ہیڈ کوارٹر انٹیگریٹڈ ڈیفنس اسٹاف (ایچ کیو آئی ڈی ایس ) نے سینٹر فار جوائنٹ وارفیئر اسٹڈیز کے تعاون سے آج نئی دلی میں سالانہ Niche Technology Nexus ((این ٹی این  -2024) سیمینار کا انعقاد کیا۔ سیمینار، جس کا عنوان تھا ’کوانٹم اور الیکٹرانک ماسٹری کے ساتھ کل کے جنگ کے محاذ پر اختراع‘، نے دفاعی ٹکنالوجی میں خود انحصاری کے ہندوستان کے مقصد سے ہم آہنگ، آتم نربھربھارت کو بڑھانے کے لیے دفاعی کارروائیوں کو تبدیل کرنے کے بارے میں بصیرت فراہم کی۔

چیف آف ڈیفنس اسٹاف جنرل انیل چوہان نے خصوصی خطاب کیا۔ انہوں نے جاری قومی کوانٹم مشن کو تسلیم کیا، جو کہ ڈاکٹر ایس سی بوس کی صد سالہ تقریب سے مطابقت رکھتا ہے، اور انہوں نے ہندوستانی دفاع، خاص طور پر کوانٹم کلیدی تقسیم، نیویگیشن، اور سینسنگ نظام کے لیے اپنی اسٹریٹجک اہمیت پر زور دیتے ہوئے،مستقبل کی جنگ اور مسلح افواج کے نتائج پر کوانٹم ٹیکنالوجی کے طویل مدتی اثرات پر زور دیا۔انہوں نے کہا "کوانٹم ٹیکنالوجی مسلح افواج کے لیے دور رس نتائج کے ساتھ مستقبل کی جنگوں کو متاثر کرے گی،"۔

جنرل انیل چوہان نے مصنوعی ذہانت، مشین لرننگ، اور کوانٹم ٹیکنالوجیز کو الیکٹرانک وارفیئر (ای ڈبلیو) سسٹمز میں ضم کرنے کی تبدیلی کی صلاحیت پر مزید زور دیا،انہوں نے اس بات بھی پر زور دیا کہ یہ پیشرفت فوجی کارروائیوں کے مستقبل کو نئی شکل دے گی۔ سی ڈی ایس  نے کہا کہ تحقیق میں سرمایہ کاری، تعاون کو فروغ دینے، اور ایک ہنر مند افرادی قوت کو فروغ دینے سے، مسلح افواج، دفاعی ٹیکنالوجی اور پروڈکشن ایکو سسٹم کے ساتھ شراکت میں، کوانٹم اور ای ڈبلیو ٹیکنالوجیز میں عالمی سطح پر ایک اہم مقام حاصل کر سکتی ہیں۔

این ٹی این -2024 سیمینار نے تعلیمی اداروں، صنعت کے ماہرین، تحقیقی تنظیموں اور دفاعی شعبے کے لیے ان مخصوص شعبوں میں پیشرفت اور قومی دفاع کے لیے ان کے ممکنہ مضمرات کو تلاش کرنے کے لیے ایک باہمی تعاون کے پلیٹ فارم کے طور پر کام کیا۔ سیمینار کے کچھ اہم نتائج میں محفوظ دفاعی نیٹ ورکس کے لیے کوانٹم سیف الگورتھم اور کلیدی انتظام کو اپنانے کی سفارشات کے ساتھ ساتھ کوانٹم آر ایف سینسرز، کوانٹم آئی ایس آر پروڈکٹس، کوانٹم ایٹم اور آپٹیکل کلاک، کوانٹم انرشیل نیویگیشن سسٹمز، اور مربوط علمی ای ڈبلیو سسٹمز میں پیش رفت شامل تھی۔ ہندوستان کی مستقبل کی تھیٹرائزڈ مسلح افواج کے لیے۔ کوانٹم اور ای ڈبلیو میں یہ ابھرتی ہوئی خاص ٹیکنالوجیز فوجی آپریشنز کو جدید بنانے، محفوظ مواصلات کو بڑھانے، اور جدید سینسنگ اور کمپیوٹیشنل ایپلی کیشنز کو فعال کرنے کے لیے اہم ہیں۔

 

************

ش ح ۔ م  د   ۔  م  ص

 (U:  2271)

(Release ID: 2071900) Visitor Counter : 9