জল শক্তি মন্ত্রালয়
জল জীবন মিসন: খুঙ্গংগী ইমুং করোর 15গীদমক তোতি ঈশিং ফংহনবা
তোতি ঈশিংনা JJMগী মখাদা খুঙ্গংগী য়ুমথোংশিংগী 78.78%দা য়ৌবা ঙমখ্রে
Posted On:
07 OCT 2024 9:34AM by PIB Imphal
2024 ফাওবদা খুঙ্গংগী ইমুং খুদিংদা তেপ ৱাতর সপ্লাই ফংহন্নবা পান্দম থমদুনা প্রধান মন্ত্রী শ্রী নরেন্দ্র মোদীনা ওগস্ত 15, 2019দা জল জীবন মিসন (JJM) হৌদোকখি। মসি হৌরকপা মতমদা, খুঙ্গংগী য়ুমথোং করোর 3.23 (17%) খক্তদা থক্নবা ঈশিংগী কন্নেক্সন ফংলমখি। মিসন অসিনা 2024 ফাওবদা চাউরাক্না অহেনবা ইমুং করোর 16দা থক্নবা ঈশিং ফংহন্দুনা, হৌজিক লৈরিবা ঈশিং সপ্লাই সিস্তেমশিং মথৌ পাংথোকহন্দুনা অমসুং খুঙ্গংগী ইমুং করোর 19দা হকথেংননা কান্নবা ফংহন্দুনা মসিগী অৱাবা অসি কোকহন্নবা পান্দম থম্লি। থৌরাং অসিনা খুঙ্গং অমসুং সহরগী মরক্তা লৈরিবা খেন্নবা অদু হন্থহন্নবা অমসুং মীয়ামগী হকশেল ফগৎহন্নবা পান্দম থম্লি।
জল জীবন মিসন্না মমাশিং অমসুং ইচিল-ইনাওশিংবু চহি চা কয়াগী মমাংদগী য়ুমথোং খুদিংমক্তা ঈশিং পুরকপগী থবক অসিদগী লায়থোকহন্নবা অমসুং মখোয়গী হকশেল, মহৈ-মশিং অমসুং সোসিও-ইকনোমিক কন্দিসন ফগৎহন্নবা হোৎনরি। মিসন অসিনা "ইজ ওফ লিভিং" পুরক্লি অমসুং খুঙ্গংগী ইমুংশিংদা চাউথোকচবা অমসুং ক্বালিতী লৈহল্লি। জল জীবন মিসননা সোর্স সস্তেনেবিলিতীগী খোঙথাংশিংসু মেন্দতরী ইলিমেন্তশিং ওইনা ইমপ্লিমেন্ত তৌরি, খুদম ওইনা, গ্রেৱাতর মেনেজমেন্ত, ঈশিং য়োকশিনবা অমসুং রেনৱাতর হার্ভেস্তিংগী খুত্থাংদা রিচার্জ অমসুং রিয়ুজ তৌবা অসিনি। মিসন অসি ঈশিংগী মতাংদা কম্ম্যুনিতী এপ্রোচ অমদা য়ুম্ফম ওই অমসুং মরুওইবা কম্পোনেন্ত অমা ওইনা পাক-শন্না ইনফোর্মেসন, এজুকেসন অমসুং কম্ম্যুনিকেসন (IEC) য়াওগনি। JJM না ঈশিংগীদমক জনঅনন্দোলন শেম্বা পাম্মি, মসিনা মরম ওইদুনা মসি মীপুম খুদিংমক্কী প্রাইওরিতী ওইহল্লি।
সোর্স: https://ejalshakti.gov.in/jjmreport/JJMIndia.aspx
মরু ওইবা মায়পাকপশিং
2024গী ওক্তোবর 6 ফাওবদা, জল জীবন মিসন্না মায় পাক্না অহেনবা খুঙ্গংগী য়ুথোং করোর 11.95দা তেপ ৱাতর কন্নেক্সন ফংহনখ্রে। ভারতকী খুঙ্গংগী ইমুংশিংগী 78.58% ওইরিবা ইমুং করোর 15.19 হেনবদা অপুনবা কভরেজ লৈহন্দুনা অহেনবা খুঙ্গংগী ইমুং করোর 11.95 শেমগৎলে। মিসন অসিনা মরুওইবা মাইলস্তোন অমা য়ৌরে। মসিনা খুঙ্গংগী মীওইশিংগী পুন্সিদা চাউনা কান্নবা পীরি। মসিনা মখোয়গী য়ুমদা থক্নবা ঈশিং ফংহল্লি।
পান্দমশিং
জল জীবন মিসনগী পান্দমশিংদা য়াওরিবশিং:
- খুঙ্গংগী ইমুং খুদিংদা ফঙ্কসনেল হাউসহোল্দ তেপ কনেক্সন (FHTC) ফংহল্লি
- ক্বালিতী শোকহল্লবা মফমশিং, ঈকংনা শোকহল্লবা মফমশিং, মরুভুমিগী মফমশিং অমসুং সনসদ আদর্শ গ্রাম য়োজনা (SAGY)গী খুঙ্গংশিংদা FHTCগী প্রোভিজনদা
- স্কুলশিং, অঙ্গনৱাদি সেন্তরশিং, গ্রাম পঞ্চায়ত বিলদিংশিং, হেল্থ অমসুং ৱেলনেস সেন্তরশিং অমসুং কম্ম্যুনিতী বিলদিংশিংদা ফঙ্কসনেল তেপ কন্নেক্সনশিং লৈহন্নবা হোৎনরি।
- তেপ কন্নেক্সনশিংগী ফঙ্কসনেলিতি মোনিতর তৌবা।
- শেল থাদবা, মখল-মখাগী, নত্ত্রগা শিন্মী (শ্রমদান) গী কন্ত্রিব্যুসনশীংগী খুত্থাংদা লোকেল কম্ম্যুনিতীগী মরক্তা ভোলুন্তরি ওনরশিপ প্রোমোৎ তৌবা।
- ঈশিং সপ্লাই সিস্তেমশিং, ঈশিংগী সোর্সশিং য়াওনা, তুং কোইনা চৎনহনবা, ইনফ্রাস্ত্রকচর, অমসুং চাং নাইনা ওপরেসন অমসুং মেনতেন্সনগী ফন্দিং।
- ঈশিংগী সেক্তরদা হ্যুমেন রিসোর্সশিং পুক্নিং থৌগৎপা অমসুং চাউখৎহনবা কন্সত্রক্সন, প্লম্বিং, ইলেক্ত্রিকেল ৱার্ক, ঈশিংগী ক্বালিতী মেনেজমেন্ত, ঈশিং শেংদোকপা, বেজমেন্ত প্রোতেক্সন, অমসুং অতোপ্পা কয়া।
- শাফবা থক্নবা ঈশিংগী মরুওইবা অদুগী মতাংদা এৱের্নেস হেনগৎহনবা অমসুং ঈশিং অসি মীপুম খুদিংমক্কী থৌদাং অমা ওইহন্নবা স্তেকহোল্দরশিং য়াওহনবা।
JJMগী মখাদা লৈরিবা কম্পোনেন্তশিং
JJMগী মখাদা সপোর্ত পীরিবা কম্পোনেন্তশিং মখাদা পীরি:
- তোঙান তোঙানবা সোর্সশিং/ প্রোগ্রামশিংদগী শেল থাদনবা হোৎনগদবনি অমসুং কনভর্জেন্সী অসি মরুওই।
- খুঙ্গংগী য়ুমথোং খুদিংদা পাইপকী ঈশিং ফংহন্নবা খুঙ্গংদা পাইপকী ঈশিং ফংহন্নবা ইনফ্রাস্ত্রকচর শেমগৎপা।
- লোং-তর্মগী ওইবা সস্তেনেবিলিতী ফংহন্নবা থাজবা য়াবা থক্নবা ঈশিংগী হৌরকফমশিং শেমগৎপা অমসুং হেনগৎহনবা।
- মথৌ তাবা মতমদা ঈশিং মরাং কায়না পুরকপা, ত্রিৎমেন্ত প্লান্ত অমসুং দিস্ত্রিব্যুসন নেৎৱার্ক।
- ঈশিংগী ক্বালিতীগা মরী লৈনবা হিরমশিংদা কন্তামিনেন্ত লৌথোক্নবা তেক্নোলোজিকেল ইন্তরভেন্সনশিং
- হৌজিক চত্থরিবা অমসুং লোইশিনখ্রবা স্কিমশিংবু য়ামদ্রবদা FHTCশিং ফংহন্নবা নৌনা শেমগৎ-শাগৎপা সর্ভিস লেভেল অসি 55 লিতর পর কেপিতা পর দে (lpcd)ওইগদবনি।
গ্রেৱাতর মেনেজমেন্ত।
ইনফোর্মেসন, এজুকেসন অমসুং কম্ম্যুনিকেসন (IEC), হ্যুমেন রিসোর্স দিবেলপমেন্ত (HRD), ত্রেনিং, য়ুতিলিতী দিবেলপমেন্ত, ঈশিংগী ক্বালিতী অসিনচিংবা সপোর্ত এক্তিবিতীশিং।
লেবোরেতরীশিং, রিসর্চ অমসুং দিবেলপমেন্ত, কম্ম্যুনিতীশিংগী কেপাসিতী বিল্দিং, অসিনচিংবা।
ফ্লেক্সি ফন্দশিংগী মতাংদা ফাইনান্স মিনিস্ত্রীগী গাইদলাইনশিংগী মতুং ইন্না মহৌশাগী দিজাস্তর নৎত্রগা খুদোংচাদবশিং থোকপদগী থোক্লকপা মাংজৌননা উবা ঙমদবা শীংনবশিং থেংননবা।
JJMগী কান্নবা
নেস্নেল অমসুং ইন্তর্নেস্নেল ইন্সতিত্যুসন কয়ানা হায়খিবগুম্না, জল জীবন মিসনগী ইমপ্লিমেন্ত তৌবনা খুঙ্গংগী পুন্সিদা চাউনা ফগৎহনখ্রে:
ৱর্ল্দ হেল্থ ওর্গনাইজেসন (WHO) না পান্দম অসি ফংলবদি মরুওইনা নুপীশিংগী ওইনা নোংমদা পুং করোর 5.5 হেন্না ঈশিং শোকপদা চংবা মতম কনবা ঙমগনি হায়না পানরি।
ভারতকী য়ুমথোংশিংদা থক্নবা ঈশিং মরাং কায়না ফংহন্নবা হোৎনবা অসিনা দাইরিয়াগী লাইনা-লাইচৎশিংদগী শিবা মীওই 400,000 রোম থিংবা ঙমগনি, মসিনা চাউরাক্না দিসএবিলিতী এদজস্তেদ লাইফ ইয়র (DALY) মিল্লিয়ন 14 কনবা ঙমগনি হায়নসু WHO না প্রজেক্ত তৌরি।
নোবেল লোরিয়েৎ প্রোফ. মাইকেল ক্রেমরগী রিসর্চনা হায়রি মদুদি সেফ ৱাতর কভরেজনা চহি মঙাগী মখাদা লৈবা অঙাংশিংগী মরক্তা শিবগী চাং চাদা 30 হন্থহনবা ঙম্মি, মসিনা চহিগী ওইনা পুন্সি 136,000 কনবা ঙমগনি।
ইন্তর্নেস্নেল লেবর ওর্গনাইজেসন (ILO) গা খুৎশম্নদুনা ইন্দিয়ন ইন্সতিত্যুৎ ওফ মেনেজমেন্ত বেঙ্গলোরনা পান্দম থম্লি মদুদি JJM না কেপিতেল এক্সপেন্দিমেন্ত ফেজগী মনুংদা পর্সন-ইয়র লাখ 59.9 হকথেংননা অমসুং পর্সন-ইয়র করোর 2.2না নাকোইননা থবক ফংহল্লগনি। মসিগীসু মথক্তা, ওপরেসন অমসুং মেনতেন্সন ফেজ অসিনা পর্সন-ইয়র লাখ 13.3দা হকথেংননা থবক পীবা ঙমগনি।
ক্বালিতী এস্যুরেন্স অমসুং মোনিতর তৌবা
ইনফ্রাস্ত্রকচরগী লোং-তর্ম সস্তেনেবিলিতী লৈহন্নবা, পেমেন্তশিং পাংথোক্ত্রিঙৈদা অহুমশুবা পার্তীনা ইন্সপেক্সন তৌদুনা, JJMনা ক্বালিতী কন্সত্রক্সন অমসুং মেতরিএলশিংদা মীৎয়েং থম্লি। মিসন অসিদা সেন্সরদা য়ুম্ফম ওইবা ঈশিং সপ্লাই মেজরমেন্তগীদমক আই ও তি সোল্যুসনশিং, পান্দম চেনবা দেলিভরীগীদমক আধার লিঙ্কিং, অমসুং এসেতশিংগী জিও-তেগিংগুম্বা এদভান্স তেক্নোলোজীশিংসু য়াওরি। ওনলাইন JJM দেশবোর্দ' অমসুং মোবাইল এপ্লিকেসনগী খুত্থাংদা ত্রান্সপরেন্সী অমসুং ইফেক্তিব মোনিটরিং লৈহন্দুনা রিএল-তাইমগী প্রোগ্রেস অপদেৎশিং ফংহল্লি।
সোর্স: https://ejalshakti.gov.in/WQMIS/
খুঙ্গংগী কম্ম্যুনিতীশিংগী মরক্তা মপু ওইবগী ৱাখল্লোন অমা পোকহন্নবা, JJM না খুঙ্গংগী থাক্তা প্লান্নিং অমসুং ঈশিং সপ্লাইগী ৱারেপ পুম্নমক্তা কম্ম্যুনিতীনা শরুক য়াবদা মরুওইবা পীরি। মিসন অসিগী মখাদা পায়খৎলিবা থবকশিংগী মনুংদা মখাগীশিং অসি য়াওরি:
- ঈশিং সপ্লাই সিস্তেমশিং মেনেজ তৌনবগীদমক্তা নুপী মেম্বরশিংগী য়ামদ্রবদা চাদা 50 অমসুং লাপথোক্লবা কম্ম্যুনিতীশিংগী মীহুৎশিং য়াওবা ভিলেজ ৱাতর এন্দ সেনিতেসন কম্মিতী (VWSC) লাখ 5.32 শেম্বা।
- খুঙ্গং খুদিংগী নুপী মঙাদা ফিল্দ তেস্ত কিৎ (FTK) শীজিন্নদুনা ঈশিংগী সেম্পল চাংয়েং তৌনবা ত্রেনিং পীবা। 2024-25 ফাওবদা, নুপী লাখ 24.64 ত্রেনিং পীখ্রে অমসুং সেম্পল লাখ 54.20 হেন্না তেস্ত তৌখ্রে।
- ঈশিং সপ্লাই সিস্তেমশিং প্লান তৌবা, ইমপ্লিমেন্ত তৌবা, মেনেজ তৌবা অমসুং মেনতেনেন্স তৌবদা কম্ম্যুনিতীনা শরুক য়াবা য়াহন্নবা NGO 14,000, ভোলুন্তরী ওর্গনাইজেসনশিং, নুপীগী সেল্ফ হেল্প গ্রুপশিং অমসুং কম্ম্যুনিতীদা য়ুম্ফম ওইবা ওর্গনাইজেসনশিংবু ইমপ্লিমেন্তেসন সপোর্ত এজেন্সীশিং (ISA) ওইনা শরুক য়াহনবা।
সোর্স: https://pib.gov.in/PressReleasePage.aspx?PRID=2042989
শীংনবশিং অমসুং সোল্যুসনশিং
মিসন অসিনা অকক্নবা মফম খরদা থাজবা য়াবা ঈশিংগী হৌরকফম লৈতবা, গ্রাউন্দৱাতর কন্তামিনেসন, খুদোংচাদবা জিওগ্রাফিকেল তেরেন, খুঙ্গংগী য়ুমশিং লন্না তাবা, অমসুং স্তেতুতরী ক্লিয়রেন্সশিং ফংবদা থেংথবা অসিনচিংবা শীংনবা কয়া থেংনরি। শীংনবশিং অসি থেংননবা, ভারত সরকারনা তোঙান তোঙানবা খোঙথাং কয়া লৌখৎলি। মসিগী মনুংদা শেল-থুম মন্ত্রালয়গী খুত্থাংদা শেলগী তেংবাং পীবা, কেন্দ্রগী মন্ত্রালয়শিংগা চৎমিন্ননবা নোদেল ওফিসরশিং খনবা, স্তেত অমসুং দিস্ত্রিক্ত প্রোগ্রাম মেনেজমেন্ত য়ুনিৎশিং লিংখৎপা, অমসুং খুঙ্গংশিংগী থাক্তা হৈ-শিংলবা মীওইশিং লৈহন্নবা 'নল জল মিত্র প্রোগ্রাম' পায়খৎপা য়াওরি।
জল শক্তি অভিয়ান: কেৎচ দি রেন
সস্তেনেবল ৱাতর মেনেজমেন্তকী মরুওইবা খঙলদুনা, জল শক্তি অভিয়ান: কেৎচ দি রেন (JSA: CTR) কেম্পেন অসি 2019দা হৌদোকখি, মসিনা মীয়ামনা শরুক য়াদুনা ঈশিং য়োকশিনবদা মীৎয়েং থম্লি। 2023দা, কেম্পেন অসিনা 'থক্নবা ঈশিংগী সোর্স সস্তেনেবিলিতী'দা মীৎয়েং থমখি অমসুং 2024দা, ঈশিং য়োকশিনবদা নুপীশিংগী মরুওইবা থৌদাং অদু ময়েক শেংনা উৎতুনা, মসি 'নরি শক্তি সে জল শক্তি' হায়বা থিমগা লোয়ননা ইমপ্লিমেন্ত তৌখি।
মিসনগী মখাদা খুমাং চাউশিনবা (ওক্তোবর 6, 2024 ফাওবদা)
লৈবাক অসিগী খুঙ্গংগী ইমুং করোর 15.19 (78.58%) দা তোতি ঈশিংগী কন্নেক্সন ফংহনখ্রে।
হর গার জল ইনিসিএতিবকী খ্বাইদগী নৌবা স্তেতসনা উৎলি মদুদি জিলা 165না মখোয়গী প্রোগ্রেসকী রিপোর্ত তৌখ্রে (ৱাতর সপ্লাই দিপার্তমেন্তনা কনফার্ম তৌখিবগী মতুং ইন্না য়ুমথোং খুদিংমক্তা, স্কুলশিং অমসুং অঙ্গনৱাদি সেন্তরশিংদা তেপ ৱাতর সপ্লাই তৌরি হায়বা তাক্লি) । মসিগী মনুংদা 97না সর্তিফিকেৎ তৌখ্রে (ৱাতর সপ্লাই ভেরিফিকেৎ তৌরবা মতুংদা গ্রাম সভাগী রিজোলুসন পাস তৌখ্রে) । ব্লোকশিংগী ওইনা, 1,805না রিপোর্ত তৌখ্রে, অমসুং 835না সর্তিফিকেৎ তৌখ্রে। পঞ্চায়ত থাক্তা, মীওই 1,13,085না রিপোর্ত পীখ্রে অমসুং মীওই 73,518না সর্তিফিকেসন ফংখ্রে। খুঙ্গংশিংগী ওইনা, মীওই 2,40,076না রিপোর্ত তৌখ্রে, অমসুং মীওই 1,39,022না ইনিসিএতিব অসিগী মখাদা সর্তিফাইদ তৌখ্রে।
ভারত সরকারনা জপানিজ এন্সেফলাইতিস (JE) -এক্যুত এন্সেফলাইতিস সিন্দ্রোম (AES) না শোকহল্লবা দিস্ত্রিক্তশিংদা জল জীবন মিসনগী মখাদা ইমুং খুদিংমক্তা থক্নবা ঈশিং ফংহন্নবদা অহেনবা মীৎয়েং থম্লি। JE-AES ৱাতর ক্বালিতীনা শোকহল্লবা লমদমশিংদা য়ুমথোং করোর 2.35 হেনবা (79.21%)দা অরুবা তেপ ৱাতর ফংহল্লি।
রাজ্য/য়ু.তি. 11, গোৱা, এ. অমসুং এন. আইলেন্দস, দদ্রা অমসুং নগর হাভেলী অমসুং দামন দিয়ু, হরিয়ানা, তেলঙ্গনা, পুদুচেরী, গুজরাত, হিমাচল প্রদেশ, পঞ্জাব, মিজোরাম, অমসুং অরুনাচল প্রদেশনা খুঙ্গংগী ইমুং খুদিংমক্তা তেপ ৱাতর কন্নেক্সন ফংহনখ্রে (100%)।
ঙসি ফাওবদা স্কুল 9,29,805 অমসুং অঙ্গনৱাদি সেন্তর 9,66,805 দা তোতি ঈশিংগী সপ্লাই ফংহনখ্রে
ৱারোইশিন
লোইশিল্লকপদা, জল জীবন মিসন্না মাংজৌননা পান্দম থমখিবা অদু ফংনবগী মায়কৈদা চাউনা খুমাং চাউশিল্লি। ভারতকী খুঙ্গংগী য়ুমথোং খুদিংমক্তা ফঙ্কস্নেল তেপ ৱাতর কন্নেক্সন ফংহন্নবা পান্দম থম্লি। হৌজিক্তি য়ুমথোং করোর 15.19গী মথক্তা, মশিং য়াম্লবা স্কুল অমসুং অঙ্গনৱাদি সেন্তরশিংদা থক্নবা ঈশিংগী রিলাইএবল এক্সেসকী কান্নবা লৌদুনা, মিসন অসিনা মরুওইবা মওংদা খুঙ্গংগী লমশিংদা পুন্সি মহিংগী ক্বালিতী ফগৎহল্লি। ইনিসিএতিব অসিনা ঈশিংগী অৱাবা কোকহনবতা নত্তনা শক্তিসু পীরি মরু ওইনা ঈশিং শোকপগী পোৎলুম লাইথোক্তুনা অমসুং পব্লিক হেল্থ আউৎকমশিং ফগৎহল্লি। মিসন অসিনা কম্ম্যুনিতীগী শরুক য়াবা, সস্তেনেবিলিতী, অমসুং তেক্নোলোজিকেল ইন্নোভেসন্না মাগী লোং-তর্ম ভিজনবু মপাঙ্গল কনখৎহল্লি। মিসন অসিনা খুমাং চাউশিল্লকপগা লোয়ননা, ভারতকী খুঙ্গংগী পুন্সিদা অহোংবা পুরকপা অমসুং হেন্না হকচাং ফবা, হেন্না থোং মান্নবা তুংলমচৎ অমা শেগৎলি।
রিফরেন্সশিং:
- https://pib.gov.in/PressNoteDetails.aspx?NoteId=151017&ModuleId=3
· https://pib.gov.in/PressNoteDetails.aspx?NoteId=150994&ModuleId=3
- https://jaljeevanmission.gov.in/
· https://pib.gov.in/PressReleasePage.aspx?PRID=2042989
- https://ejalshakti.gov.in/jjm/citizen_corner/villageinformation.aspx
· https://ejalshakti.gov.in/jjmreport/JJMIndia.aspx
- https://pib.gov.in/PressNoteDetails.aspx?NoteId=152025&ModuleId=3®=3&lang=1
*****
(Release ID: 2062767)
Visitor Counter : 19