وزیر دفاع جناب راج ناتھ سنگھ نے 30 اکتوبر 2024 کو آسام کے تیز پور میں 4 کور ہیڈ کوارٹر میں فوجیوں کے ساتھ روشنیوں کا تہوار ’دیپاولی‘ منایا۔ چیف آف آرمی اسٹاف جنرل اپیندر دویدی، جنرل آفیسر کمانڈنگ انچیف، ایسٹرن کمانڈ لیفٹیننٹ جنرل آر سی تیواری، جنرل آفیسر کمانڈنگ، 4 کور لیفٹیننٹ جنرل گمبھیر سنگھ اور بھارتی فوج کے دیگر اعلیٰ حکام اس موقع موجود تھے۔

بارہ کھانا کے دوران فوجیوں سے خطاب کرتے ہوئے،وزیر دفاع نے ایل اے سی کے ساتھ بعض علاقوں میں زمینی صورتحال کو بحال کرنے کے لیے بھارت  اور چین کے درمیان طے پانے والے اتفاق رائے کا حوالہ دیا۔ انہوں نے کہا’’بھارت  اور چین ایل اے سی کے ساتھ کچھ علاقوں میں اپنے تنازعات کو حل کرنے کے لئے سفارتی اور فوجی بات چیت کررہے تھے۔ ہم اپنی مسلسل کوششوں کے بعد اتفاق رائے پر پہنچ گئے ہیں۔ ہم نے یہ کامیابی آپ کے نظم و ضبط اور حوصلے کی وجہ سے حاصل کی۔ ہم اتفاق رائے کی بنیاد پر امن کی بحالی کا یہ عمل جاری رکھیں گے۔ سابق وزیر اعظم اٹل بہاری واجپائی کہا کرتے تھے کہ ہم اپنے دوست تو بدل سکتے ہیں لیکن پڑوسی نہیں۔ ہم اپنے پڑوسیوں کے ساتھ خوشگوار تعلقات رکھنے پر یقین رکھتے ہیں۔ یہ بھارت کی واضح پالیسی ہے۔ تاہم، بعض اوقات حالات پیدا ہوتے ہیں اور سرحدوں کی حفاظت اور سیکورٹی  کو یقینی بنانا پڑتا ہے۔ ہماری افواج کے مفادات کو مدنظر رکھتے ہوئے حکومت امن کی بحالی کے اس عمل میں ضروری اقدامات کرے گی۔‘‘

جناب راج ناتھ سنگھ نے ان فوجیوں کے غیر متزلزل جذبے، ثابت قدمی اور غیر معمولی حوصلے کی ستائش کی جو مشکل حالات میں فرنٹ لائن پر خدمات انجام دیتے ہیں اور انہیں نوجوانوں کے لیے تحریک کا حقیقی ذریعہ قرار دیا۔ انہوں نے کہا کہ قوم ہمیشہ ان سپاہیوں کی مقروض رہے گی جنہوں نے بے مثال بہادری اور لگن سے مادر وطن کی خدمت کی۔

وزیر دفاع نے مزید کہا کہ عالمی سطح پر بھارت کے بڑھتے ہوئے قد کی بڑی وجہ وزیر اعظم جناب نریندر مودی کی دور اندیش قیادت اور مسلح افواج کی طاقت ہے۔ انہوں نے فوجیوں پر زور دیا کہ وہ ہوشیار رہیں اور ان خطرات سے نمٹنے کے لیے تیار رہیں جو عالمی سلامتی کے بدلتے ہوئے منظر نامے سے ابھر سکتے ہیں۔

جناب راج ناتھ سنگھ نے بار خانہ کے تصور کی تعریف کرتے ہوئے جوانوں کے صفوں میں دوستی کو فروغ دینے میں اس کے کردار پر زور دیا۔ انہوں نے کہا کہ’’بارہ کھانا یہ بتاتا ہے کہ ہم صرف اپنے سرکاری ٹائٹل سے زیادہ ہیں۔ ہم ایک خاندان ہیں جو ملک کی حفاظت کے اپنے عزم میں متحد ہیں۔‘‘

اس سے پہلے، وزیر دفاع نے فارمیشن کی آپریشنل تیاریوں کا مکمل جائزہ لیا۔ انہیں ایل اے سی کے ساتھ ساتھ بنیادی ڈھانچے کی ترقی اور آپریشنل کارکردگی کو بڑھانے کے لیے جدید ترین فوجی ساز و سامان اور ٹیکنالوجی کے روزگار کے بارے میں بتایا گیا۔ انہوں نے مشکل حالات میں کور کے تمام رینکوں کی مثالی لگن اور شاندار خدمات کی تعریف کی اور سرحدی علاقوں میں ملک کی تعمیر کے لیے کور کی جانب سے کئے گئے بہترین کام کی تعریف کی۔

****

(ش ح۔اص)

UR No.1955

(Release ID: 2069722) Visitor Counter : 16