ప్రధాన మంత్రి కార్యాలయం
హర్దోయ్ రోడ్డు ప్రమాదంలో ప్రాణాలు కోల్పోయిన వారికి ప్రధానమంత్రి నివాళి
పీఎంఎన్ఆర్ఎఫ్ నుంచి ఎక్స్‌-గ్రేషియా ప్రకటన
Posted On:
06 NOV 2024 5:59PM by PIB Hyderabad
ఉత్తరప్రదేశ్‌లోని హర్దోయ్‌లో జరిగిన రోడ్డు ప్రమాద ఘటనలో ప్రాణాలు కోల్పోయిన వారి కుటుంబాలకు, ఆత్మీయులకు ప్రధానమంత్రి శ్రీ నరేంద్ర మోదీ సంతాపం తెలియజేశారు. పీఎంవో ఇండియా ద్వారా సామాజిక మాధ్యమాల్లో విడుదల చేసిన ఓ ప్రకటనలో బాధిత కుటుంబాలకు ప్రధానమంత్రి సానుభూతి తెలిపారు. గాయపడిన వారు త్వరితగతిన కోలుకోవాలని మనస్ఫూర్తిగా కోరుకుంటున్నట్లు తెలిపారు.
‘‘ఉత్తర ప్రదేశ్‌లోని హర్దోయ్‌లో జరిగిన రోడ్డు ప్రమాదం హృదయ విదారకమైనది. ఈ ఘటనలో చాలా కుటుంబాలు తమ ఆత్మీయులను కోల్పోయాయి. ఈ దు:ఖాన్ని భరించే శక్తి వారికి భగవంతుడు అందించాలని ప్రార్థిస్తున్నాను. అలాగే గాయపడిన వారందరూ త్వరగా కోలుకోవాలని కోరుకుంటున్నాను. రాష్ట్ర ప్రభుత్వ పర్యవేక్షణలో స్థానిక యంత్రాంగం బాధితులకు అన్ని విధాలా సాయం అందిస్తోంది’’ అని ప్రధానమంత్రి తెలిపారు.
ఈ దుర్ఘటనలో మరణించిన వారి కుటుంబ సభ్యులకు రూ. 2 లక్షల చొప్పున పరిహారాన్ని ప్రధానమంత్రి జాతీయ సహాయ నిధి నుంచి ఇవ్వనున్నట్లు శ్రీ నరేంద్ర మోదీ ప్రకటించారు. గాయపడిన వారికి రూ. 50,000 చొప్పున ఆర్థిక సాయం అందజేస్తారు.
***
MJPS/SR
(Release ID: 2071356)
Visitor Counter : 39
Read this release in:
English
,
Urdu
,
Hindi
,
Marathi
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam