­­­­কেবিনেৎনা হন্দক্তা লুপা করোর 10,900গী শেনফমগা লোয়ননা অয়াবা পীখিবা ‘পি.এম ইলেক্ত্রিক দ্রাইব রিভোল্যুসন ইন ইন্নোভেতিব ভেহিকল এনহেন্সমেন্ত (পি.এম. ই-দ্রাইব) স্কিম অসি ওক্তোবর 1, 2024দগী চৎনবা হৌখ্রে অমসুং মার্চ 31, 2026 ফাওবা চৎনগনি। মসিগী মরুওইবা পান্দমদি ইলেক্ত্রিক ভেহিকলশিং (EV) শীজিন্নবা খোঙজেল য়াংখৎহনবা, চার্জিং ইনফ্রাস্ত্রকচর শেমগৎপা অমসুং লৈবাক অসিদা EV মেনুফেকচরিং ইকোসিস্তেম অমা শেমগৎপনি।

পি.এম. ই-দ্রাইভ ইনিসিএতিব অসিনা পব্লিক ত্রান্সপোর্ত সিস্তেমশিংগী মতেংদগী মাস মোবিলিতী প্রমোৎ তৌরি। মরুওইবা পান্দমদি ইলেক্ত্রিক ভেহিকলশিং লৈনবগীদমক্তা ইন্সেন্তিবশিং পীবা অমসুং চার্জিং ইনফ্রাস্ত্রকচর চাউখৎহনবদা মতেং পাংদুনা ইলেক্ত্রিক ভেহিকলশিংদা অহোংবা পুরকপদা খোঙজেল য়াংনা চঙশিনবা হায়বসিনি। স্কিম অসিনা ত্রান্সপোর্তেসনগা মরী লৈনবা এনভাইর্নমেন্তেল ইম্পেক্তশিং হন্থহন্নবা অমসুং নুংশিৎকী ক্বালিতী ফগৎহন্নবা হোৎনরি। মসিগা লোয়ননা আত্মনির্ভর ভারতকী খোঙথাংগা মরী লৈননা EV মেনুফেকচরিং সেক্তরদা ইফিসিএন্ত অমসুং কম্পিতিতিব ওইহন্নবা হোৎনরি। মসি দোমেস্তিক মেন্যুফেকচরিং হেনগৎহন্নবা অমসুং EV সপ্লাই চেন মপাঙ্গল কনখৎহন্নবা দিজাইন তৌখিবা ফেজ তৌরবা মেন্যুফেকচরিং প্রোগ্রাম (PMP) অমগী খুত্থাংদা ফংহনগনি।

মখাদা পীরিবা মরু ওইবা কম্পোনেন্তশিং অসিগী খুত্থাংদা পি.এম. ই-দ্রাইব স্কিম ইমপ্লিমেন্ত তৌগনি:

1. সবসিদীশিং: ইলেক্ত্রিক ভেহিকলশিং হায়বদি ই-2 হ্বীলরশিং (ই-2W), ই-3 হ্বীলরশিং (ই-3 W), ই-এম্বুলেন্সশিং, ই-ত্রকশিং অমসুং EVশিংগী অতোপ্পা অনৌবা কাংলুপশিংদা দিমান্দ ইন্সেন্তিবশিং পীবা।  
2. কেপিতেল এসেতশিং শেমগৎনবা গ্রান্তশিং: ইলেক্ত্রিক বসশিং (ই-বসশিং) লৌনবা, চার্জিং স্তেসনশিংগী অপুনবা নেৎৱার্ক অমা শেমগৎনবা অমসুং হেভি ইন্দস্ত্রীজ মন্ত্রালয় (MHI) গী তেস্তিং ফেসিলিতীশিং অপগ্রেদ তৌনবা ফন্দিং পীগনি।

3. IEC  (ইনফোর্মেসন, এজুকেসন অমসুং কম্ম্যুনিকেসন) এক্তিবিতীশিং অমসুং প্রোজেক্ত মেনেজমেন্ত এজেন্সী (PMA) গী ফী য়াওনা স্কিম অসিগী এদমিনিস্ত্রেসন।

পি.এম. ই-দ্রাইব স্কিম: ইলিজিবল ওইবা কেতেগোরীশিং

• তু হ্বীলরশিং: স্কিম অসিনা চাউরাক্না ইলেক্ত্রিক তু-হ্বীলর (ই-2W) লাখ 24.79দা ইন্সেন্তিব পীনবা পান্দম থম্লি। অৱাংবা থাক্কী বেতরীশিংগা লোয়নবা e-2W খক্তনা ইন্সেন্তিব অসিগীদমক ইলিজিবল ওই। কম্মর্সিএল ওইনা রেজিস্তর তৌরবা অমসুং প্রাইবেৎ ওইনা মপু ওইবা e-2W অনিমক স্কিম অসিগী কান্নবা ফংগনি।

• থ্রী-হ্বীলর: ই-রিক্ষো/ই-কার্ত নত্ত্রগা L5 কেতেগোরীগী রেজিস্তর তৌরবা ভেহিকলশিং য়াওনা চাউরাক্না ইলেক্ত্রিক থ্রী হ্বীলর (ই-3W) লাখ 3.2বু ইন্সেন্তিব পীনবা খোঙথাং অসি পায়খৎলি। অৱাংবা থাক্কী বেতরী তেক্নোলোজী লৈবা e-3W খক্তনা দিমান্দ ইন্সেন্তিবকীদমক ক্বালিফাই ওই। স্কিম অসি কম্মর্সিএলগীদমক শীজিন্নরিবা e-3Wশিংদা খক্তমক চৎনগনি।

• ই-এম্বুলেন্স: স্কিম অসিগী মখাদা ই-এম্বুলেন্সশিং থম্নবা লুপা করোর 500গী বজেৎ থম্লে। মসি পেসেন্ত ত্রান্সপোর্তকীদমক ই-এম্বুলেন্স শীজিন্নবা পুক্নিং থৌগৎনবা অনৌবা সরকারগী থৌরাং অমনি। হকশেল অমসুং য়াইফ-য়ুম্বাল মন্ত্রালয় (MoHFW), লম্বী চৎথোক-চৎশিন অমসুং হাইৱেজ মন্ত্রালয় (MoRTH) অমসুং অতোপ্পা মরী লৈনবা স্তেকহোল্দরশিংগা খুৎশম্নদুনা পর্ফোমেন্স অমসুং সেফতী স্তেন্দর্দশিং শেমগনি। ই-এম্বুলেন্সশিংগী ইলিজিবিলিতী ক্রাইতেরিয়া অসি হৌজিক MoHFW গা লোয়ননা খন্ন-নৈনরি অমসুং অথুবা মতমদা লাউথোক্কনি।

• ই-ত্রকশিং: স্কিম অসিনা CO2 থাদোকপা হন্থহন্নবা ইলেক্ত্রিক ত্রকশিং শীজিন্নবা অমসুং ই-ত্রকশিং অসি তুংলমচৎতা মরুওইবা লোজিস্তিক সোলুসন অমা ওইনা লিংখৎনবা পান্দম থম্লি। ই-ত্রকশিং শীজিন্ননবা পুক্নিং থৌগৎনবা লুপা করোর 500গী ফন্দ থম্লে। MoRTHনা অয়াবা পীরবা ভেহিকল স্ক্রেপিং সেন্তরশিং (RVSF) দগী স্ক্রেপিং সর্তিফিকেৎ অমা লৈবা মীওইশিং খক্তনা ইন্সেন্তিবশিংগীদমক ইলিজিবল ওই। মোনিতরিং সিস্তেমশিংনা স্ক্রোপ তৌবগী সর্তিফিকেৎশিং অদু ভেরিফাই তৌগনি। ই-ত্রকশিংগী মরী লৈনবা অকুপ্পা মরোলশিং, মতেং পীগদবা ভেহিকলশিংগী মশিং, খ্বাইদগী ৱাংবা সবসিদী, পর্ফোমেন্স ক্রাইতেরিয়া, অসিনচিংবশিং অসি মরী লৈনবা স্তেকহোল্দরশিংগা উনদুনা তোঙান্না পাউদম্লগনি।

• ই-বসশিং: স্তেত ত্রান্সপোর্ত অন্দরতেকিংস (STUশিং) / পব্লিক ত্রান্সপোর্ত এজেন্সীশিংনা ইলেক্ত্রিক বস 14,028 পুথোক্নবগীদমক পুন্না লুপা করোর 4,391গী এলোকেসন তৌখ্রে। বসশিং অসিগী দিমান্দ এগ্রেগেসন অসি CESL না চাউরাক্না মীওই লাখ 40 হেনবা লৈবা মরুওইবা সহরশিং হায়বদি দিল্লী, মুম্বাই, কোলকতা, চেন্নাই, অহমেদাবাদ, সুরত, বেঙ্গলোর, পুনে অমসুং হায়দ্রাবাদতা মেনেজ তৌগনি। MoRTHগী চৎন-কাংলোনশিংগী মতুং ইন্না চহি য়াম্লবা STU বসশিং স্ক্রেপ তৌরবা মতুংদা সহরশিং অসিদা ই-বসশিং প্রোক্যুর তৌনবা প্রিফরেন্স পীগনি। অখন্নবা জিওগ্রাফিকেল ওইবা মফমশিংদা ই-বসশিং ফংহন্নবা অমসুং মথৌ তৌহন্নবগীদমক - চীং অমসুং অৱাং-নোংপোক্কী রাজ্যশিং, ইথৎশিংগী লমশিং, কোস্তেল রিজনশিং, অসিনচিংবা তোঙান-তোঙানবা গাইদলাইনশিংগী সেৎ অমা ই-বস পেনিত্রেসনদা মতেং পীনবগীদমক্তা নন--OPEX মোদেল য়াওনা MHI না শীজিন্নবা য়াই।

• চার্জিং ইনফ্রা: স্কিম অসিনা পব্লিক চার্জিং স্তেসনশিংগী মপাঙ্গল লৈরবা নেৎৱার্ক অমা শেমগৎনবা পান্দম থম্লি। মসিদা ই-4Wশিংগী ফাস্ত চার্জর 22,100, ই-বসশিংগী ফাস্ত চার্জর 1800 অমসুং ই-2W অমসুং ই-3Wশিংগী ফাস্ত চার্জর 48,400 য়াওরি। মসিনা য়ুজরশিংগী থাজবা হেনগৎহনগনি। হায়রিবা চার্জিং পোইন্তশিং অসি ইলেক্ত্রিক ভেহিকল পেনিত্রেসন ৱাংনা লৈবা মরুওইবা সহরশিংদা অমসুং খনগৎলবা হাইৱেশিংদা লিংখৎকনি। স্কিম অসিগী মখাদা চার্জিং ইনফ্রাস্ত্রকচরগী অপুনবা শেনফম অসি লুপা করোর 2,000নি।

• তেস্তিং এজেন্সীশিং অপগ্রেদেসন তৌবা: স্কিম অসিগী পান্দমদি হেভি ইন্দস্ত্রীজ মন্ত্রালয় (MHI) গী মখাদা লৈরিবা তেস্তিং এজেন্সীশিং অসি অনৌবা অমসুং অনৌবা তেক্নোলোজীশিংগা লোয়ননা অপগ্রেদেসন তৌবা অমসুং মোদর্নাইজ তৌবা অমসুং মসিনা গ্রীন মোবিলিতী প্রমোৎ তৌবা অসিনি। MHI গী মখাদা লুপা করোর 780 থাদদুনা তেস্তিং এজেন্সীশিং অপগ্রেদ তৌবগী অয়াবা পীখ্রে।

ইন্সেন্তিবশিংগী খুত্থাংদা ইলেক্রিক ভেহিকলশিংগী দিমান্দ হেনগৎহল্লি

স্কিম অসিনা ইলেক্ত্রিক ভেহিকলশিং (EV) শীজিন্নবা হেনগৎহন্নবা হকথেংননা পান্দম থম্লিবা মরুওইবা পোৎলম অমা ওইনা দিমান্দ ইন্সেন্তিবশিংবু মরুওইনা লৌরি। শেল চংদবা অমসুং ইকো-ফ্রেন্দলী পব্লিক ত্রান্সপোর্ততা মীৎয়েং থমদুনা, মসিনা মরুওইনা ইলেক্ত্রিক তুহ্বীলরশিং (e-2Ws) অমসুং কম্মর্সিএল ওইনা শীজিন্ননবগীদমক রেজিস্তর তৌরবা থ্রী-হ্বীলরশিং (e-3Ws) দা পান্দম থম্লি। প্রাইবেৎ নত্ত্রগা কোর্পোরেতকী মপু ওইবা e-2Wশিংসু ইলিজিবল ওই। অৱাংবা থাক্কী তেক্নোলোজী শীজিন্নবা হেনগৎহন্নবগীদমক, অৱাংবা থাক্কী বেতরীশিং য়াওবা EVশিং খক্তনা ইন্সেন্তিবশিং অসিদগী কান্নবা ফংগনি। অদুম ওইনমক, লৈঙাক্কী দিপার্তমেন্তশিংনা লৌরিবা EVশিং অসি দিমান্দ ইন্সেন্তিবশিংগীদমক ক্বালিফাই ওইদে, মসিনা গভর্নমেন্ত বোদীশিংগী মনুংদা শেল ত্রান্সফর তৌবদা অথিংবা পীরি।

EV পুম্নমক অসি সেন্ত্রেল মোতোর ভেহিকল্স রুল্স (CMVR), 1989গী মখাদা রেজিস্তর তৌগদবনি। PM E-DRIVEগী ইলিজিবিলিতী ক্রাইতেরিয়া থুংলবা ভেহিকলশিং অসি স্কিম অসিগী মখাদা খন্নগনি। e-2W অমসুং e-3W পুম্নমক অসি স্কিম অসিগী চৎনগদবা মতমগী মনুংদা পুথোক্কদবনি অমসুং রেজিস্তর তৌগদবনি। স্কিম অসি লোইরবা মতুংদা e- 2W/ e- 3Wগী পি.এম. ই-দ্রাইব সর্তিফিকেৎ অমত্তা চৎনরোই। দিমান্দ ইন্সেন্তিব অসি FY 2024-25দা রেজিস্তর তৌরবা ই-2W/ই-3Wগী kWh অমদা লুপা 5000 অমসুং FY 2025-26দা kWh অমদা লুপা 2500 ওইগনি। ইন্সেন্তিবশিং অসি ভেহিকল অমমমগী ওইনা নত্ত্রগা এক্স-ফেক্টরী প্রাইসকী চাদা 15গী চাংদা, করিগুম্বা অমদগী হন্থরবদি লিমিৎ তৌগনি। মসিগী মথক্তা, পি.এম. ই-দ্রাইব স্কিমদা পনখ্রিবা অখন্নবা থ্রেশহোল্দ ভেল্যুগী মখাদা এক্স-ফেক্তরী প্রাইস লৈবা EV খক্তমক ক্বালিফাই তৌগনি।

দিমান্দ ইন্সেন্তিব অসি বায়রশিং (ফাইনেল য়ুজরশিং/কঞ্জুমরশিং) দা পাক-শন্না শীজিন্নবা য়াহন্নবগীদমক্তা অপফ্রন্তদগী হন্থবা পরচেস প্রাইসকী মওংদা ফংহনগনি, মসি OEM (ওরিজিনেল ইক্বিপমেন্ত মেন্যুফেকচরর) দা MHIনা শেল পীগনি। ইন্দিভিজুএল বেনিফিসরিশিংগী ওইনা, অকক্নবা কাংলুপ অমগী EV অমদগী হেন্না ইন্সেন্তিব পীরোই। দিমান্দ ইন্সেন্তিবশিংগীদমক ইলিজিবল ওইবা মোদেল খুদিংমক OEMদগী কম্প্রিহেন্সিব গেরেন্তী (বেতরীগী গেরেন্তী য়াওনা) অমগা লোয়নগদবনি, মসিগী OEMনা ভেহিকল অদুগী পুন্সি চুপ্পগীদমক অফতর-সেল্স সর্ভিসকী মতিক চাবা ফেসিলিতীশিং লৈগদবনি।

মসিগী মথক্তা, স্কিম অসিনা রোদ ত্রান্সপোর্ত অমসুং হাইৱেজ মন্ত্রালয় (MoRTH) গা লোয়ননা চার্জিং ইনফ্রাস্ত্রকচর অসি সহরশিংগী মনুংদা অমসুং খনগৎলবা ইন্তর-সিতী/হাইৱেজকী লম্বীশিংদা পাকথোক চাউথোকহন্নবা পান্দম থম্লি। শেলগী তেংবাং, বেঞ্চমার্ক প্রাইস, গন মশিং অমসুং চার্জিং ইনফ্রাস্ত্রকচর লিংখৎনবগী অতোপ্পা তেক্নিকেল পেরামিতরশিং, মসিগী অপস্ত্রীম কোস্ত য়াওনা, MOPগা তান্নদুনা লেপকনি। ইলেক্ত্রিস মোবিলিতী প্রমোৎ তৌনবগীদমক, প্রোজেক্ত অদুগী মমলগী 100% (অপষ্ট্রিম পাৱর ইনফ্রাস্ত্রকচর য়াওনা) ফাওবা চার্জিং ইনফ্রাস্ত্রকচর শেমগৎনবা ফন্দিংগী ফ্লেক্সিবিলিতী ফংহনবা য়াই।

মিনিস্ত্রী ওফ হেভি ইন্দস্ত্রীজ (MHI) না স্কিম অসিগী মখাদা দিমান্দ ইন্সেন্তিব ফংহন্নবা EV কস্তমরশিংগীদমক ই-ভৌচরশিং হৌদোক্লে। স্কিম অসিগী পোর্তেল অসিনা কস্তমর অদুগীদমক e-KYC আধার ফেস ওথেন্তিকেতেদ ই-ভৌচর অমা জেনরেৎ তৌবগী মতমদা পুথোক্কনি। ই-ভৌচর দাউনলোদ তৌনবগী লিঙ্ক অমা কস্তমর অদুগী রেজিস্তর তৌরবা মোবাইল নম্বরদা থাগনি। ই-ভৌচর অসি বায়র অদুনা খুৎয়েক পীগনি অমসুং স্কিম অসিগী মখাদা দিমান্দ ইন্সেন্তিবশিং ফংনবগীদমক্তা দিলরদা পীগনি। মসিগী মতুংদা, ই-ভৌচর অদু দিলরনা খুৎয়েক পীগনি অমসুং পি.এম. ই-দ্রাইভ পোর্তেলদা অপলোদ তৌগনি। সাইন তৌরবা ই-ভৌচর অদু বায়র অমসুং দিলরদা SMS অমগী খুত্থাংদা থাগদবনি। OEMশিংনা স্কিম অসিগী মখাদা দিমান্দ ইন্সেন্তিবশিংগী রিফন্দ লৌনবগীদমক্তা সাইন তৌরবা ই-ভৌচর অসি তঙাইফদে।

ৱারোইশিন

লোইশিল্লকপদা, ভারত সরকারনা পায়খৎলিবা খোঙথাং অসিনা তুং কোইনা চৎনগদবা ত্রান্সপোর্তেসন সোলুসনশিং পুথোকপগা লোয়ননা এনভাইর্নমেন্তেল পোলুসন অমসুং ফ্যুএল সেক্যুরিতীগা মরী লৈনবা মরুওইবা শীংনবশিং কোকহন্নবা শেম-শারি। ইলেক্ত্রিক ভেহিকলশিং (EV) অমসুং সপোর্তিং ইনফ্রাস্ত্রকচর প্রমোসন তৌবগী থোংদা, স্কিম অসিনা EV সেক্তর অমসুং মসিগী সপ্লাই চেনদা শেন থাদবা হেনগৎহনগনি হায়না পানরি। মসিগী মথক্তা, মসিনা ভেল্যু চেন পুম্নমক্তা, মেন্যুফেকচরিং অমসুং চার্জিং ইনফ্রাস্ত্রকচর শেমগৎপদা থবক পীবা য়াওনা থবক পীবগী অচৌবা খুদোংচাবা কয়া অমা পুথোক্লগনি। অপুনবা ওইনা, স্কিম অসিনা ভারত্তা ত্রান্সপোর্তেসনগীদমক হেন্না ক্লিন ওইবা, হেন্না সস্তেনেবল ওইবা তুংলমচৎ অমগী মায়কৈদা মরুওইবা খোঙথাং অমা উৎলি।

রিফরেন্সশিং:

https://pmedrive.heavyindustries.gov.in/about-us

https://pmedrive.heavyindustries.gov.in/policy_procedure

https://pmedrive.heavyindustries.gov.in/docs/press_release/Press%20Release_Press%20Information%20Bureau.pdf

PDF য়েংনবা মসিদা নম্বীয়ু:

*****

(Release ID: 2063705) Visitor Counter : 21