وزارت خزانہ کے  محکمہ محصولات کے تحت، ٹیکس اور کسٹمز کا بالواسطہ مرکزی بورڈ (CBIC)، سوچھتا پر خصوصی توجہ کے ساتھ 2-31 اکتوبر 2024 تک خصوصی مہم 4.0 میں سرگرم عمل ہے۔

اس مدت کے دوران اٹھائے گئے اقدامات میں صفائی کے اصولوں کو فروغ دینے پر توجہ مرکوز کی گئی جبکہ کام کے اہم علاقوں میں اہم رکاوٹوں کو بھی دور کیا گیا۔ اس مہم میں عوامی شکایات کے ازالے کو ترجیح دی گئی تاکہ خدمات کی فراہمی اور ردعمل کو بہتر بنایا جا سکے۔ پرانی اور غیر ضروری اشیاء کو ہٹا کر دفتری ماحول کو بہتر بنانے کی کوششیں کی گئیں، بشمول ضبط شدہ ممنوعہ اشیاء، جیسے کہ نشہ آور اشیاء اور غیر ملکی سگریٹس، اس بات کو یقینی بناتے ہوئے کہ ان اشیاء کو قانونی ضابطوں کی تعمیل میں تلف کیا جائے۔

اس سال، سی بی آئی سی نے سوچھ بھارت مشن کی 10ویں سالگرہ بھی  ’سوبھو سوچھتا سنسکار سوچھتا (4S) مہم‘ کی تھیم کے تحت ’سووچھتا ہی سیوا 2024‘ کے پرجوش جشن کے ساتھ منائی۔ اس اقدام نے صفائی کو برقرار رکھنے میں بڑے پیمانے پر بیداری اور عوامی شرکت پر زور دیا، خاص طور پر پورے ملک میں صفائی کے ہدف یونٹس (سی ٹی یو) کو نشانہ بنایا گیا۔ CBIC افسران، عملے اور فیلڈ دفاتر کی فعال شمولیت کے ساتھ، مہم نے ایک باہمی تعاون کے ماحول کو فروغ دیا جس نے اس کے اثرات کو نمایاں طور پر بڑھا دیا۔

• سی بی آئی سی کی تشکیل کی مشترکہ کوششوں کے نتیجے میں کئی اہم سنگ میل حاصل کیے گئے ہیں:
• 433 عوامی شکایات کا حل، 80 عوامی شکایات کی اپیلیں، اور پانچ ایم پی ریفرنسز۔
• 49,667 فائلوں کا جائزہ لیا گیا جس میں سے 27,656 فزیکل فائلوں کا خاتمہ۔
• 36,237 میں سے 1,501 ای فائلوں کا جائزہ لیا گیااور ان کو ختم کیا گیا۔
• دفتر کے احاطے اور عوامی علاقوں میں 819 صفائی کے پروگراموں کا اہتمام کیا گیا۔
• کی پیداوار۔ 17,121 کلو گرام کباڑ کو ٹھکانے لگانے سے تقریباً 3.80 لاکھ  روپے، حاصل ہوئے اور 16,706 مربع فٹ اضافی دفتری جگہ خالی کرائی گئی۔

دہلی کسٹمز (پریوینٹیو) کمشنریٹ اور کسٹمز (ایئرپورٹ اور جنرل) کمشنریٹ کے ذریعہ مشترکہ طور پر 73 کلو گرام منشیات، 49 لاکھ غیر ملکی سگریٹس، اور دیگر ممنوعہ اشیاء کو تباہ کیا گیا،جن کی ملیت 460  کروڑ روپے ہے۔ کسٹم کمشنریٹ (پریوو) کے علاوہ وجئے واڑہ نے غیر قانونی درآمدات کے خلاف جاری جنگ کے ایک حصے کے طور پر 5.5 کروڑ مالیت کی 82.72 لاکھ اسمگل شدہ سگریٹوں کو ٹھکانے لگایا ۔۔

پائیداری اور ملازمین کی فلاح و بہبود کو فروغ دینے کے لیے مختلف کسٹمز اور جی ایس ٹی دفاتر میں کئی بہترین طریقوں کو نافذ کیا گیا۔ واپی کی کسٹمز کالونی میں ایک بائیو گیس پلانٹ لگایا گیا، جس نے فضلے کو دولت میں بدل دیا۔

سی جی ایس ٹی فرید آباد کمشنریٹ نے پرانے ریکارڈ اور فرنیچر سے بھرے دو لاوارث کمروں کو اپنے احاطے میں ایک کیفے ٹیریا اور کریچ میں تبدیل کردیا۔ سی جی ایس ٹی جے پور زون نے 100 سے زیادہ مقامی انواع کے 11,000 پودے لگائے ہیں جو ایک جدید جنگلاتی طریقہ استعمال کرتے ہیں جس میں نامیاتی فضلہ اور پانی کی معمول کی ضرورت کا صرف 30 فیصد استعمال ہوتا ہے۔ سی جی ایس ٹی گروگرام آڈٹ کمشنریٹ نے ملازمین کی فلاح و بہبود کے لیے ایک کریچ تیار کرنے کے لیے دفتر کی جگہ دوبارہ حاصل کی۔ مزید برآں، صفائی کو یقینی بنانے کی کوششوں کو کوچین کے ویلپو بیچ تک بڑھایا گیا، جہاں 100 طلبا سمیت 400 سے زیادہ افسران نے رضاکارانہ خدمات انجام دیں۔ اس مہم کے نتیجے میں دفتر کے احاطے کی صفائی اور پرانے فرنیچر کی مرمت اور پینٹنگ کا کام بھی ہوا، جو بعد میں جیلا پریشد ہندی اچ پرائمری اسکول اور پرائمری اسکول، عمریر، ناگپور کو عطیہ کیا گیا، ان اقدامات کو سوشل میڈیا پلیٹ فارمز پر مؤثر طریقے سے دکھایا گیا۔

CBIC کے آفیشل ہینڈل اور فیلڈ دفاتر کے ذریعے 'X' اور دیگر سوشل میڈیا پلیٹ فارمز پر تقریباً 200 پوسٹس کا اشتراک کیا گیا، جس سے سوچھتا پیغام کو نمایاں طور پر وسعت ملی۔ ان طریقوں کو بنانے اور سال بھر ان کی پائیداری کو یقینی بنانے کی کوششیں جاری رہیں گی۔

******

ش ح۔م د۔  ول

Uno-2016