دفاعی تحقیق و ترقی تنظیم (ڈی آر ڈی او) نے 12 نومبر 2024 کو اُڈیشہ کے ساحل کے قریب سمندر میں انٹیگریٹڈ ٹیسٹ رینج (آئی ٹی آر)، چاندی پور سے لانگ رینج لینڈ اٹیک کروز میزائل (ایل آر ایل اے سی ایم) کی اولین آزمائشی پرواز ایک موبائل آرٹیکیلیٹڈ لانچر سے کی۔ آزمائش کے دوران، تمام ذیلی نظاموں نے توقع کے مطابق کارکردگی کا مظاہرہ کیا اور مشن کے بنیادی مقاصد کو پورا کیا۔ میزائل کی کارکردگی کی نگرانی کئی رینج سینسر جیسے راڈار، الیکٹرو آپٹیکل ٹریکنگ سسٹم اور آئی ٹی آر کے ذریعے مختلف مقامات پر تعینات ٹیلی میٹری کے ذریعے کی گئی تاکہ پرواز کے راستے کی مکمل کوریج کو یقینی بنایا جا سکے۔

میزائل نے وے پوائنٹ نیویگیشن کا استعمال کرتے ہوئے مطلوبہ راستے پر پرواز کرتے ہوئے اور مختلف اونچائیوں اور رفتار پر پرواز کرتے ہوئے مختلف حربے انجام دینے کی اپنی صلاحیت کا مظاہرہ کیا۔ بہتر اور قابل اعتماد کارکردگی کو یقینی بنانے کے لیے میزائل جدید ایویونکس اور سافٹ ویئر سے بھی لیس ہے۔

ایل آر ایل اے سی ایم کو ایروناٹیکل ڈیولپمنٹ ادارے ، بنگلورو نے ڈی آر ڈی او کی دیگر تجربہ گاہوں اور بھارتی صنعتوں کے تعاون کے ساتھ تیار کیا ہے۔ بھارت ڈائنامکس لمیٹڈ، حیدرآباد اور بھارت الیکٹرانکس لمیٹڈ، بنگلورو ایل آر ایل اے سی ایم کے لیے دو ترقیاتی اور پیداواری شراکت دار ہیں اور وہ میزائل کی ترقی اور انضمام میں مصروف ہیں۔ اس آزمائش کو ڈی آر ڈی او کی مختلف لیبارٹریوں کے سینئر سائنس دانوں کے ساتھ ساتھ تینوں خدمات کے نمائندوں، سسٹم کے صارفین نے ملاحظہ کیا۔

ایل آر ایل اے سی ایم ایک دفاعی حصولیابی کونسل سے منظور شدہ، ضرورت سے منظور شدہ، مشن موڈ پروجیکٹ ہے۔ اسے موبائل آرٹیکلیولیٹڈ لانچر کا استعمال کرتے ہوئے زمین سے لانچ کرنے کے لیے اور یونیورسل ورٹیکل لانچ ماڈیول سسٹم کا استعمال کرتے ہوئے فرنٹ لائن بحری جہازوں سے بھی لانچ کرنے کے لیے ترتیب دیا گیا ہے۔

وزیر دفاع جناب راج ناتھ سنگھ نے کامیاب اولین آزمائشی پر ڈی آر ڈی او، مسلح افواج اور صنعت کی تعریف کی ہے۔ انہوں نے کہا کہ یہ مستقبل کے مقامی کروز میزائل کی ترقی کے پروگراموں کی راہ ہموار کرتا ہے۔

دفاعی تحقیق و ترقی کے محکمے کے سکریٹری اور ڈی آر ڈی او کے چیئرمین ڈاکٹر سمیر وی کامت نے ایل آر ایل اے سی ایم کی کامیاب اولین لانچ ڈی آر ڈی او کی مکمل ٹیم کو مبارکباد دی ہے۔

**********

 (ش ح –ا ب ن)

U.No:2396