நிதி அமைச்சகத்தின் மத்திய நேரடி வரிகள் வாரியம் (சிபிடிடி), இந்தியா முழுவதும் உள்ள அதன் துணை அலுவலகங்களுடன், இணைந்து இரண்டு கட்டங்களாக மத்திய அரசால் மேற்கொள்ளப்பட்ட நிலுவையில் உள்ள விஷயங்களைத் தீர்ப்பதற்கான சிறப்பு பிரச்சாரம் 4.0-ல் உற்சாகமாக பங்கேற்றது.

ஆயத்த கட்டம்: இந்தக் கட்டத்தின் போது, பிரச்சாரத்தை முன்னெடுக்க நாடு முழுவதும் ஒருங்கிணைப்பு அதிகாரிகள் நியமிக்கப்பட்டனர். இந்த ஒருங்கிணைப்பு அதிகாரிகளின் தலைமையின் கீழ், கீழ்க்காணும் முக்கிய பணிகள் மேற்கொள்ளப்பட்டன:-

- தூய்மை பிரச்சாரங்களை மேற்கொள்வதற்கான பிரச்சார இடங்கள் அடையாளம் காணப்பட்டன;

- ஸ்கிராப் மற்றும் தேவையற்ற பொருட்கள் அகற்றுவதற்கு அடையாளம் காணப்பட்டன;

- கோப்புகள் மற்றும் மின் கோப்புகள் களையெடுப்பு / மூடுவதற்கு அடையாளம் காணப்பட்டன;

- விண்வெளி மேலாண்மை மற்றும் அலுவலக இடங்களை அழகுபடுத்துவதற்காக திட்டமிடல் செய்யப்பட்டது;

- நிலுவையில் உள்ள பொதுமக்களின் குறைகளை தீர்ப்பதற்கு அடையாளம் காணப்பட்டது.

செயலாக்க கட்டம்: செயலாக்க கட்டத்தில், இலக்குகளை அடைய அனைத்து முயற்சிகளும் மேற்கொள்ளப்பட்டன. மத்திய நேரடி வரிகள் வாரியத் தலைவரின் ஒட்டுமொத்த மேற்பார்வையின் கீழ் பிரச்சாரத்தின் முன்னேற்றம் தினசரி என்ற அடிப்படையில் கண்காணிக்கப்பட்டது.

சாதனைகள்: சிறப்பு பிரச்சாரம் 4.0 பல்வேறு அளவுருக்களில் குறிப்பிடத்தக்க சாதனைகளைக் கண்டுள்ளது.

சிறப்பு பிரச்சாரம் 4.0 இன் கீழ், மத்தியநேரடி வரிகள் வாரியம் 1,450 தளங்களை சுத்தம் செய்துள்ளது; 3.20 லட்சம் கோப்புகளை களையெடுத்து, 58,000 இ-கோப்புகளை முடித்துவைத்துள்ளது.  220 டன் பழைய கோப்புகள்/காகிதங்களை அப்புறப்படுத்தி, 1.75 லட்சம் சதுர அடியை விடுவித்துள்ளது கழிவு அகற்றல் மூலம் ரூ.43 லட்சம் வருவாய் ஈட்டியது. 53,000 பொதுமக்கள் குறைகளுக்கு தீர்வு காணப்பட்டது.

தூய்மையை ஒரு பழக்கமாக மாற்றிக் கொள்வது, அவ்வப்போது தூய்மைப் பணிகளை தொடர்ந்து மேற்கொள்வது, பழைய கோப்புகளை முறையாக ஆய்வு செய்வது, அகற்றுவது, மூடுவது போன்ற தனது உறுதிப்பாட்டை மத்திய நேரடி வரிகள் வாரியம் மீண்டும் வலியுறுத்துகிறது. அதே நேரத்தில் பொதுமக்களின் குறைகளை உரிய நேரத்தில் விரைந்து தீர்ப்பதில் கவனம் செலுத்துகிறது.

 

****

TS/PKV/KV/KR

 

 

(Release ID: 2071084) Visitor Counter : 10