انڈین نیوی کوئز - تھنک 2024کے سیمی فائنلز انڈین نیول اکیڈمی، ایژیمالا، کیرالہ میں 07 نومبر 2024 کو اختتام پذیر ہوئے۔ ایک شدید مقابلے کے بعد آٹھ ٹیموں نے فائنلز میں اپنی جگہ بنا لی۔ سیمی فائنلز، جو سدرن نیول کمانڈ کی سرپرستی میں منعقد ہوئے، نے طلباء کی ذہنی صلاحیتوں کو اجاگر کیا، کیونکہ انہوں نے 'وکست بھارت' کے موضوع کے تحت مختلف موضوعات پر سوالات کے جوابات دیے۔

گرینڈ فائنل کے لیے کوالیفائی کرنے والی آٹھ ٹیمیں یہ ہیں:-

(ا) ڈاکٹر وریندر سوروپ ایجوکیشن سینٹر، اوادھ پوری (اتر پردیش)

(ب) ایکسل پبلک اسکول، میسور (کرناٹک)

(ج) مشتفند آریان ہائر سیکنڈری اسکول (گوا)

(د) سیتھ ایم آر جے پوریا اسکول، گوئل کیمپس، لکھنؤ (اتر پردیش)

(ہ) دہلی پبلک اسکول، گریٹر نوئیڈا (اتر پردیش)

(و) کیمبرج کورٹ ہائی اسکول (راجستھان)

(ز) بی وی بھونز راجالی ودیاشرم، چنئی (تمل ناڈو)

(ح) جیشری پریوال ہائی اسکول (راجستھان)

فائنلز 08 نومبر 2024 کو انڈین نیول اکیڈمی میں ہوں گے، جہاں ٹیمیں تھنک  2024 چیمپئنز کے معزز خطاب کے لیے مقابلہ کریں گی۔

تھنک  2024، جو 12,600 سے زائد شرکت کرنے والی ٹیموں کے ساتھ شروع ہوا، جو ملک بھر کے 3800 شہروں میں پھیلی ہوئی ہیں، نوجوان اذہان کو اپنی معلومات دکھانے کا ایک پلیٹ فارم فراہم کرتا ہے، جبکہ قومی فخر اور بھارت کے ترقیاتی مقاصد کی آگاہی کو فروغ دیتا ہے۔ شرکاء نے انڈین نیول اکیڈمی کی جدید ترین سہولیات کا دورہ کیا اور کیمپس کی مہم جوئی کی سرگرمیوں کو دریافت کیا۔ اسکول کے بچوں نے 06 نومبر 2024 کو ایک رسمی عشائیے کے دوران وائس ایڈمرل وی سرینیواس، اے وی ایس ایم، این ایم ، فلیگ آفیسر کمانڈنگ ان چیف، سدرن نیول کمانڈ سے ملاقات بھی کی۔ ایڈمرل دنیش کے ترپاٹھی، چیف آف دی نیول اسٹاف، تھنک 2024 گرینڈ فائنل کے مہمان خصوصی ہوں گے۔

 

 

*********

ش ح۔  اس  ک  ۔ م ش

U No.2237

(Release ID: 2071658) Visitor Counter : 19