ڈرگ ریگولیٹری اتھارٹیز  کی 19ویں بین الاقوامی کانفرنس کا دوسرا دن (15 اکتوبر 2024) یاشو بھومی کنونشن سنٹر، دوارکا، نئی دہلی میں آج اختتام پذیر ہوا۔ كانفرنس میں دنیا بھر میں مختلف ریگولیٹری ایجنسیوں کے ریگولیٹری فریم ورک پر متعدد تکنیکی پیشکشیں كی گئیں اور معتدل پینل بحث ہوئی۔

صحت اور خاندانی بہبود کے مرکزی وزیر جناب جگت پرکاش نڈا نے كل 19ویں آئی سی ڈی آر اے کا افتتاح کیا تھا۔ 14 سے 18 اکتوبر 2024 تک ہندوستان میں پہلی بار منعقد ہونے والے اس پروگرام میں ڈبلیو ایچ او کے مختلف رکن ممالک کے ریگولیٹری حکام، پالیسی سازوں اور صحت کے حکام کو اکٹھا کیا گیا۔اس تقریب کی میزبانی  صحت اور خاندانی بہبود  كی وزارت كی سنٹرل ڈرگ اسٹینڈرڈ کنٹرول آرگنائزیشن  نے عالمی تنظیمِ صحت  کے تعاون سے کی ہے۔

19ویں آئی سی ڈی آر اے کا مقصد معیاری امور، ریگولیٹری اصلاحات اور ریگولیٹری نظام کو مضبوط بنانے، طبی مصنوعات کی حفاظت اور پتہ لگانے، غیر معیاری اور جعلی طبی مصنوعات کی روک تھام اور ردعمل، معیاری طبی مصنوعات تک رسائی، کلینکل ٹرائلز کا سمارٹ ریگولیشن، ریگولیٹری تعاون، ہم آہنگی، معقولیت اور انحصار،  نئی اور غیر معمولی ٹیکنالوجیز تک رسائی، نئی طبی مصنوعات کا ضابطہ،  جڑی بوٹیوں کی ادویات وغیرہ کے ضابطہ پر مرکوز بات چیت کی سہولت فراہم کرنا ہے۔

ورکشاپ کے دوران مختلف ممالک جیسے سنگاپور، سوئٹزرلینڈ، جنوبی افریقہ، برازیل، یوگنڈا، تنزانیہ، نیدرلینڈز، کینیڈا، زیمبیا، زمبابوے، تھائی لینڈ، ایل سلواڈور، نائجیریا، امریکہ، گھانا، کینیا، بوٹسوانا، ڈنمارک، اور ہندوستان  کے شریک ناظمین، مقررین اور پینلسٹس نے مختلف مسائل پر پیشکشیں پیش کیں۔ جیسے طبی پروڈکٹس تک رسائی، فارماسیوٹیکل ابتدائی مواد کا معیار، جدید تھراپی میڈیسنل پروڈکٹس کا ریگولیشن اور تبدیل کرنا، جانوروں کے مطالعے پر انحصار کو کم کرنا اور بہتر بنانا، طبی آلات تک رسائی کو بہتر بنانا (بشمول آئی وی ڈیز) طبی مصنوعات کی پری کوالیفیکیشن اور انحصار اور پری کوالیفیکیشن وغیرہ۔ افریقی میڈیسن ایجنسی نے اے ایم اے کے آپریشنلائزیشن پر اپ ڈیٹ فراہم کیا۔

پریزنٹیشنز کا بنیادی مقصد طبی مصنوعات تک رسائی کو بڑھانے پر سہولت فراہم کرنے والے مصنوعات کے تعارف کے راستوں کے اثرات پر تبادلہ خیال کرنا تھا۔ان کا مقصد فارماسیوٹیکل اسٹارٹنگ میٹریل کے معیار سے متعلق مسائل کے طول و عرض اور اثرات کے بارے میں آگاہی کو فروغ دینا تھا تاكہ تجربات کے اشتراک، نقطہ نظر اور ریگولیٹرز اور دیگر اسٹیک ہولڈرز کی مداخلتوں پر توجہ مرکوز کرتے ہوئے، زیادہ خطرہ والے ابتدائی مواد پر توجہ دی جائے۔پریزنٹیشنز میں ایڈوانسڈ تھیراپی میڈیسنل پروڈکٹس کے لیے مضبوط ریگولیٹری فریم ورک کے قیام کو فروغ دینے، بیداری پیدا کرنے اور جانوروں کے مطالعے پر انحصار کو تبدیل کرنے، کم کرنے اور بہتر بنانے کے مواقع پیدا کرنے، اور آءی وی ڈیز کی ڈبلیو ایچ او کی پیشگی اہلیت کے بارے میں معلومات فراہم کرنے کی بھی کوشش کی گئی۔

پریزنٹیشنز کے بعد معتدل پینل مباحثے، سوال و جواب کے سیشنز اور سفارشات/تجاویز کو حتمی شکل دی گئی۔

******

U.No:1299

ش ح۔ع س۔س ا

(Release ID: 2065137) Visitor Counter : 46