تمل ناڈو کے ایروڈ میں ویلار کالج آف نرسنگ کے 91 طلبہ اور چھ اساتذہ نے آج دہلی کا دورہ کیا۔ اس دورے کے دوران وزیر مملکت ڈاکٹر ایل مروگن نے نرسنگ کے بی ایس سی طلبہ سے بات چیت کی اور نرسنگ کے پیشے کی عظمت پر زور دیا۔ انھوں نے اس اہم شعبے میں مزید انسانی وسائل کی اشد ضرورت کو اجاگر کیا اور طلبہ کو صحت کی دیکھ بھال کے مستقبل کی تشکیل میں اپنے اہم کردار کو تسلیم کرنے کی ترغیب دی۔

تقریب کا آغاز ہر طالب علم کو جوش و خروش کے ساتھ وزیر مملکت ڈاکٹر مروگن سے متعارف کرانے کے ساتھ ہوا۔ اپنے خطاب میں ڈاکٹر مروگن نے وزیر اعظم نریندر مودی کی قیادت میں صحت کی دیکھ بھال کے شعبے میں بھارت کی قابل ذکر ترقی کو اجاگر کیا۔ انھوں نے کہا کہ ملک میں ایمس (آل انڈیا انسٹی ٹیوٹ آف میڈیکل سائنسز) کی تعداد بڑھ کر 23 ہوگئی ہے اور میڈیکل کی نشستوں کی تعداد بڑھ کر 1،07،000 سے زیادہ ہوگئی ہے۔

ڈاکٹر مروگن نے بھارت کے ہر ضلع میں ایک میڈیکل کالج کے قیام کے وزیر اعظم مودی کے وژن کو اجاگر کیا ، جس کا مقصد بھارت کے صحت کی دیکھ بھال کے شعبے کو عالمی رہنما کے طور پر کھڑا کرنا ہے۔

انھوں نے اس بات کو اجاگر کیا کہ وزیر اعظم مودی کی قیادت میں تعمیر کی گئی نئی پارلیمنٹ کی عمارت ملک بھر کے مقامی کاریگروں کی دستکاری کی نمائش کرتی ہے ، جو ’’ووکل فار لوکل‘‘ پہل کے لیے حکومت کے عزم کی عکاسی کرتی ہے۔ انھوں نے اس بات پر بھی زور دیا کہ نوجوان نسل 2047 میں وکاسیت بھارت کے سفر میں قائدانہ کردار ادا کرے گی۔

اپنی گفت و شنید کے دوران ڈاکٹر مروگن نے اس بات پر زور دیا کہ نوجوان قوم کا مستقبل ہیں اور انھوں نے طلبہ کی حوصلہ افزائی کی کہ وہ ترقی کا عہد کریں۔ انھوں نے غیر ملکی اور بھارتی دونوں میں نئی زبانیں سیکھنے کی اہمیت پر بھی زور دیا کیونکہ اس سے وہ نہ صرف بھارت میں بلکہ عالمی سطح پر بھی روزگار کے مواقع کے لیے تیار ہوں گے۔

پروگرام کا اختتام ایک متاثر کن نوٹ کے ساتھ ہوا ، جس میں ڈاکٹر مروگن نے طلبہ پر زور دیا کہ وہ بھارت کے صحت کی دیکھ بھال کے نظام کے مستقبل کی تشکیل میں فعال کردار ادا کریں اور ملک کے وسیع تر ترقیاتی اہداف میں اپنا حصہ ڈالیں۔

***

(ش ح – ع ا)

U. No. 1602