کامرس اور صنعت کے وزیر پیوش گوئل نے کہا کہ کاندیولی کاایس اے آئی اسپورٹس کمپلیکس آنے والے اولمپک کھیلوں میں ہندوستانی کھلاڑیوں کے لیے کھیلوں کاایک اہم مرکز ہو گا۔وزیرموصوف مہاراشٹرحکومت اور اسپورٹس اتھارٹی آف انڈیا کے درمیان مفاہمت نامے (ایم او یو) پر دستخط  کرنے  کی تقریب کے موقع پرخطاب کر رہے تھے۔

کامرس اور صنعت کے وزیرپیوش گوئل کی موجودگی میں مفاہمت نامے پر دستخط کیے گئے۔ اس موقع پر مہاراشٹر قانون ساز کونسل کے رکن پروین دریکر، مہاراشٹر اسمبلی کے رکن اتل بھٹکھلکر،ایس اے آئی کےعلاقائی ڈائریکٹرپانڈورنگ چاٹےاورایس اے آئی کے سیکریٹری وشنو کانت تیواری بھی اس تقریب میں موجود تھے۔

مفاہمت نامے (ایم او یو) پر دستخط کرنے کی تقریب مہاراشٹر کابینہ کے مورخہ30/09/2024 کے فیصلے کے  بعد منعقد ہوئی تاکہ  ممبئی کی کاندیولی میں اکورلی، ملاڈ اور وادھاون میں نیشنل سینٹر آف ایکسی لینس کے قیام سے متعلق اسپورٹس اتھارٹی آف انڈیا کو اراضی مختص کی جائے۔ اس فیصلے نے ایس اے آئی کے لیے زمین کی ملکیت سے متعلق بغیرکسی رکاوٹ کے زمین کوتیارکرنے اور ترقی دینے کی راہ ہموار کر دی ہے۔

اسپورٹس اتھارٹی آف انڈیا 37 ایکڑ کے مذکورہ اراضی پارسل پر بین الاقوامی معیار کا جدید اسپورٹس بنیادی ڈھانچہ تیار کرنے کامنصوبہ بنارہی ہے جسے 30 سال کے لیے ایک روپے سالانہ کی قیمت پر ایس اے آئی کو لیز پر دے  دی گئی ہے۔

ایس اے آئی کاندیوالی کیمپس کے لیے ایک ماسٹر پلان کو حتمی شکل دینے کے عمل میں ہے جہاں مجوزہ بنیادی ڈھانچے میں کھلاڑیوں کے لئے اے سی سے لیس ماڈرن ہاسٹل کی عمارتیں، سینٹرل کچن اور کھلاڑیوں کے لیے کھانے کا انتظام، بین الاقوامی معیار کا نیاماڈرن ہاکی ٹرف،کثیرمقاصد والے اسپورٹس ہال اورچوٹ اور بحالی وغیرہ سے متعلق اعلیٰ کارکردگی کے اسپورٹس سائنس سینٹرشامل ہیں جس کے لیے500کروڑ  روپے تک کی سرمایہ کاری درکار ہوگی جسے ایس اے آئی حکومتی مختص بجٹ اورسی ایس آرجیسےمختلف ذرائع سے حاصل کرنے کامنصوبہ بنارہا ہے۔

ایس اے آئی مرکزی حکومت کےکھیلو انڈیا اور فٹ انڈیا جیسی اسکیموں کے نفاذ کے دوران ریاست مہاراشٹر، گوا اور دادرا اور نگر حویلی اور دمن اور دیو کے دائرہ اختیار کے ساتھ اپنے نیشنل سینٹر آف ایکسی لینس اور علاقائی انتظامی مرکز کو چلانے کے لیے 37 ایکڑ اراضی کو استعمال کرنے کا منصوبہ بنارہا ہے۔

ایس اے آئی ملک بھر کے کھلاڑیوں کواس شعبہ کے ماہرین سے اسپورٹس سائنس کی مدد کے ساتھ اعلیٰ معیار کی خوراک اور کھیلوں کی تربیت فراہم کرنے کا منصوبہ بنارہا ہے۔ بنیادی ڈھانچے کی ترقی کے بعدایس اے آئی اپنی آؤ اورکھیلومہم کے ذریعہ مہاراشٹر کے مقامی خواہشمند کھلاڑیوں کے لیے سال بھرمختلف کھیلوں کی سہولیات تک رسائی بھی فراہم کرے گا جس میں فٹ بال، ایتھلیٹکس اور ریسلنگ وغیرہ شامل ہیں۔

مرکزی وزیر پیوش گوئل نے اپنے کلیدی خطاب میں کہا کہ اس زمین پر صرف کھلاڑیوں کا حق ہے اور کوئی بھی ان سے یہ زمین نہیں لے  سکتا۔ انہوں نے مزید کہا کہ وزیر اعظم نریندر مودی کی قیادت میں حکومت 2036 کے اولمپکس بھارت میں منعقد کرنے کی کوشش کر رہی ہے۔

وزیرموصوف نے اس بات پر زور دیا کہ کھیل ایک ایکوالائزر  ہے۔

ایم ایل اے اتل بھاتکھلکر، ایم ایل سی پروین دریکر نے ایس اے آئی اور مہاراشٹر حکومت کے درمیان مفاہمت نامے پردستخط کے لیے مرکزی وزیر پیوش گوئل کا شکریہ ادا کیا۔

****************

(ش ح۔  م م ع۔م ا )

UNO-968

(Release ID: 2062878) Visitor Counter : 17