وزارت ثقافت، حکومت ہند، بین الاقوامی بدھسٹ کنفیڈریشن (آئی بی سی) کے تعاون سے نئی دہلی میں 5 تا 6 نومبر 2024 کو پہلی ایشیائی بدھ اجلاس (اےبی ایس) کا انعقاد کر رہی ہے۔ اس سربراہی اجلاس کا موضوع ’’ایشیا کو مضبوط بنانے میں بدھ دھمّ کا کردار‘‘ ہے۔ صدر جمہوریہ ہند اس تقریب میں بطور مہمان خصوصی شرکت کریں گے۔ اس سربراہی اجلاس کے ذریعے، ایشیا بھر میں مختلف بودھ روایات سے تعلق رکھنے والے سنگھ رہنماؤں، اسکالروں، ماہرین اور پریکٹیشنروں کو اکٹھا کرے گا تاکہ بات چیت کو فروغ دیا جا سکے، افہام و تفہیم کو فروغ دیا جا سکے اور بودھ طبقے کو درپیش چیلنجوں سے نمٹا جا سکے۔ ہندوستان اور پورے ایشیا کی روحانی اور ثقافتی تاریخ میں بدھ مت کو ایک منفرد مقام حاصل ہے۔

مہاتما بدھ، ان کے شاگردوں اور مبلغین کی تعلیمات نے ایشیا کو زندگی، الوہیت اور سماجی اقدار کے لیے ایک مشترکہ نقطہ نظر کے ذریعے متحد رکھا ہے۔ بدھ دھمّ ہندوستان کی ثقافت کے ایک قیمتی جزو کے طور پر ابھرا ہے، جس نے مستحکم خارجہ پالیسی اور موثر سفارتی تعلقات کو فروغ دینے میں ملک کی مدد کی ہے۔ بدھ مت کی علامتوں کو آزاد ہندوستان کی قومی شناخت کے حصے کے طور پر شامل کرنے سے لے کر اس کی خارجہ پالیسی میں بدھ مت کی اقدار کو اپنانے تک، بدھ دھمّ، ہندوستان اور ایشیا ایک دوسرے کے ہم پلہ ہیں۔ یہ اجلاس ہندوستان کی ایکٹ ایسٹ پالیسی کا بھی ایک مظہر ہے، جس کا اصول ایشیا کی اجتماعی، جامع اور روحانی ترقی پر مبنی ہے جس میں دھمّ رہنمائی کی روشنی ہے۔ اس جذبے کے ساتھ، ایشیائی بدھ اجلاس مندرجہ ذیل موضوعات کا احاطہ کرے گا:

1.  بدھ آرٹ، فن تعمیر اور وراثت
2.  بدھ کاریکا اور بدھ دھمّ کی ترسیل
3. مقدس بدھ مت کے آثار کا کردار اور معاشرے میں اس کی مطابقت
4.  سائنسی تحقیق اور بہبود میں بدھ دھمّ کی اہمیت
5.  اکیسویں صدی میں بدھ مت کے ادب اور فلسفے کا کردار

مندرجہ بالا موضوعات پر غور و خوض کے علاوہ، ایشیا کو جوڑنے والے دھمّ سیتو (پل) کے عنوان سے ہندوستان کے موضوع پر ایک خصوصی نمائش  بھی پنڈال میں دیگر تخلیقی نمائشوں کے علاوہ اس اجلاس  کا حصہ بنےگی۔ یہ سربراہی اجلاس پورے ایشیا میں بدھ کے دھمّ کی متنوع آوازوں کو اکٹھا کرنے کا ایک منفرد موقع ہے۔ مکالمے کے ذریعے، عصری چیلنجوں سے نمٹنے اور بدھ مت کے ورثے کو فروغ دینے کے ذریعے، اجلاس کا مقصد ایک زیادہ ہمدرد، پائیدار، اور پرامن دنیا کے لئے کردار ادا کرنا ہے جو ہمیں انسانیت کی جامع بہبود کا یقین دلاتا ہے۔

***************

ش ح ۔  ع و  ۔م ش

U. No.2049