ঙসি গুৱাহাতিদা কেন্দ্রগী লেবর অমসুং এমপ্লোয়মেন্তকী রাজ্য মন্ত্রী সুশ্রি শোভা করন্দলাজেনা অৱাং-নোংপোক্কী রাজ্য নিপান হায়বদি অরুনাচল প্রদেশ, আসাম, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরাগা লোয়ননা রিজনেল কনফরেন্স হৌদোকখ্রে। মসি কোওপরেতিব ফেদরেলিজমগী স্পিরিৎতা রাজ্যশিং/য়ু.তি.শিংগা লোয়ননা লেবর অমসুং এমপ্লোয়ই]মেন্ত মন্ত্রালয়না থৌরাং তৌরিবা রিজনেল মীফম তরুক্কী পরিংদা তরুকশুবা রিজনেল ৱার্কশোপনি।

মীফম অদুদা লেবর রিফোর্মশিং, এমপ্লোইমেন্ত লিঙ্ক ইন্সেন্তিব (ELI) স্কিম, ই-শ্রম-ৱান স্তোপ সোলুসন অমসুং বিল্দিং ‌এন্দ অদর কন্সত্রক্সন ৱার্করশিং (BoCW), ক্বালিতী এমপ্লোইমেন্ত জেনরেসন অমসুং দেতা শেয়রিংগী মতাংদা খন্ন-নৈনখি।

মহাক্কী ৱারোলদা কেন্দ্রগী লেবর অমসুং এমপ্লোইমেন্তকী রাজ্য মন্ত্রী, সুশ্রি শোভা করন্দলাজেনা লেবর রিফোর্মশিং মায় পাক্না পায়খৎপদা রাজ্যশিংনা লৌরিবা মরুওইবা থৌদাং অদুদা অকনবা ৱাফম থমখি মসিনা শিন্মীশিংদা সোসিএল সেক্যুরিতী ফংহনবা, ৱেলফেয়রগীদমক সেস শীজিন্নবা অমসুং মাইগ্রেন্ত শিন্মীশিংদা সোসিএল সেক্যুরিতীগীদমক BoC ৱার্করশিংদা সোসিএল সেক্যুরিতী পীরি। কোদশিংগী মখাদা লৈবা স্তেৎকী কাংলোনশিংদা লৈরিবা অৱাৎপা অমসুং খেন্নবা অদু কোকহনবা অমসুং পুন্না চৎমিন্নদুনা মাংলোমদা চংশিনবগী লম্বী শেম্বা অসি য়াম্না মরু ওই। মহাক্না শরুক য়ারিবা রাজ্য পুম্নমকপু মখোয়গী কাংলোনশিং অসি লেবর রিফোর্মশিংদা থম্লিবা অপুনবা মীৎয়েং অদুগা চান্নহন্নবা পুক্নিং থৌগৎখি।

মীফম অদুগী মতাংদা খন্ন-নৈনবদা লেবর অমসুং এমপ্লোইমেন্ত মন্ত্রালয়গী সেক্রেতরী শ্রীমতি সুমিতা দোরানা লেবর সেক্তরদা রিফোর্ম তৌবদা "হোল ওফ গবর্নমেন্ত" থৌওং অমা লৌখৎপগী মরুওইবা অদু অমুক হন্না ফোংদোকখি। মহাক্না রাজ্য/য়ু.তি.শিংগী চৎন-কাঙলোনশিং লেবর কোদশিংগা চান্নহন্নবা অমসুং থবক ফংহন্নবগী দেতা লৌশিনবা অমসুং শেয়র তৌনবগী ইফিসেন্ত সিস্তেমশিং শেমগৎপগী মরুওইবা অদু পনখি। মহাক্না এমপ্লোয়ীশিংগী মরক্তা ফাইনান্সিএল লিটরেসীগী এস্পেক্ত অদুগা লোয়ননা রাজ্যশিংদা এমপ্লোইমেন্ত লিঙ্কইন্সেন্তিব (ELI) স্কিম মীয়ামদা খঙহনবগী মতাংদসু অকনবা ৱাফম থমখি।

শ্রীমতী রাজ্যশিংগী মরক্তা চৎন-কাঙলোনশিং মান্নহনবা অমসুং মান্ননা চৎনহনবা অসি ইচম চম্বা মওংদা চৎনহন্নবা অমসুং অশোয়-অঙাম থোকহন্দনবা মরু ওই অমসুং মসিনা এমপ্লোয়রশিং অমসুং এমপ্লোয়িশিং অনিমক্না মখোয়গী হকশিং অমসুং থৌদাংশিং অদু ময়েক শেংনা খঙহনবদা মতেং পাংগনি হায়না কুমারি দোরানা ফোংদোকখি। লেবর রিফোর্মশিং চৎনহন্নবা রাজ্যশিং অমসুং কেন্দ্র সরকারনা হেন্না চাউনা মতেং পাংমিন্নবা অমসুং কন্সলতেতিব এপ্রোচ অমা লৌখৎপা মথৌ তাই হায়না মহাক্না মখা তাখি।

ই-শ্রম পোর্তেল অসি ৱান স্তোপ সোলুসন অমা ওইনা শেমগৎনবা অমসুং মতম চানা অমসুং চাং নাইনা এমপ্লোইমেন্ত রিতর্নশিং অপদেত তৌনবা য়াম্না মথৌ তারিবা তু-ৱে ইন্তিগ্রেসন প্রোসেস অসিদা রাজ্যশিংদা প্রোএক্তিব ওইবা থৌওং অমা লৌখৎনবা হায়খি। BoCWগী মরুওইবা ৱাফমশিংগী মনুংদা য়াইফ-থৌরাংগী কভরেজ পাকথোক চাউথোকহনবা, ওদিৎশিং পাংথোকপা অমসুং ই-শ্রমগা লোয়ননা দেতা পুনশিন্নবা য়াওরি। মসিনা রেজিস্ত্রেসন হেনগৎহনগনি অমসুং মরী লৈনবা সেন্ত্রেল গবর্নমেন্তকী য়াইফ-থৌরাংগী স্কিমশিংগী সেচুরেসন অমসুং পোর্তেবিলিতী লৈহল্লগনি।

থবক পীবা, এমপ্লোইমেন্ত একচেঞ্জগী মোদর্নাইজেসন, এজুকেস্নেল ইন্সতিত্যুসনশিংগা লোয়ননা পার্তনরশিপ শেমগৎপা অমসুং ইন্দস্ত্রী কোলাবোরেসনগী মতাংদা খন্ন-নৈনখি। ESIC সর্ভিসশিং অসি খ্বাইদগী ফবা ইনফ্রাস্ত্রকচর শীজিন্নদুনা ফগৎহনবা, স্তেৎ ESIC সোসাইতীশিং শেম্বা অমসুং ফন্দ ফ্লো অসি স্ত্রিমলাইন তৌবদা অকনবা ৱাফম থমখি। EPFO অমসুং ESIC গী রিজনেল ওফিসশিংনা পেন্দিং ইসুশিং অসি কোকহন্নবা রাজ্যশিং/য়ু.তি.শিং অমসুং এমপ্লোয়রশিংগা চাং নাইনা মীফম পাংথোক্কনি।

রাজ্যশিং অমসুং লেবর অমসুং এমপ্লোইমেন্ত মন্ত্রালয়, EPFO অমসুং ESIC.গী ওফিসিএলশিংগী মরক্তা তোঙান-তোঙানবা রাজ্যশিংগী ৱাফমশিং খন্ন-নৈনখি, ৱাহংশিংগী পাউখুম পীখি, অমসুং তুংগী থবকশিংগীদমক্তা পাউতাকশিং লৌখি।

তোঙান তোঙানবা রাজ্যশিংগী খ্বাইদগী ফবা থবকশিংসু শরুক য়াখি। অসাম অমসুং সিক্কিমগী লেবর সেক্রেতরীশিংনা মথংশিৎনা BOC শিন্মীশিংগীদমক শেমগৎপা পোর্তেল অমসুং মোবাইল এপকী দেমো উৎখি।

মীফম অসিনা অৱাং-নোংপোক্কী রাজ্যশিং অমসুং ভারত সরকারগী মরক্তা মপাঙ্গল কনখৎহন্নবা, থবক ফংহন্নবা অনৌবা লম্বীশিং হাংদোক্নবা অমসুং শিন্মীশিংগী য়াইফ-থৌরাং ফংহন্নবা মরুওইবা খোঙথাং অমনি।

লেবর অমসুং এমপ্লোইমেন্ত এদভাইজর, শ্রী অলোক চন্দ্রানা রাজ্যশিংগী মীহুৎশিংবু রিজনেল মীফম অসি মায় পাক্না পাংথোক্নবগীদমক আসাম সরকারনা পীরিবা মতেং অমসুং শরুক য়াবগীদমক থাগৎপা ফোংদোকখি। রিজনেল ৱার্কশোপ অসিদা পীরিবা সজেসনশিং অসিনা স্তেকহোল্দরশিংদা কান্নবা পীগদবা তুংগী পার্তনরশিপ অমসুং ইনিসিএতিবশিংগীদমক য়ুম্ফম থোল্লগনি।

*****