وزیر اعظم نریندر مودی کے وکست بھارت اور ڈیجیٹل طور پرمتحرک معیشت کے وژن کے مطابق، وزارت کوئلہ نے سنگل ونڈو کلیئرنس سسٹم (ایس ڈبلیو سی ایس) کے پورٹل پر کانوں کے کھولنے کی اجازت کے  ماڈیول کا آغاز کیا ہے۔ کوئلہ کی وزارت کے سکریٹری، جناب وکرم دیو دت نے 7 نومبر 2024 کو نئے ماڈیول کا افتتاح کیا۔ اس تبدیلی کے اقدام کا مقصد کوئلے کی کانیں کھولنے کے لیے منظوری کے عمل کو آسان اور تیز کرنا ہے۔ ڈیجیٹل حل کا فائدہ اٹھا کر، یہ ماڈیول شفافیت کو فروغ دیتا ہے، کارکردگی کو بہتر بناتا ہے، اور پروسیسنگ کے وقت کو کم کرتا ہے۔ یہ قدم نمایاں طور پر کاروبار کرنے میں آسانی کو فروغ دیتا ہے، زیادہ سرمایہ کاری کے لیے سازگار ماحول پیدا کرتا ہے اور تیز تر منظوریوں کی حمایت کرتا ہے۔ یہ نیا ماڈیول کوئلے کے شعبے میں ترقی کو آگے بڑھائے گا، ہندوستان کی توانائی کی حفاظت کو مضبوط کرے گا، اور خود انحصاری اور پائیدار ترقی کے ملک کے وژن میں تعاون کرے گا۔

سنگل ونڈو کلیئرنس سسٹم(ایس ڈبلیو سی ایس)، جو 11 جنوری 2021 کو شروع کیا گیا تھا، کوئلے کی کانوں کو چلانے کے لیے درکار تمام ضروری منظوریوں کو حاصل کرنے کے لیے ایک متحد پلیٹ فارم فراہم کرتا ہے۔کانکنی کی اجازت کا ماڈیول، ایک اہم خصوصیت، نئی کانیں شروع کرنے یا کوئلے کے نئے بند کھولنے کی اجازت حاصل کرنے کے عمل کو آسان اور تیز کرتا ہے۔ آن لائن ایپلی کیشن اور ریئل ٹائم ٹریکنگ کی اجازت دے کر، پلیٹ فارم دستی کاغذی کارروائی کو ختم کرتا ہے، پروسیسنگ کے وقت کو کم کرتا ہے، اور شفافیت کو بڑھاتا ہے اور کارکردگی کو یقینی بناتا ہے۔ یہ ہموار طریقہ کار کوئلے کی صنعت میں زیادہ موثر، سرمایہ کاری کے لیے دوستانہ ماحول کو فروغ دیتا ہے۔

کانکنی کی اجازت کا شروع کیا گیانیا ماڈیول کوئلے کے شعبے میں ترقی کومزید  آگے بڑھانے کے لیے وزارت کے عزم کی عکاسی کرتا ہے۔ ٹیکنالوجی اور آٹومیشن کے ساتھ، یہ نظام تیز رفتار فیصلہ سازی کے قابل بناتا ہے، جس سے کوئلے کی کانوں کو تیزی سے کھولنے میں مدد ملتی ہے تاکہ پیداوار میں اضافہ ہو اور ہندوستان کی توانائی کی حفاظت کو تقویت ملے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ن م(

2227

 

(Release ID: 2071623) Visitor Counter : 10