ہندوستان اور متحدہ عرب امارات نے کل یو اے ای میں ہندوستان- یو اے ای جامع اقتصادی شراکت داری معاہدے (سی ای پی اے) کے تحت مشترکہ کمیٹی (جے سی) کی دوسری میٹنگ کامیابی کے ساتھ منعقد کی۔ ہندوستانی وفد کی قیادت حکومت ہند کے  تجارت کےمحکمہ  کے ایڈیشنل سکریٹری جناب اجے بھادو اور متحدہ عرب امارات کی وزارت اقتصادیات کے بین الاقوامی تجارتی امور کے اسسٹنٹ انڈر سکریٹری ، عزت مآب جمعہ الکیت نے متحدہ عرب امارات کی طرف سے مشترکہ صدارت کی۔

دونوں فریقوں نے سی ای پی اے کے نفاذ کے پہلے دو سالوں کے دوران دو طرفہ تجارت میں خاطر خواہ ترقی کا ذکر  کیا اور سال 2030 سے ​​پہلے 100 ملین ڈالر کی غیر تیل تجارت کے ہدف کو حاصل کرنے کی امید ظاہر کی۔ دو نوں فریقین نے تجارت کو مزید مضبوط اور بڑھانے کے اقدامات سمیت دوطرفہ شراکت داری کے مختلف پہلوؤں پر تبادلہ خیال کیا۔

سامان کی تجارت سے متعلق پہلی ذیلی کمیٹی کے اجلاس سے متفقہ نتائج حاصل کرنے میں حاصل ہونے والی پیش رفت کا بھی جائزہ لیا گیا جو جنوری 2024 میں منعقد ہوئی  تھی۔ اس سلسلے میں دونوں فریقین نے تجارت سے متعلق ڈیٹا کے بغیر کسی رکاوٹ اور بروقت تبادلے کے لیے تکنیکی ماہرین کا ایک تکنیکی گروپ قائم کرنے پر اتفاق کیا۔ یہ فیصلہ کیا گیا کہ گروپ ایک دوسرے کے شماریاتی نظام کو سمجھنے اور باہمی تجارت کے اعدادوشمار کو ہم آہنگ کرنے کے لیے طریقہ کار وضع کرنے کے لیے جلد از جلد ملاقات کرے گا۔ یہ تجارتی اعداد و شمار کے تجزیے کو ایک ہم آہنگ اور تقابلی شکل میں باہمی مفاہمت کو مزید گہرا کرنے کے قابل بنائے گا۔

مخصوص مصنوعات پر ٹیرف ریٹ کوٹہ کے نفاذ کے معاملے پر، دونوں فریقوں نے اس بات کو یقینی بنانے کے لیے مل کر کام کرنے پر اتفاق کیا کہ متحدہ عرب امارات کے برآمد کنندگان مؤثر طریقے سے فوائد تک رسائی حاصل کر سکیں۔ ہندوستانی فریق نے اپنے متحدہ عرب امارات کے ہم منصبوں کو بتایا کہ ٹی آرکیو  کے تحت لائسنسوں کی تقسیم کے طریقہ کار میں مختلف  شراکت داروں  سے موصول ہونے والے تاثرات کو مدنظر رکھتے ہوئے ترمیم کی گئی ہے۔

ہندوستانی فریق نے اپنی درخواست کا اعادہ کیا کہ دبئی میں واقع ہندوستانی جیولری ایکسپوزیشن سنٹر کو ایک نامزد زون کے طور پر درجہ بندی کیا جائے تاکہ ہندوستانی زیورات کے مینوفیکچررز جن میں  متحدہ عرب امارات کے گھریلو ضابطے کے تحت  جو غیر رجسٹرڈ ادارے ہیں، رعایتی ڈیوٹی کا فائدہ اٹھا سکیں۔ متحدہ عرب امارات کی جانب سے وفاقی ٹیکس حکام سمیت اپنے اندرونی  شراکت داروں سے مشاورت کے بعد اس درخواست کی جانچ کرنے کے لیے اپنی رضامندی کا اظہار کیا گیا ۔

ایس پی ایس /ٹی بی ٹی اقدامات سے متعلق مسائل پر، ہندوستانی فریق نے اس بات کا اعادہ کیا کہ یو اے ای کی طرف  آئی-سی اے ایس حلال اسکیم کو تسلیم کر سکتا ہے جس سے سرٹیفیکیشن کے عمل میں کافی آسانی ہوگی اور یو اے ای کو جانوروں کی مصنوعات کی برآمد کو فروغ ملے گا۔ دونوں فریقوں نے رجسٹریشن کی تیز رفتار ٹریکنگ کے ساتھ ساتھ فارما مصنوعات کے حوالے سے قیمتوں کے تعین کے طریقہ کار پر بات چیت کو آگے بڑھانے پر بھی اتفاق کیا۔ دونوں فریقین نے اپنے مجاز افسران کے درمیان فوڈ سیفٹی سے متعلق مفاہمت نامے کو جلد حتمی شکل دینے پر اتفاق کیا۔

خدمات میں تجارت سے متعلق معاملات پر، دونوں فریقوں نے فوکل پوائنٹس کا تبادلہ کیا اور جلد از جلد پہلی ذیلی کمیٹی کی میٹنگ منعقد کرنے پر اتفاق کیا۔ ہندوستانی فریق نے باہمی شناخت کے معاہدوں میں داخل ہونے کے لئے دونوں طرف سے پیشہ ورانہ اداروں کی ضرورت کو اجاگر کیا جو چارٹرڈ اکاؤنٹنٹس، وکلاء، نرسوں وغیرہ جیسے پیشہ ور افراد کو کسی اور سرٹیفیکیشن کی ضرورت کے بغیر اپنی خدمات فراہم کرنے کے قابل بنائے گا۔ دونوں فریقین نے اس سلسلے میں قابل عمل لائحہ عمل پر کام کرنے پر اتفاق کیا۔

ہندوستانی فریق نے چاندی کی مصنوعات، پلاٹینم مرکب اور خشک کھجور کی درآمدات میں حالیہ اضافے سے متعلق معاملہ اٹھایا اور متحدہ عرب امارات پر زور دیا کہ وہ اصل اصولوں کی تعمیل کی تصدیق کرے اور اس بات کو یقینی بنائے کہ قواعد کی خلاف ورزی نہ ہو۔ متحدہ عرب امارات نے ہندوستانی ہم منصبوں کی طرف سے اٹھائے گئے خدشات کا جائزہ لینے پر اتفاق کیا۔

دونوں فریقوں نے ہندوستان میں اگلی جے سی کو باہمی طور پر مناسب تاریخ پر منعقد کرنے پر اتفاق کیا۔ متحدہ عرب امارات کے ایڈیشنل سکریٹری کی قیادت میں ہندوستانی وفد کا دورہ ہندوستان اور متحدہ عرب امارات کے درمیان باقاعدہ تبادلوں کے بہتر طریقہ کار کو مدنظر رکھتے ہوئے اور دونوں ممالک کے درمیان دوستی اور تعاون کے موجودہ قریبی تعلقات کو مزید مضبوط بنانے کے لئے ہے۔

۔۔۔۔۔۔۔۔۔۔۔

ش ح۔  م ش ۔ن م۔

U- 1288

                          

(Release ID: 2065089) Visitor Counter : 42