کیمیکلز اور کھادوں کی وزارت کے تحت کیمیکلز اور پیٹرو کیمیکل کا محکمہ(ڈی سی پی سی) خصوصی مہم 4.0 چلاتا ہے اور اپنے مقرر کردہ ہدف کو مکمل طور پر حاصل کرتا ہے۔

کیمیکلز اور پیٹرو کیمیکل کا محکمہ نے اپنی تنظیموں کے ساتھ 2 اکتوبر 2024 سے 31 اکتوبر 2024 کے دوران خصوصی مہم 4.0 میں جوش و خروش کے ساتھ سوچھتا کو مرکزی دھارے میں لانے اور دفاتر میں التوا کو کم کرنے پر توجہ مرکوز کرتے ہوئے حصہ لیا۔

سوچھتا کو مرکزی دھارے میں لانے کے لیے محکمہ نے اپنے ریکارڈ روم میں پڑی تمام 2443 فزیکل فائلوں کا جائزہ لینے کا ہدف مقرر کیا ہے۔ جائزہ مکمل ہونے پر مہم کے دوران کل 1250 فائلوں کو تلف کیا گیا ہے۔ محکمہ نے ان تمام 4656 ای الیکٹرانک فائلوں کا بھی جائزہ لیا جو ای فائلنگ سسٹم کو اپنانے کے بعد سے محکمہ میں کھولی گئی تھیں اور مہم کے دوران 880 ای فائلوں کو بند کیا گیا۔

صفائی مہم نے 28,128 مربع فٹ جگہ خالی کرنے اور محکمہ اور اس کی تنظیموں کو اسکریپ کو ٹھکانے لگانے سے 15,82,889 روپے کی آمدنی حاصل کرنے کی صورت میں بھی ٹھوس نتائج حاصل کیے ہیں۔

اس مہم کے دوران محکمہ کی تنظیموں جیسے سی آئی پی ای ٹی، آئی پی ایف ٹی، ایچ او سی ایل اور ایچ آئی ایل نے دفتری ماحول سے باہر جگہوں پر صفائی کے پیغام کو پھیلانےکے کام کو انجام دیا ہے۔ اس سلسلے میں عوامی مقامات جیسے پارکوں، ریلوے اور بس اسٹیشن، تاریخی مقامات، تعلیمی اداروں، بازاروں وغیرہ میں 153 مقامات پر صفائی مہم چلائی گئی۔

عوامی شکایات کے علاوہ محکمہ نے مختلف ارکان پارلیمنٹ اور پی ایم او کے تمام حوالوں کو نمٹا دیا ہے جو31 ستمبر 2024 تک زیر التواء تھے۔

***********

 (ش ح۔م ح۔ش ت)

U:2083