ৱাহৌদোক

মরু ওইবা ৱারেপ অমদা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা গুজরাতকী লোথালদা নেস্নেল মেরিতাইম হেরিতেজ কমপ্লেক্স (NMHC) শেমগৎনবা অয়াবা পীখ্রে। পোর্তস, শিপ্পিং অমসুং ৱাতরৱেজ মন্ত্রালয়না লুচিংবা খোঙথাং অসিনা চহি 4,500 হেন্না শাংলবা ভারতকী পাক চাউরবা মেরিতাইম হেরিতেজ অসি শীংথাননবা অমসুং উৎনবা পান্দম থম্লি।

লোথাল অসি অরিবা মতমগী লেগেসী অসিগী মরুওইবা মফম অমা ওইদুনা, অহোংবা পুরক্নবা খোঙচৎ অমগীদমক শেম-শারি। 2019গী মার্চ থাদা উরেপ-উয়ুং তমখিবগা লোয়ননা NMHCনা মালেমগী খ্বাইদগী চাউবা মেরিতাইম কমপ্লেক্স অমা ওইনবা পান্দম থম্লি। প্রোজেক্ত অসি ফেজ অনি থোক্না লোইশিনগনি, ফেজ খুদিংমক ভিজিতর এক্সপরিয়েন্স অমসুং এজুকেসনেল ইম্পেক্ত হেনগৎহন্নবা দিজাইন তৌগনি। মসিদা অরিবা মতমগী রেলিকশিংদগী হৌরগা হৌজিক মতমগী মমল তাংলবা পোৎলমশিং ফাওবগী ওইবা মখল কয়াগী আর্তিফেক্তশিং পুথোক্কনি অমসুং উৎকনি। মসি ঐখোয়গী সমুদ্রগী পুৱারীগী অকুপ্পা মরোলশিং খঙনীংবা পোকহন্নবা ভিজিতরশিংদা ইথিল পীনবা ইজুকেস্নেল প্লেৎফোর্ম অমা ওইনা মথৌ তৌগনি।

মসিগী স্তেৎ-ওফ-দ্য-আর্ত ফেসিলিতী অসিনা ঐখোয়গী মমাংঙৈ, হৌজিক, অমসুং তুংলমচৎকী মেরিতাইমগী মায়পাকপশিং পুনশিন্নগনি, অমসুং এজুকেসন অমসুং এন্তর্তেনমেন্তকী অখন্নবা ব্লেন্দ অমা পীগনি। ইন্তরেক্তিব অমসুং ইম্মর্সিব এক্সপরিয়েন্সকী থোংদা, ভিজিতরশিংনা লোথালগী আর্কিতেকচরগী লাইফ-সাইজ রিপ্রজেন্তেসনশিং থেংনগনি। মসিনা মখোয়দা অরিবা মতমগী সমুদ্র চৎপা মীওইশিং অমসুং লল্লোন ইতিক তৌবশিংগী মরমদা খঙবা ঙম্লগনি। NMHCনা লৌশিংগী মঙাল অমা ওইগনি, ঐখোয়গী সমুদ্রগী ইনাক খুল্লবা হেরিতেজ অসি তুংগী মীরোলদা খঙহনবা ঙমগনি।

প্রোজেক্তকী শমলপ্পা ৱারোল অমসুং কান্নবা

নেস্নেল মেরিতাইম হেরিতেজ কমপ্লেক্স (NMHC) অসি মরুওইবা কম্পোনেন্ত কয়া য়াওবা মলতিফেস্তেদ প্রোজেক্ত অমনি, মসিদা মসিদা গেল্লরী 14, লৈবা ম্যুজিয়ম, লোথাল তাউন অমসুং ওপন এক্বাতিক গেল্লরী, লাইৎহাউস ম্যুজিয়ম, বাগিচা কমপ্লেক্স, কোস্তেল স্তেৎ পেভিলিয়নশিং অমসুং লোথাল সিতিগী রিক্রিএসন য়াওরি। অহেনবা ফিচরশিংগী মনুংদা ইকো-রিজোর্ৎশিং, ম্যুজিওতেল, থিমদা য়ুম্ফম ওইবা পার্কশিং, অমসুং হোস্তেল অমগা লোয়ননা মেরিতাইম রিসর্চ ইন্সতিত্যুৎ অমা য়াওগনি। অচৌবা অন্দরতেকিং অসিনা তুরিজমবু খুমাং চাউশিনহনবতা নত্তনা থবক ফংহন্নবা অচৌবা খুদোংচাবশিং ফংহন্নবা অমসুং লমদম অসিদা লৈবা লোকেল বিজিনেসশিংবু অমুক হন্না হিংগৎহন্নবা পান্দম থম্লি।

লোথালগী সরগৱালা খুঙ্গংগী মনাক্তা লৈবা NMHCনা ভারতকী ইনাক খুল্লবা অমসুং তোঙান তোঙানবা মেরিতাইম হেরিতেজ উৎনবা অমসুং ঙাক শেন্নবা হব অমা ওইনা মথৌ তৌগনি। প্রপোজ তৌরিবা প্রোজেক্ত অসিনা অরিবা মতমগী শিপ বিল্দিং, নেভিগেসন তেক্নোলোজীশিং, অমসুং পুৱারীগী ওইবা মরীশিংগা মরী লৈনবা আর্তিফেক্তশিং উৎকনি অমসুং মেরিতাইম রিসর্চ ফ্রন্তিয়রশিংগা লৈনরিবা সোসিএল অমসুং কলচরেল লিঙ্কশিংসু এক্সপ্লোর তৌগনি।

লোথাল অসি অহমদাবাদ জিলাগী ধোলকা তালুকাগী মনুং চল্লি অমসুং নেস্নেল হায়ৱে নম্বর 47 অমসুং স্তেৎ হায়ৱে নম্বর 8গী মনাক্তা লৈ, মসিনা অহমদাবাদ, ভাবনগর অমসুং রাজকোৎগুম্বা মরুওইবা সহরগী মফমশিংদা অফবা লম্বীগী কন্নেক্তিবিতী ফংহল্লি। মসিগী মথক্তা, মসি অহমদাবাদ ভাবনগর রেলৱে লাইনদা লৈবা লোথাল-বুএখি রেলৱে স্তেসনগী খা-নোংপোক থংবা মায়কৈদা কিলোমিতর তরুক চৎলগা লৈ। আর্কিওলোজিকেল সাইৎ অসি খুঙ্গং অহুম্না কোইশিল্লি: সরাগৱালা, উতেলীয়া, অমসুং গুন্দি, মসিদা লৌউ-শিংউবনা মরুওইবা শিনফম ওই।

NMHCগী থবক পায়খৎপা য়েংশিন্নবা, পোর্তস, শিপ্পিং অমসুং ৱাতরৱেজ মন্ত্রালয় (MoPSW) না ইন্দিয়ন পোর্তস এসোসিএসনবু নোদেল এজেন্সী ওইনা খন্নখি লোয়ননা ইন্দিয়ন পোর্ত রেল কোর্পোরেসন লিমিতেদ (IPRCL) না একজিক্যুতিং এজেন্সী ওইনা থবক তৌখি। মাস্তর প্লান অসি মমিং লৈরবা আর্কিতেকচর ফর্ম এম/এস আর্কিতেক হাফিজ কন্ত্রেক্তরনা শেমখ্রে। ফেজ 1এ শাবগী থৌদাং তাতা প্রোজেক্তস লিমিতেদতা পীখ্রে। প্রোজেক্ত অসিগী চাউখৎ থৌরাংগীদমক গুজরাত সরকারনা একর 400গী লম পীখ্রে অমসুং মপানগী ইনফ্রাস্ত্রকচর অমসুং বেসিক ইন্তরনেল ইনফ্রাস্ত্রকচরগী শরুক অমা হেনগৎহন্নবা থৌদাংসু লৌরি।

NMHC শেমগৎপা অসিনা চাউরাক্না থবক 22,000, হকথেংননা থবক 15,000 অমসুং নাকোইননা থবক 7,000 ফংহল্লগনি হায়না পানরি। কমপ্লেক্স অসি ইমপ্লিমেন্ত তৌবনা শেন্মিৎলোন চাউখৎহনবতা নত্তনা লোকেল কম্ম্যুনিতীশিং, তুরিস্তশিং, রিসর্চরশিং, স্কোলরশিং, গভর্নমেন্ত বোদীশিং, এজুকেস্নেল ইন্সতিত্যুসনশিং, কলচরেল ওর্গনাইজেসনশিং, এনভাইর্নমেন্ত অমসুং কঞ্জার্বেসন গ্রুপশিং, অমসুং বিজিনেসশিংদসু কান্নবা ফংহনগনি, মসিনা ভারতকী মেরিতাইম লেগেসীবু সেলেব্রেৎ তৌরিবা ভাইব্রেন্ত ইকোসিস্তেম অমা শেমগৎলগনি।

লোথালগী পুৱারীগী ওইবা মরু ওইবা

গুজরাতি ৱাহৈশিং “লোথ” অমসুং “থাল”  পুনশিল্লিবা মমিং লোথাল হায়বা অসি “লৈখিদ্রবশিংগী লৈপুং’ হায়বনি মসি পুৱারীগী ওইবা মরুওইবা ময়াম অমা লৈ। 2400 BCEগী মতমদগী লৈরক্লবা অরিবা সহর অসি ইন্দস ভেলী সিভিলাইজেসনগী মনুং চন্না চাউখৎলবা ললোং ইতিক তৌরিবা হীথাংফম অমা ওইরমখি। আর্কিওলোজিকেল সর্ভে ওফ ইন্দিয়ানা (ASI)না মতম অমদা চাউখৎবা মফম অমা  ওইরম্বা অসিগী লেমহৌরিবশিং থীদোক্নবা পান্দমদা ফেব্রুৱারী 13, 1955দগী মে 19, 1960 ফাওবা আর্কিওলোজিকেল এক্সকাভেসন পাংথোকখি।

.আর্কিওলোজিস্তশিংনা থাজৈ মদুদি লোথাল অসি গুজরাতকী সিন্ধুনা সৌরাস্ত্রাগা শম্নহল্লিবা অরিবা ললোন ইতিক্কী লম্বীগী শরুক অমা ওইরিবা মরুওইবা তুরেলগী পথাপ অমদা স্ত্রেতেজিক ওইনা লৈরম্মি। মফম অসিদা তৌখিবা এক্সকেভেসনশিং অদুনা ময়েক লারবা মখল কয়াগী আর্তিফেক্তশিং পুথোরকখি, মসিনা হৌজিক্কী ভারতকী খ্বাইদগী ইনাক খুল্লবা আর্কিওলোজিকেল ফাইন্দিংশিংগী মনুংদা অমা ওইখি।

সিন্ধু ভেলী সিভিলাইজেসনগী মরুওইবা প্লেয়র অমা ওইনা, লোথালনা মেরিতাইম হব অমা ওইনা মাগী থৌদাং অদু ময়েক শেংনা উৎলি। খ্বাইদগী মরুওইবা দিস্কোভরীশিংগী মরক্তা সাবরমতী তুরেলগী অরিবা খোঙচৎকা শম্নবা মালেমগী খ্বাইদগী লিরবা আর্তিফিসিএল দোকসু য়াওরি। মফম অদুদা এক্রোপোলিস, মখাদা লৈবা সহর অমা, বীদ ফেক্তরী, গুদামশিং, অমসুং ফজনা দিজাইন তৌরবা দ্রেনেজ সিস্তেম অমা উবা ফংখি। হায়রিবা পুম্নমক অসিনা লোথাল অসি মরুওইবা ললোন-ইতিক্কী সহর অমা ওইবগী মগুন অদু ময়েক শেংহল্লি।

মফম অসিদা ফংলিবা কেনেলশিং অমসুং দোকয়ার্দশিংগী নেৎৱার্ক অসিনা লোথালগী অর্বান দিজাইন মশক তাকপা অওনবা পুরকপা প্লানিং অমসুং হৈ-শিংবা উৎলি। মফম অদুদগী ফংখিবা আর্তিফেক্তশিংনা মেসোপোতামিয়া, ইজিপ্ত অমসুং পর্সিয়া য়াওনা অরাপ্পা লমশিংগা ললোন-ইতিক তৌনরম্বা য়াই হায়না তাক্লি। কৈথেল অমসুং দোকশিংগা লোয়ননা মপুং ফাবা সহর অমা ফংখিবনা লোথালগী পুৱারীগী মরুওইবা অদু হেন্না ময়েক শেংহল্লি।

মতাং অসিদা, নেস্নেল মেরিতাইম হেরিতেজ কমপ্লেক্স (NMHC) না মাগী লেগেসী অসিবু ঙাক-শেন্দুনা থম্বদা অমসুং উৎপদা মরু ওইবা থৌদাং অমা লৌগনি। মসিনা অরিবা মতমদগী হৌরগা হৌজিক ফাওবা লৈরিবা তোঙান তোঙানবা মখলগী পোৎলমশিং পুথোকপা অমসুং উৎপতা নত্তনা মীয়ামদা ভারতকী শিংথানীংঙাই ওইরবা সমুদ্রগী হেরিতেজগী মরমদা খঙনবা পুক্নিং থৌগৎকনি।

মন্ত্রী-মন্দলনা অয়াবা পীখিবা অমসুং দিবেলপমেন্ত ফেজশিং

নেস্নেল মেরিতাইম হেরিতেজ কমপ্লেক্স (NMHC) অসি তোঙান তোঙানবা তাঙ্ককশিংদা শঙ্গাগনি, মাগী খুদোংচাবশিং অমসুং এজুকেস্নেল ইম্পেক্ত হেনগৎহন্নবগীদমক্তা দিজাইন তৌরি। মন্ত্রী মন্দলনা নেস্নেল মেরিতাইম হেরিতেজ কমপ্লেক্স (NMHC)গী তুংগী তাঙ্ককশিংগীদমক্তা মাগী দিবেলপমেন্ত অমসুং এক্সপান্সনগী স্ত্রেতেজিক প্লান অমা পুথোক্তুনা ইন-প্রিন্সিপল ওইনা অয়াবা পীখ্রে।

ফেজশিং অসি ভোলুন্তরী রিসোর্সশিং অমসুং কন্ত্রিব্যুসনশিংগী খুত্থাংদা শেল থাদগনি, মথৌ তাবা শেনফমশিং ফংলবা মতুংদা পাংথোক্কনি। তুংগী ফেজশিং শেমগৎপদা য়েংশিন্নবা, সোসাইতী রেজিস্ত্রেসন এক্ত, 1860গী মতুং ইন্না পোর্তস, শিপ্পিং অমসুং ৱাতরৱেজ মন্ত্রীনা লুচিংবা গভর্নিং কাউন্সিল অমনা চলাইবা তোঙানবা সোসাইতী অমা লিংখৎকনি। ফেজ 1A অমসুং 1B অসি ইঞ্জিনীয়রিং, প্রোক্যুরমেন্ত অমসুং কন্সত্রক্সন (EPC) মোদেল শীজিন্নদুনা শেমগৎকনি। অদুগা ফেজ 2না লম সবলিজিং অমসুং পব্লিক-প্রাইবেৎ পার্তনরশিপ (PPP) এপ্রোচ শীজিন্নদুনা NMHC অসি মালেমগী থাক্কী হেরিতেজ ম্যুজিয়ম অমা ওইনা শেমগৎকনি।

NMHC গী শেমগৎ-শাগৎপগী ফেজশিং মখাদা পীরি:

ফেজ 1A: হৌজিক্তি মসি ইমপ্লিমেন্ত তৌরি, থবক 60% হেন্না লোইশিনখিবগা লোয়ননা মশক থোক্না খুমাং চাউশিনবা উবা ফংলি। মসিগী ফেজ অসিদা NMHCগী ম্যুজিয়ম য়াওগনি। মসিদা গেল্লরী তরুক য়াওগনি। মসিগী মনুংদা লৈবাক অসিগী খ্বাইদগী চাউবা অমা ওইনবা পান্দম থম্লিবা ইন্দিয়ন নেভী অমসুং কোস্ত গার্দকীদমক্তা অখন্নবা গেল্লরী অমা য়াওগনি। মসিগী গেল্লরী অসিদা INS নিশঙ্ক, সি হেরিয়র লানগী এয়রক্রাফ অমসুং UH3হেলিকোপ্তর য়াওনা মপানগী নেভেল আর্তিফেক্তশিং থমগনি। মসিগী মথক্তা, ফেজ 1A অসিদা অরিবা লোথাল তাউনশিপকী রেপ্লিকা মোদেল অমা য়াওগনি, মসিগী অকোইবদা ওপন এক্বাতিক গেল্লরী অমসুং জেতি ৱাকৱে অমা লৈগনি। মসিগী ফেজ অসি 2025 ফাওবদা লোইশিনগনি। মসিদা লুপা করোর 1,238.05 চাদিং তৌগনি। মসিদা মরুওইবা পোর্তশিংদগী লুপা করোর 209, ঙাকশেল মন্ত্রালয় (ইন্দিয়ন নেভী) দগী লুপা করোর 178.9 অমসুং কলচর মন্ত্রালয়দগী লুপা করোর 15গী কন্ত্রিব্যুসন য়াওরি।

ফেজ 1B: মসিগী ফেজ অসিনা NMHC ম্যুজিয়মগী মনুংদা অতোপ্পা গেল্লরী 8 পুথোক্তুনা অহানবা ওফরশিং অদু পাকথোক চাউথোকহল্লগনি। মসিদা মালেমগী খ্বাইদগী ৱাংবা ওইগদৌরিবা লাইৎহাউস ম্যুজিয়ম অমা অমসুং গারী 1500 রোম থমগদবা কার পার্কিং ফেসিলিতী, ফুদ হোল অমসুং মেদিকেল সেন্তর অমা য়াওবা বাগিচা কমপ্লেক্সসু য়াওগনি। লাইৎহাউস ম্যুজিয়ম অসি লুপা করোর 266.11গী চাংদা দিরেক্তোরেত জেনরেল ওফ লাইৎহাউস এন্দ লাইৎশিপস (DGLL) না শেল থাদদুনা শাগনি। মসিনা কমপ্লেক্স অসিদা মশক থোকপা অহেনবা অমা ওইহল্লগনি।

ফেজ 2:. মসিগী ফেজ অসিনা মরী লৈনবা কোস্তেল স্তেতশিং অমসুং য়ুনিয়ন তেরিতোরীশিংনা শাবা কোস্তেল স্তেত পেভিলিয়নশিং য়াওহন্দুনা NMHC ফেজ অসিদা মেরিতাইম-থিমদা ইকো-রিজোর্ৎশিং অমসুং মুসিওতেল য়াওবা হোস্পিতালিতী জোন অমাসু হৌদোক্লগনি। মেরিতাইম ইন্সতিত্যুৎ অমসুং হোস্তেল অমা লিংখৎপগা লোয়ননা, অরিবা লোথাল সহরগী নৌহৌননা শেমগৎপা অসিনা ভিজিতরবু য়াম্না নুংঙাইবা এক্সপরিয়েন্স অমা ফংহনগনি। মসিগী মথক্তা, থীম পার্ক মরি শেমগৎকনি: মেরিতাইম অমসুং নেভেল থীম পার্ক, ক্লাইমেৎ চেঞ্জ থীম পার্ক, মোন্যুমেন্তস পার্ক অমসুং এদভেঞ্চর অমসুং এম্যুজমেন্ত পার্ক। মখোয় পুম্নমক অসি মেরিতাইম হেরিতেজ অমসুং মাগী হৌজিক্কী মতমগী মরুওইবশিংবু হেন্না মমুৎ তানা খঙনবা হোৎনগনি।

ৱারোইশিন

লোইশিল্লকপদা, লোথালদা লৈবা নেস্নেল মেরিতাইম হেরিতেজ কমপ্লেক্স (NMHC) অসি ভারতকী মরাং কায়রবা মেরিতাইম হিস্তরীবু সেলেব্রেৎ তৌনবা অমসুং ঙাক-শেন্নবা কেন্দ্রগী মন্ত্রীমন্দলগী অয়াবা ফংবা অসি য়াম্না মরু ওইবা মায়পাকপা অমনি। মসিগী মল্তিফেসতেদ ফেজশিংগী দিবেলপমেন্তকা লোয়ননা, NMHCনা মালেমগী থাক্কী ফেসিলিতী অমা ওইগনি হায়না ৱাশক্লি। মসিনা অরিবা আর্তিফেক্তশিং অমসুং মেরিতাইম ত্রেদকী লেগেসী উৎপতা নত্তনা এজুকেসন অমসুং তুরিজমগী হব অমা ওইনা মথৌ তৌগনি। প্রোজেক্ত অসি মাংলোমদা চংশিল্লকপগা লোয়ননা, থবক ফংবগী খুদোংচাবা লিশিং কয়া শেমগৎকনি, লোকেল ইকনোমীশিং মপাঙ্গল কনখৎহল্লগনি অমসুং ভারতকী খ্বাইদগী পুৱারী ওইরবা মরুওইবা মফম অসিগা ফাওনহনবদা মতেং ওইরগনি। পুৱারীগা মোদর্নিতীগা পুনশিন্দুনা, NMHCনা লাক্কদৌরিবা মীরোলশিংবু ভারতকী মেরিতাইম হেরিতেজবু থাগৎনবা অমসুং শরুক য়ানবা পুক্নিং থৌগৎকনি। মসিনা লৈবাক অসিগী মশক মওং অসিগী মরুওইবা শরুক অসিবু চহি কয়াগী ওইনা নীংশিংদুনা লৈহল্লগনি।

রিফরেন্সশিং:

• https://x.com/PIB_India/status/1843954298461569099
• https://pib.gov.in/PressReleasePage.aspx?PRID=2063453
• https://sagarmala.gov.in/about-sagarmala/national_maritime_heritage
• https://environmentclearance.nic.in/DownloadPfdFile.aspx?FileName=7VJ88QtKaPxj7/NVau nhUyRxjlHlpfa2S2e3KKHe/UHTZHQ11PxurLkk02tSuThBtu+MTfKcXSLz26yofXqk3irXf8 i284SZIr8fPvNr/EKmYDYemv0ISaW6SQLfj9K1CGcw/vWSZmagKrq6u1vqjINditabJvJz7Z Gs9SeUZLU=&FilePath=93ZZBm8LWEXfg+HAlQix2fE2t8z/pgnoBhDlYdZCxzXTbTpOQ qzWjBW0IF63rxBVcDlG0LKdfbGNs0Ou/TEvAA==
• https://www.gujarattourism.com/central-zone/ahmedabad/lothal.html#howToGetThere
• https://ffo.gov.in/location/lothal
• https://pib.gov.in/PressReleaseIframePage.aspx?PRID=1868932

*****