ದಕ್ಷಿಣಮಲೈ ಶ್ರೀ ಶಾರದಾಪೀಠ ಶೃಂಗೇರಿಯ ಪರಮಪೂಜ್ಯ ಶ್ರೀ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ವಿಧುಶೇಖರ ಭಾರತೀ ಮಹಾಸ್ವಾಮೀಜಿಯವರೇ, ಅವರು ಎಲ್ಲೇ ಇದ್ದರೂ ನಮ್ಮೊಂದಿಗೆ ಇರುತ್ತಾರೆ. ಅವರ ಆಶೀರ್ವಾದ ನಮಗಿರುತ್ತದೆ. ಅವರು ಸರ್ವವ್ಯಾಪಿ, ನಾನು ಅವರಿಗೆ ನಮಸ್ಕರಿಸುತ್ತೇನೆ, ನಾನು ಅವರಿಗೆ ನಮಿಸುತ್ತೇನೆ.

ಶ್ರೀ ಶ್ರೀ ಶ್ರೀ ಶಂಕರಭಾರತೀ ಮಹಾಸ್ವಾಮೀಜಿ, ಶ್ರೀ ಶ್ರೀ ಬ್ರಹ್ಮಾನಂದ ಮಹಾಸ್ವಾಮೀಜಿ, ಮಾನ್ಯ ಕೇಂದ್ರ ಸಚಿವರಾದ ಶ್ರೀ ಪ್ರಹ್ಲಾದ್ ಜೋಶಿಯವರೇ, ಮಾನ್ಯ ಕೇಂದ್ರ ರಾಜ್ಯ ಸಚಿವರಾದ ಶ್ರೀ ವಿ. ಸೋಮಣ್ಣನವರೇ ಮತ್ತು ಇಲ್ಲಿ ಉಪಸ್ಥಿತರಿರುವ ಸರ್ವಜನರೇ. ನಮ್ಮ ಸಂಸ್ಕೃತಿಯ ಪ್ರತಿಯೊಬ್ಬ ರಕ್ಷಕರೇ, ರಾಯಭಾರಿಗಳೇ ಮತ್ತು ಕಾಲಾಳುಗಳೇ.

ಇದು ನಂಬಲಸಾಧ್ಯವಾದುದು. ಹಿತಕರವಾದುದು. ಇದು ಭವ್ಯವಾದುದು!

ನಾನು ಕಂಡದ್ದು ಭವ್ಯವಾಗಿತ್ತು. ಅದನ್ನು ನಂಬಲು ಕಣ್ಣಾರೆ ಕಾಣಬೇಕು. ಇಲ್ಲಿನ ಪರಿಸರ ವ್ಯವಸ್ಥೆಯು ನಿಜವಾಗಿಯೂ ಭವ್ಯವಾಗಿದೆ. ಸಂಪ್ರದಾಯ ಮತ್ತು ಶ್ರದ್ಧೆಗಳ ಸಮ್ಮೋಹನಗೊಳಿಸುವ ನೋಟವಾಗಿದೆ. ಮಂತ್ರದ ಲಯಬದ್ಧ ಪಠಣವು ನನ್ನ ಮನಸ್ಸು, ಹೃದಯ ಮತ್ತು ಆತ್ಮವನ್ನು ಒಟ್ಟಿಗೆ ಬೆಸೆದಿದೆ. ನಾನು ಬೇರೆಲ್ಲೋ ಕಳೆದುಹೋಗಿದ್ದೆ. ಸಾವಿರಾರು ಸಂಖ್ಯೆಯ ಜನರ ಪಠಣವು ನಮ್ಮ ಹೃದಯವನ್ನು ಶುದ್ಧಗೊಳಿಸುತ್ತದೆ.

ಸಾವಿರಾರು ಜನರ ಇಂತಹ ಬೃಹತ್ ಸಮೂಹವು ಭಾರತೀಯ ಸಂಸ್ಕೃತಿಯಾದ ಒಂದು ಭಾವನೆ, ಒಂದು ಬಂಧದಿಂದ ಬೆಸೆದಿದೆ. ನಮ್ಮ ಸಂಸ್ಕೃತಿಯಲ್ಲಿ ಒಂದು ದೈವತ್ವದ ಸ್ಪರ್ಶವಿದೆ. ಇಡೀ ಮನುಕುಲದ ವಿಷಯಗಳು, ವಸುಧೈವ ಕುಟುಂಬಕಮ್ ನಮ್ಮ ತತ್ತ್ವವಾಗಿದೆ.

ಸನಾತನ ಎಂದರೆ ಪರಾನುಭೂತಿ, ಸಹಾನುಭೂತಿ, ಸಹಿಷ್ಣುತೆ, ಅಹಿಂಸೆ, ಸದ್ಗುಣ, ಉದಾತ್ತತೆ, ಸದಾಚಾರ. ಇದೆಲ್ಲವನ್ನೂ ಸೇರಿಸಿ ಒಂದು ಪದದಲ್ಲಿ ಸಂಕ್ಷಿಪ್ತಗೊಳಿಸಲಾಗಿದೆ. ಈ ದೇಶದಲ್ಲಿ ನಮಗೆ ಪಾಠಗಳು ಬೇಕಿಲ್ಲ. ನಮಗೆ ಧರ್ಮೋಪದೇಶ ಮತ್ತು ಉಪದೇಶಗಳ ಅಗತ್ಯವಿಲ್ಲ.

ಒಳಗೊಳ್ಳುವಿಕೆ ಎಂದರೇನು? ನಾವು ಪ್ರತಿ ಕ್ಷಣ, ಪ್ರತಿ ದಿನವೂ ಅಂತರ್ಗತವಾಗಿ ಬದುಕುತ್ತೇವೆ. ಭಾರತವು ಮನುಕುಲದ ಆರನೇ ಒಂದು ಭಾಗಕ್ಕೆ ನೆಲೆಯಾಗಿದೆ. ಈ ದೇಶವು ಶತಮಾನಗಳಿಂದಲೂ ಒಳಗೊಳ್ಳುವಿಕೆ ಎಂದರೆ ಏನೆಂದು ಜಗತ್ತಿಗೆ ತೋರಿಸುತ್ತಿದೆ.

ಓಂ ನಮಃ ಶಿವಾಯ

ಓಂ ನಮಃ ಶಿವಾಯ

ಓಂ ನಮಃ ಶಿವಾಯ

ಭಾರತದ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಸಂಪತ್ತನ್ನು ಒಳಗೊಂಡಿರುವ ಈ ವಿಶಿಷ್ಟ ಕಾರ್ಯಕ್ರಮದಲ್ಲಿ ಇರುವುದು ನನ್ನ ಅದೃಷ್ಟ. ಈ ವಿಷಯದಲ್ಲಿ ನಮಗೆ ಸರಿಸಾಟಿಯೇ ಇಲ್ಲ. ಜಗತ್ತಿನಲ್ಲಿ ಇಂತಹ ಪರಿಸ್ಥಿತಿ ಬೇರೆಲ್ಲೂ ಇಲ್ಲ.

ನಾವು ಭೂಮಿಯ ಮೇಲಿನ ಇಡೀ ಮನುಕುಲದ ಪರವಾಗಿ ನಿಲ್ಲುತ್ತೇವೆ. ಎಲ್ಲಾ ನಮ್ರತೆ ಮತ್ತು ಪ್ರಾಮಾಣಿಕತೆಯಿಂದ, ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಭಾರತೀತೀರ್ಥ ಮಹಾಸ್ವಾಮಿಗಳವರಿಗೆ ನನ್ನ ಗೌರವಪೂರ್ವಕ ನಮಸ್ಕಾರಗಳನ್ನು ಸಲ್ಲಿಸಲು ಇದು ನನಗೆ ದೊರೆತ ಒಂದು ದೊಡ್ಡ ಸೌಭಾಗ್ಯವಾಗಿದೆ ಮತ್ತು ಇದು ನಾನು ಸದಾ ಸ್ಮರಿಸುವ ಕ್ಷಣವಾಗಿದೆ. ಇದು ನನ್ನ ಹೃದಯದಲ್ಲಿ ಸದಾ ಉಳಿಯುವ ಕ್ಷಣವಾಗಿದೆ.

ಅವರ ದಿವ್ಯ ಮಾರ್ಗದರ್ಶನ ಸಿಕ್ಕಿರುವುದು ನಮ್ಮ ಸೌಭಾಗ್ಯ. ಅವರು ಸರ್ವವ್ಯಾಪಿ. ಭೌತಿಕವಾಗಿ, ಅವರು ಒಂದೇ ಸ್ಥಳದಲ್ಲಿರಬಹುದು. ಆದರೆ ಅವರು ನಮ್ಮ ಹೃದಯದಲ್ಲಿ ನೆಲೆಸಿದ್ದಾರೆಂದು ನಮಗೆ ತಿಳಿದಿದೆ. ಅವರು ನಮ್ಮ ಮನಸ್ಸಿನ ಮೇಲೆ ಪ್ರಭಾವ ಬೀರುತ್ತಾರೆ. ನಮ್ಮ ಹೃದಯದ ಮೂಲಕ ಎಲ್ಲರನ್ನು ಪ್ರೀತಿಸಲು ಅವರು ನಮಗೆ ಕಲಿಸುತ್ತಾರೆ. ಅವರು ನಮ್ಮ ಆಲೋಚನೆಗಳನ್ನು ಪ್ರೇರೇಪಿಸುತ್ತಾರೆ. ನಮ್ಮ ಬಗ್ಗೆ ಮಾತ್ರವಲ್ಲದೆ ಎಲ್ಲರ ಬಗ್ಗೆಯೂ ಯೋಚಿಸಲು ಅವರು ನಮ್ಮ ಆತ್ಮವನ್ನು ಮಂತ್ರಮುಗ್ಧಗೊಳಿಸುತ್ತಾರೆ.

ಆದ್ದರಿಂದ ಸಮಾಜ ಮತ್ತು ಜಗತ್ತು ಪ್ರಕ್ಷುಬ್ಧವಾಗಿರುವಾಗ ಅವರ ಮಾರ್ಗದರ್ಶನವನ್ನು ಪಡೆಯುವುದು ನಮ್ಮ ಅದೃಷ್ಟ. ಅವರ ಬುದ್ಧಿಮತ್ತೆ ಮತ್ತು ಜ್ಞಾನವು ಭರವಸೆ ಮತ್ತು ಜ್ಞಾನೋದಯದ ದಾರಿದೀಪವಾಗಿದೆ. ಇದು ನಮ್ಮ ಹಾದಿಯನ್ನು ವಿಶಿಷ್ಟಗೊಳಿಸುತ್ತದೆ.

ಐದು ದಶಕಗಳಿಗೂ ಹೆಚ್ಚು ಕಾಲ ಮಾನವೀಯತೆಗೆ ತನ್ನದೇ ಆದ ರೀತಿಯ ಸೇವೆಯನ್ನು ತೋರುತ್ತಿರುವ ಒಂದು ಸಂತೋಷದಾಯಕ, ಉತ್ತಮ ಸಂದರ್ಭ ಇದಾಗಿದೆ ಮತ್ತು ಅದು ಮುಂದುವರಿಯುತ್ತದೆ.

ಸ್ವರ್ಣ ಭಾರತಿ, ಸನ್ಯಾಸತ್ವದ ಸುವರ್ಣ ಮಹೋತ್ಸವ ಆಚರಣೆಯಾಗಿದೆ. ಸನ್ಯಾಸವು ಒಂದು ಅರ್ಥವನ್ನು ಹೊಂದಿದೆ, ಇದರ ಸಾರವನ್ನು ಕಂಡುಹಿಡಿಯಲು ವಿಶ್ವದ ಅನೇಕ ಚಿಂತಕರು ಈ ದೇಶಕ್ಕೆ ಬಂದಿದ್ದಾರೆ. ಸನ್ಯಾಸ ಪದದ ಅರ್ಥ ತ್ಯಜಿಸುವುದು. ಅದರ ದೀರ್ಘಾಯುಷ್ಯವು ನಮ್ಮ ಅತ್ಯುನ್ನತ ಆದ್ಯತೆಯಾಗಿದೆ.

ಇದು ಅಮರವಾದುದು, ಆದರೆ ಸಮಯ ಮತ್ತು ಅವಧಿಯಲ್ಲಿ ಹೇಳುವುದಾದರೆ  ಐದು ದಶಕಗಳು ಸಂದಿವೆ. ಆದ್ದರಿಂದ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಭಾರತೀತೀರ್ಥ ಮಹಾಸ್ವಾಮೀಜಿಯವರ ಸನ್ಯಾಸತ್ವದ ಸುವರ್ಣ ಮಹೋತ್ಸವವನ್ನು ಶ್ರೀ ಶೃಂಗೇರಿ ಶಾರದಾಪೀಠ ಮತ್ತು ಶ್ರೀ ಸ್ವೇದಾಂತ ಭಾರತಿಯವರು ಆಯೋಜಿಸಿದ್ದಾರೆ.

ಇಡೀ ಜಗತ್ತಿಗೆ ಮಾರ್ಗದರ್ಶನ ನೀಡುವ ಮಹತ್ತರವಾದ ಸಂದರ್ಭದಲ್ಲಿ ಇದೊಂದು ಅನುಕರಣೀಯ ಸಮಾರಂಭವಾಗಿದೆ.

ಶ್ರೀ ಯೋಗಾನಂದೇಶ್ವರ ಮಠದ ಯಡತೊರೆಯ ಪೀಠಾಧೀಶ್ವರ ಶ್ರೀ ಶ್ರೀ ಶಂಕರ ಭಾರತೀ ಸ್ವಾಮೀಜಿಯವರ ಉದಾತ್ತ ಮಾರ್ಗದರ್ಶನದಿಂದ ಈ ಭವ್ಯವಾದ ಆಚರಣೆಗೆ ನಾವೆಲ್ಲರೂ ಋಣಿಯಾಗಿದ್ದೇವೆ ಮತ್ತು ಧನ್ಯರಾಗಿದೇವೆ. ನಾವು ಅದೃಷ್ಟವಂತರು.

ಇದು ಆಧ್ಯಾತ್ಮಿಕವಾಗಿ ಪ್ರತಿಫಲದಾಯಕ ಮತ್ತು ಸಂತೋಷದಾಯಕ ವಾತಾವರಣವಾಗಿದೆ. ಈ ಸಂದರ್ಭದಲ್ಲಿ ಮಂತ್ರ ಪಠಣಕ್ಕಾಗಿ ಬರುವ ಸಾವಿರಾರು ಜನರು ಧನ್ಯರು. ಇದು ಅಪರೂಪದ ದೃಶ್ಯ, ಅದ್ಭುತ, ಮನಸ್ಸು, ಹೃದಯ ಮತ್ತು ಆತ್ಮವನ್ನು ಸ್ಪರ್ಶಿಸುತ್ತದೆ. ಎಲ್ಲರೂ ಸರ್ವಾನುಮತಿಗಳು. ನಾನು ಅಲ್ಲಿ ಕಳೆದ ಆ ನಿಮಿಷಗಳು ನನ್ನನ್ನು ರೋಮಾಂಚನಗೊಳಿಸಿತು, ನನಗೆ ಸ್ಫೂರ್ತಿ ನೀಡಿತು, ಪವಿತ್ರ ಪೀಠದಿಂದ ಹೊರಹೊಮ್ಮುವ ಮಾರ್ಗದರ್ಶನ ಮತ್ತು ಜ್ಞಾನದೊಂದಿಗೆ ಸಮಾಜಕ್ಕೆ ಸೇವೆ ಸಲ್ಲಿಸಲು ಯಾವುದೇ ಅಧಿಕಾರದಲ್ಲಿ ಯಾವಾಗಲೂ ಭಾರತಕ್ಕೆ ಸೇವೆ ಸಲ್ಲಿಸಲು ನನ್ನನ್ನು ಪ್ರೇರೇಪಿಸಿತು.

ಮಂತ್ರಗಳ ಧ್ವನಿಯು ಶಾಂತಿ, ಸಂಯೋಜನೆ, ಲಯ, ಏಕರೂಪತೆಯನ್ನು ಸೃಷ್ಟಿಸುತ್ತದೆ ಎಂದು ನಾನು ಕಂಡುಕೊಂಡಿದ್ದೇನೆ, ಜನರು ಅದನ್ನು ನೋಡಿದಾಗ ಮಾತ್ರ ಅದನ್ನು ನಂಬುತ್ತಾರೆ.

ಮತ್ತು ಈ ಸಂದರ್ಭಕ್ಕೆ ಸೂಕ್ತವಾಗಿ ಪಠಣವು ಹೊಂದಿಕೆಯಾಗಿದೆ, ಈ ಸಂದರ್ಭವು ಶ್ರೀ ಶಾರದಾ ಪೀಠದ ಶೃಂಗೇರಿಯ ಪೀಠಾಧಿಪತಿ ಜಗದ್ಗುರು ಶಂಕರಾಚಾರ್ಯ ಶ್ರೀ ಭಾರತೀತೀರ್ಥ ಸ್ವಾಮೀಜಿಯವರ ಸನ್ಯಾಸ ದೀಕ್ಷೆಯ ಸುವರ್ಣ ಮಹೋತ್ಸವವಾಗಿದೆ. ಇಲ್ಲಿನ ದೃಶ್ಯವು  ಸಾರ್ವಜನಿಕ ಡೊಮೇನ್‌ ನಲ್ಲಿ ವ್ಯಾಪಕವಾಗಿ ಪ್ರಸಾರವಾಗುತ್ತದೆ, ಇಲ್ಲಿನ ದೃಶ್ಯ, ಅದರ ಆಳ, ಅದರ ಸಾರ, ಅದರ ಅಮೃತವನ್ನು ಅರ್ಥಮಾಡಿಕೊಳ್ಳಬೇಕು. ಏಕೆಂದರೆ ಇಲ್ಲಿನ ದೃಶ್ಯವು ಮಾನವ ಅಸ್ತಿತ್ವದ ಉತ್ಖಷ್ಟತೆ, ಆಧ್ಯಾತ್ಮಿಕತೆ, ಧಾರ್ಮಿಕತೆಯ ಅರ್ಥದ ಲಾಭದಾಯಕ ಅನುಭವವನ್ನು ಪ್ರತಿನಿಧಿಸುತ್ತದೆ. ನಾವು ಇಲ್ಲಿರುವುದು ಜೀವನೋಪಾಯಕ್ಕಾಗಿ ಅಥವಾ ಜೀವನ ನಡೆಸಲು ಮಾತ್ರವೇ?

ಇಂತಹ ಸಂದರ್ಭಗಳು ನಾವು ಸಾಮಾನ್ಯವಾಗಿ ಯೋಚಿಸುವುದಕ್ಕಿಂತ ಹೆಚ್ಚಿನ ಅರ್ಥವನ್ನು ನೀಡುತ್ತವೆ. ಅವುಗಳು ಗ್ರಹದಲ್ಲಿ ನಮ್ಮ ಅಸ್ತಿತ್ವವನ್ನು ಸಮರ್ಥಿಸುತ್ತವೆ. ಸ್ವರ್ಗೀಯ ಅನುಭವ ಮತ್ತು ದೈವತ್ವದೊಂದಿಗೆ ಶಾಸ್ತ್ರಗಳ ಅಸಂಖ್ಯಾತ ಮಂತ್ರಗಳ ಆವಾಹನೆ.

ಕೃಷ್ಣ ಯಜುರ್ವೇದದ ತೈತ್ರೇಯ ಸಂಹಿತೆಯಲ್ಲಿ, ಪಾರಾಯಣವು ನಮ್ಮನ್ನು ಮರ್ತ್ಯ ಪ್ರಪಂಚದಿಂದ ದೈವಿಕತೆಗೆ ಸಂಪರ್ಕಿಸುವ ಆಚರಣೆ ಎಂದು ವಿವರಿಸಲಾಗಿದೆ. ಈ ಕ್ಷಣದಲ್ಲಿ, ಮಂತ್ರಗಳ ಪಠಣವು ನಮ್ಮನ್ನು ದೈವತ್ವದ ಆನಂದದಾಯಕ ಸ್ಥಿತಿಗೆ ಕರೆದೊಯ್ಯುತ್ತದೆ.

ನಾವು ವರ್ಣಿಸಲಾಗದ ಯಾವುದನ್ನಾದರೂ ವ್ಯಕ್ತಪಡಿಸುತ್ತೇವೆ ಆದರೆ ನಮ್ಮೊಂದಿಗೆ ಶಾಶ್ವತವಾಗಿರುತ್ತದೆ, ಅದು ನಮ್ಮ ವ್ಯಕ್ತಿತ್ವದ ಭಾಗವಾಗುತ್ತದೆ. ವೇದ ಪಠಣವು ಮಾನವೀಯತೆಯ ಅತ್ಯಂತ ಪ್ರಾಚೀನ ಮತ್ತು ಮುರಿಯದ ಮೌಖಿಕ ಸಂಪ್ರದಾಯಗಳಲ್ಲಿ ಒಂದಾಗಿದೆ. ವೇದ ಪಠಣವು ಸೇತುವೆಯಾಗಿದೆ, ನಮ್ಮ ಪೂರ್ವಜರ ಆಳವಾದ ಆಧ್ಯಾತ್ಮಿಕ ಜ್ಞಾನಕ್ಕೆ ಜೀವಂತ ಸೇತುವೆಯಾಗಿದೆ.

ಈ ಪವಿತ್ರ ಮಂತ್ರಗಳ ನಿಖರವಾದ ಲಯ, ಸ್ವರ ಮತ್ತು ಕಂಪನವು ಮನಸ್ಸಿಗೆ ಶಾಂತಿಯನ್ನು ಮತ್ತು ವಾತಾವರಣಕ್ಕೆ ಸಾಮರಸ್ಯವನ್ನು ತರುವ ಪ್ರಬಲ ಅನುರಣನವನ್ನು ಉಂಟುಮಾಡುತ್ತದೆ ಮತ್ತು ಮಾಡಬಲ್ಲದು ಎಂಬುದನ್ನು ನಾನು ಕಂಡಿದ್ದೇನೆ.

ಸ್ವಲ್ಪ ಕ್ಷಣಗಳ ಹಿಂದೆ ನಾವು ನೋಡಿದ ಈ ಪಠಣವನ್ನು ಅನುಭವಿಸಲು ನಾವು ಇಂದು ಒಟ್ಟಿಗೆ ಸೇರಿದಾಗ, ಸಹಸ್ರಾರು ವರ್ಷಗಳಿಂದ ಗಮನಾರ್ಹ ನಿಷ್ಠೆಯಿಂದ ಸಂರಕ್ಷಿಸಲ್ಪಟ್ಟಿರುವ ಮಾನವ ಅನುಭವದ ಶಾಶ್ವತ ಸರಪಳಿಯೊಂದಿಗೆ ನಾವು ನಮ್ಮನ್ನು ಬೆಸೆದುಕೊಳ್ಳುತ್ತೇವೆ.

ನಾವೀಗ ಏನನ್ನು ನೋಡಿದೆವು, ಅದು ವೈದಿಕ ಸ್ತೋತ್ರಗಳ ವ್ಯವಸ್ಥಿತ ಸಂಯೋಜನೆ ಮತ್ತು ಅವುಗಳ ಉಚ್ಚಾರಣೆಯ ಸಂಕೀರ್ಣ ನಿಯಮಗಳು ನಮ್ಮ ಪ್ರಾಚೀನ ವಿದ್ವಾಂಸರ ವೈಜ್ಞಾನಿಕ ಉತ್ಕೃಷ್ಟತೆಯನ್ನು ಪ್ರತಿಬಿಂಬಿಸುತ್ತವೆ. ಪೆನ್ ಅಥವಾ ಪೆನ್ ಡ್ರೈವ್ ಇಲ್ಲದೆಯೇ ಇದೆಲ್ಲವನ್ನೂ ಮಾಡಲಾಗಿದೆ.

ಅಕ್ಷರಗಳ ಸಾಮರಸ್ಯದ ಉಚ್ಚಾರಣೆಯನ್ನು ತಲೆಮಾರುಗಳ ಮೂಲಕ ರವಾನಿಸಲಾಗಿದೆ ಮತ್ತು ನಾವು ಹೀರಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದ್ದೇವೆ. ನನಗೆ ಇಲ್ಲಿ ಕುಳಿತುಕೊಳ್ಳುವ ಭಾಗ್ಯ ಸಿಕ್ಕಿತು.

ಈ ಶ್ಲೋಕಗಳನ್ನು ರಚಿಸಿದ ಆ ಪ್ರಾಚೀನ ಭಾರತೀಯ ಮನಸ್ಸಿನ ಪ್ರತಿಭೆಯನ್ನು ಒಂದು ಕ್ಷಣ ಊಹಿಸಿಕೊಳ್ಳಿ. ಈ ಶ್ಲೋಕಗಳನ್ನು ರಚಿಸಿದಾಗ ಎಷ್ಟು ಆಳವಾದ ಬುದ್ಧಿವಂತಿಕೆ ಇದ್ದಿರಬೇಕೆಂದು ಊಹಿಸಿ. ಇದು ಕೃತಕ ಬುದ್ಧಿಮತ್ತೆಯನ್ನು ಮೀರಿದ ನಿಜವಾದ ಬುದ್ಧಿಮತ್ತೆಯಾಗಿತ್ತು. ಅದು ನಮ್ಮ ಪರಂಪರೆಯಾಗಿದೆ ಮತ್ತು ಈ ಪಾರಾಯಣವು ನಾವು ಕಾಲಾಂತರದಿಂದ ಗೌರವ ಪಡೆದ ಈ ಸಂಪ್ರದಾಯವನ್ನು ಹೆಮ್ಮೆಯಿಂದ ಮುಂದಿನ ಪೀಳಿಗೆಗೆ ರವಾನಿಸುತ್ತೇವೆ ಎಂಬ ಅತ್ಯಂತ ವಿಶ್ವಾಸದ ಪ್ರದರ್ಶನವಾಗಿದೆ.

ಗೌರವಾನ್ವಿತ ಪ್ರೇಕ್ಷಕರೇ, ನಮ್ಮ ಧ್ವಜದಲ್ಲಿ ನೀವು ಆಗಾಗ್ಗೆ ನೋಡುವ ಅಶೋಕ ಚಕ್ರವು ಧರ್ಮದ ಮಹತ್ವವನ್ನು ಸಂಕೇತಿಸುತ್ತದೆ, ನಾಗರಿಕತೆಯ ಅವಧಿಯಲ್ಲಿ ನಾವು ಧರ್ಮಕ್ಕೆ ನೀಡಿದ ಪ್ರಾಮುಖ್ಯತೆಯನ್ನು ಸಂಕೇತಿಸುತ್ತದೆ.

ಭಾರತವು ಸಾಂಪ್ರದಾಯಿಕ ಕಲೆಗಳು, ಸಂಗೀತ ಮತ್ತು ಪದ್ಧತಿಗಳು ಸೇರಿದಂತೆ ಅರ್ಥಗರ್ಭಿತ, ಅಮೂರ್ತ-ಎರಡೂ ಸಾಂಸ್ಕೃತಿಕ ಪರಂಪರೆಯ ವಿಶ್ವದ ಅತಿದೊಡ್ಡ ಸಂಗ್ರಹಗಳನ್ನು ಹೊಂದಿದೆ ಮತ್ತು ಇವೆಲ್ಲವೂ ನಮ್ಮ ಸಂಸ್ಕೃತಿ, ನಮ್ಮ ಆಧ್ಯಾತ್ಮಿಕತೆಯನ್ನು ಪ್ರತಿಬಿಂಬಿಸುತ್ತವೆ. ಭಾರತೀಯ ಸಂಸ್ಕೃತಿಯ ವಿಶಿಷ್ಟ ಲಕ್ಷಣವೆಂದರೆ ವಿವಿಧತೆಯಲ್ಲಿ ಏಕತೆ, ಕಾಲಾಂತರದಲ್ಲಿ ವಿವಿಧ ಸಂಸ್ಕೃತಿಗಳ ಸಂಶ್ಲೇಷಣೆಯ ಮೂಲಕ ರೂಪುಗೊಂಡಿದೆ.

ಈ ಅವಧಿಯಲ್ಲಿ ಜಗತ್ತು ನಮ್ಮ ಮೂಲ ಮೌಲ್ಯಗಳು ಮತ್ತು ಅವುಗಳನ್ನು ಹೆಚ್ಚು ಗುರುತಿಸಲು ಬರುತ್ತಿದೆ. ಅವುಗಳೆಂದರೆ ನಮ್ರತೆ, ಅಹಿಂಸೆ, ಹಿರಿಯರು ಮತ್ತು ಶಿಕ್ಷಕರಿಗೆ ಗೌರವ. ಒಂದು ಕ್ಷಣ ಯೋಚಿಸಿ. ಅದಕ್ಕಾಗಿಯೇ ಇದು ಹಿಂದೂ ಧರ್ಮ, ಸಿಖ್ ಧರ್ಮ, ಜೈನ ಧರ್ಮ ಮತ್ತು ಬೌದ್ಧ ಧರ್ಮದಂತಹ ಪ್ರಮುಖ ಧರ್ಮಗಳ ಜನ್ಮಸ್ಥಳವಾಗಿದೆ.

ಧರ್ಮವನ್ನು ಭಾರತೀಯ ಸಂಸ್ಕೃತಿಯ ಅತ್ಯಂತ ಮೂಲಭೂತ ಪರಿಕಲ್ಪನೆ ಎಂದು ಪರಿಗಣಿಸಲಾಗಿದೆ. ಇದು ಬಾರೋಮೀಟರ್ ಆಗಿದ್ದು ಅದು ನಮಗೆ ಮಾರ್ಗದರ್ಶನ ನೀಡುತ್ತದೆ, ಜೀವನದ ಎಲ್ಲಾ ಅಂಶಗಳನ್ನು ಮಾರ್ಗದರ್ಶಿಸುತ್ತದೆ. ಧರ್ಮವು ಮಾರ್ಗ, ಹಾದಿ ಹಾಗೆಯೇ ಗಮ್ಯಸ್ಥಾನ ಮತ್ತು ಗುರಿ ಎರಡನ್ನೂ ಪ್ರತಿನಿಧಿಸುತ್ತದೆ, ದೈವಿಕತೆ ಸೇರಿದಂತೆ ಅಸ್ತಿತ್ವದ ಎಲ್ಲಾ ಕ್ಷೇತ್ರಗಳಿಗೆ ಇದು ಅನ್ವಯಿಸುತ್ತದೆ ಮತ್ತು ನೀತಿವಂತ ಜೀವನಕ್ಕಾಗಿ ಕಾಲ್ಪನಿಕ ಆದರ್ಶಕ್ಕಿಂತ ಪ್ರಾಯೋಗಿಕವಾಗಿ ಕಾರ್ಯನಿರ್ವಹಿಸುತ್ತದೆ.

ಕಾರ್ಯಗತವಾಗದ, ಸಾಧಿಸಲಾಗದ, ಲಭ್ಯವಿಲ್ಲದ ಯಾವುದನ್ನಾದರೂ ಬದುಕಲು ಧರ್ಮವು ಹೇಳುವುದಿಲ್ಲ. ಧರ್ಮವನ್ನು ನೀವು ಆ ರೀತಿಯಲ್ಲಿ ವ್ಯಾಖ್ಯಾನಿಸಿದರೆ, ಅದು ಪರಿಪೂರ್ಣವಾದ ಕಾಲ್ಪನಿಕ ಪರಿಕಲ್ಪನೆಯಾಗಿದೆ. ಇದರಲ್ಲಿ ವಿರೋಧಾಭಾಸವಿದೆ, ಆದರೆ ಧರ್ಮವು ಆ ವಿರೋಧಾಭಾಸವನ್ನು ಪರಿಹರಿಸುತ್ತದೆ.

ಗೌರವಾನ್ವಿತ ಪ್ರೇಕ್ಷಕರೇ. ಅನಾದಿ ಕಾಲದಿಂದಲೂ ಭಾರತವನ್ನು ವಿಶ್ವದ ಆಧ್ಯಾತ್ಮಿಕ ಕೇಂದ್ರವೆಂದು ಪರಿಗಣಿಸಲಾಗಿದೆ. ನಾವು ಒಂದಾಗಿ ಮುಂದುವರಿಯುತ್ತೇವೆ. ಜೀವನದ ಅರ್ಥ ಮತ್ತು ಉದ್ದೇಶವನ್ನು ಕಂಡುಹಿಡಿಯುವ ಮೊದಲ ಪ್ರಶ್ನೆಯು ಭಾರತದ ಪ್ರಾಚೀನ ಋಷಿಗಳು ಮತ್ತು ಸಂತರ ಆಳವಾದ ಚಿಂತನೆಯ ವಿಷಯವಾಗಿತ್ತು.

ಸತ್ಯವು ಶ್ರುತಿಯಲ್ಲಿ ಅಡಕವಾಗಿರುತ್ತದೆ, ಅದರಲ್ಲಿ ವೇದಾಂತದ ಅದ್ವೈತದ ಅಗ್ರಗಣ್ಯ ವಾದಕರಾದ ಜಗದ್ಗುರು ಆದಿ ಶಂಕರಾಚಾರ್ಯರು ಶೇಷ್ಠರಾದವರು. ಸ್ನೇಹಿತರೇ, ಏಕತೆಯನ್ನು ವಿವರಿಸಲು ಮತ್ತು ನಿರೂಪಿಸಲು ಸೂಕ್ತವಾದ ಒಂದು ತತ್ವವಿದ್ದರೆ ಅದು ಆದಿ ಶಂಕರಾಚಾರ್ಯರ ತತ್ವವಾಗಿದೆ. ಈ ತತ್ತ್ವಶಾಸ್ತ್ರವು ಇಡೀ ಮಾನವಕುಲವನ್ನು, ಇಡೀ ಜಗತ್ತನ್ನು, ಇಡೀ ವಿಶ್ವವನ್ನು ದೈವಿಕವಾಗಿ ನೋಡಲು ನಮಗೆ ಉಪದೇಶಿಸುತ್ತದೆ.

ಒಂದು ಸ್ಪಷ್ಟ ಸಮಸ್ಯೆ ಉದ್ಭವಿಸುತ್ತದೆ, ದೇವರು ಎಲ್ಲೆಲ್ಲೂ ಇದ್ದಾನೆ, ದೇವರು ಇದ್ದಾನೆ, ಎಲ್ಲರಲ್ಲಿಯೂ ಇದ್ದಾನೆ ಎಂದಾದರೆ ಹೇಗೆ ತಾರತಮ್ಯ ಮಾಡಲು ಮತ್ತು ವಿಭಜಿಸಲು ಸಾಧ್ಯ? ಅದಕ್ಕಾಗಿಯೇ ನಾನು ಹೇಳಿದೆ ಮತ್ತು ಅದನ್ನು ನಾನು ಪುನರಾವರ್ತಿಸುತ್ತೇನೆ, ನಾವು ಒಳಗೊಳ್ಳುವಿಕೆಯನ್ನು ವ್ಯಾಖ್ಯಾನಿಸುತ್ತೇವೆ. ನಾವು ಹೀರಿಕೊಳ್ಳುವಿಕೆಯನ್ನು ವ್ಯಾಖ್ಯಾನಿಸುತ್ತೇವೆ. ನಾವು ಸ್ವೀಕಾರಾರ್ಹತೆಯನ್ನು ವ್ಯಾಖ್ಯಾನಿಸುತ್ತೇವೆ. ಹಿಂಪಡೆಯಬಹುದಾದ ಮುಖಾಮುಖಿಯ ನಿಲುವಿನಲ್ಲಿರಲು ನಮ್ಮ ನಾಗರಿಕತೆಯು ನಮಗೆ ಕಲಿಸುವುದಿಲ್ಲ.

ನಾವು ಆಲೋಚನೆ, ಕ್ರಿಯೆ ಮತ್ತು ಕಾರ್ಯಗಳಲ್ಲಿ ಸಹಿಷ್ಣುರಾಗಿದ್ದೇವೆ. ಆದ್ದರಿಂದ ನಾವು ಭಾರತೀಯ ಪವಿತ್ರ ಗ್ರಂಥಗಳು ಎಲ್ಲಾ ರೀತಿಯ ಜ್ಞಾನದಿಂದ ಪರಸ್ಪರ ಹೆಣೆದುಕೊಂಡಿರುವುದನ್ನು ನೋಡುತ್ತೇವೆ. ನಮ್ಮ ಧರ್ಮಗ್ರಂಥಗಳನ್ನು ನೋಡಿ. ನಾನು ಹೇಳಿದ್ದನ್ನು ನೀವು ಕಾಣುತ್ತೀರಿ.

ನಾನು ಭಗವದ್ಗೀತೆಯ ಒಂದು ಉಲ್ಲೇಖವನ್ನು ನೀಡುತ್ತೇನೆ. ಸಾಂಖ್ಯ ಯೋಗ ಮತ್ತು ಭಕ್ತಿ ಯೋಗ. ಸಾಂಖ್ಯ ಯೋಗ ಮತ್ತು ಭಕ್ತಿ ಯೋಗವು ಕರ್ಮ ಯೋಗದೊಂದಿಗೆ ಸಹ ಅಸ್ತಿತ್ವದಲ್ಲಿದೆ. ಇದು ಜೀವನದ ತತ್ವ. ಗೀತೆಯ ಬೋಧನೆಗಳು, ಗಮನಾರ್ಹವಾದುದು ಮತ್ತು ಎಂದೆಂದಿಗೂ ನೆನಪಿಡುವಂಥದ್ದು. ಕಾನೂನು ಮತ್ತು ಆಡಳಿತ ಕುರಿತಾದ ಅತ್ಯುತ್ತಮ ಗ್ರಂಥಗಳಲ್ಲೊಂದನ್ನು ನೋಡಿ. ಕಾನೂನು ಮತ್ತು ಆಡಳಿತದ ವಿಷಯ ಬಂದಾಗ, ನಾವು ಚಾಣಕ್ಯನನ್ನು ನೆನಪಿಸಿಕೊಳ್ಳುತ್ತೇವೆ. ನಾವು ಚಾಣಕ್ಯನೀತಿಯನ್ನು ನೆನಪಿಸಿಕೊಳ್ಳುತ್ತೇವೆ ಮತ್ತು ಅವರು ಏನು ಹೇಳಿದರು?

"ಸಂತೋಷದ ಮೂಲ ಧರ್ಮ, ಧರ್ಮದ ಮೂಲ ಅರ್ಥ"

ಸ್ನೇಹಿತರೇ, ಇದನ್ನು ಅತ್ಯಂತ ಹೆಚ್ಚು ಬಾರಿ ಉಲ್ಲೇಖಿಸಲಾಗಿದೆ. ನಾವು ನಮ್ಮ ಜೀವನದ ಪಾಠಗಳನ್ನು ಕಲಿಯಬೇಕು. ನಾವು ಅದರ ಅರ್ಥವನ್ನು ತಿಳಿದುಕೊಂಡರೆ, ಅದು ನಮ್ಮ ಜೀವನವನ್ನು ಬದಲಾಯಿಸುತ್ತದೆ. ನಾವು ನಿರ್ಲಕ್ಷ್ಯ ಮಾಡುವುದನ್ನು ನಿಲ್ಲಿಸುತ್ತೇವೆ. ನಮ್ಮ ನಡವಳಿಕೆಯಲ್ಲಿ ನಾವು ಸಹಾನುಭೂತಿ ಹೊಂದಿರುತ್ತೇವೆ ಮತ್ತು ಇದು ಹೇಳುತ್ತದೆ, ಸಂತೋಷದ ಆಧಾರ, ಸಂತೋಷದ ಅಡಿಪಾಯ ಸದಾಚಾರ. ಇದು ಸಂಪತ್ತಿನ ಅನುಕರಣೆ ಅಲ್ಲ. ಇದು ಅಧಿಕಾರದ ಆವಾಹನೆಯಲ್ಲ. ಸಂತೋಷವು ಸದಾಚಾರದಲ್ಲಿದೆ. ನೀವು ನಿಮಗೆ ಸರಿಯಾಗಿದ್ದರೆ, ನೀವು ಇತರರಿಗೆ ಸರಿಯಾಗಿರುತ್ತೀರಿ, ನೀವು ಎಲ್ಲಾ ಮಾನವರಿಗೆ ಮತ್ತು ಜೀವಿಗಳ ಕಡೆಗೆ ಸದಾಚಾರವನ್ನು ತೋರಿದರೆ, ನೀವು ಸಂತೋಷದ ಸ್ಥಿತಿಯಲ್ಲಿರುತ್ತೀರಿ. ಧರ್ಮವು ಸಂಪತ್ತಲ್ಲದೇ ಬೇರೇನೂ ಅಲ್ಲ, ಅಂತಿಮ ಸಂಪತ್ತು, ನೀವು ಡಿಜಿಟಲ್ ಖಾತೆಯಲ್ಲಿಡಬೇಕಿಲ್ಲದ ಅಥವಾ ಸುರಕ್ಷಿತವಾಗಿರಿಸಬೇಕಾಗಿಲ್ಲದ ಸಂಪತ್ತು. ಅದನ್ನು ಯಾರೂ ಕದಿಯಲು ಸಾಧ್ಯವಿಲ್ಲ. ಇದು ನಿಮ್ಮ ಅವಿಭಾಜ್ಯ ಅಂಗವಾಗಿದೆ. ಇದು ನಿಮ್ಮ ಜೀವನದ ಬಿಡಿಸಲಾಗದ ಅಂಶವಾಗಿದೆ.

ಧರ್ಮದಲ್ಲಿ ನಂಬಿಕೆ ಎಂದರೆ ನೀವು ಆಲೋಚನೆಯನ್ನು ಮೀರಿ, ಮಾನವ ಜೀವನದ ಅತ್ಯುನ್ನತ ರೂಪದಲ್ಲಿ ಅಸ್ತಿತ್ವದಲ್ಲಿದ್ದೀರಿ. ಇವು ನಮ್ಮ ಮಹಾನ್ ಋಷಿಗಳ ಬೋಧನೆಗಳು. ಅವುಗಳಲ್ಲಿ ಒಂದರ ಲಾಭವನ್ನು ನಾವು ಪಡೆದುಕೊಂಡಿದ್ದೇವೆ. ಇಲ್ಲಿರುವುದು ಒಂದು ಸೌಭಾಗ್ಯವಾಗಿದೆ.

ನಮ್ಮ ಎಲ್ಲಾ ಕಾರ್ಯಗಳಲ್ಲಿ ಧಾರ್ಮಿಕ ಮೌಲ್ಯಗಳಿಂದ ಮಾರ್ಗದರ್ಶನ ಮಾಡಬೇಕೆಂದು ನಮ್ಮ ಋಷಿಗಳು ಸಲಹೆ ನೀಡಿದ್ದಾರೆ. ಈ ರೀತಿಯ ಸಭೆಯನ್ನು ನೀವು ಎಲ್ಲಿ ನೋಡಬಹುದು? ಅದರ ಏಕೀಕರಣದ ತತ್ವವೇನು? ಧರ್ಮ, ಧರ್ಮದಲ್ಲಿ ನಂಬಿಕೆ. ಇದು ನಮ್ಮ ಬದ್ಧತೆ. ನಾನು ಮೊದಲೇ ಹೇಳಿದಂತೆ, ಇಲ್ಲಿರುವ ಪ್ರತಿಯೊಬ್ಬರೂ ನಮ್ಮ ಧರ್ಮದ ಕೇಂದ್ರಬಿಂದು, ರಾಯಭಾರಿಗಳು, ಪಾಲಕರು ಮತ್ತು ಪ್ರಚಾರಕರು.

ನಾವು ದರಿದ್ರ ನಾರಾಯಣ ಎಂಬುದನ್ನು ಬಳಸುತ್ತೇವೆ, ಇಡೀ ಪ್ರಪಂಚದಲ್ಲಿ ದರಿದ್ರ ನಾರಾಯಣ ಎಂಬುದನ್ನು ಬಳಸುವ ಏಕೈಕ ನಾಗರಿಕತೆ ನಮ್ಮದು. ಅದು ಏನು ಹೇಳುತ್ತದೆ? ಬಡವರಲ್ಲಿ, ವಂಚಿತರಲ್ಲಿ, ದುರ್ಬಲರಲ್ಲಿ, ಸವಾಲುಗಳನ್ನು ಎದುರಿಸುತ್ತಿರುವವರಲ್ಲಿ, ಆ ದರಿದ್ರರಲ್ಲಿ ನಾವು ನಾರಾಯಣನನ್ನು ಕಾಣುತ್ತೇವೆ, ಅಂತಹ ವ್ಯಕ್ತಿಯಲ್ಲಿ ನಾವು ದೇವರನ್ನು ಕಾಣುತ್ತೇವೆ, ನೀವು ದರಿದ್ರ ನಾರಾಯಣನನ್ನು ನೋಡಿದಾಗ ವಿಕಲಚೇತನರು, ಸವಾಲಿಗೊಳಗಾದವರು, ಕಿವುಡರು, ಮೂಕರು, ವಂಚಿತರು, ದುರ್ಬಲರು, ದುರ್ಬಲ ವರ್ಗಗಳನ್ನು ನೋಡಿದಾಗ ಅವರ ಸೇವೆಗೆ ನಮ್ಮ ಜೀವನವನ್ನು ಮುಡಿಪಾಗಿಡಬೇಕು ಎಂದು ನಮಗೆ ಅನ್ನಿಸುತ್ತದೆ.

ಸ್ನೇಹಿತರೇ, ಭಾರತವು ಎಂತಹ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಶಕ್ತಿಯಾಗಿತ್ತು ಎಂಬುದನ್ನು ನಾವು ನೆನಪಿಸಿಕೊಳ್ಳಬೇಕು. ನಾವು ನಮ್ಮ ಸ್ವಂತ ಸ್ಟ್ರೀಮ್ ಅನ್ನು ನೋಡಿದಾಗ, ನಾವು ದಿಗ್ಭ್ರಮೆಗೊಂಡಿದ್ದೇವೆ ಮತ್ತು ಆಶ್ಚರ್ಯಚಕಿತರಾಗಿದ್ದೇವೆ ಮತ್ತು ಜಾಗತಿಕ ನಾಯಕತ್ವವು ಆ ಮೌಲ್ಯ ವ್ಯವಸ್ಥೆಯ ಬಗ್ಗೆ ಆಸಕ್ತಿ ತೋರಿದೆ. ಸಕಾರಾತ್ಮಕ ಅಂಶವೆಂದರೆ ನಾವು ಅದನ್ನು ಮರಳಿ ಪಡೆಯುವತ್ತ ಸಾಗುತ್ತಿದ್ದೇವೆ. ನಾವು ಇದನ್ನು ತ್ವರಿತಗೊಳಿಸಬೇಕಾಗಿದೆ.

ಇದು ಬಹಳ ದೊಡ್ಡ ಯಜ್ಞ, ಈ ಯಜ್ಞಕ್ಕೆ ಪ್ರತಿಯೊಬ್ಬರ ತ್ಯಾಗ ಬೇಕು, ನಮಗೆ ಬಹಳ ದೊಡ್ಡ ಜ್ಞಾನಿಗಳು ಸಿಕ್ಕಿದ್ದಾರೆ, ಒಂದು ಕಾಲದಲ್ಲಿ ಬಂಗಾರವಾಗಿದ್ದ ಭಾರತಕ್ಕೆ ಪೂರ್ಣಾಹುತಿಯು ಬಹಳ ಬೇಗ ಆಗಬೇಕು.

ಸಂಸ್ಕೃತಿಯ ಸುವರ್ಣ ಕಾಲ. ನಾವು ಅದನ್ನು ಮರಳಿ ಪಡೆಯುತ್ತೇವೆ. ಭಾರತದ ಆಧ್ಯಾತ್ಮಿಕ ನಿಧಿಗಳು ಮತ್ತು ನಿಧಿಗಳಲ್ಲಿರುವ ಕಾಲಾತೀತ ಬೋಧನೆಗಳಿಗೆ ಹಿಂತಿರುಗುವ ಮೂಲಕ, ಸಂಪತ್ತು, ಸಂಪತ್ತಿನ ಅನ್ವೇಷಣೆಯು ಮಾನವ ಕಲ್ಯಾಣದೊಂದಿಗೆ ಸಾಮರಸ್ಯವನ್ನು ಹೊಂದಿರುವ ಸಮಾಜವನ್ನು ನಾವು ನಿರ್ಮಿಸಬಹುದು. ಸಂಪತ್ತಿನ ಅನ್ವೇಷಣೆಯಲ್ಲಿ ಯಾವುದೇ ತಪ್ಪಿಲ್ಲ, ಆದರೆ ಸಂಪತ್ತಿನ ಅನ್ವೇಷಣೆಯು ಅಜಾಗರೂಕವಾಗಿರಬಾರದು, ಕೇವಲ ಬಳಕೆಗಾಗಿ, ಕೇವಲ ಪ್ರದರ್ಶನಗಳಿಗಾಗಿ ಮಾತ್ರ ಇರಬಾರದು. ನೀವು ಸಂಪತ್ತಿನ ಸೃಷ್ಟಿಯನ್ನು ಮಾನವ ಕಲ್ಯಾಣದೊಂದಿಗೆ ಸಮನ್ವಯಗೊಳಿಸಿದರೆ, ಸಮಾಜವು ನಿಮ್ಮನ್ನು ಪ್ರಶಂಸಿಸುತ್ತದೆ.

ನಿಮ್ಮ ಆತ್ಮಸಾಕ್ಷಿಯು ಶುದ್ಧವಾಗಿರುತ್ತದೆ. ನೀವು ಸಂತೋಷವನ್ನು ಪಡೆಯುತ್ತೀರಿ. ವ್ಯಾಪಾರ ನೀತಿಗಳಿಗೆ ಬಂದಾಗ, ನಿಮ್ಮ ವ್ಯಾಪಾರ ನೀತಿಗಳನ್ನು ಆಧ್ಯಾತ್ಮಿಕ ತತ್ವಗಳೊಂದಿಗೆ ಜೋಡಿಸಿ, ಧರ್ಮವು ಎಲ್ಲರಿಗೂ ನ್ಯಾಯಸಮ್ಮತತೆ, ಎಲ್ಲರಿಗೂ ಸಮಾನತೆ, ಎಲ್ಲರಿಗೂ ಸಮತೆಯೊಂದಿಗೆ ಸಂಬಂಧಿಸಿದೆ ಎಂಬುದನ್ನು ನೆನಪಿನಲ್ಲಿಡಿ. ಧರ್ಮದ ಆಡಳಿತವಿರುವ ಸಮಾಜದಲ್ಲಿ ಅಸಮಾನತೆಗಳಿಗೆ ಸ್ಥಾನವಿಲ್ಲ.

ಸ್ನೇಹಿತರೇ, ನಾನು ಮೊದಲೇ ಹೇಳಿದಂತೆ, ನಮ್ಮ ಭಾರತವು ಮನುಕುಲದ ಆರನೇ ಒಂದು ಭಾಗಕ್ಕೆ ನೆಲೆಯಾಗಿದೆ. ನಮ್ಮ ಸಾಂಸ್ಕೃತಿಕ ಸಂಪತ್ತು ಮತ್ತು ನಾಗರಿಕತೆಯ ನೀತಿಗಾಗಿ ನಾವು ರಾಷ್ಟ್ರಗಳ ನಡುವೆ ಅಸಾಧಾರಣವಾಗಿ ವಿಶಿಷ್ಟರಾಗಿದ್ದೇವೆ ಮತ್ತು ಇದು ಒಂದು ಅಥವಾ ಎರಡು ಶತಮಾನಗಳ ವಿಷಯವಲ್ಲ.

5,000 ವರ್ಷಗಳಿಂದ, ಸಂಪತ್ತು, ಅಡೆತಡೆಯಿಲ್ಲದ ಜ್ಞಾನ ಮತ್ತು ಬುದ್ಧಿಮತ್ತೆಯನ್ನು ನಮ್ಮ ಋಷಿಗಳು ಮತ್ತು ಗುರುಗಳು ಪೋಷಿಸಿದ್ದಾರೆ ಮತ್ತು ಸಂರಕ್ಷಿಸಿದ್ದಾರೆ ಮತ್ತು ಉತ್ತಮವಾಗಿ ಸಂರಕ್ಷಿಸಿದ್ದಾರೆ. ಕಳೆದ ಒಂದು ಶತಮಾನದ ಹಿಂದಿನ ಇತಿಹಾಸವನ್ನು ನೋಡಿ.

ನಮ್ಮ ಸಂಸ್ಕೃತಿಯನ್ನು ದೂಷಿಸಲು, ನಮ್ಮ ಸಂಸ್ಕೃತಿಗೆ ಕಳಂಕ ತರಲು, ನಮ್ಮ ಸಾಂಸ್ಕೃತಿಕ ರಚನೆಯನ್ನು ನಾಶಮಾಡಲು ಎಲ್ಲಾ ರೀತಿಯ ಪ್ರಯತ್ನಗಳನ್ನು ಮಾಡಲಾಯಿತು. ಇದೆಲ್ಲವನ್ನೂ ಮಾಡಿದ್ದು ಮತಾಂಧ ಮನಸ್ಥಿತಿಯ ಜನ. ನಮ್ಮ ಸಂಸ್ಕೃತಿ ನಾಶವಾಗದ ಕಾರಣ ನಮ್ಮ ದೇಶ ಉಳಿದಿದೆ. ಇದನ್ನು ನಾಶಮಾಡಲು ಅಥವಾ ನಿರ್ಮೂಲನೆ ಮಾಡಲು ಸಾಧ್ಯವಿಲ್ಲ. ಸ್ನೇಹಿತರೇ, ಈ ಪ್ರಬಲ ವರ್ಗದಲ್ಲಿ, ಸಮಾಜವನ್ನು ದುಃಖದಿಂದ ಮುಕ್ತಗೊಳಿಸಲು ಸಮರ್ಪಣಾಭಾವದಿಂದ ಶ್ರಮಿಸಿದ ಆದಿ ಶಂಕರಾಚಾರ್ಯರೂ ಇದ್ದಾರೆ.

ನಾವು ಅವರಿಗೆ ಋಣಿಯಾಗಿದ್ದೇವೆ, ಭಾರತದ ಆಧ್ಯಾತ್ಮಿಕತೆ ಮತ್ತು ತತ್ವಶಾಸ್ತ್ರದ ಕಾಲಾತೀತ ಸಂಪ್ರದಾಯದ ಪುನರುಜ್ಜೀವನಕ್ಕಾಗಿ ನಾವು ಆದಿ ಶಂಕರಾಚಾರ್ಯ ಅವರಿಗೆ ಋಣಿಯಾಗಿದ್ದೇವೆ, ಆದಿ ಶಂಕರಾಚಾರ್ಯರ ಪ್ರಖ್ಯಾತ ಮತ್ತು ಸುಲಭವಾಗಿ ಗ್ರಹಿಸಬಹುದಾದ ಬೋಧನೆಗಳು ಮತ್ತು ನಮ್ಮ ಧರ್ಮಗ್ರಂಥಗಳ ಮೇಲಿನ ಅವರ ದೃಷ್ಟಿಕೋನಗಳು ಭಾರತದಾದ್ಯಂತ ಒಗ್ಗಟ್ಟಿನ ಮನೋಭಾವವನ್ನು ವೇಗವರ್ಧಿಸಿದವು.

ಆದಿ ಶಂಕರಾಚಾರ್ಯ ಅವರ ಅನಾದಿ ಕಾಲದ ಪರಂಪರೆಯನ್ನು ಈಗ ಶ್ರೀ ಶ್ರೀ ಭಾರತೀ ತೀರ್ಥ ಮಹಾಸ್ವಾಮೀಜಿಯವರು ನಮ್ಮ ಕಾಲದಲ್ಲಿ ಪೋಷಿಸುತ್ತಿದ್ದಾರೆ ಮತ್ತು ವಿಕಸಿತಗೊಳಿಸುತ್ತಿದ್ದಾರೆ. ಹಲವಾರು ಭಾಷೆಗಳಲ್ಲಿ ಅಪರೂಪದ ಪಾಂಡಿತ್ಯವನ್ನು ಹೊಂದಿರುವ ಶ್ರೀ ಶ್ರೀ ಭಾರತೀತೀರ್ಥ ಮಹಾಸ್ವಾಮಿಗಳು ಸಮಾಜವನ್ನು ಸದಾಚಾರದ ಸರಿಯಾದ ದಿಕ್ಕಿನಲ್ಲಿ ಪ್ರಭಾವಿಸುತ್ತಿದ್ದಾರೆ.

ಈ ಬೃಹತ್ ಭಾಗವಹಿಸುವಿಕೆ, ಈ ಭಾವನಾತ್ಮಕ ಭಾಗವಹಿಸುವಿಕೆ, ಈ ಅಂತರ್ಗತ ಭಾಗವಹಿಸುವಿಕೆ, ಈ ಹೃತ್ಪೂರ್ವಕ ಭಾಗವಹಿಸುವಿಕೆಯು ನಮ್ಮ ಸಮಾಜಕ್ಕೆ ಅವರ ಮಹತ್ವದ, ಐತಿಹಾಸಿಕ, ಅಸಾಧಾರಣ ಕೊಡುಗೆಗೆ ಸಾಕ್ಷಿಯಾಗಿದೆ.

ಸ್ನೇಹಿತರೇ, ನಿಸ್ಸಂದೇಹವಾಗಿ ಇಂತಹ ಸಮಾರಂಭಗಳು ಅಧ್ಯಾತ್ಮದ ಮಾರ್ಗವನ್ನು ಅನುಸರಿಸಲು ಮತ್ತು ಆದಿ ಶಂಕರಾಚಾರ್ಯ ಜಿಯವರ ಬೋಧನೆಗಳನ್ನು ಮುಂದುವರಿಸಲು ಪ್ರೇರೇಪಿಸುತ್ತವೆ.

ಸವಾಲುಗಳಿವೆ ಎಂದು ನಾನು ನಿಮಗೆ ನೆನಪಿಸಲು ಬಯಸುತ್ತೇನೆ. ನಾವು ನಿರ್ಲಕ್ಷಿಸಲಾಗದ ಅಥವಾ ನಿರ್ಲಕ್ಷಿಸಲಾಗದ ಸವಾಲುಗಳು ಇವೆ. ನಾವು ಅವುಗಳನ್ನು ಎದುರಿಸಬೇಕು. ನಮ್ಮ ಸಾಂಸ್ಕೃತಿಕ ಅಸ್ಮಿತೆಯ ಸಂರಕ್ಷಣೆ ನಮ್ಮ ಪ್ರಮುಖ ಆದ್ಯತೆಯಾಗಿದೆ. ಆಳವಾಗಿ ಪರಿಗಣಿಸಬೇಕಾದ ಕಡೆಗಳಿಂದ ಸವಾಲುಗಳು ಬರುತ್ತಿವೆ.

ನಾವು ಮಾರ್ಗದರ್ಶನ ಮತ್ತು ಜ್ಞಾನಕ್ಕಾಗಿ ನಮ್ಮ ಋಷಿಮುನಿಗಳ ಕಡೆಗೆ ನೋಡುತ್ತೇವೆ ಮತ್ತು ಇಂದು ವೇದಿಕೆಯ ಮೇಲೆ ಅಂತಹವರು ಕುಳಿತಿದ್ದಾರೆ. ನೀವು ದೇಶವನ್ನು ನಾಶಮಾಡಲು ಬಯಸಿದರೆ, ನಿಮಗೆ ಸೈನ್ಯದ ಅಗತ್ಯವಿಲ್ಲ ಎಂದು ಸರಿಯಾಗಿ ಹೇಳಲಾಗಿದೆ. ನೀವು ಅದರ ಕಟ್ಟಡಗಳು ಅಥವಾ ಮೂಲಸೌಕರ್ಯಗಳನ್ನು ನಾಶಮಾಡುವ ಅಗತ್ಯವಿಲ್ಲ. ನೀವು ಅದರ ಸಂಸ್ಕೃತಿಯನ್ನು ನಾಶಪಡಿಸಿದರೆ ಸಾಕು ನೀವು ಯಶಸ್ವಿಯಾಗುತ್ತೀರಿ. ಆದ್ದರಿಂದ, ನಿಮ್ಮ ಸಂಸ್ಕೃತಿಯನ್ನು ಉಳಿಸಲು ಯಾವಾಗಲೂ ಜಾಗರೂಕರಾಗಿರಿ.

ನಾನು ಈ ಅನನ್ಯ ಅವಕಾಶವನ್ನು ನೀಡಿದ ಸಂಘಟಕರಿಗೆ ಮತ್ತೊಮ್ಮೆ ಧನ್ಯವಾದ ಹೇಳಲು ಬಯಸುತ್ತೇನೆ, ಇಂತಹದೊಂದು ಅವಕಾಶ ನನಗೆ ಸಿಗುತ್ತದೆ ಎಂದು ನಾನು ಭಾವಿಸಿರಲಿಲ್ಲ. ಈ ಮಹತ್ವದ ಸಂದರ್ಭದಲ್ಲಿ ನಮ್ಮ ಪೂಜ್ಯ ಸಂತರ ಸಾನಿಧ್ಯದಲ್ಲಿ ಈ ಸಂತೋಷದಾಯಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಕ್ಕಾಗಿ ನಾನು ಸದಾ ಕೃತಜ್ಞನಾಗಿರುತ್ತೇನೆ.

ನಾವು ಈ ಶಾಶ್ವತ ಸತ್ಯವನ್ನು ಆಲೋಚಿಸೋಣ, ನಾವು ಬದುಕಿರುವ ಮತ್ತು ನಾವು ಯಾವಾಗಲೂ ಬದುಕಬೇಕಾದ ಸತ್ಯ - ಸತ್ಯಂ ಶಿವಂ ಸುಂದರಂ. ನಮಃ ಶಿವಾಯದ ನಮ್ಮ ಅಭ್ಯಾಸವು ಕತ್ತಲೆಯಿಂದ ಬೆಳಕಿನೆಡೆಗೆ, ಅಜ್ಞಾನದಿಂದ ಜ್ಞಾನದೆಡೆಗೆ, ಮರಣದಿಂದ ಅಮರತ್ವದ ಕಡೆಗೆ ನಮ್ಮ ಹಾದಿಯನ್ನು ಬೆಳಗಿಸಲಿ.

ಓಂ ನಮಃ ಶಿವಾಯ

ಓಂ ನಮಃ ಶಿವಾಯ

ಓಂ ನಮಃ ಶಿವಾಯ

 

*****

(Release ID: 2068503) Visitor Counter : 26