প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকী স্পেস সেক্তরদা মতেং পাংনবা লুপা করোর 1,000গী ভেঞ্চর কেপিতেল (ভি.সি.) IN-SPACe (ইন্দিয়ন নেস্নেল স্পেস প্রমোসন এন্দ ওথোরাইজেসন সেন্তর) গী মীৎয়েং মখাদা শেমগৎখিবা অহানবা খোঙথাং অসিনা স্পেস স্তার্তঅপশিং চাউখৎহন্নবা, ভারতকী স্পেস ইকোনোমী মপাঙ্গল কনখৎহন্নবা অমসুং লৈবাক অসিবু স্পেস তেক্নোলোজীদা মালেমগী লুচিংবা অমা ওইহন্নবা পান্দম থম্লি। ফন্দ অসি লিংখৎপা অসিনা ইনোবেসন প্রমোৎ তৌবা, ইকোনোমিক গ্রোথ ফংহনবা, অমসুং হাই-তেক ইন্দস্ত্রীশিংদা মশা-মরোমদোম লেপচবা হেনগৎহনবা, অসুম্না আত্মানির্ভর ভারতকী পান্দমশিংদা মতেং পাংনবা সরকারগী হেন্না চাউবা মিৎয়েংগা চুনৈ।

ফন্দ অসিগী পান্দম অমসুং স্ত্রেতেজিক ভিজন

লুপা কোতি 1000গী ভি.সি. ফন্দ অসি স্পেস সেক্তরগীদমক ভারতকী স্ত্রেতেজিক ভিজনগা চুনবা অমসুং 2020 স্পেস রিফোর্মশিংদা থম্লিবা পান্দমশিংবু সপোর্ত তৌনবা শেমগৎপনি। শেনফম অসি স্পেস তেক্নোলোজীগী রিস্ক ৱাংবা, রিৱার্দ ৱাংবা লমদা থবক তৌরিবা প্রাইবেৎ কম্পেনীশিংগী অখন্নবা মথৌ তাবশিং কোকহন্নবা শেমগৎপনি। ফন্দ অসিনা মখাদা পীরিবা পান্দমশিং অসি ফংহন্নবা পান্দম থম্লি:

• কেপিতেল ইনফিউসন: কেপিতেল ফন্দ অসিনা মার্কেতকী থাজবা হেনগৎহন্দুনা অমসুং গ্রোথকীদমক মরুওইবা অঙনবা তাঙ্কক্কী শেলগী তেংবাং পীদুনা তুংগী তাঙ্কক্কী দিবেলপমেন্তকীদমক অহেনবা ফন্দিং পীনবা পুক্নিং থৌগৎকনি হায়না পানরি।

• তেলেন্ত রিতেনসন অমসুং দোমেস্তিক দিবেলপমেন্ত: ভারতকী স্তার্তঅপ কয়া অমা হেন্না ফবা শেল-থুমগী খুদোংচাবশিং ফংনবগীদমক্তা মপান্দা মফম হোংবা। ফন্দ অসিনা ভারতকী মনুংদা তেলেন্তশিং থম্নবা, ব্রেন দ্রেন থিংনবা অমসুং হোমগ্রোন্দ স্পেস কম্পেনীশিং চাউখৎহনবদা মতেং পাংগনি।

• স্পেস ইকোনোমীগী মশীং মঙা হেনগৎহনবা: স্পেস তেক্নোলোজীদা মালেমগী মরুওইবা শান্নরোই অমা ওইনা ভারতপু লিংখৎপদা মতেং পাংদুনা লাক্কদৌরিবা দিকেদ অসিদা ভারতকী স্পেস ইকোনোমী অসি মশীং মঙা হেনগৎহন্নবা সরকারনা পান্দম থম্লি।

• তেক্নোলোজিকেল এদভান্স: ইনোবেসনদা ইনবেস্তমেন্ত তৌবনা দোমেস্তিক অমসুং ইন্তরনেস্নেল মার্কেৎ অনিমক্তা সোফিসিএৎ সোলুসনশিং পুথোকপদা মতেং পাংলদুনা স্পেস তেক্নোলোজী খুমাং চাউশিলহনগনি।

• গ্লোবেল কম্পিতিতিবনেস হেনগৎহনবা: ভারতকী কম্পেনীশিংদা স্পেস-বেজদা য়ুম্ফম ওইবা অখন্নবা সোলুসনশিং পুথোকপা ঙমহনবা অসিনা মপানগী তেক্নোলোজীগী মখা পোনবা হন্থহল্লগনি অমসুং মালেমগী থাক্তা হেন্না মপাঙ্গল কনখৎহল্লগনি।

• আত্মানির্ভর ভারতপু মতেং পাংবা: লমদমসিগী স্তার্ত-অপশিংদা শেল থাদদুনা, ফন্দ অসিনা মশা-মরোমদোম লেপচবা, মপানগী তেক্নোলোজীদা মখা পোনবা হন্থনা মপাঙ্গল কনবা দোমেস্তিক স্পেস ইকোনোমী অমা শেমগৎনবা ভারতকী অচেৎপা ফিরেপ অদু উৎলি।

• ভাইব্রেন্ত ইন্নোবেসন ইকোসিস্তেম অমা শেমগৎপা: ফন্দ অসিনা স্তার্ত-অপশিং শেমগৎতুনা অমসুং তোঙান তোঙানবা সেক্তরশিংগী মরক্তা তেংবাং পীনবা পুক্নিং থৌগৎতুনা স্পেস ইন্নোবেসন ইকোসিস্তেম অমা শেমগৎনবা হোৎনরি। মসিগী অকোয়রোন অসিনা অনৌবা ৱাখল্লোনশিং, পোত্থোকশিং অমসুং তেক্নোলোজীশিং পুথোকপদা পুক্নিং থৌগৎলি। মসিনা ভারতকী স্পেস ইন্দস্ত্রীদা ইনোবেসনগী লেপ্তনা চক্র অমা পুক্নিং থৌগৎলি।

• ইকোনোমিক গ্রোথ অমসুং থবক পীবা হেনগৎহনবা: স্পেস সেক্তরদা স্তার্ত-অপশিং অমসুং ইন্ত্রপ্রিনরশিং শৌগৎতুনা, ফন্দ অসিনা ইকোনোমিক এক্তিবিতী হেনগৎহনগনি হায়না পানরি, মসিনা দাইরেক্ত অমসুং ইন্দাইরেক্ত ওইবা থবক লিশিং কয়া শেমগৎলকপা ঙমগনি। মসিনা সপ্লাই চেনগী অপুনবা শরুক্কী কম্পেনীশিংদা ওপরেসনশিং স্কেল তৌবা ঙমহনগনি। মসিনা মালেমগী স্পেস ইকোনোমীদা ভারতকী কম্পিতিতিব পোজিসন হেনগৎহনগনি।

ফাইনান্সিএল ইমপ্লিকেসন অমসুং দিপ্লোইমেন্ত স্ত্রকচর

লুপা করোর 1000গী ভি.সি. ফন্দ অসি চহি মঙাগী মনুংদা স্ত্রেতেজিক ওইনা শীজিন্নগনি। মসিনা স্তার্ত-অপশিংবু চাউখৎপগী তোঙান-তোঙানবা তাঙ্ককশিংদা মতেং পাংগনি। ইন্দস্ত্রীগী মথৌ তাবশিং অমসুং চাউখৎপগী খুদোংচাবশিংগী মতুং ইন্না চহিগী ওইবা ইনবেস্তমেন্ত রেঞ্জ অসি লুপা করোর 150 অমসুং লুপা করোর 250গী মরক্তা ওইগনি হায়না পানরি। শেনবা চহিগী মতুং ইন্না শেমদোক্নবা খোংথাং অসি মখাদা পীরি:

দিপ্লোইমেন্ত অসি কম্পেনীগী গ্রোথ স্তেজ অমসুং ভারতকী স্পেস কেপাসিতীশিংদা প্রোজেক্ত তৌরিবা ইথিলদা য়ুম্ফম ওইদুনা থাক অনি থোক্না শেম্মি:

• গ্রোথ স্তেজ: স্তার্ত-অপকী দিবেলপমেন্ত ত্রেজেক্তরী অমসুং মতম শাংনা ওইথোকপা য়াবা মতুং ইন্না শেল থাদবা অসি লুপা করোর 10দগী লুপা করোর 30 ফাওবা ওইগনি।

তুংগী গ্রোথ স্তেজ: ইনবেস্তমেন্ত অসি লুপা করোর 30দগী লুপা করোর 60 ফাওবা ওইগনি। মসিনা মশক থোকপা খুমাং চাউশিল্লকপা অমসুং মপাঙ্গল কনবা গ্রোথ ত্রেজেক্তরী লৈবা লিংখৎলবা কম্পেনীশিংদা মতেং পাংগনি।

ফন্দিং রেঞ্জশিং অসিদা য়ুম্ফম ওইদুনা, ভি.সি. ফন্দ অসিনা ভারতকী স্পেস ইন্দস্ত্রী পুম্বদা গ্রোথ অমসুং ইন্নোবেসন পুক্নিং থৌগৎনবগীদমক মথৌ তাবা ফাইনান্সিএল ফাউন্দেসন পীদুনা স্তার্ত-অপ 40 রোমদা মতেং পাংনবা পান্দম থম্লি।

এমপ্লোইমেন্ত অমসুং ইকোনোমিক গ্রোথতা থাজরিবা ইম্পেক্ট

ফন্দ অসিগী মরুওইবা পান্দম অমা হায়রগদি থবক ফংহন্নবা অমসুং স্পেস তেক্নোলোজী সেক্তরদা ভারতকী থাক হেনগৎহন্নবা মপাঙ্গল লৈরবা ইকোসিস্তেম অমা শেমগৎপনি। ফন্দ অসিনা মখাদা পীরিবশিংসি পাংথোক্কনি হায়না পানরি:

• দাইরেক্ত এমপ্লোইমেন্ত শেমগৎপা: ইঞ্জিনীয়রিং, দেতা এনালাইসিস, সোফৱেয়র দিবেলপমেন্ত, মেন্যুফেকচরিং, অমসুং অতোপ্পা তেক্নিকেলগী লমশিংদা থবক ফংবগী চাং হেনগৎলগনি হায়না পানরি। ইনবেস্তমেন্ত অমমম্না হায় স্কিলগী লমশিং অসিদা হকথেংননা থবক পীবগী খুদোংচাবা চা কয়া শেম্বা ঙম্মি।

• ইন্দাইরেক্ত এমপ্লোইমেন্ত ওপোর্চুনিতীজ: লোজিতিক্স, প্রোফেস্নেল সর্বিসেস অমসুং সপ্লাই চেন মেনেজমেন্তকা মরী লৈনবা লমশিংদা অহেনবা এমপ্লোইমেন্তসু শেমগৎকনি। হায়রিবা থবকশিং অসি বিজিনেসশিং অমসুং মেন্যুফেকচরিং য়ুনিৎশিং স্কেল তৌবা হেনগৎলকপা তঙাই ফদবা অদুদগী থোরক্কনি।

• ভারতকী স্পেস ৱার্কফোর্স মপাঙ্গল কনখৎহনবা: স্পেস সেক্তরদা হৈ-শিংলবা ৱার্কফোর্স অমা শেমগৎতুনা, ফন্দ অসিনা তুং কোইনা চৎকদবা ৱারী অমা শেমগৎনবা পান্দম থম্লি।

IN-SPACeগী থৌদাং

ইন্দিয়ন নেস্নেল স্পেস প্রমোসন এন্দ ওথোরাইজেসন সেন্তর (আই.এন.-এস.পি.এ.সি.) অসি 2020দা সরকারনা স্পেস সেক্তরদা পায়খৎলিবা রিফোর্মশিংগী শরুক অমা ওইনা লিংখৎখি। মসিগী পান্দমদি স্পেস স্তার্ত-অপশিং অমসুং ব্যুজিনেসশিংগী মরুওইবা ফেসিলিতর অমা ওইনা থবক তৌদুনা স্পেসকী থবকশিংদা প্রাইবেৎ সেক্তরনা শরুক য়াবা হেনগৎহনবা অমসুং য়েংশিনবনি। ইন-স্পেসনা স্পেস তেক্নোলোজী হেনগৎহনবা, প্রাইবেৎ পার্তিসিপেসন হেনগৎহনবা অমসুং মালেমগী স্পেস ইকোনোমীদা ভারতকী শেয়র পাকথোক চাউথোকহনবা হায়বা সরকারগী পান্দমগা চুনবা রিফোর্মশিং হৌদোকপদা মরুওইবা থৌদাং লৌরি।

হৌজিক্তি, ভারতকী স্পেস ইকোনোমী অসি চাউরাক্না দোল্লর বিল্লিয়ন 8.4 ওইরি, মসিনা মালেমগী স্পেস মার্কেতকী শরুক 2% ওইরি। সরকারনা 2033 ফাওবদা স্পেস ইকোনোমী অসি দোল্লর বিলিয়ন 44দা হেনগৎহন্নবা পান্দম থম্লি। মসিগী মনুংদা মালেমগী শরুক্কী 7-8% ওইরিবা এক্সপোর্ততা দোল্লর বিলিয়ন 11 য়াওরি। ভারতকী স্পেস ইকোনোমীগী তোঙান-তোঙানবা সেগমেন্তশিংদা হৌজিক থবক তৌরিবা স্তার্ত-অপ 250 রোম য়াওনা প্রাইবেৎ সেক্তরগী শরুক য়াবনা মসিগী গ্রোথ অসি লাক্কনি হায়না পানরি।

লৈবাক কয়ানা স্পেস সেক্তরগী স্ত্রেতেজিক ওইবা মরুওইবা অদু মশক খঙলে অমসুং ইনোবেসন পুরক্নবা, প্রাইবেৎ সেক্তর শরুক য়াবা হেনগৎহন্নবা অমসুং নেস্নেল কেপাসিতীশিং মপাঙ্গল কনখৎহন্নবা স্পেস-ফোকস ভি.সি. ফন্দশিং লিংখৎলে। খুদমশিংগী মনুংদা য়ু.কে.গী সেরাফিম স্পেস ফন্দগী GBP মিলিয়ন 30, ইতালিগী য়ুরো প্রাইমো স্পেস ফন্দগী য়ুরো মিলিয়ন 86, জপানগী স্পেস স্ত্রেতেজিক ফন্দগী য়ু.এস দোল্লর বিল্লিয়ন 6.7 অমসুং পব্লিক ইনভেস্তমেন্ত ফন্দ (পি.আই.এফ.), সৌদি আরবকী নিও স্পেস গ্রুপ (এন.এস.জি.) ভি.সি. ফন্দগী খুত্থাংদা, ভারতনা মান্নবা থৌওং অমা লৌখৎনবা পান্দম থম্লি। মসিগী স্তার্ত-অপশিং মতেং পাংদুনা অমসুং স্পেস তেক্নোলোজী অমসুং মসিগা মরী লৈনবা সর্বিসশিংগী লোকেল দিবেলপমেন্ত পুথোক্তুনা স্পেস ইনোবেসন ইকোসিস্তেম অমা মপাঙ্গল কনখৎহন্নবা পান্দম থম্লি।

অরোইবা ৱারোল

ইন-স্পেসকী মখাদা লুপা করোর 1000গী ভি.সি. ফন্দ অসি ভারতকী স্পেস সেক্তরগী ইভোলুসনদা মাইলস্তোন অমা ওইরি। মসিনা মশা-মরোমদোম লেপচবা অমসুং স্পেসতা মালেমগী লুচিংবা অমা ওইনা ভারতপু লিংখৎনবা সরকারগী অচেৎপা ফিরেপ অদু উৎলি। রিস্ক কেপিতেল পীরদুনা, থবক ফংহন্দুনা, ইন্নোবেসন পুক্নিং থৌগৎতুনা অমসুং প্রাইবেৎ সেক্তরগী শরুক য়াবা পুক্নিং থৌগৎতুনা, ফন্দ অসিনা হাই-তেক দোমেনদা ভারতকী তৌবা ঙম্বশিং মপাঙ্গল কনখৎহন্নবা নেস্নেল প্রাইওরিতিশিংগা চান্নৈ। মসিনা শেলগী ওইবা অচেৎপা ৱাফম অমা ওইবতা নত্তনা আত্মানির্ভর ভারতকী পান্দমগা চুনবা, ইন্নোবেতিব অমসুং সস্তেনেবল স্পেস ইকোনোমী অমা শেমগৎপদা মতম শাংনা স্ত্রেতেজিক ওইবা ইনভেস্তমেন্তসু ওইগনি।

রিফরেন্স

https://pib.gov.in/PressReleseDetail.aspx?PRID=2045802&reg=3&lang=1

https://pib.gov.in/PressReleasePage.aspx?PRID=2067667

PDF য়েংনবা মসিদা নম্বীয়ু:

***

(Release ID: 2068332) Visitor Counter : 23