(2024গী ওক্তোবর 28দা নই দিল্লীদা পাংথোকখিবা নেস্নেল ভিজনিং ৱার্কশোপ ফোর WASHকী পার্তিসিপেন্তশিংগী গ্রুপ ফোতো)

 

দ দিপার্তমেন্ত ওফ দ্রিংকিং ৱাতর এন্দ সেনিতেশন (DDWS)না ঙসি নেস্নেল ভিজনিং ৱার্কশোপ ওন ৱাতর, সেনিতেশন, এন্দ হাইজিন (WASH)কীদমক্তা নই দিল্লীগী ভারত মন্দপমদা ত্রান্সফোর্মেতিব ৱার্কশোপ অমা শিনখ্রে। মসিগী ৱার্কশোপ অসিনা স্বচ্ছ ভারত মিসন – গ্রামীন (SBMG) গী দেকেদ অমদা অমসুং জল জীৱন মিসন (JJM)গী চহি মঙা অসিদা য়াম্না মরু ওইবা মিৎকুপ অদুবু নিংশিংলদুনা মাইপাকপশিং য়েংশিনখ্রে অমসুং সস্তেনেবল কম্যুনিতী এনগেজমেন্তকীদমক্তা প্লানশিং শেমখ্রে।

থৌরম অদুদা DDWSকী সেক্রেতরী,  শ্রীমতি ভিনি মহাজন য়াওনা; DDWSকী ওফিসর ওন স্পেসিয়েল দ্যুতী (OSD), শ্রী অশোক কে.কে. মীনা;  NJJMগী এদিস্নেল সেক্রেতরী অমসুং মিসন দাইরেক্তর, দা. চন্দ্রভুশন কুমার; DDWSগী জোইন্ত সেক্রেতরী অমসুং ফাইনান্সিয়েল এদভাইজর, শ্রীমতি রিচা মিশ্রা; SMBGগী মিসন দাইরেক্তর অমসুং জোইন্ত সক্রেতরী, শ্রী জিতেন্দ্র শ্রিৱাস্তব অমসুং NJJMগী জোইন্ত সেক্রেতরী, শ্রীমতি স্বাতি মীনা নাইক য়াওনা মরু ওইবা দিগনিতরীশিং অমসুং সেনিয়র ওফিসিয়েলশিংনা থৌরম অদুদা শরুক য়াখি। সেক্রেতরীশিং, মিসন দাইরেক্তরশিং, ইঞ্জিনীয়র-ইন-চীফস য়াওনা রাজ্যশিং অমসুং য়ুনিয়ন তেরিতোরীশিংদগী ওফিসিয়েলশিংনা ৱার্কশোপ অদুদা শরুক য়াখি, মখোয়না লৈবাক শিনথুংনা WASHকী পান্দমশিং অদুবু হেন্না খুমাং চাউশিনহন্নবা মখোয়গী ফিরেপ অদুগী মতাংদা য়াম্না মরু ওইবা পনখি।

ৱার্কশোপ অদুগী পান্দম অনি অদুদি খ্বাইদগী হেন্না ফবা অমসুং সস্তেনেবল কম্যুনিতী এনগেজমেন্ততা অকন্নবা মিৎয়েং থমদুনা তুংলমচৎকীদমক্তা প্রোগ্রেস য়েংশিনবা অমসুং স্তেতেজীশিং শেম্বা অসিনি। এসেমবলী অদুনা শ্রীমতি ভিনি মহাজনদা তৌবীমল খঙবশু উৎখি। ওফিসিয়েলশিংনা ভারতকী WASH লেন্দস্কেপতা অহোংবা পুরকপদা অমসুং লৈবাক অসিগী চাউখৎ-থৌরাংগী পান্দমশিং অদুগা SBM অমসুং JJMগা খুৎশম্ননা থবক তৌমিন্নবদা মহাক্না লৌখিবা মরু ওইবা থৌদাং অদুবু মশক খঙবীখি।

ওইদগী য়েত্ত: দাইরেক্তর (SBM-V), শ্রী কে. এস. ঙাংবম; SMBGগী মিসন দাইরেক্তর অমসুং জোইন্ত সেক্রেতরী, শ্রী জিতেন্দ্র শ্রিৱাস্তব; DDWSকী ওফিসর ওন স্পেসিয়েল দ্যুতী (OSD), শ্রী অশোক কে.কে. মীনা; DDWSকী সেক্রেতরী, শ্রীমতি ভিনি মহাজন; NJJMগী এদিস্নেল সেক্রেতরী অমসুং মিসন দাইরেক্তর, দা. চন্দ্র ভুশন কুমার; DDWSকী জোইন্ত সেক্রেতরী অমসুং ফাইনান্সিয়েল এদভাইজর, শ্রীমতি রিচা মিশ্রা; NJJMগী জোইন্ত সেক্রেতরী, শ্রীমতি স্বাতি মীনা নাইক)

শ্রীমতি ভিনি মহাজন্না JJM অমসুং SBMনা পুরকখিবা প্রোগ্রেস অমসুং মায়োক্নখিবা শিংনবশিং অদুগী মতাংদা পনখি। মতম অমসুং ফন্দিং, অনিমক্তা এক্সতেন্সনগীদমক্তা তঙাইফদবা অদুবু খঙলদুনা, মহাক্না খুঙ্গংগী প্রজাশিংগা WASHকী অনৌবা থৌরাংশিং অসিগা হেন্না মরি চেৎশিহন্নবা মসিদা কম্যুনিতীশিংবু য়ারিবমখৈ শরুক য়াহনবা অমসুং একাউন্তেবিলিতী লৈবগী মতাংদা হায়খি। শ্রীমতি মহাজন্না রাজ্যগী লুচিংবশিংদা কম্যুনিতীশিংগী মরক্তা WASH ফেসিলিতীশিংগী ওনরশিপ অমসুং সস্তেনেবিলিতী লৈহন্নবা ইনফোর্মেশন, এজুকেশন অমসুং কম্যুনিকেশন (IEC) অমসুং বেহেবিয়র চেঞ্জ কম্যুনিকেশন (BCC)গী খুত্থাংদা লোকেল ওউতরীচ তৌববু হেন্না কনখৎহন্নবা হায়খি।

SBM অমসুং JJMগী মীৎনা-খোংনা উরবা মাইপাকপশিং অদুগী মতাংদা পল্লদুনা, শ্রী অশোক মীনানা সস্তেনেবল ওইহন্নবগীদমক্তা কম্যুনিতীদা য়ুমফম ওইবা এপ্রোচকী মরু ওইবা অদুগী মতাংদা য়াম্না মরু ওইনা পনখি। মহাক্না সেক্রেতরী মহাজনগী মিৎয়েং মখাদা WASHকী থবকশিংদা লেপ্তনা অহোংবা লাকপা অসিগী মতাংদা মহাক্কী থাজবা ফোংদোরকখি, মহাক্না হৌজিক-হৌজিক চত্থরিবা অনৌবা থৌরাংশিং খুদম ওইনা ODF প্লস মোদেল ভিলেজশিং অমসুং SBM-G 3.0গী মখাদা পীপল-সেন্ত্রিক ওইবা অনৌবা সোল্যুশনশিং পুরক্নবগীদমক্তা হায়খি।

দা. চন্দ্রভুশন কুমারনা হৌখিবা দেকেদতা SBM অমসুং JJMগী প্রোগ্রামশিংনা পুরক্লিবা অহোংবশিং অদুবু সেলেব্রেত তৌরদুনা প্রোগ্রাম অসিগী মাইপাকপশিং অদুগী মতাংদা মরু ওইনা পনখি। মহাক্না অখন্নবা এসপিরেস্নেল দিস্ত্রিক্তশিংদা WASH সোল্যুশনশীং ইমপ্লিমেন্ত তৌনবা NITI আয়োগকা খুৎশম্নদুনা অনৌবা থৌরাংশিং কয়া অমা হৌদোরকখি। রাজ্যগী মীহুৎশিংদা মসিগী প্রোগ্রামশিং অসিবু হেন্না ইফেক্তিব ওইবা হেনগৎহন্নবা মখোয়গী ৱাখল-লৌশিং অদু শিয়র তৌনবা হায়খি। দা. কুমারনা ‘JJM: ফংস্নেলিতী, IEC, ফ্যুচর’গী মতাংদা য়াম্না ফজরবা প্রেজেন্তেশন অমা পীখি, মদুদা মহাক্না খুঙ্গংগী লমশিংদা পিপতা ঈশিংগী সপ্লাই পীবা হেনগৎলকপা অদুগী মতাংদা হায়খি, মসিমক JJMনা লৈফম-লৈফমদা পীরম্বদগী য়ুমথোং-য়ুমথোংদা পীবগী খোংথাং অসি হৌদোরকপদগী ওইথোকপা ঙম্লিবনি। মহাক্না রুরল লেন্দস্কেপতা মিসন অসিগী মথৌ নীংথিনা পাংথোকপা ঙম্নবগীদমক্তা IEC অমসুং BCCনা লৌখিবা থৌদাং অদুগী মতাংদা য়াম্না মরু ওইনা পনখি। ঞআক্না গুজরাত অমসুং মনিপুরগুম্বা রাজ্যশিংবু মখোয়গী শিংথংনিংঙাই ওইবা মওংদা খুমাং চাউশিনবা অদুগীদমক্তা থাগৎখি, লোইননা লাক্কদবা 16শুবা গ্রান্তস কমিসনগীদমক্তা য়াম্না চাউবা ফাইনান্সিয়েল প্লানিং তৌবগী মরু ওইবা অদুগী মতাংদা মরু ওইনা পনখি।  

শ্রী জিতেন্দ্র শ্রিৱাস্তবনা WASHপু হেন্না খুমাং চাউশিনহন্নবা দিপার্তমেন্তশিংদা কোলাবোরেশন অমসুং কনভর্জেন্সকী মরু ওইবগী মতাংদা পনখি। মহাক্না শ্রীমতি মহাজনগী লুচিং মখাদা লৌখৎলকখিবা খোংথাংশিং অদুগী মতাংদা পনখি, মহাক্না MDশিং অমসুং সেক্রেতরীশিংগী মরক্তা কমরেদরী অমসুং কনভর্জেন্স অদুনা WASHকী আঊতকমশিংবু লেপ্তনা কনখৎহল্লগনি হায়না মহাক্কী থাজবা ফোংদোরকখি। SBM-Gগী স্তেতসকী মতাংদা পল্লদুনা, শ্রী শ্রিৱাস্তবনা ODF প্লস মোদেল ভিলেজশিং মশিং য়াম্না হেনগৎলকপা অমসুং ফিকেল স্লজ মেনেজমেন্ত (FSM) অমসুং প্লাস্তিক ৱেস্ত মেনেজমেন্ততা খুমাং চাউশিনবা অদুগী মতাংদা পনখি। মহাক্না রাজ্যশিংদা সস্তেনেবল ৱেস্ত মেনেজমেন্তকীদমক্তা ইন্নোভেতিব ওইবা রেভেন্যু মোদেলশিং শিজিন্নবা অমসুং খুঙ্গংগ মফমশিংদা তোইলেত লৈবা অমসুং শিজিন্নবা  হেনগৎহন্নবা SBM ফন্দশিং শিজিন্নবা হেনগৎহন্নবা থৌগৎখি।

ৱার্কশোপ অদুদা খুঙ্গংগী ৱাতর সপ্লাই লেন্দস্কেপতা JJMনা লৌখিবা থৌদাংশিং অদুবু দোক্যুমেন্ত তৌবা কমপ্রেএন্সিব ওইবা রিসোর্স "দ্রিংকিং ৱাতরস্কেপ ইন রুরেল ইন্দিয়া – জল জীৱন মিসন" লোঞ্চ তৌখি।

ৱার্কশোপ অদু লোইশিল্লকপদা রাজ্যগী মীহুৎশিংদা কম্যুনিতীগী লুচিংবশিংগী মতেং লৌনবা অমসুং WASHকী এসেতশিংগী মেন্তেনেন্স তোবদা মরু ওইবা পীনবগীদমক্তা থবক-থৌরমশিং পাইখৎনবা হায়খি। সস্তেনেবল সোল্যুশনশিংদা অনৌবা ফিরেপ অমগা লোইননা মন্ত্রালয়না 2027 ফাওবদা মীপুম কুদিংমক্কী অফবা ঈশিং অমসুং সেনিতেশন লৈহনবা ঙম্নবগী ফিরেপ অদুবু অমুক্কশু হেন্না খোংফম চেৎশিনখি। এসেম্বলী অদুদা শ্রী অশোক কুমার কে.কে. মীনাবু মথংগী সেক্রেতরী ওইনা খন্দুনা ময়াম্বু অমুক্কশু হেন্না পুক্নিং থৌগৎখি, লোইননা মহাক্কী লুচিং মখাদা WASH সেক্তরবু অনৌবা অৱাংবা থাক অমদা পুখৎলগন হায়বগী আশাগা লোইনন থৌরম অদু লোইশিনখি।  

****

(Release ID: 2069036) Visitor Counter : 34