতিলনা মাগী মাইপাকপশিং অসিবু থাগৎলদুনা হায়খি, "অৱাং-নোংপোক লমদম অসি, মাগী অখন্নবা শীংনবশিং লৈজরবসু, সেনিতেসনগী লমদা রেসিলিএন্স অমসুং ইন্নোবেসনগী খুদম অমনি। অপুনবা খোঙথাংশিংগা লোয়ননা ঐখোয়না 2025গী মার্চ ফাওবদা সম্পুরনা স্বচ্ছতা ফংলগনি”।

মরু ওইবা হায়লাইৎশিং:

• অৱাং-নোংপোক্কী খুঙ্গংশিংগী 51%না ODF প্লস মোদেল ওইনা লাউথোকখ্রে, সিক্কিমনা 100% কবরেজ ফংলে।
• জল শক্তি মন্ত্রীনা মার্চ 2025 ফাওবগী মনুংদা সম্পুরনা স্বচ্ছতা ফংনবা ৱাফম থমখ্রে। •
• সস্তেনেবল WASH এসেত মেনেজমেন্ত, ফন্দ শিজিন্নবা, অমসুং SLWM ইন্নোবেসনশিংদা মীৎয়েং চংবা।
• রাজ্যশিংদা ইন্দিভিজুএল হাউসহোল্দ তোইলেত (IHHL) এপ্লিকেসনশিং মথংগী নুমিৎ 30গী মনুংদা প্রোসেস তৌবগী থবকশিং অথুবা মতমদা পাংথোক্নবা খঙহনখ্রে।

 

মীফম অদু অসামগী স্পেসিএল চীফ সেক্রেতরী শ্রী সৈদেন অব্বাসিগী তরাম্না ওকপগী ৱারোলগা লোয়ননা হৌদোকখি। মসিগী মতুংদা অসামগী PHEDগী ইকাই খুম্নরবা মন্ত্রী শ্রী জয়েন্তা মাল্লাবারুহনা হৌদোকপগী ৱারোল থমখি। অৱাং-নোংপোক্কী রাজ্য পুম্নমক্তগী রুরেল সেনিতেসনগী ইকাই খুম্নরবা মন্ত্রীশিং, দিপার্তমেন্ত ওফ দ্রিঙ্কিং ৱাতর এন্দ সেনিতেসন (DDWS)গী সেক্রেতরী, শ্রী অশোক মীনা, JS&MD SBM-Gগী সেক্রেতরীশিং অমসুং রাজ্যগী মিসন দিরেক্তরশিংনা NE রাজ্যশিংগীদমক অখন্ননা গুৱাহাতিদা পাংথোকপা SBM-Gগী অৱাংবা থাক্কী য়েংশিন মীফমদা শরুক য়াখি। থৌরম অসিদা SBM-G ফেজ IIগী মখাদা ফংলিবা সেনিতেসনগী আউৎকমশিং অসি লেংদনা থম্নবগীদমক থেংনরিবা খুদোংচাদবশিং কোকহন্নবা হোৎনবদা লমদম অসিগী শিংথানিংঙাই ওইবা খুমাং চাওশিনবা অদু উৎখি।

মরু ওইনা মীৎয়েং চংলিবা লমশিং অমসুং মরু ওইবা শীংনবশিং

মীফম অসিদা সস্তেনেবল সোলিদ এন্দ লিক্বিদ ৱেস্ত মেনেজমেন্ত (SLWM), কম্ম্যুনিতী সেনিতরী কমপ্লেক্সশিং অমসুং প্লাস্তিক ৱেস্ত মেনেজমেন্ত য়ুনিৎশিংগুম্বা WASH এসেতশিং মথৌ তৌবা, ফন্দ শিজিন্নবা অমসুং পেন্দিং য়ুতিলাইজেসন সর্তিফিকেৎশিং সবমিৎ তৌবা, মরী লৈনবা গ্রান্তশিং ফংহন্নবা, অর্বান সেনিতেসন স্ত্রেতেজিশিংগা মান্ননা ইফেক্তিব ফেকল স্লাদ মেনেজমেন্ত (FSM) গুম্বা খুদক্তা মীৎয়েং চংবা মথৌ তাবা লমশিং মশক খঙদোকখি।

শ্রী সি.আর. পতিলনা প্রধান মন্ত্রীনা মরুওইবা হিরম কয়াদা পান্দম থমদুনা সোল্যুসনশিং ফংহন্নবা অমসুং নুমিৎ 15নিগী মনুংদা পন্দুনা লৈরিবা ইন্দিভিজুএল হাউসহোল্দ তোউলেৎ (IHHL) এপ্লিকেসনশিং প্রোসেস তৌনবা, থাগী দিস্ত্রিক্ত ৱাতর এন্দ সেনিতেসন মিসন (DWSM) মীফম পাংথোক্তুনা প্রোগ্রেস মোনিতরিং তৌনবা, সেল্ফ হেল্প গ্রুপশিং, নহারোলশিং অমসুং লমদম অসিগী ওর্গনাইজেসনশিংগী খুত্থাংদা কম্ম্যুনিতীগী থৌদাং লৌদুনা এৱারনেস অমসুং লমচৎ হোংদোক্নবা অমসুং হামরা শৌচালাই: হামরা সম্মান কেম্পেনগী মখাদা ৱার্ল্দ তোইলেৎ দে 2024গী শেম-শাবগী মতাংদা অকনবা ৱাফম থমখি।

DDWSগী সেক্রেতরীনা হায়খি, “রাজ্যশিং অমসুং লোকেল বোদীশিংগী মরক্তা রিসোর্সশিং অমসুং কোলাবোরেসন পুনশিনবা অসি SBM-Gগী ইম্পেক্ত লেংদনা থম্নবগী মরুওইবা অমনি। অৱাং-নোংপোক্কী রাজ্যশিং অসি কম্ম্যুনিতী-দ্রিভন সেনিতেসন মোদেলশিংদা লৈবাক অসিগী অতৈ মফমশিংদা খুদম অমা ওইরি”।

শরুক য়ারিবশিংবু ত্রেদিস্নেল এপ্রোচশিং পুনশিন্নরগা ৱেস্ত মেনেজমেন্তকী ইন্নোবেতিব প্রেক্তিসশিং শিজিন্ননবা পুক্নিং থৌগৎখি। শেমগৎলক্লিবা এসেৎ পুম্নমক মপুং ফানা মথৌ তৌবা অমসুং ইম্পেক্ত লৈহনবগীদমক রেত্রোফিতিং অমসুং সস্তেনেবল এসেৎ মেনেজমেন্তগীদমক ত্রেনিং মপাঙ্গল কনখৎহন্নবা রাজ্যশিংদা তকশিনখি।

মার্চ 2025 ফাওবদা খুঙ্গং পুম্নমক্তা ODF প্লস মোদেল স্তেতস ফংহন্নবা পান্দম থমদুনা, রিভিয়ু অসিদা মতম চানা থবক পায়খৎপা অমসুং মীৎয়েং চংবা থৌরাংগী মরুওইবা অদু অমুক হন্না পনখি। ইকাই খুম্নরবা মন্ত্রীনা লোইশিনবদা হাখি, "হৌখিবা চহি তরা অসিদা ফংখিবা খুমাং চাউশিনবা অসি লেংদনা লৈবতা নত্তনা হেন্না হেনগৎহন্দুনা অৱাং-নোংপোক লমদম অসি লৈবাক অসিগী ওইনা খুঙ্গংগী সেনিতেসনগী মশক থোকপা খুদম অমা ওইহল্লসি।"

*****

(Release ID: 2073182) Visitor Counter : 12