ঙাকশেল মন্ত্রী শ্রী রাজনাথ সিংহনা প্রাইবেৎ সেক্তরদা দিফেন্স সেক্তরদা 'শরুক য়াবা'দগী ‘লমজিংবগী’ মাইকৈদা চংশিন্নবা হায়রদুনা ভারতপু ইন্নোভেসন অমসুং তেক্নোলোজী হব অমা অমসুং মালেমগী খ্বাইদগী মপাঙ্গল লৈবা লৈবাক অমা ওইহন্নবা সরকারনা মপুং ফানা মতেং পাংগনি হায়না মহাক্না থাজবা পীখি। মহাক্না 2024গী ওক্তোবর 18দা নই দিল্লীগী DRDO ভবনদা দিফেন্স তেক্নোলোজী এসেলরেসনগী মতাংদা DRDO -ইন্দস্ত্রী ৱর্কশোপ ত্বারালদা সাইন্তিস্তশিং, ইন্দস্ত্রীগী লুচিংবশিং, একাদমিসিয়ন, স্তার্ত-অপশিং, MSMEশিং অমসুং নহা ওইরিবা ওন্তপ্রিনোরশিংদা ৱা ঙাংখি।

হৌখিবা মতমদা দিফেন্স সেক্তরদা অহোংবা লাকপগী মতাংদা ফোংদোক্লদুনা, ঙাকশেল মন্ত্রীনা হায়খি মদুদি, ঙসি, তেক্নোলোজীনা কন্ভেন্সনেল ৱারফেয়রবু কন্ভেন্সনেল ওইদবা ৱারফেয়রদা ওন্থোকখ্রে। “হৌজিক মতমগী ৱারফেয়রশিংদা দ্রোনশিং, সাইবর ৱারফেয়র, বাইও-ৱিপনশিং অমসুং স্পেস দিফেন্সকুম্বা অনৌবা ৱারফেয়রশিং হাপচিল্লি। অসিগুম্বা অহোংবা লাকপা তাঙ্কক অসিদা, ঙাকশেলগী লমদা R&Dনা দিফেন্স সেক্তরবু হেন্না মপাঙ্গল কনখৎহনগনি। ঐখোয়গী সাইন্তিস্তশিং, ইন্দস্ত্রীএলিস্তশিং, একাদমিসিয়ন, স্তার্ত-অপশিং, MSMEশিং অমসুং নহা ওইরিবা ওন্তপ্রিনোরশিংনা পুন্না থবক তৌমিন্নরিবা অসি উবদা নুংঙাইবা ফাওই। প্রাইবেৎ সেক্তরনা খোঙজেল য়াংনা অহোংবা পুরকপা অমসুং অনৌবা ইন্নোভেসনশিং পুথোকপা ঙম্বনা লমজিংদুনা চৎপগী মতম ওইরে," হায়না মহাক্না মখা তাখি।

শ্রী রাজনাথ সিংহনা মালেমদা হৌজিক ফাওবদা খঙনদ্রিবা, কন্ভেন্সনেল ওইদবা ৱাখল্লোনশিং শীজিন্নবা অসি কনভেন্সনেল ওইদবা ৱারফেয়রদা খুমাং চাউশিলহন্নবগী অমত্তা ঙাইরবা পাম্বৈনি হায়না ফোংদোকখি। মসি অরুবা থবক অমনি হায়না পল্লদুনা মহাক্না হায়খি মদুদি প্রধান মন্ত্রী শ্রী নরেন্দ্র মোদীনা লুচিংবা সরকার অসিনা মসিগী খোঙথাং অসিদা নহারোলশিং, সাইন্তিস্তশিং, ইন্দস্ত্রীএলিস্তশিং অমসুং MSMEশিংদা তঙাইফদবা মতেং পুম্নমক পীগনি।

দিফেন্স সেক্তরবু হেন্না ইন্নোভেতিব অমসুং তেক্নোলোজী ওরিয়েন্তেদ ওইহন্নবা সরকারগী অচেৎপা ফিরেপ অদু ঙাকশেল মন্ত্রীনা অমুক হন্না ফোংদোকখি। DRDOনা R&D এনভাইর্নমেন্ত অসি মপাঙ্গল কনখৎহন্নবা অমসুং সাইন্তিফিক তেম্পরেন্ত প্রমোৎ তৌনবা লেপ্পা লৈতনা হোৎনরিবশিং অদু পল্লদুনা মহাক্না হায়খি, “তেক্নোলোজী দিবেলপমেন্ত ফন্দ (TDF) স্কিম্না অপুনবা প্রোজেক্ত কোস্তকী চাদা 90 ফাওবা ইলিজিবল ওইবা ইন্দস্ত্রীশিংদা গ্রান্ত সপোর্ত ওইনা পীরি। অপুনবা মতেং অসি লুপা করোর 50 ফাওবা ওইগনি। মসি দিফেন্স R&Dদা ইনভেস্ত তৌনবা MSME অমসুং স্তার্ত-অপ অমহেক্তগীদমক অফবা শেনফম অমনি। চহি তরুক্কী মমাংদা হৌদোকখিবদগী প্রোজেক্ত 79 অয়াবা পীখ্রে, মসিগী মনুংদা প্রোজেক্ত 18দা তেক্নোলোজী মায় পাক্না শেমগৎখ্রে”

থৌরম অদুগী শরুক অমা ওইনা, শ্রী রাজনাথ সিংহনা ইন্নোভেতরশিং অমসুং স্তার্ত-অপশিংগী মথংগী মীরোলবু দিফেন্স এপ্লিকেসনশিংগীদমক ত্রান্সফোর্মেতিব আইদিয়াশিং পুথোক্নবা পুক্নিং থৌগৎনবা 'দেয়র তু দ্রীম 5.0' হৌদোকখি। DRDOগী ইন্নোভেসন কন্তেস্তকী মঙাশুবা ‌ইদিসন অসিগী পান্দমদি ভারতনা দিফেন্স তেক্নোলোজীশিংদা 'আত্মানির্ভরতা' ফংনবা হোৎনবদা হেন্না খুমাং চাউশিলহন্নবা অৱাংবা থাক্কী সোল্যুসনশিং পুথোকপা হায়বসিনি।

ঙাকশেল মন্ত্রীনা "দেয়র তু দ্রীম 4.0"গী মনা ফংলবশিংবুসু ইকাই খুম্নবা উৎলদুনা দ্রোনশিং অমসুং দ্রোন চবুন-চবুন লৈবগী মায়োক্তা ঙাকথোকপা ঙম্নবগী লমদা দিসরপ্তিব সোল্যুসনশিং অমসুং ইন্নোভেসনশিং; গনফায়র, লোকেদ তৌনবা এদভান্স একোস্তিক সিস্তেম, ইনর্জী তেক্নোলোজীশিং, কোগনিতিব লিস্নিং দিভাইস, তার্গেৎ সিক্কিং অমসুং প্রোক্সিমিতী সেন্সিং, ফ্রী-স্পেস লেজর কম্ম্যুনিকেসন সিস্তেম, মল্তি-তেরেন মল্তি-য়ুতিলিতী রোবোৎ অসিনচিংবগীদমক ইন্নোভেতরশিং, স্তার্ত-অপশিং অমসুং MSMEশিংবু শকখঙখি।

শ্রী রাজনাথ সিংহনা শীংনবশিং অসি দিফেন্স সেক্তরগী তুংলমচৎ ঙাক্নবা লৈবাক অসিগী ইন্দস্ত্রীএল ইকোসিস্তেমগী থৌদাং অদুগী খুদম অমনি হায়না ফোংদোকখি। "ঐখোয়গী থৌনা ফরবা লান্মীশিংগী মতৌগুম্না সাইন্তিস্তশিং, ইন্দস্ত্রীগী লুচিংবশিং, একাদমিসিয়ন, স্তার্ত-অপশিং, MSMEশিং অমসুং ওন্তপ্রিনোরশিং অসি লৈবাক অসিগী ৱারিয়রশিংনি, মখোয়না শীন্নখিবা থবক খুদিংমক লোইশিন্নবা শেম-শারি," হায়না মহাক্না ফোংদোকখি।

ঙাকশেল মন্ত্রীনা দিফেন্স সেক্তরদা ইনক্রিমেন্তেল অমসুং দিসরপ্তিব তেক্নোলোজী অনিমক্তা অওনবা পুরকপগী তঙাইফদবা অদুদা অকনবা ৱাফম থমখি। মহাক্না হায়খি মদুদি 'দেয়র তু দ্রীম'গুম্বা ইনিসিএতিবশিংগী খুত্থাংদা ফংলিবা সোল্যুসনশিংনা তেক্নোলোজীগী মখল অনিগী মরক্তা লৈরিবা অৱাৎপা অসি কোকহল্লি। মহাক্না সাইন্তিস্তশিং, স্তার্ত-অপশিং অমসুং নহা ওইরিবা ওন্তপ্রিনোরশিংদা মখোয়না থেংনরিবা খুদোংচাদবশিং অসি মায়োক্নবগী অনৌবা খোঙথাংশিং লৌখৎনবা হায়খি।

শ্রী রাজনাথ সিংহনা প্রাইবেৎ সেক্তরদা মালেম শিনবা থুংনা থোক্লিবা তেক্নোলোজীগী অহোংবশিং অসিগা মান্ননা খোঙজেল য়াংনা চংশিন্নবা খঙহনখি। তেক্নোলোজী অমা শীজিন্নবা হৌরকপদা মতম চানা এসেসমেন্ত তৌদুনা মদু রোল-আউৎ তৌবা মতমদা মতমগা চুনদবা ওইদনবা মহাক্না মখোয়দা তকশিনখি। তেক্নোলোজীশিং অসি অমগা অমগা মান্নদনবগীদমক তেক্নোলোজীদা য়ুম্ফম ওইদুনা TDF গী মখাদা প্রোজেক্তশিং শেমগৎনবা অমসুং স্কিম অসিগী মনুংদা কম্প্রিহেন্সিব স্কেনগী সিস্তেম অমা শেমগৎনবা মহাক্না হায়খি।

দীপ-তেক চেলেঞ্জশিং

লৈবাক অসিগী ঙাকশেলগী ইনফ্রাস্ত্রকচরদা মরুওইবা লমশিংদা চাউখৎপা পুরক্নবা দিসরপ্তিব, ইমর্জিং, ইনেবলিং অমসুং পাইওনিয়রিং তেক্নোলোজী (দীপ-তেক) গী মতাংদা চেলেঞ্জ কয়া অমসু হৌদোকখি। দীপ-তেকদা মীৎয়েং থম্বা অসিনা ভারতনা দিফেন্স ইন্নোভেসনদা মাংজিল থাবা ঙম্নবগীদমক্তা অওনবা পুরকপা তেক্নোলোজীশিং শেমগৎপা অমসুং শীজিন্নবগী তঙাইফদবা অদুদা মীৎয়েং থম্লি। চেলেঞ্জশিং অদুদি:

• কম্পেক্ত ইলেক্ত্রোমেকানিকেল একচুএতরশিং;
• য়ার্দ ক্রাফত (ইন্দিয়ন নেভী) গীদমক লমদমসিগী থ্রস্তরশিং শেমগৎপা;
• SiC সিঙ্গল খৃস্তেলগী ব্লক গ্রোথকীদমক হায় প্যুরিতী সিলিকোন কার্বাইদ সোর্স পাউদর শেমগৎপা;
• HPM কাউন্তর মেজর অমসুং প্রোতেক্সনগীদমক দীপ-তেক;
• এরো গ্যাস তর্বাইন ইঞ্জিনগী হেল্থ অমসুং য়ুজেজ মোনিতরিংগী দিজিতেল ত্বিন ফ্রেমৱার্ক অমা শেমগৎপা।

এন্দ-য়ুজরশিংদা তেক খুৎশিন্নখ্রে

TDF স্কিমগী মখাদা শেমগৎখিবা অৱাংবা থাক্কী লমদম অসিদা য়ুম্ফম ওইবা তেক্নোলোজী কয়া অমা DRDOঅমসুং আর্মদ ফোর্সেস য়াওনা য়ুজরশিংদা শ্রী রাজনাথ সিংহনা শরুক য়াদুনা খুৎশিন্নখি। DRDOগা লোয়ননা স্তার্ত-অপশিং অমসুং MSMEশিংনা পুথোক্লিবা ইন্নোভেসনশিং অসিনা লৈবাক অসিগী মশা-মরোমদোম লেপচবা অমসুং নেস্নেল সেক্যুরিতী হেনগৎহন্নবা হোৎনবদা মরু ওইবা খোঙথাং অমনি। তেক্নোলোজীশিং অদুদি:

 

• CAIR, DRDOদা ন্যুস্পেস রিসর্চ এন্দ তেক্নোলোজী প্রাইবেৎ লিমিতেন্দগী সর্চ অমসুং রিপোর্ত মিসনগীদমক খাজিনবা/ইনদোর এনভাইর্নমেন্তদা অহানবা রেস্পোন্দর ওইনা ওতোনোমস দ্রোন।
• কোম্বেত রোবোতিক্স ইন্দিয়া প্রাইবেৎ লিমিতেদনা CAIR, DRDOদা অনমেন গ্রাউন্দ, মেরিন (সী সরফেস অমসুং আন্দরৱাতর) অমসুং এরিএল ভেহিকলশিংগীদমক সিমুলেতর।
• দেতা এসেসমেন্ত CAIR, DRDOদা ভিজুএল দেতাগীদমক এক্তিব লর্নিং অমসুং বিলিভেবিলিতী অমসুং GTRE, DRDOদা চিস্তেতস লেবস প্রাইবেৎ লিমিতেদনা এরো গ্যাস  তর্বাইন ইঞ্জিন হেল্থ মোনিতরিং সিস্তেম।
• ৱলদেল এদভান্স তেক্নোলোজীস প্রাইবেৎ লিমিতেদনা ইন্দিয়ন নেভীদা নেভীগী জহাজশিংগীদমক ৱাতর তাইত / গ্যাস তাইত অমসুং ফায়র ক্লাস EMI/EMC কমপ্লায়েন্ত দোর অমসুং হেৎচশিং দিজাইন অমসুং দিবেলপ তৌহনবা
•  তেজাস এরোসাইন্স প্রাইবেৎ লিমিতেদ মুম্বাইনা ADAদা এয়রক্রাফ্ত এপ্লিকেসনগীদমক ফ্যুল সিস্তেম তেম্পেরেচর ত্রান্সদ্যুসর।

ত্বারাল

দিফেন্স তেক্নোলোজী এসেলরেসনগী DRDO-ইন্দস্ত্রী ৱার্কশোপ অসিনা ইন্নোভেসন ইকোসিস্তেমগী স্তেকহোল্দর পুম্নমক পুনশিন্দুনা মরুওইবা দিফেন্স তেক্নোলোজীশিং খুমাং চাউশিলহন্নবা থৌরাংশিং থিজিনখি। সেক্তরশিংগী মরক্তা তেংবাং পীনবদা অকনবা মীৎয়েং থমদুনা রিসর্চকী থবকশিং অমসুং তশেং-তশেংবা মালেমগী এপ্লিকেসনগী মরক্তা লৈরিবা খেন্নবা অদু কোকহন্নবা খন্ন-নৈনখি। তুংগী ইন্নোভেসনশিংগীদমক য়ুম্ফম শেমদুনা, নেস্নেল সেক্যুরিতী কেপাবিলিতীশিং খুমাং চাউশিলহনবদা দীপ তেক (R&D) গী মরুওইবা থৌদাং অদু ৱার্কশোপ অসিনা ফোংদোকখি।

স্তার্ত-অপশিং অমসুং MSMEশিংনা DRDOগা খুৎশম্ননবা প্রোসেস অসি লাইথোকহন্নবা পান্দম থম্লিবা TDFগী এমেন্দেদ স্তেন্দর্দ ওপরেতিং প্রোসিজরশিংসু রিলিজ তৌখি। অপদেত তৌরবা থৌওংশিং অসিনা নেস্নেল দিফেন্স প্রোজেক্তশিংদা কন্ত্রিব্যুত তৌনবগী খুদোংচাবশিংদা হেন্না লায়না এক্সেস তৌবা ঙমহন্দুনা ইন্নোভেতরশিংগীদমক হেন্না ত্রান্সপরেন্ত অমসুং স্ত্রীমলাইন ওইবা এপ্রোচ অমা ফগৎহন্নবা দিজাইন তৌরি।

অকুপ্না খন্ন-নৈনবা য়াওবা পেনেল দিস্কসন অনিসু পাংথোকখি। অহানবদা, ক্রিতিকেল অমসুং ইমর্জিং তেক কোলাবোরেসনদা, ইন্তর্নেস্নেল R&D পার্তনরশিপ অমসুং মিলিতরী তেক্নোলোজীদা ইন্তলেকচুএল প্রোপর্তী শেয়র তৌনবগী ওইথোকপা য়াবশিং নৈনখি। অনিশুবা খন্ন-নৈনবদা দিফেন্স তেক্নোলোজী অমসুং মেন্যুফেকচরিংদা মশা-মশানা থাজবা থম্বা হায়বা হীরমদা মীৎয়েং থমখি। মসিদা ইন্নোভেসন অমসুং সস্তেনেবল অমসুং মপাঙ্গল লৈরবা দোমেস্তিক ইকোসিস্তেম অমা শেমগৎনবগীদমক্তা মপাঙ্গল লৈরবা R&Dগী মথৌ তাবগী মতাংদা মীৎয়েং থমখি।

দিফেন্স R&D দিপার্তমেন্তকী সেক্রেতরী অমসুং DRDOগী চেয়রমেন দোক্তর সমির ভি কামতনা 'দেয়র তু দ্রীম 4.0'গী মনা ফংলবশিংবু থাগৎপা ফোংদোকখি। মহাক্না মপাঙ্গল কনখৎপা অমসুং মশা-মরোমদোম লেপচবা ঙম্বা দিফেন্স সেক্তর অমা শেমগৎপদা লমদমসিগী হৈশিংবা হেনগৎহনবগী মরুওইবা অদু পনখি। মহাক্না হায়খি মদুদি ৱিন্নরশিংগী কন্ত্রিব্যুসনশিং অসি ভারতকী ইন্নোভেসন ইকোসিস্তেমগী খুদোংচাবা অদুগী খুদম অমনি।

থৌরম অদুদা সেক্রেতরী (দিফেন্স প্রদক্সন) শ্রী সঞ্জীব কুমার, ইন্তিগ্রেতেদ দিফেন্স স্তাফকী চীফ, লেফতনেন্ত জেনরেল জে.পি. মেথ্যু অমসুং ঙাকশেল মন্ত্রালয়গী মকোক থোংবা সিভিল অমসুং মিলিতরী ওফিসিএলশিংনা শরুক য়াখি।

******

(Release ID: 2066148) Visitor Counter : 29