این ایم ڈی سی ، ہندوستان کے سب سے بڑے خام لوہے کی پیداوار کرنے والے ادارے نے ویجیلنس آگاہی ہفتہ 2024 کا اختتام ایک اختتامی تقریب کے ساتھ کیا جس میں دیانتداری اور اخلاقی طریقوں کی اہمیت کو اجاگر کیا گیا۔ تین ماہ پر محیط آگاہی مہم جو کہ 16 اگست 2024 کو شروع ہوئی اور 15 نومبر تک جاری رہے گی، جس میں پروجیکٹ سائٹس اور ہیڈ کوارٹرز پر مختلف تقریبات کا انعقاد کیا گیا۔ ویجیلنس بیداری ہفتہ 28 اکتوبر 2024 کو شروع ہوا، ہیڈ کوارٹر میں جناب مہیش ایم بھاگوت، آئی پی ایس، ایڈیشنل ڈی جی پی (ایل اینڈ او) حیدرآباد کے  ذریعہ ’قوم کی خوشحالی کے لیے دیانتداری کی ثقافت‘ پر  ایک اہم اجلاس کے ساتھ اختتام پذیر ہوا۔ ​​اس کے بعد اندرون خانہ ویجیلنس میگزین ’سبودھ‘ کی نقاب کشائی کی گئی اور مختلف سرگرمیوں میں حصہ لینے والے بچوں، ملازمین اور اسٹیک ہولڈرز کے لیے انعامات کی تقسیم کی گئی۔

اختتامی تقریب میں این ایم ڈی سی  کی سینئر قیادت نے شرکت کی، بشمول امیتوا مکھرجی، سی ایم ڈی (اضافی چارج)، جناب ونے کمار، ڈائریکٹر (ٹیکنیکل) اور (پرسنل، اضافی چارج)، این ایم ڈی سی، اور جناب بی وشواناتھ، چیف ویجیلنس آفیسر اور این ایم ڈی سی   کے ملازمین ۔

مہمان خصوصی جناب مہیش ایم بھاگوت، آئی پی ایس، ایڈیشنل  ڈی جی پی (ایل اینڈ او) حیدرآباد نے دیانتداری، شفافیت، عزم اور لگن کی اہمیت پر بات کی۔ انہوں نے ترقی کے مراحل پر سگمنڈ فرائیڈ کے نظریہ کا حوالہ دیتے ہوئے جو بالغوں کے رویے کو تشکیل دیتے ہیں، اپنی  بصیرت کا اشتراک کیا کہ کس طرح دیانتداری آپریشنز کی بنیاد ہے۔ انہوں نے ملازمین کی حوصلہ افزائی کی کہ وہ اپنی ڈیوٹی کے علاوہ چوکس رہنے کی عادت پیدا کریں اور ایک منصفانہ اور قابل اعتماد کام کی جگہ بنانے کی ذمہ داری کا اشتراک کریں۔

اجتماع سے خطاب کرتے ہوئے، امیتوا مکھرجی، سی ایم ڈی (اضافی چارج) نے سال بھر کی کوششوں کے لیے چوکسی ٹیم کی ستائش کی۔ انہوں نے تبصرہ کیا  "چوکس تنظیم غلطی تلاش کرنے والے ادارے سے زیادہ ہے۔ این ایم ڈی سی نے صلاحیت کی تعمیر میں نمایاں پیش رفت کی ہے کیونکہ ہم اپنے 100 ایم این ٹی  کے ہدف کو حاصل کرنے کا ارادہ رکھتے ہیں۔ یہ آگے  کی طرف ایک زبردست جست ہے، جو ہم سے منظم، باخبر فیصلے کرنے کی ضرورت  کا تقاضہ  کرتا ہے۔ درست ڈیجیٹل اقدامات شفافیت اور کارکردگی کو بڑھاتے ہیں۔ احتیاطی نگرانی عمل کی تطہیر اور ضابطہ بندی کا باعث بنتی ہے جو فیصلہ سازی میں انفرادی صوابدید پر انحصار کو محدود کرتی ہے''۔ انہوں نے شرکا سے اپیل کی  کہ وہ احتیاطی نگرانی کی سرگرمیوں میں سرگرمی سے حصہ لیں، شفافیت کے لیے نظام کو مضبوط کریں، اور حکومتی رہنما خطوط کے مطابق معیاری خریداری کے طریقوں پر عمل کریں۔

جناب بی وشوناتھ، چیف ویجیلنس آفیسر، نے تنظیم کے اندر منصفانہ، اخلاقی، اور پائیدار عمل کو حاصل کرنے میں سی وی سی کے رہنما خطوط کے کردار پر زور دیا۔ انہوں نے صلاحیت سازی کے اقدامات کی کامیابی پر روشنی ڈالتے ہوئے کہا، "حیدرآباد، بیلادیلا، جگدل پور، ناگرنار، پنا اور ڈونیملائی کے 28 سے زیادہ اسکولوں اور کالجوں میں چوکسی بیداری کے پروگرام منعقد کیے گئے، جن میں 1,800 سے زیادہ طلباء تک رسائی حاصل کی گئی۔ حیدرآباد میں، ہم نے 1,000 طلباء کو مختلف اسکٹس اور سرگرمیوں میں شامل کیا۔

ان ہاؤس ویجیلنس میگزین "سبودھ"  کا چوتھا ایڈیشن، اس تقریب کے دوران شروع کیا گیا، جو ملازمین اور اسٹیک ہولڈرز کے لیے ایک قیمتی وسیلہ کے طور پر کام کر رہا ہے۔

ویجیلنس بیداری ہفتہ کے دوران، مختلف پروجیکٹس میں مختلف تقریبات کا انعقاد کیا گیا، جن میں کوئز مقابلے، نعرے لکھنا، تقریر، مضمون نویسی، اور بہترین ہاؤس کیپنگ اقدامات شامل ہیں۔ ان مقابلوں کے فاتحین کو اختتامی سیشن کے دوران تسلیم کیا گیا، جس میں تنظیم کے اندر اخلاقی طریقوں کو فروغ دینے میں ان کی شراکت کا جشن منایا گیا۔

مذکورہ پروگرام سے ایک دن پہلے، این ایم ڈی سی نے اس ہفتے کے دوران سردار ولبھ بھائی پٹیل کی یوم پیدائش کے اعزاز میں 31 اکتوبر 2024 کو ایک 'رن فار یونٹی' کا اہتمام کیا تھا۔ تقریب کو چیف ویجیلنس آفیسر جناب بی وشوناتھ اور سی جی ایم محترمہ  پریادرشینی  نے جھنڈی دکھا کر روانہ کیا۔ این ایم ڈی سی کے ملازمین نے، مختلف اسکولوں کے طلباء کے ساتھ، جوش و خروش سے حصہ لیا اور ہندوستان کے مرد آہن  کو خراج تحسین پیش کیا اور اتحاد اور سالمیت کے جذبے کو تقویت بخشی جس کا یہ ہفتہ عکاسی کرتا ہے۔

*************

ش ح ۔ ا ک ۔ ر ب

U. No.2025

 

(Release ID: 2070320) Visitor Counter : 20