मुंबई, 7 ऑक्‍टोबर 2024

 

केंद्रीय वाणिज्य आणि उद्योगमंत्री पीयूष गोयल आणि अबुधाबी गुंतवणूक प्राधिकरणाचे व्यवस्थापकीय संचालक शेख हमेद बिन झायेद अल नह्यान यांच्या सहअध्यक्षतेखाली आज, 7 ऑक्टोबर 2024 रोजी मुंबईत भारत-युएई उच्च स्तरीय संयुक्त कृतीदलाची 12 वी बैठक पार पडली. भारत मार्ट प्रकल्पाच्या उभारणीच्या कामातील प्रगतीबद्दल दोन्ही नेत्यांनी यावेळी समाधान व्यक्त केले.

भारत मार्ट प्रकल्पाची रचना

पंतप्रधान नरेंद्र मोदी यांच्या युएई  भेटीदरम्यान, त्यांनी आणि दुबईचे राज्यकर्ते, उपराष्ट्रपती आणि पंतप्रधान शेख मोहम्मद बिन रशीद अल मकतूम यांनी दुबई येथील जबेल अली फ्री ट्रेड झोन येथे  14 फेब्रुवारी 2024 रोजी भारत मार्ट  प्रकल्पाची पायाभरणी केली होती हे लक्षात घेणे आवश्यक आहे. त्यावेळी, जबेल अली बंदराचे धोरणात्मक स्थान आणि लॉजिस्टिक्सची क्षमता यांचा वापर करून भारत मार्ट भारत-युएई द्विपक्षीय व्यापार भरभराटीला आणेल आणि भारतातून जगाला होणाऱ्या निर्यातीला मोठी चालना मिळेल असा विश्वास दोन्ही नेत्यांनी व्यक्त केला होता. भारत मार्टच्या विहित जागी उभारणीचे काम सुरु झाले असून किरकोळ विक्री दुकाने तसेच गोदामे यांच्या लेआउटच्या आखणीचे काम वेगाने पुढे जात आहे.

फेब्रुवारी 2024 मध्ये प्रकल्पाच्या पायाभरणी समारंभात उपस्थित असलेले पंतप्रधान नरेंद्र मोदी आणि दुबईचे राज्यकर्ते, उपराष्ट्रपती आणि पंतप्रधान शेख मोहम्मद बिन रशीद अल मकतूम.

युएईमधील डीपी वर्ल्ड या प्रमुख लॉजिस्टिक्स कंपनीतर्फे उभारण्यात येत असलेले भारत मार्ट, भारतीय व्यापारी, निर्यातदार तसेच उत्पादकांना मध्य-पूर्व, आफ्रिका आणि युरेशियातील बाजारपेठांमध्ये प्रवेश  मिळवण्याची सोय करून देईल अशी या मार्टची संकल्पना आहे. या मार्टमध्ये फ्री झोन आणि मुख्य भूमीवर किरकोळ दुकाने असतील तसेच येथे व्यवसाय करणाऱ्या भारतीय कंपन्यांना डीपीवर्ल्डच्या जागतिक दर्जाच्या लॉजिस्टिक्स सेवा वापरता येतील. हा प्रकल्प 2026 मध्ये पूर्ण होईल असा अंदाज आहे. आतापर्यंत 1 लाख चौरस मीटर क्षेत्रावर उभारण्यात येणाऱ्या 1400 दुकानांसाठी डीपी वर्ल्डकडे आतापर्यंत 9000 ईओएलएस सादर झाले आहेत.

 

* * *

PIB Mumbai | S.Kane/S.Chitnis/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2062999) Visitor Counter : 57