نمایاں مطالعوں نے نئی اسمارٹ ونڈو ٹیکنالوجی کو جنم دیا ہے جنہیں اپنی آپریشنل ضروریات کے لیے بیرونی برقی توانائی کی ضرورت نہیں ہے، اس لیے ان کی توانائی کی کارکردگی اور فعالیت میں اضافہ ہوتا ہے۔

موجودہ الیکٹرو کرومک اسمارٹ ونڈو ٹیکنالوجی کو اپنی آپریشنل ضروریات کے لیے بیرونی طاقت کی ضرورت ہوتی ہے۔ یہ ایک برقی محرک کے استعمال پر رنگ کو شفاف سے نیلے اور اس کے برعکس تبدیل کرنے تک محدود ہے (نظری شفافیت کی فعالیت کو تبدیل کرنا) اور نظر آنے والی اور قریب اور دور دونوں شعاعوں کو روکتا ہے، جس سے کمرے کے درجہ حرارت میں کمی واقع ہوتی ہے۔ اس کے علاوہ، الیکٹرو کرومک اسمارٹ ونڈو کی قیمت مہنگے عمل اور اس میں شامل مواد کی وجہ سے بہت سے لوگوں کے لیے ناقابل برداشت ہے۔

سینٹر فار نینو اینڈ سافٹ میٹر سائنسز (سی ای این ایس) میں ڈاکٹر آشوتوش کے سنگھ کی قیادت میں محققین نے، جو کہ محکمہ سائنس اور ٹیکنالوجی (ڈی ایس ٹی)، حکومت ہند کے تحت ایک خودمختار ادارہ ہے، دو مطالعات کے ذریعے اس پر توجہ مرکوز کی ہے۔

ان میں سے ایک میں انہوں نے اپنی آپریشنل ضروریات کے لیے بیرونی برقی طاقت پر الیکٹرو کرومک آلات کا انحصار ختم کر دیا ہے۔ دوسرے میں، انہوں نے اس پورے عمل کو مزید کفایتی بنا دیا ہے۔

اس کے نتیجے میں خود کار الیکٹرو کرومک اسمارٹ ونڈو اپنے سوئچنگ آپریشن میں ذخیرہ شدہ پاور کے ذریعے شفاف سے رنگین حالتوں تک چلتی ہے۔ یہ نئی اسمارٹ ونڈوز ٹیکنالوجی کی آپریشنل توانائی کی کارکردگی، استطاعت اور توانائی ذخیرہ کرنے کی فعالیت کو بڑھاتا ہے۔

ڈی ایس ٹی ہندوستان میں کفایتی الیکٹرو کرومک ونڈو ٹیکنالوجی تیار کرنے کے لیے "ایڈوانسڈ میٹریل ٹیکنالوجی (اے ایم ٹی)" پروگرام کے تحت اس ٹیکنالوجی کی حمایت کر رہا ہے۔

پہلے مرحلے میں، سی ای این ایس ٹیم نے ایک ایسا آلہ تیار کیا ہے جو آلے کی ترتیب کے نتیجے میں آلے کے اندر ہونے والے الیکٹرو کیمیکل رد عمل کے ذریعے پیدا ہونے والے چھوٹے برقی محرک کے استعمال پر رنگ تبدیل کرکے برقی توانائی کو ذخیرہ کر سکتا ہے۔ تکنیکی طور پر اس ڈیوائس کو ریڈاکس پوٹینشل بیسڈ سیلف پاورڈ  الیکٹروکرومک (آر پی-ایس پی ای سی) ڈیوائس کہا جاتا ہے اور اسے سیلف پاورڈ اسمارٹ ونڈو کے نام سے جانا جاتا ہے۔

یہ آلہ ٹنگسٹن آکسائیڈ (WO3) ای سی فلم، وینڈیم ڈوپڈ نکل آکسائیڈ (V-NiO) کو آئن اسٹوریج فلم کے طور پر اور ایلومینیم کو اینوڈ کے طور پر استعمال کرتا ہے، یہ سب ایک ہی ٹن ڈوپڈ انڈیم آکسائیڈ (آئی ٹی او) شیٹ پر ملمع کیے جاتے ہیں۔ یہ ڈیزائن آئی ٹی او پر مبنی کاؤنٹر الیکٹروڈ کی ضرورت کو ختم کرتا ہے، جس سے آلہ لاگت مؤثر ہوتا ہے۔

دوسرے تحقیقی کام میں ڈاکٹر آشوتوش کے سنگھ کی ٹیم نے الیکٹرو کرومک اسمارٹ ونڈو کے تانے بانے کے عمل کو تیار کیا اور صنعتی طور پر موافقت پذیر حل پر مبنی اسپرے کوٹنگ اپروچ کا استعمال کر کے اسے مزید کفایتی بنایا۔ اس عمل کے تحت، سستی الیکٹرو کرومک اسمارٹ ونڈوز ٹیکنالوجی نے اپنی خصوصیات کو برقرار رکھا، جیسا کہ توانائی ذخیرہ کرنے کی صلاحیتوں کے ساتھ رنگین اور شفاف حالتوں کے درمیان بغیر کسی رکاوٹ کے سوئچ کرنا، جو پورٹیبل ڈیوائس کو طاقت دے سکتا ہے۔

الیکٹرو کرومک اسمارٹ ونڈوز کے فیبریکیشن کے موجودہ عمل میں پیچیدہ ملٹی مراحل شامل ہیں، جس کے نتیجے میں مصنوعات کی قیمت میں اضافہ ہوتا ہے۔ ان خرابیوں کے خلاف، ڈاکٹر سنگھ کی ٹیم نے اسپرے کوٹنگ کے ذریعے الیکٹرو کرومک ایکٹیو مواد کا ایک مرحلہ وار براہ راست ذخیرہ تیار کیا ہے جو کفایتی الیکٹرو کرومک ونڈو بنانے کا ایک سیدھا راستہ پہے۔ یہ آلہ ٹنگسٹن آکسائیڈ (WO3 ) کو کیتھوڈ کے طور پر اور نکل آکسائیڈ (NiO) کو اینوڈ کے طور پر استعمال کرتا ہے، جس سے رنگین تضاد کی اعلیٰ سطح حاصل ہوتی ہے۔

*****

ش ح۔ ف ش ع

U: 1760

(Release ID: 2068345) Visitor Counter : 26