مائی بھارت پلیٹ فارم نوجوانوں کی امیدوں، امنگوں اور قوم کی تعمیر میں ان کے تعاون کا ایک ذریعہ ہے۔ یہ بات نوجوانوں کے اُمور اور کھیل کود اور محنت و روزگار کے مرکزی وزیر  ڈاکٹر منسکھ منڈاویہ نے آج چھتیس گڑھ کے جش پور میں منعقد ہونے والی ‘بھگوان برسا منڈا ماٹی کے ویر’پدیاترا کے دوران کہی۔ اس موقع پر چھتیس گڑھ کے وزیر اعلیٰ وشنو دیو سائے دیگر ریاستی وزراء  کے ساتھ موجود تھے۔

‘بھگوان برسا منڈا ماٹی کے ویر پد یاترا’کے آغاز کے دوران قبائلی کمیونٹیوں کے کئی ایتھلیٹ کو اعزاز سے نوازا گیا، جن میں قومی کرکٹر آکانشا رانی، تائیکوانڈو کھلاڑی پرتیک بڑا  اور کوہ پیمانینا دھاکڑ سمیت دیگر کھلاڑی شامل تھے۔

مرکزی وزیر نےمائی بھارت کے رضاکاروں اور چھتیس گڑھ کے نوجوانوں کے ذریعہ تقریب کے شاندارانعقاد  کی پہل کی تعریف کرتے ہوئے کہا،‘‘‘ماٹی کے ویر پد یاترا’ 15 نومبر کو بھگوان برسا منڈا کے 150ویں یوم پیدائش کے موقع پر 150 کالجوں کے 10,000 سے زائد مائی  بھارت کے نوجوان رضاکاروں کی جانب سے منظم کی گئی ہے۔ یہ تقریب مکمل طور پر نوجوانوں کی قیادت میں ہے۔’’

जनजातीय गौरव, कला, संस्कृति और सम्मान की यात्रा,
भगवान बिरसा मुंडा #माटी_के_वीर पदयात्रा। pic.twitter.com/wsK44U0FVM

— Dr Mansukh Mandaviya (@mansukhmandviya) November 13, 2024

ڈیڑھ کروڑ سے زائد نوجوانوں کے ذریعہ مائی بھارت پورٹل پر رجسٹریشن کروانے کا تذکرہ کرتے ہوئے ڈاکٹر منڈاویہ نے کہا کہ مائی بھارت کا مقصد نوجوانوں کے لیے ایک سنگل ونڈو سسٹم فراہم کرنا ہے، جو انہیں کھیل، فنون یا ثقافت میں اپنی امنگوں کو پورا کرتے ہوئے وکست بھارت کی تعمیر میں اپنا حصہ ڈالنے کی اجازت دے گا۔ انہوں نے نوجوانوں سے اپیل کی کہ وہ ہمیشہ ‘‘نیشن فرسٹ’’ کو ذہن میں رکھیں اور قوم کی تعمیر کی کوششوں میں فعال طور پر حصہ لیں تاکہ ایک ترقی یافتہ بھارت کا خواب حقیقت بن سکے۔

بھگوان برسا منڈا سے ترغیب حاصل کرتے  ہوئے، انہوں نے بے لوث خدمت کی اہمیت پر زور دیا اور کہا کہ نوجوانوں کا وزیر اعظم کے 2047 تک وکست بھارت کے وژن کو حقیقت بنانے میں اہم کردار ہے۔ انہوں نے کہا، ‘‘سیوا (خدمت) ہمارے ملک کی بنیادی قدر ہے،’’ اور اس کی اہمیت کو اجاگر کیا کہ یہ اتحاد اور ترقی کو فروغ دینے میں کلیدی کردار ادا کرتی ہے۔

छत्तीसगढ़ के जशपुर में चल रही भगवान बिरसा मुंडा #माटी_के_वीर पदयात्रा में बड़ी संख्या में @MYBharatgov से जुड़े युवाओं की भागीदारी और संस्कृति की मनमोहक झलक हर्षित करने वाली है। pic.twitter.com/GHNyLrCqPm

— Dr Mansukh Mandaviya (@mansukhmandviya) November 13, 2024

مرکزی وزیر نے نوجوانوں سے اپیل کی کہ وہ آیوشمان مستفدین کے لیے خصوصی کیمپوں کا انعقاد کریں، خاص طور پر 70 سال سے زائد عمر کے افراد کے لیے، اور بزرگ پنشنرز کے لیے پنشن کی ادائیگی میں مدد کریں۔

ایک اہم اعلان میں، مرکزی وزیر نے چھتیس گڑھ کے جش پور میں جدید ترین کھیلوں کے اسٹیڈیم کے قیام کا اعلان کیا، جس کا مقصد مقامی نوجوانوں کو بااختیار بنانا اور انہیں ضروری تربیتی مواقع فراہم کرنا ہے تاکہ  ہندوستان کو 2036 اولمپکس میں تمغے جیتنے کویقینی بنانے کیلئے  تیار کیا جاسکے۔

پد یاترا کے دوران، مرکزی وزیر کا مختلف مقامات پر گرمجوشی کے ساتھ استقبال کیا گیا، جہاں ان کا خیرمقدم مختلف قبائلی روایات کے تحت کیا گیا۔ انہوں نے قبائلی کھیلوں کا مشاہدہ کیا، منفرد قبائلی کھانوں کا ذائقہ لیا اور مختلف قبائلی فنون کی تعریف کی اور اس طرح انھوں نے قبائلی برادری  کی مالا مال وراثت کا بھر پور مشاہدہ کیا۔

संस्कृति का संगम। #माटी_के_वीर pic.twitter.com/jBj3u5aulR

— Dr Mansukh Mandaviya (@mansukhmandviya) November 13, 2024

بھگوان برسا منڈا کی ‘ماٹی کے ویر’ پد یاترا پرانا نگر گراؤنڈ سے شروع ہو کر مختلف راستوں سے ہوتے ہوئے رنجیتا اسٹیڈیم پر اختتام پذیر ہوئی۔ یاترا میں نوجوان شرکاء نے بھارت ماتا، چھتیس گڑھ مہتاری اور بھگوان برسا منڈا کے لباس میں شرکت کی، جس سے تقریب کی شان  وشوکت میں اضافہ ہوا۔

افتتاحی تقریب دیکھیں-  https://www.youtube.com/watch?v=n6y3cSOE3Oo

پد یاترا دیکھیں- https://www.youtube.com/watch?v=0hqQae3EVEs

اختتامی تقریب دیکھیں - https://www.youtube.com/watch?v=WOU6Ciq6nbo

*********

ش ح ۔م  ش ۔ ص ج

U. No.2428

(Release ID: 2073067) Visitor Counter : 26