ہندوستانی بحریہ نے اوڈیشہ میں  سمندری طوفان دانا سے ہونے والی تباہی کے ردعمل کے طور پر اہم امدادی کوششوں کو متحرک کیا ہے، جو کنہا پور، باگاپتیا، براہی پور، مگرکنڈہ، چارگیریا اور ستابھایا سمیت متاثرہ دیہاتوں کی فوری ضروریات پر مرکوز ہیں۔

بٹی پاڑا اور تلچوا میں راحت کیمپ قائم کیے گئے ہیں، جو طوفان سے متاثر ہونے والوں کو ضروری مدد فراہم کر رہے ہیں۔ خوراک کی فوری ضرورت کو پورا کرنے کے لیے متاثرہ آبادیوں میں مجموعی طور پر 9,000 کھانے  تقسیم کیے گئے ہیں۔

خوراک میں ریلیف کے علاوہ، این او آئی سی(او ڈی ایس)   نے ریاستی ایجنسیوں کے ساتھ شراکت داری کی ہے، تاکہ میڈیکل کیمپ لگایا جائے، جو تقریباً 400 افراد کو اہم طبی امداد فراہم کرتا ہے، اس بات کو یقینی بناتا ہے کہ اس بحران کے دوران صحت سے متعلق تحفظات سے مناسب طریقے سے نمٹا جائے۔

دور دراز علاقوں تک پہنچنے کے چیلنجوں کے مدنظر دو گشتی راحت ٹیمیں تعینات کی گئی ہیں ،تاکہ ضرورت مند کمیونٹیوں میں براہ راست کھانے اور طبی امداد کی تقسیم کی  جا سکے۔

سمندری طوفان دانا کے بعد کمیونٹیز کو ان کی زندگیوں کی تعمیر نو میں مدد کرنے کی کوششیں جاری ہیں۔

*****

 ش ح ۔ ض ر۔  ت ع

U. No.1813

(Release ID: 2068789) Visitor Counter : 34