زراعت اور کسانوں کی بہبود کے محکمہ کے سکریٹری ڈاکٹر دیویش چترویدی نے آج اٹلی کے سفیر عزت مآب انٹونیو بارٹولی سے نئی دہلی میں واقع کرشی بھون میں ملاقات کی۔ بات چیت میں ہندوستان اور اٹلی کے درمیان زراعت کے شعبے میں تعاون کے ممکنہ شعبوں کو تلاش کرنے پر توجہ مرکوز کی گئی۔

ڈاکٹر دیویش چترویدی نے زراعت اور اس سے منسلک شعبوں میں تجارت، سرمایہ کاری اور ٹیکنالوجی جیسے باہمی دلچسپی کے شعبوں میں تعاون کی نمایاں صلاحیت کو اجاگر کرتے ہوئے، ہندوستان اور اٹلی کے درمیان مضبوط اور دوستانہ تعلقات پر زور دیا۔ انہوں نے تجویز پیش کی کہ دونوں ممالک کے درمیان موجودہ مفاہمت نامہ (ایم او یو) کا فائدہ اٹھا کر اس تعاون کو مزید مضبوط کیا جا سکتا ہے، خاص طور پر جوائنٹ ورکنگ گروپ (جے ڈبلیو جی) کی باقاعدہ میٹنگوں کے ذریعے۔ انہوں نے اطالوی کمپنیوں کے لیے ہندوستان کے فوڈ پارکوں سمیت دیگر شعبوں میں سرمایہ کاری کے مواقع کی نشان دہی کی۔

دونوں فریقوں نے متعدد شعبوں میں تعاون کو آگے بڑھانے کی اہمیت کو تسلیم کیا، جس میں پودوں کی اقسام کے تحفظ اور بیجوں کے شعبے میں تکنیکی اور قانونی تعاون سمیت، زرعی تحقیق اور تعلیم، جغرافیائی اشارے (جیوگرافیکل انڈیکیشنز) کا تحفظ، نامیاتی اور قدرتی کاشتکاری، درست زراعت میں جدید ٹیکنالوجیز کا اطلاق، ہندوستانی تارکین وطن ورکروں کے لئے فروغ ہنرمندی اور صنعتی تعاون کو فروغ دینا شامل ہے۔

میٹنگ میں انڈین کونسل آف ایگریکلچرل ریسرچ (آئی سی اے آر)، وزارت خارجہ کے نمائندوں اور زراعت اور کسانوں کی بہبود کی وزارت کے مختلف ڈویژنوں کے سینئر حکام نے بھی شرکت کی۔

 

******

ش  ح۔ م م ۔ م ر

U-NO. 1083

(Release ID: 2063663) Visitor Counter : 10