صفائی کو ادارہ جاتی بنانے اور حکومت میں زیر التواء کاموں کو کم کرنے کے وزیر اعظم جناب نریندر مودی کے وژن سے تحریک حاصل کرتے ہوئے، بھاری صنعتوں کی وزارت نے خصوصی مہم 4.0 کے اہم مرحلے کا آغاز کیا ہے، جو 2 اکتوبر سے 31 اکتوبر 2024 تک جاری رہا۔ اس مہم کا مقصد پرانی فائلوں کو ہٹانے، جگہ کے انتظام کو بہتر بنانے، اور ایک پائیدار اور سبز ماحول کو فروغ دینے پر توجہ مرکوز کرنا ہے۔

وزارت نے صفائی سے متعلق اپنی خصوصی مہم 4.0 کو کامیابی کے ساتھ مکمل کر لیا ہے، جسے پوری وزارت اور اس کے مرکزی پبلک سیکٹر انٹرپرائزز (سی پی ایس ایز) اور خود مختار اداروں (اے بیز) میں ملک بھر میں نافذ کیا گیا۔ مہم کا آغاز 15 ستمبر 2024 کو ایک تیاری کے مرحلے کے ساتھ ہوا، جس میں جگہ کے انتظام اور دفاتر میں کام کی جگہ کے تجربے کو بڑھانے پر توجہ دی گئی۔ اس پورے مرحلے کے دوران، پورے ہندوستان میں مختلف ہدف والے مقامات کی نشاندہی کی گئی۔

خصوصی مہم 4.0 کے دوران، بھاری صنعتوں کی وزارت (ایم ایچ آئی) اور اس کے سنٹرل پبلک سیکٹر انٹرپرائزز (سی پی ایس ایز) اور خودمختار اداروں (اے بیز) نے 1,532 آؤٹ ڈور مہمات چلائیں، جو تیاری کے مرحلے سے منصوبہ بند سرگرمیوں کے مقابلے میں 233 فیصد متاثر کن اضافہ کی نمائندگی کرتی ہیں۔ ان کوششوں کے نتیجے میں، تقریباً 31.64 لاکھ مربع فٹ جگہ خالی کی گئی ہے، جو مقررہ ہدف کے 122 فیصد سے زیادہ ہے۔ اس خالی جگہ کو نئے دفتری علاقوں، میٹنگ ہالز اور لائبریریوں کے لیے دوبارہ استعمال کیا جا سکیگا۔

مجموعی طور پر، تقریباً 42,399 فزیکل فائلوں اور 5,792 ڈیجیٹل فائلوں کا جائزہ لیا گیا۔ مزید برآں، 13,279 فزیکل فائلوں کو ختم کیا گیا اور 6,043 ڈیجیٹل فائلیں بند کردی گئیں۔

مزید برآں، ایم ایچ آئی اور اس کے سی پی ایس ایز اور اے بیز نے کباڑ کے ٹھکانے لگاکر تقریباً  6.95 کروڑروپے کی آمدنی حاصل کی، جو اس اقدام کی کامیابی میں اہم کردار ادا کرتی ہے۔ بیداری بڑھانے اور دیگر تنظیموں کی جانب سے شرکت کی حوصلہ افزائی کے لیے، سی پی ایس ایز اور اے بیز کے آفیشل سوشل میڈیا ہینڈلز کے ذریعے ایکس (سابقہ ​​ٹویٹر کے نام سے جانا جاتا تھا) پر 479 سے زیادہ ٹویٹس پوسٹ کیے گئے ہیں، جو خصوصی مہم 4.0 کے دوران کی گئی اہم سرگرمیوں کو نمایاں کرتے ہیں۔

خصوصی مہم 4.0 کے دوران ایم ایچ آئی کے تحت سی پی ایس ایز / اے بیز کی طرف سے اپنائے گئے کچھ بہترین طریقے ذیل میں ہیں:

1. بھارت ہیوی الیکٹریکلز لمیٹڈ (بی ایچ ای ایل) بھوپال یونٹ نے ڈبلیو ٹی ایم-ایس ٹی ایم اسکوائر کے علاقے کو جمالیاتی لحاظ سے ایک اچھی جگہ میں تبدیل کر دیا ہے۔ یہ اچھی طرح سے برقرار رکھنے والا ماحول نہ صرف کام کی جگہ کی حفاظت اور پیداواری صلاحیت کو بڑھاتا ہے بلکہ ایک پائیدار مستقبل کے لیے بی ایچ ای ایل کی لگن کو بھی ظاہر کرتا ہے۔

2. سینٹرل مینوفیکچرنگ ٹیکنالوجی انسٹی ٹیوٹ (سی ایم ٹی آئی) بنگلور نے خصوصی مہم 4.0 کے حصے کے طور پر سی ایم ٹی آئی ملازمین اور ان کے خاندانوں کے لیے ڈاکٹر اگروال کے آئی ہسپتال کے ذریعے آنکھوں کی جانچ کی مہم کا اہتمام کیا۔

3.  دی برج اینڈ روف کمپنی (انڈیا) لمیٹڈ نے سرکاری اسکول وڈودرا، گجرات میں صفائی مہم کا اہتمام کیا۔ جو جسمانی صحت، علمی نشوونما، اور سماجی مہارتوں کو فروغ دیتا ہے،اور ایک بہترین تعلیمی ماحول پیدا کرتا ہے۔

4. ہندوستان مشین ٹولز (ایچ ایم ٹی) گروپ آف کمپنیز کے ملازمین نے ایچ ایم ٹی ، کالامسری  میں ویسٹ ٹو آرٹ مقابلے کے دوران سکریپ کا استعمال کرتے ہوئے میگنیٹک ویکیوم کلینر ایجاد کیا ہے۔

5. ہندوستان سالٹس لمیٹڈ (ایچ ایس ایل) جے پور نے صفائی ملازمین کے لیے ایک طبی جانچ کیمپ کا انعقاد کیا،تاکہ ان کی صحت اور تندرستی کو یقینی بنایا جائے۔

 

************

ش ح ۔ م  د   ۔  م  ص

 (U: 2129 )

(Release ID: 2071004) Visitor Counter : 17