ন্যু অমসুং রিন্যুএবল মন্ত্রালয়
ভারতকী রিন্যুএবল এনর্জী বুমঃ থবক পীবা অমসুং তুং কোইনা চৎপা য়াবা চাউখৎপা
ভারতকী রিন্যুএবল সেক্তরদা লৈবা থবক্কী চাং ২০২৩দা মিলিয়ন ১.০২ য়ৌখি
Posted On:
04 OCT 2024 12:36PM by PIB Imphal
হৌদোকপগী ৱারোল
ভারতকী রিন্যুএবল সেক্তরদা অচৌবা মায় পাকপা অমা ওইনা, থবকী অপুনবা মশীং অসি ২০২৩দা মিলিয়ন ১.০২ য়ৌখি হায়না ইন্তর্নেসনেল রিন্যুএবল এনর্জী এজেন্সী (ইরেনা)গী ২০২৪গী এনুএল রিভ্যুগী মতুং ইন্না হায়রি। গ্লোবেল রিন্যুএবল এনর্জী ৱার্কফোর্স অসিনা ২০২২দা মিলিয় ১৩.৭ লৈরম্বদগী মিলিয়ন ১৬.২দা হাইগৎলকখি। ইন্তর্নেসনেল লেবর ওর্গানাইজেসন (ILO) গা খুৎশম্নদুনা পুথোকপা রিপোর্ত অসিনা ভারতনা ক্লিন এনর্জীদা লুচিংবা ওইনা হৌগৎলক্লিবা অমসুং শেন্মিৎলোনগী চাথোক পুরিবা গ্রীন জোব শেম্বদা মীৎয়েং থম্লিবা অসিবু পল্লি।
ভারত্তা রিন্যুএবল এনর্জীনা চাউখৎলকপগা লোইননা, শেন্মিৎলোন ফগৎহনবদা নত্তনা মসিনা মীওই কয়াগী পুন্সিগী লম্বীসু পীরি। সেক্তর অসিনা হেন্না ফবা তুংলমচৎ অমা শেম্বদা অচৌবা থৌদাং লৌদুনা ভারতনা এনর্জীদা নীংতম্বা ফংনবগী অমসুং লৈবাক শীনবা থুংবদা থবক্কী অনৌবা মফম অমা হাংদোক্নবা হোৎনরিবসিগী মায়কৈদা শৌগৎলি।
ইরেনাগী রিন্যুএবল এনর্জী অমসুং থবক্কী সেরিসগী শম্লপ্পা
ইরেনা রিন্যুএবল এনর্জী অমসুং জোব সেরিজনা রিন্যুএবল এনর্জী সেক্তরগী মনুংদা থবক্কী ত্রেন্দ অমা পীরি। মসিনা মালেমগী রিন্যুএবল এনর্জী তেক্নোলোজীগী ফিভম য়েংশিল্লি অমসুং ভারত য়াওনা লৈবাক কয়াগী ইমপ্লোইমেন্ত নৈনৈ। রিপোর্ত অসিনা রিন্যুএবল এনর্জী দিপ্লোইমেন্ত, ইন্দস্ত্রিএল গ্রোথ, অমসুং লেবর মার্কেতকী থৌরাংশিংগা মরী লৈনবা থবক পীবদা শাফু পীরিবা পব্লিক অমসুং প্রাইবেত সেক্তর পোলিসীশিং নৈনৈ। রিন্যুএবল এনর্জীদা লৈরিবা এজুকেসন, অচংবা স্কিল, অমসুং ৱার্কফোর্স অসি য়াম্না অকক্নবা ওই, সেরিজ অসিনা অচুম্বা অমসুং পুম্নমকপু কোনশিনবা ঙম্বা এনর্জী ত্রাঞ্জিসনগী অফবা থবক অমা চঙলি হায়না ফোংদোক্লি।
সেরিজ অসিগী চেফোং খুদিংদা খ্বাইদগী নৌবা দেতাশিং য়াওরি, মসিনা এনর্জী সেক্তরদা লৈরিবা ইমপ্লোইমেন্ত, ৱার্কফোর্স্তা লৈবা জেন্দর ইক্বিতী, অমসুং অচুম্বা মওংদা হোংদোক্নবগী দিমান্দশিংগা মরী লৈনবা হীরমশিংদা মীৎয়েং থম্লি। ২০১১দগী হৌদুনা, হায়রিবা সেরিজ অসিনা ইরেনাগী রিন্যুএবল এনর্জী বেজ ত্রাঞ্জিসনগী সোসিও একনোমিক ইফেক্তশিংদা থবক পেবা, লোকেল কেপাসিতী শাগৎপা, নুপীশিংনা সেক্তর অসিদা শরুক য়াবা, অমসুং এজুকেসন অমসুং ত্রেনিংগী খুদোংচাবগুম্বা হীরমশিং য়াওদুনা শরুক অমা ওইরি। রিফপোর্ত অসিনা ২০৫০ ফাওবদা থবক, GDP, অমসুং মীওইবা খুনাইগী য়াইফনবা হোৎনবদা রিন্যুএবল এনর্জীনা পীরিবা শাফুশিং ২০৫০ ফাওবগী প্রোজেক তৌদুনা নৈনরি।
২০২৪ রিপোর্তকী মরুওইবা ফংলকপশিং
* ২০২৩দা ভারতনা মিলিয়ন ১.০২গী রিন্যুএবল এনর্জী জোব লৈখ্রে।
* হায়দ্রোপাৱর অসি ভারত্তা রিন্যুএবল সেক্তরদা খ্বাইদগী চাউবা ইমপ্লোইয়র ওইরম্মি, মসিনা থবক ৪৫৩,০০০ গী থবক পীরম্মি, অমসুং মালেমগী অপুনবগী ২০% কন্দুনা চাইনাগী হেক মথংদা অনিশুবদা লৈরম্মি।
* ভারত্তা সোলার পি.ভি. সেক্তরনা গ্রিদ অমসুং ওফ গ্রেদ সিস্তেমদা মীওই ৩১৮,৬০০ থবক পীখি। ২০২৩দা ভারতনা সোলার পি.ভি. কেপাসিতী ৯.৭ GW হাপচিনখি অমসুং মালেমগী ওইনা অনৌবা ইন্সতোলেসন অমসুং ক্যুমুলেতিব কেপাসিতীগীদমক মঙাশুবদা লৈখি, মসিনা চহি লোইরকপদা ৭২.৭ GW য়ৌখি।
* ভারতকী ওপরেসনেল মোদ্যুল মেন্যুফেকচরিং কেপাসিতী অসি ২০২৩দা ৪৬GW দা লৈখি, মসি ২০২৪দা ৫৮ GW য়ৌগনি হায়না পারি। মসিগা মান্ননা, সেল মেন্যুফেকচরিং কেপাসিতী অসি ২০২৩দা ২৬ GW ওইখি অমসুং মসি ২০২৪দা ৩২ GW য়ৌগনি হায়না পারি, মসিনা চাইনাগী মতুংদা মালেমগী ওইনা PV শাবা অনিশুবা খ্বাইদগী চাউবা ওইগনি।
* ইরেনাআ ২০২৩দা ভারত্তা গ্রিদ কনেক্তেদ সোলার PV ২৩৮,০০০ হায়না পাখি, ২০২২ দগী ১৮% হেনগৎলে। মীওই ৮০,০০০ লোম ওফ গ্রিদ সোলার সেক্তরদা থবক তৌখি।
* ভারত্তা ৱিন্দ পাৱর কেপাসিতী ২০২৩দা ৪৪.৭ GW লৈদুনা মালেমদা মরিশুবা মফমদা লৈখি। লৈবাক অসিনা ২০২৩ দা ৱিন্দ কেপাসিতী ২.৮ GW হাপখি, মসিনা চহি মঙাগী তপথরবা গ্রোথ লৈদুনা মতীক চানা হেনগৎখি।
* ভারতকী ৱিন্দ সেক্তরনা ২০২৩দা চাউরাক্না মীওই ৫২,২০০ দা থবক পীখি, মসিদা ওপরেসন অমসুং মেন্তেনেন্সকী ৪০% অমসুং শেমগৎ শাগৎপগী ৩৫% য়াওরি।
ভারত্তা রিন্যুএবল এনর্জীগী থবক (২০২৩)
২০২৩দা ভারতকী রিন্যুএবল এনর্জী সেক্তরদা মীওই ১.০২ মিলিয়ন থবক পীখিবগী মনুংদা হায়দ্রোপাৱর অমসুং সোলার ফোতোভোলতেকনা লনাই মীওই খ্বাইদগী য়াম্না থবক পীদুনা খ্বাইদগী চাউবা কন্ত্রিব্যুতরশিং ওইখি। মসিগী মথক্তা, ৱিন্দ পাৱরনা থবক ৫২,০০০ পীখি, লিক্বিদ বাইওফ্যুলনা ৩৫,০০০ অমসুং সোলিদ বাইওমাসনা থবক ৮৫,০০০ পীখি। সোলার হিতিং অমসুং কুলিং সেক্তরনা মীওই ১৭,০০০ থবক পীখি, অদুগা বাইওগ্যাসনা থবক ৮৫০০০ পীদুনা সেক্তর অসিদা থবক পীবা ঙম্বগী শক্তি অদু উৎখি।
রিন্যুএবল রিসোর্সতগী শুংখিবা চহিগী ইলেক্ত্রিসিতী
ভারতনা রিন্যুএবল এনর্জীদা কত্থোক্লকখিবা অসি চহি খরা অসিদা উখিবা চহিগী মৈ শুংবগী ত্রেন্দনা তাক্লি। হৌখিবা চহি মরিদা লৈবা ফিভম মখাদা উৎলিঃ
|
চহি
|
রিন্যুএবল এনর্জী ইলেক্ত্রিসিতী শুংখিবা (বিলিয়ন য়ুনিত্তা
|
অপুনবা ওইনা RE দা লৈবা চাদা য়েন্থোকপা
|
|
২০২১-২২
|
৩৩০.০৩
|
২২.১২%
|
|
২০২২-২৩
|
৩৭২.৩৯
|
২২.৯২%
|
|
২০২৩-২৪
|
৩৬৪.৬০
|
২০.৯৬%
|
|
২০২৪-২৫ (মে ২০২৪ ফাওবা)
|
৬১.৮৪
|
১৯.১৯%
|
মরুওইবা লৈঙাক্কী থৌরাংশিং
ভারতনা তোঙান-তোঙানবা থৌরাং কয়াগা লোইননা তুং কোইনা চৎপা য়াবা তুংগী এনর্জীদা হোংনবা খোঙজেল য়াঙনা চংশিল্লি। মরুওইবা থৌরাংশিংদা নেসনেল গ্রীন হায়দ্রোজেন মিসন, PM-KUSUM, পি.এম. সুর্য় ঘর, অমসুং সোলার পি.ভি. মোদ্যুলদা পি.এল.আই. স্কিমশিং য়াওরি। হায়রিবা থৌরাংশিং অসিনা রিন্যুএবল এনর্জী ফগৎনবা হোৎনবদা নত্তনা মতীক চাবা থবক পীবগী খুদোংচাবসু য়াওরি।
নেসনেল গ্রীন হায়দ্রোজেন মিসন
ন্যু অমসুং রিন্যুএবল এনর্জীনা গ্রীন হায়দ্রোজেন মিসন চঙশিল্লি, মসি কেন্দ্রগী কেবিনেতনা জনুৱারী ৪, ২০২৩দা লুপা করোর ১৯,৭৪৪ গী আউৎলেগা লোইননা অয়াবা পীখি। মিসন অসিগী মরুওইবা পান্দমদি ভারতপু গ্রীন হায়দ্রোজেন অমসুং মসিদগী ফংবা পোৎলমশিং পুথোকপা, শীজিন্না অমসুং মপান্দা থাদোকপদা মালেমগী হব অমা ওইহনবনি।
মিসন অসিনা ইন্দস্ত্রী, মোবিলিতী অমসুং এনর্জী য়াওনা তোঙান-তোঙানবা সেক্তরশিং দিকার্বোনাইজ তৌদুনা পাক চাউরবা শেন্মিৎলোনগী কান্নবা পীবনি। মসিনা লৈবাক অসিনা মপান্দগী পুশিল্লকপা ফোসিল ফ্যুলশিংদা তাংজবগী চাং হন্থনবা হোৎনরি, অদুগা লমদম অসিদা শাজবা পোৎলমশিং হেনগৎনবা হোৎনরি। মসিগী মথক্তা, মিসন অসিনা ভেল্যু চেন্দা থবক্কী খুদোংচাবা কয়া শেম্নবা হোৎনরি অমসুং অনৌবা তেক্নোলোজী কয়া লৈবাক অসিদা পুশিল্লক্নবা হোৎনরি।
মিসন অসিনা অনৌবা ইকোসিস্তেম অমা শেমগৎতুনা মশীং য়াম্লবা থবক পীনবা হোৎনরি, মসিদা গ্রীন হায়দ্রোজেনগা মরী লৈনবা তেক্কনোলোজীশিং শীজিন্নগনি। ২০৩০ ফাওবদা গ্রীন হায়দ্রোজেন মিলিয়ন মেত্রিক তন ৫ পুথোক্নবা পান্দম থম্বা, মপান্দা থাদোক্নবগীদমক মসিবু এম.এম.তি. ১০দা হেনগৎনবা হোৎনবগা লোইননা, মিসন অসিনা তুং কোইনা চৎপা য়াবা থবক পীনবা পান্দম থম্লি। থৌরাং অসিনা ভারতকী এনর্জী ত্রাঞ্জিসন্দা মরুওইবা অমা ওইবদা নত্তনা রিন্যুএবল এনর্জী ৱার্কফোর্স হেনগৎনবা হোৎনবদা মরুওইবা অমা ওইবগা লোইননা সেক্তর অসিদা থবক পীবা য়াবগী চাং হেনগৎকনি।
PM KUSUM
লৈঙাক অসিনা মার্চ ২০১৯দা PM-KUSUM স্কিম হৌদোকখি, মসিনা লৌমীশিংদা এনর্জীস অমসুং ঈশিং পীবগী পান্দমদা জনুৱারী ২০২৪দা চাউবা হেনগৎহন্দুনা মখোয়গী চাগা হেনগৎহনলে, ফার্ম সেক্তর ফগৎহল্লে, অমসুং অকোইবদা ফত্তবা থাদোকপগী চাং হন্থহল্লে।
PM KUSUM স্কিম অসিদা মখাগী মচাকশিং অসি য়াওরিঃ
মচাক কঃ লৌমীশিংনা মখোয়গী লমশিংদা দিসেন্ত্রেলাইজ গ্রাউন্দ/স্তিল্ত মাউতেদ গ্রীদ শম্নরবা সোলার নৎত্রগা পাৱর প্লান্ততা য়ুম্ফম ওইবা রিন্যুএবল এনর্জীগী ১০,০০০ মেগাৱাত লিংখৎপা।
মচাক খঃ স্তেন্দ অলোন সোলার এগ্রিকলচর পম্প লাখ ১৪ লিংখৎপা।
মচাক গঃ ফীদর লেভেল সোলারাইজেসন য়াওনা গ্রীদ কন্নেক্তেদ এগ্রিকলচর পম্প লাখ ৩৫ সোলারাইজ তৌবা।
PM-KUSUM স্কিম্না মচাক খ অমসুং মচাক গগী মরক্তা তোৎশিন্নবা য়াহল্লি। হায়রিবা স্কিম অসিগী মচাক অহুম্মকনা অপুনবা ওইনা সেন্ত্রেল ফাইনান্সিএল সপ্পোর্ত ওইনা লুপা করোর ৩৪,৪২২ গা লোইননা মার্চ ২০২৬ ফাওবদা মেগাৱাত ৩৪,৮০০ কী সোলার কেপাসিতী হাপচিনগনি। স্কিম অসিনা হকথেংননা থবক পীনবগী শক্তি লৈ। হৌজিক ফংবা নৈনবগী ফলশিংগী মতুং ইন্না, অপীকপা সোলার কেপাসিতী MW ইন্সতোল তৌবা খুদিংগী চহিগী ২৪.৫০ থবক শেমগনি। মরম অসিনা, মশানা মশাগী থবক পীজবা হেনগৎলকপগী মথক্তা, স্কিম অসিনা স্কিল অমসুং অনস্কিল ৱার্করশিংগীদমক চহিগী থবক লাখ ৭.৫৫কা মান্নবা খুদোংচাবা পীগনি।
PM সুর্য় ঘরঃ মুফ বিজলি য়োজনা
পি.এম. সুর্য় ঘরঃ মুফ বিজলি য়োজনা অসি প্রধান মন্ত্রী নরেন্দ্র মোদীনা ফেব্রুৱারী ১৫, ২০২৪ দা হৌদোকখিবা অচৌবা থৌরাং অমনি। মসিনা ভারতকী এনর্জীগী ফিভম অসিবু য়ুম্থোং খুদিংদা লেম্না মৈ পীদুনা অহোংবা পুরক্নবা পান্দম থম্লি। অসিগুম্বা অচৌবা স্কিম অসিনা য়ুম্থোং খুদিংদা মখোয়গী য়ূম্থক্তা সোলার পেনেল হাপ্পগী অচঙবা শেলগী ৪০% সবসিদী কোনশিন্দুনা সোলার এনর্জী লৌনবা হোৎনরি। সোলার পাৱর পাক শন্না শীজিন্ননবা হোৎনবগা লোইননা, স্কিম অসিনা লৈবাক অসিদা লৈরিবা য়ুম্থোং করোর ১ দা কান্নবা পীনবা পান্দম থম্লি। মখা তানা মসিনা চহি খুদিংগী মৈগী অচঙবা শেলদা লুপা করোর ৭৫,০০০ লোম লৈঙাক্না কন্নবা পারি। অসিগুম্বা থৌরাং অসিগী মখাদা লৈঙাক অসিনা মীপুম খুদিংগী তুং কোইনা চৎপা এনর্জী পীনবা লেপ্লি।
পি.এম. সুর্য় ঘরঃ মুফ বিজলি য়োজনা অসিনা শরুক য়ারিবা য়ুম্থোংশিংদা কান্নরবা খুদোংচাবা কয়া পীরিঃ
- য়ুম্থোং খুদিংগী লেম্না মৈ ফংহনবাঃ স্কিম অসিনা সবসিদি পীরবা য়ুম্থক্তা সোলার পেনেল খিন্দুনা লেম্না মৈ ফংহন্দুনা মখোয়গী এনর্জীগী অচঙবা শেল চাউনা হন্থহন্নবা হোৎনরি।
- লৈঙাক্কী হন্থরবা ইলেক্ত্রিসিতীগী অচঙবা শেলঃ সোলার পাৱর পাক শন্না শীজিন্নদুনা স্কিম অসিনা লৈঙাক্কী মফমদা ইলেক্ত্রিসিতীগী অচঙবা শেনফম লুপা করোর ৭৫,০০০ লোম কন্নবা হোৎনরি।
- রিন্যুএবল এনর্জী শীজিন্নবা হেনগৎপাঃ স্কিম অসিনা রিন্যুএবল এনর্জী শীজিন্নবা হেনগৎহন্দুনা ভারত্তা তুং কোইনা চৎপা অকোইবদা কায়দবা এনর্জী পুথোকপদা হেনগৎহনগনি।
- কার্বোন থাদোকপা হন্থহনবাঃ স্কিম অসিগী মখাদা সোলার এনর্জীদা ওন্থোকপনা কার্বোন ইমিসন হন্থহন্দুনা ভারতনা কার্বোন ফুৎপ্রিন্ত হন্থহন্নবা হোৎনরিবা অসিদা শৌগৎলি।
স্কিম অসিনা মেন্যুফেকচরিং, লোজিস্তিক্স, সপ্লাই চেন, সেলস, ইন্সতোলেসন, ওপরেসন অমসুং মেন্তেনেন্স (O&M) অমসুং অতৈ সর্ভিসশিং য়াওনা তোঙান-তোঙানবা সেক্তরশিংদা হকথেংননা থবক লাখ ১৭ পীদুনা লৈবাক অসিদা থবক অমসুং শেন্মিৎলোন চাউখৎপা হেনগৎহনগনি।
PLI স্কিমঃ হায় ইফিসেন্সি সোলার PV মোদ্যুলগী নেসনেল প্রোগ্রাম
ন্যু অমসুং রিন্যুএবল এনর্জী মন্ত্রালয়, ভারত সরকারনা হায় ইফিসেন্সি সোলার PV মোদ্যুলগী প্রদক্সন লিঙ্ক ইন্সেন্তিব (PLI) স্কিম চলাইদুনা সেক্তর অসিদা লুপা করোর ২৪,০০০গী আউৎলেগা লোইননা গিগা ৱাত (GW) স্কেল মেন্যুফেকচরিং কেপাসিতী ফংনবা পান্দম থম্লি। সোলার PV পুথোকপশিং খনবগী থবকসু মনুং মপান ফাওনা উবা মওংদা পাঙথোক্কনি। স্কিম অসিদা খল্লবা সোলার পি.ভি. মোদ্যু পুথোকপশিংগী প্রদক্সন লিঙ্ক ইন্সেন্তিব (পি.এল.আই.)গী চহি মঙাগী প্রোভিজন য়াওরি, মসি মেন্যুফেকচরর অমসুং হায় ইফিসেন্সী সোলার পি.ভি. মোদ্যুল য়োনবদা মখা পোনগনি।
স্কিমসিনা ভারত্তা হায় ইফিসেন্সী সোলার PV মোদ্যুল পুথোক্নবা ইকোসিস্তেম অমা শেমগৎতুনা রিন্যুএবল এনর্জীগী লমদা মপান্দগী পোৎ চৈ পুশিল্লকপা হন্থনবা হোৎনবনি। স্কিমসিগী পান্দমদা মখাগীশিং অসিসু য়াওরিঃ
- হায় ইফিসেন্সি সোলার PV মোদ্যুল পুথোকপগী কেপাসিতী শাগৎপা।
- হায় ইফিসেন্সি মোদ্যুল পুথোকপদা খ্বাইদগী নৌবা তেক্নোলোজী চিংশিনবা।
- ইন্তিগ্রেতেদ প্লান্তশিং লিংখৎতুনা ক্বালিতী কন্ত্রোল অমসুং কম্পিতিতিবনেস হেনগৎহনবা।
- সোলার মেন্যুফেকচরিংদা লোকেলগী পোৎলমশিং শীজিন্নবগী ইকোসিস্তেম অমা শাগৎপা।
- থবক্কী খুদোংচাবশিং শুংবা অমসুং তেক্নোলোজীদা ইরোমদোম লেপচনবা হোৎনবা।
গ্রীন এনর্জী কোরিদোর (GEC)
গ্রীন এনর্জী কোরিদোর (GEC) থৌরাংনা লৈবাক অসিদা রিন্যুএবল এনর্জী প্রোজেক্তশিংগী ইন্ত্রা স্তেত ত্রান্সমিসন কোরিদোর অমা লিংখৎনবা পান্দম থম্লি। প্রোগ্রাম অসিনা অপুনবা ওইনা রাজ্য তরাদা GEC গী তাংকক অনিমক পুনশিন্দুনা রিন্যুএবল এনর্জী প্রোজেক্ততগী শুংলকপা মৈবু মতীক চানা পুথোক্নবগী তঙাইফদবা ত্রান্সমিসন ইনফ্রাস্ত্রকচর শেমগৎনবা সেন্ত্রেল ফাইনান্সিএল এসিস্তেন্স (CFA) পীরি।
- ইন্ত্রা স্তেত ত্রান্সমিসন সিস্তেম গ্রীন এনর্জী কোরিদোর ফেজ-১: হায়রিবা তাংকক অসি রিন্যুএবল মরাং কায়বা রাজ্য নিপান্দা চলাইরিঃ অন্ধ্র প্রদেশ, গুজরাত, হিমাচল প্রদেশ, কর্নাতাকা, মধ্য প্রদেশ, মহারাস্ত্রা, রাজস্থান, অমসুং তমিল নাদু। মরী লৈনবা স্তেত ত্রান্সমিসন য়ুতিলিতী (STU)না চলাইগনি, রাজ্য অদুদা রিন্যুএবল এনর্জী থাদোকপদা মীৎয়েং চঙদুনা কঞ্জুমরশিংদা য়ৌহন্নবা হোৎনগনি।
- ইন্ত্রা-স্তেত ত্রান্সমিসন সিস্তেম গ্রীন এনর্জী কোরিদোর ফেজ ২: হায়রিবা তাংকক অসিনা রাজ্য তরেতনা চলাইরিঃ গুজরাত, হিমাচল প্রদেশ, কর্নাতাকা, কেরলা, রাজস্থান, তমিল নাদু অমসুং উত্তর প্রদেশ। STU শিং অসিনা হায়রিবা ফেজ অসি চলাইবগী থৌদাং লৌগনি, মসিনা ত্রান্সমিসন কেপাসিতী হেনগৎহনগনি, রিন্যুএবল এনর্জী কেপাসিতী হেনগৎহনগনি অমসুং গ্রিদ স্তেবিলিতী হেনগৎহনগনি।
হায়রিবা কোরিদোরশিং অসি লিংখৎতুনা, GEC থৌরাংনা রিন্যুএবল এনর্জীবু নেসনেল গ্রিদতা হাপচিনগনি, এনর্জী প্রেক্তিস হেনগৎহনগনি, অমসুং ভারতকী এনর্জী সেক্যুরিতী অমসুং এনভাইরোন্মেন্তেল গোলশিংদা মতেং পাংগনি।
হ্যুমেন রিসোর্স দিবেলপমেন্ত
রিন্যুএবল এনর্জী সেক্তরগী হ্যুমেন রিসোর্স দিবেলপমেন্ত (HRD) স্কিম অসি ২০২১-২২ দগী ২০২৫-২৬ ফাওবগী মতম ফাওবা মখা চত্থগনি। মন্ত্রালয় অসিনা লৌখৎলিবা থৌরাং অসিগী মরুওইবা পান্দমদি রিন্যুএবল এনর্জী এজুকেসন অমসুং ত্রেনিং ইন্সতিত্যুসনেলাইজ তৌদুনা ক্বালিফাইদ ওইবা অমসুং স্কিল মেনপাৱরবু লৈবাক অসিদা লেপ্পা লৈতনা পীবনি। স্কিম অসিদা রিন্যুএবল এনর্জীগী শোর্ত তার্ম ত্রেনিং অমসুং স্কিল শেমগৎপা য়াওরি। হায়রিবা প্রোগ্রাম অসিগী মখাদা, HRD স্কিমনা ভারতকী তুংলমচৎকী এনর্জীদা হোংদোকপদা তঙাইফদবা স্কিল অমসুং লৌশিং পীনবা পান্দম থম্লি।
রিন্যুএবল এনর্জী সর্তিফিকেত (REC) মেকানিজম
রিন্যুএবল এনর্জী সর্তিফিকেত (REC) মেকানিজম অসি মার্কেত বেজ ওইবা ইন্সত্রুমেন্ত অমনি, মসি রিন্যুএবল এনর্জী শেমগৎনবা অমসুং রিন্যুএবল পর্চেজ ওব্লিগেসন (RPO) গা চুননবা হোৎনগনি। মসিনা তোঙান-তোঙানবা রাজ্যশিংদা লৈরিবা রিন্যুএবল এনর্জী রিসোর্সশিংগী চানদবসু কোকহনগনি। REC স্কিমগী মখাদা, শুংলবা মৈ য়োনবগী রেভিন্যু অমসুং এনভাইরোন্মেন্তেল এত্রিব্যুতকী রেভিন্যু অসি রিন্যুএবল এনর্জী জেনেরতরদা REC গী মওংদা হাপচিনগনি।
সর্তিফিকেত পীবা য়ারবা এন্তাইতীশিংদা রিন্যুএবল এনর্জী জেনরেতিং স্তেসন, রিন্যুএবল এনর্জী সোর্স শীজিন্নবা কেপতিব জেনরেতিং স্তেসন, দিস্ত্রিব্যুসন লাইসেন্স, অমসুং ওপন এক্সেস কঞ্জুমরশিং য়াওরি। হায়রিবা মেকানিজম অসিনা রিন্যুএবল এনর্জী শুংবদা ইন্সেন্তিভাইজ তৌবদা নত্তনা লৈবাক অসিদা লৈরিবা এনর্জীগী প্রেক্তিসতা হোংবা ঙমগনি।
ৱারোইশিন
ৱারোইশিন ওইনা, ভারতকী রিন্যুএবল এনর্জীগী সেক্তর অসিনা ২০২৩দা থবক মিলিয়ন ১.০২ পীবগা লোইননা লৈবাক অসিনা তুং কোইনা চৎপা এনর্জীদা হোৎনরিবসিবুসু তাক্লে। ইরেনা রিপোর্তনা সেক্তর অসিনা শেন্মিৎলোন চাউখৎনবা হোৎনবদা অমসুং তুং কোইনা চৎপা য়াবা হিংবগী লম্বী পীনবা হোৎনবদা লৌরিবা থৌদাং অসিবু তাক্লি। নেসনেল গ্রীন হায়দ্রোজেন মিসন, PM-KUSUM, পি.এম. সুর্য় ঘর, অমসুং সোলার পি.ভি. মোদ্যুলদা পি.এল.আই. স্কিমশিং অসি রিন্যুএবল তেক্নোলোজী পাকথোক চাউথোক্নবা অমসুং ৱার্কফোর্স স্কিল হেনগৎনবা হোৎনবদা মরুওই। এনর্জী ত্রাঞ্জিসনগী মথক্তা থবক্কী খুদোংচাবা হেনগৎনবগীদমক, ভারতনা এনভাইরোন্মেন্তেল গোলদা খুমাং চাউশিনবদা নত্তনা লৈবাক পুম্বদা হিংবগী লম্বী পীবা ঙম্বা শেন্মিৎলোন অমা শেমগৎনবা হোৎনরি। অসিগুম্বা মায়থোং অনি লোংবা মীৎয়েং চঙফম অসিনা ভারতপু রিন্যুএবল এনর্জীগী মালেমগী লুচিংবা ওইনা হেন্না লু নানবা অমসুং অশং অমান্না য়োম্বা তুংলমচৎ অমা শোইদনা ওইহনবা ঙমগনি।
রিফরেন্সশিং:
PDF তা য়েংবীনবগীদমক মফম অসিদা নম্বীয়ু:
**************
(Release ID: 2062204)
Visitor Counter : 39