بندرگاہوں، جہاز رانی اور آبی گزرگاہوں کے مرکزی وزیر سربانند سونووال نے آج یہاں سروسجائی اسپورٹس کمپلیکس سے ’رن فار یونٹی‘ کو جھنڈی دکھا کر روانہ کیا۔ ’راشٹریہ ایکتا دیوس‘ کے موقع پر منعقدہ، جناب سونووال نے ملک کو متحد کرنے اور ایک مضبوط اور خوشحال قوم کی بنیاد رکھنے میں سردار ولبھ بھائی پٹیل کی انمول شراکت پر روشنی ڈالی۔ وزیرموصوف کے ساتھ آسام حکومت کے وزیر جناب کیشب مہانتا ایم پی (گوہاٹی) بیجولی کلیتا میدھی کے ساتھ شامل ہوئے۔ اس تقریب کا اہتمام بندرگاہوں، جہاز رانی اور آبی گزرگاہوں کی وزارت، حکومت ہند نے ان لینڈ واٹر ویز اتھارٹی آف انڈیا (آئی ڈبلیو اے آئی) کے ساتھ حکومت آسام کے تعاون سے کیا تھا۔

اس موقع پر اظہار خیال کرتے ہوئے، مرکزی وزیر جناب سربانند سونووال نے کہا، "سردار ولبھ بھائی پٹیل، "آئرن مین آف انڈیا" نے قوم کے اتحاد اور سالمیت کو بحال کیا، ایک مضبوط اور خوشحال ہندوستان کی بنیاد رکھی۔انہوں نے کہا کہ ان کے یوم پیدائش کے موقع پر، ہم قومیت کے نظریے کو گھر گھر پہنچانے کے لیے ‘رن فار یونٹی’ کا جشن منا رہے ہیں۔ ملک کو متحد کرنے میں سردار پٹیل کی انمول شراکت نے ہندوستان کی کہانی کی شکل اختیار کرنے کے لیے ایک مضبوط بنیاد کو یقینی بنایا۔ اس فاؤنڈیشن کی بدولت، ہم 2047 تک آتم نر بھر بھارت کے مقصد کو حاصل کرنے کے لیے آگے بڑھ رہے ہیں۔ سردار پٹیل کے آشیرواد سے، وزیر اعظم جناب نریندر مودی جی 'ایک بھارت، بہترین بھارت' کے نعرے کے ساتھ ملک کی قیادت کر رہے ہیں۔ مجھے اس 'رن فار یونٹی' کے ذریعے سردار پٹیل کے عظیم آدرشوں کاجشن منانے کے لیے آپ سب، خاص طور پر نوجوانوں کو دیکھ کر بے حد خوشی ہورہی ہے۔

اس دوڑ میں معاشرے کے تمام طبقوں سے تعلق رکھنے والے افراد نے شرکت کی، جس میں نوجوانوں اور اسکول کے طلباء کی بڑی تعداد نے شرکت کی۔ رنرز نے جوش و خروش سے حصہ لیا، اسے پورا کرنے کے لیے سروسجائی اسٹیڈیم کے ارد گرد بنائے گئے رن ان ٹریل پردوڑ لگائی اور دوڑ کے ساتھ ساتھ راشٹریہ ایکتا دیوس کے خیال سے ہم آہنگ ہونے کی اپنی خواہش کا اظہار کیا۔

راشٹریہ ایکتا دیوس یا قومی اتحاد کا دن 2015 سے 31 اکتوبر کو سردار ولبھ بھائی پٹیل کے یوم پیدائش کے موقع پر منایا جاتا ہے۔ اس موقع پر ملک کے لوگ اس قوم پرست عظیم شخصیت کو یاد کرتے ہیں اور ہندوستان کے اتحاد اور سالمیت کا عہد کرتے ہیں۔ اس ہفتے کے شروع میں، ہندوستان کے وزیر اعظم نریندر مودی نے ‘من کی بات’ کے ریڈیو پروگرام کے دوران دیپاولی کے تہوار کے موقع پر 31 اکتوبر کے بجائے آج 'رن فار یونٹی' منانے کی اپیل کی تھی۔

***********

ش ح۔ ا  س۔ م  ا

UNO-1878

(Release ID: 2069289) Visitor Counter : 9