دیویانگ جن کے لیے وقف قومی سطح کے بیسویں دیویا کلا میلہ کا آج پونے میں افتتاح ہوا ہے۔ اس کا اہتمام معذور افراد کے بااختیار بنانے کے محکمہ (دیویانگ جن)، سماجی انصاف اور تفویض اختیارات کی وزارت، حکومت ہند کے ذریعے کیا جا رہا ہے۔ اس تقریب میں مہمان خصوصی کی حیثیت سے مہاراشٹر کے گورنر جناب سی پی رادھا کرشنن نے شرکت  کی،جبکہ مرکزی وزیر برائے سماجی انصاف اور اختیارات، ڈاکٹر وریندر کمار، اور ایم پی شرینگ اپا بارنے اپنی موجودگی سے تقریب کو رونق بخشی۔

 

اس میلے میں، نیشنل دیویانگ جن فنانس اینڈ ڈیولپمنٹ کارپوریشن (این ڈی ایف ڈی سی) نے اپنی مختلف اسکیموں کے تحت، دیویانگ جن کو 2 کروڑ روپے کے قرضوں کی منظوری دے کر انہیں اپنے کاروبار کو بڑھانے کا موقع فراہم کیا ہے۔ مزید برآں، دیویانگ جن کے لیے نقل و حرکت کو بہتر بنانے کے حکومت کے عزم کو آگے بڑھاتے ہوئے، اہل شرکاء میں موٹرائزڈ ٹرائی سائیکلیں تقسیم کی گئیں۔

گورنر جناب سی پی رادھا کرشنن نے دیویانگ جن کی قابلیت اورقوت کی ستائش کرتے ہوئے کہا،‘‘ہمارے معاشرے کی جامع ترقی کے لیے ضروری ہے کہ ہم ان دیویانگ کاروباریوں اور فنکاروں کی حوصلہ  افزائی اور ان کی حمایت کریں۔ ان کے تعاون سے ایک مضبوط، زیادہ جامع ہندوستان کی تعمیر میں مدد ملتی ہے۔ گورنر نے این ڈی ایف ڈی سی کی جانب سے پیش کردہ مالیاتی طور پر بااختیار بنانے کی اسکیموں پر بھی روشنی ڈالی، جو آمدنی پیدا کرنے والی سرگرمیوں کے لیے سالانہ 4فیصد سے 9فیصد کی شرح سود پر50,000  روپےسے50 لاکھ روپئے تک کے قرضے فراہم کرتی ہیں۔ یہ قرضے این ڈی ایف ڈی سی کی ریاستی چینلائزنگ ایجنسیوں، پنجاب نیشنل بینک، اور پورے ہندوستان میں علاقائی دیہی بینکوں کے ذریعے فراہم کیے جاتے ہیں۔

اپنے خطاب کے دوران، مرکزی وزیر ڈاکٹر وریندر کمار نے دیویانگ جن کی مصنوعات کی مارکیٹنگ کے پلیٹ فارم کے طور پر دیویا کلا میلے کی اہمیت پر زور دیا اور اس بات پربھی  زور دیا کہ یہ میلے دیویانگ  جن کو سماجی اور اقتصادی طورپربااختیار بنانے میں کس طرح تعاون کرتے ہیں۔ ’’یہ میلے دیویانگ  جن کے لیے اپنی صلاحیتوں، تخلیقی صلاحیتوں اور کاروباری جذبے کو ظاہر کرنے کا ایک منفرد موقع فراہم کرتے ہیں۔ آج تک، تقریباً 1,450 شرکاء نے ملک بھر میں دیویا کلا میلوں میں حصہ لیا ہے، جس سے مجموعی طور پر 11.5 کروڑ روپے سے زیادہ کی آمدنی ہوئی ہے۔ وزیر موصوف نے کہا کہ دیویانگ کاروبار کی ترقی کو فروغ دینے کے لیے 10 کروڑ روپےسے زیادہ کے قرضوں کی منظوری دی گئی ہے۔’’

 

وزیر موصوف نے مزید بتایا کہ روزگار میلے اب دیویا کلا میلے کے ساتھ منعقد کیے جا رہے ہیں، جو دیویانگ جن کے لیے زیادہ مواقع فراہم کرتے ہیں۔ اب تک اسکرین کیے گئے 1,400 شرکاء میں سے، 370 کو شارٹ لسٹ کیا گیا ہے، اور 100 سے زیادہ کو پہلے ہی ملازمت کی پیشکشیں موصول ہو چکی ہیں۔ انہوں نے مزید کہا کہ ‘‘مستقبل قریب میں، دیویانگ جن کو قابل قدر تنظیموں اور کمپنیوں میں ملازمت ملے گی، اور افرادی قوت میں ان کے انضمام کو مزید آگے بڑھایا جائے گا۔’’

ملک بھر میں اس طرح کے 19 میلوں کے کامیاب انعقاد کے بعد، اس تقریب کا مقصد دیویانگ  جن کو اپنی صلاحیتوں اور کاروباری صلاحیتوں کو ظاہر کرنے کے لیے ایک پلیٹ فارم فراہم کرکے بااختیار بنانا ہے۔ یہ قومی میلے، جنہیں دیویا کلا میلہ کہا جاتا ہے، آنے والے مہینوں میں دوسرے بڑے شہروں میں بھی اسی طرح کی تقریبات منعقد کرنے کے ایک بڑے منصوبے کا حصہ ہیں۔ ہر میلہ مقامی دیویانگ جن کو ترجیح دیتا ہے، اس پونے ایڈیشن میں مہاراشٹر کے اپنے دیویانگ کاریگروں اور کاروباریوں کو نمایاں کیا گیا ہے۔

دیویا کالا میلہ دیویانگ  جن کو معاشی طور پر بااختیار بنانے کی حکومت کی کوششوں کا ثبوت ہے، جس سے وہ خود انحصار کاروباریوں اور ہنر مند کاریگروں میں تبدیل ہوتے ہیں۔ الاٹ شدہ اسٹالز مفت فراہم کیے جاتے ہیں تاکہ یہ یقینی بنایا جا سکے کہ دیویانگ  جن میٹروپولیٹن علاقوں میں باوقار پلیٹ فارمز پر اپنا کام پیش کر سکیں۔ اس سال کے ایونٹ میں 18 ریاستوں اور مرکز کے زیر انتظام علاقوں کے 100 سے زیادہ دیویانگ کاریگر، کاروباری اور فنکار اپنی مصنوعات، دستکاری اور ہنر کا مظاہرہ کر رہے ہیں۔

میلے میں آنے والے زائرین نہ صرف دیویانگ کاروباریوں سے ہاتھ سے بنی اشیا خرید سکتے ہیں بلکہ ہندوستان بھر سے کھانے کی لذتوں کی ایک صف میں بھی شامل ہو سکتے ہیں۔ ہر شام، شام 6  بجےسے 9 بجے تک، دیویانگ فنکاروں کی متحرک ثقافتی پرفارمنس کا انعقاد کیا جاتا ہے، جس میں پورے ہندوستان اور پونے کے مقامی فنکاروں کی صلاحیتوں کو پیش کیا جاتا ہے۔ دیویا کلا میلہ 6 اکتوبر 2024 تک چلے گا۔ یہ میلہ مفت داخلے کے ساتھ سب کے لیے کھلا ہے۔ اختتامی دن، دیویا کلاشکتی، ملک بھر کے دیویانگ فنکاروں کی طرف سے ایک خصوصی پرفارمنس پیش کی جائے گی، جس میں اپنی شاندار صلاحیتوں کا مظاہرہ کیا جائے گا۔

میلے میں دیویانگ فنکاروں کی ثقافتی پرفارمنس کے ساتھ کل 60 اسٹالز ہیں۔ یہ قومی سطح کے میلے دیویانگ جن کی مہارتوں اور صلاحیتوں کی عالمی پہچان کے لیے راہ ہموار کر رہے ہیں۔ تقریب کے ایک حصے کے طور پر ایک روزگار میلے کا بھی اہتمام کیا گیا ہے، جس سے دیویانگ جن کے لیے مواقع میں مزید اضافہ ہوا ہے۔ بصارت سے محروم آرٹسٹ راجیو رنجن نے بطور اینکر تقریب کی میزبانی کی، جبکہ این ڈی ایف ڈی سی کے سی ایم ڈی جناب نوین شاہ نے سبھی کا شکریہ ادا کیا۔

******

ش ح۔ش ت ۔ ف ر

U:1113

(Release ID: 2063883) Visitor Counter : 21