ریلوے پروٹیکشن فورس (آر پی ایف) ‘شہداء کے ہفتے ’ کے تحت جاری یادگاری تقریب کے ایک حصے کے طور پر اپنے اُن 14 اہلکاروں کو خراج تحسین پیش کر رہی ہے جنہوں نے گزشتہ ایک سال میں ڈیوٹی کے دوران اپنی جانیں گنوائیں۔ احترام اور یادگار کے طور پر، آر پی ایف افسران 9ریاستوں میں ان بہادر افراد کی جائے پیدائش اور آبائی گاؤں کا دورہ کر رہے ہیں۔ یہ دلی خراج تحسین  کی کوششیں آر پی ایف اور ان برادریوں کے درمیان گہرے تعلق کو فروغ دے رہی ہیں جنہوں نے ان بہادر روحوں کو نکھارا، ساتھ ہی ان کی قربانی کی اہمیت کو بھی اجاگر کیا۔

جن شہداء کو اعزاز بخشا گیا، ان میں سے ایک جناب نراکار بہرا بھی ہیں، جو کہ مشرقی ساحلی ریلوے میں آر پی ایف ہیڈ کانسٹیبل تھے، جنہوں نے فروری 2024 میں اپنی ڈیوٹی انجام دیتے ہوئے عظیم قربانی پیش کی۔ کھردا روڈ ڈیویژن کے آر پی ایف اہلکاروں کے ذریعہ 21 اکتوبر کو اڈیشہ کے گنجم ضلع میں واقع نیتنگا میں ایم ای اسکول میں ان کی جائے پیدائش  پر ایک میموریل سروس کا انعقاد کیا گیا۔اس جذباتی تقریب میں ان کے کنبے، دوستوں اور ساتھیوں کی شرکت ملاحظہ کی گئی۔ ان کی بیوہ، محترمہ گیتانجلی بہرا نے اپنے شوہر کی قربانی کے اعتراف کے لیے تہہ دل سے شکریہ ادا کیا۔

ریلوے پروٹیکشن فورس کے ڈائرکٹر جنرل، جناب منوج یادو نے کہا، "ان میں سے ہر ایک بہادر روح نے خدمت اور قربانی کے اعلیٰ ترین آدرشوں کی مثال دی ہے۔ ان کی میراث ہمیشہ کے لیے ہمیں اپنے ریلوے اور مسافروں کی حفاظت اور حفاظت کو برقرار رکھنے کی ترغیب دیتی رہے گی"۔

بھارت بھر میں، آر پی ایف ہمارے ملک کے مختلف حصوں میں شہداء کے اعزاز میں آبائی گاؤں اور اسکولوں میں اسی طرح کے یادگاری پروگرام منعقد کر رہا ہے۔ ہر شہید کے خاندان کو دلی خراج تحسین اور مبارکباد دی جا رہی ہے، جس سے اس بات کو تقویت ملتی ہے کہ ان کے اعزا کی قربانیوں کو کبھی فراموش نہیں کیا جائے گا۔

پورے ہفتے کے دوران منصوبہ بند سرگرمیوں کے ساتھ، آر پی ایف کی اپنے شہید سورماؤں کو یاد کرنے کی کوششیں آر پی ایف اہلکاروں کی بہادری، قربانی اور لگن کو خراج تحسین پیش کرنے کے لیے عمیق اور پیہم وابستگی کی عکاسی کرتی ہیں جنہوں نے ملک کے ریلوے نظام اور ریلوے مسافروں کی حفاظت کے لیے عظیم قربانیاں دیں۔ اب جبکہ فورس ’شہداء کا ہفتہ‘ منا رہی ہے، ایسے میں ان سورماؤں کے ناقابلِ تسخیر جذبے کی بازگشت  ریلوے کے شعبے میں مسلسل سنائی دے رہی ہے جس کی انہوں نے تندہی سے حفاظت کی، ان کی ہمت ہمیشہ کے لیے تاریخ میں درج ہوگئی ہے۔

**********

 

(ش ح –ا ب ن)

U.No: 1653

(Release ID: 2067498) Visitor Counter : 23