இந்திய தர நிர்ணய அமைவனம் (பி .ஐ .எஸ்) என்பது இந்திய அரசின் நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் செயல்படும் ஒரு சட்டரீதியான அமைப்பாகும். இது பொருள்களுக்கான தர உரிமம் (ஐஎஸ்ஐ மார்க்), மேலாண்மை திட்ட சான்றிதழ், தங்கம் மற்றும் வெள்ளி நகைகள்/கலைப் பொருள்களுக்கான ஹால்மார்க் உரிமம் மற்றும் ஆய்வகச் சேவைகளின் நலன் மற்றும் நுகர்வோர் பாதுகாப்பை நோக்கமாகக் கொண்ட பல்வேறு திட்டங்களை செயல்படுத்துகிறது.

 

நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் உள்ள இந்திய தேசிய தரநிலை அமைப்பான இந்திய தர நிர்ணய அமைவனத்தின்  தலைமை இயக்குநர் திரு பிரமோத் குமார் திவாரி, ஐஏஎஸ், சென்னையில் நவீனமயமாக்கப்பட்ட தென் மண்டல ஆய்வகம் மற்றும் பிஐஎஸ் அறிவியல் பூங்காவை இன்று திறந்து வைத்தார். இந்த நிகழ்வில் இந்திய தர நிர்ணய அமைவனத்தைச் சேர்ந்த திருமதி. நிஷாத் சுல்தானா ஹக், துணை தலைமை இயக்குநர் ஆய்வகங்கள்), திரு பிரவீன் கன்னா, துணை தலைமை இயக்குநர் (தெற்கு மண்டலம்) மற்றும் டாக்டர் மீனாட்சி கணேசன், தலைவர்-தெற்கு மண்டல ஆய்வகம் உடன் இருந்தனர்.

 

நவீனமயமாக்கப்பட்ட தென் மண்டல ஆய்வகத்தின் தொடக்க விழாவில் பேசிய,                                திரு பிரமோத் குமார் திவாரி, ஐஏஎஸ், தேசம் முழுவதிலும் உள்ள நுகர்வோரின் பாதுகாப்பு மற்றும் தயாரிப்பு தரத்தை உறுதி செய்வதில் ஆய்வகத்தின் முக்கிய பங்கை வலியுறுத்தினார்.

 

புதிதாக நவீனமயமாக்கப்பட்ட தென் பிராந்திய ஆய்வகம், ஆய்வகத்தின் ஐந்து சோதனைப் பிரிவுகளான இரசாயனம், மின்சாரம், நுண்ணுயிரியல், இயந்திரவியல் மற்றும் ஒரு அஸ்ஸேயிங் ஆய்வகம் மேம்படுத்தப்பட்ட வசதிகளைக் கொண்டுள்ளது: இந்த பிரிவுகள் அதிநவீன வசதிகளுடன் கூடிய  பகுப்பாய்வு கருவிகளைக் கொண்டுள்ளது. இது பரந்த அளவிலான நுகர்வோர் தயாரிப்புகளுக்கு மிக உயர்ந்த தரம் மற்றும் பாதுகாப்பு தரங்களை உறுதிப்படுத்தும் வகையில் வடிவமைக்கப்பட்டுள்ளது.

 

ஆய்வகத்தில் உள்ள மேம்பட்ட உபகரணங்கள், அடைப்பங்களில் அடைக்கப்பட்ட குடிநீர், தங்கம் மற்றும் வெள்ளி, வீட்டு கேபிள்கள் மற்றும் கம்பிகள், உள்நாட்டு பிரஷர் குக்கர்கள், எல்பிஜி சிலிண்டர்கள் மற்றும் அடுப்புகள், டிஎம்டி பார்கள், எஃகு மற்றும் எஃகு பொருட்கள், பிளாஸ்டிக் குழாய்கள்,சிமெண்ட்  போன்ற அத்தியாவசிய அன்றாட பொருட்களின் தரமான  சோதனைக்கு உதவும்.  நுகர்வோர் பாதுகாப்பு நலன் கருதி இந்திய அரசாங்கத்தால் வழங்கப்பட்ட தரக் கட்டுப்பாட்டு ஆணைகளின் (QCOs) கீழ் உள்ள பல்வேறு தயாரிப்புகளுக்கான சோதனை வசதிகளை உருவாக்க இந்த ஆய்வகம்  தொடர்ந்து மேம்படுத்தப்பட்டு  வருகிறது. இரும்பு மற்றும் எஃகு, மருத்துவ ஜவுளிகள், RO அமைப்புகள், கட்டிட பொருட்கள், இரசாயனங்கள், பொம்மைகள், மின் சாதனங்களின் பாதுகாப்பு, ப்ளைவுட் போன்ற பல்வேறு தயாரிப்பு வகைகளுக்கு தரக் கட்டுப்பாட்டு ஆணைகள் வழங்கப்படுகின்றன. நவீனமயமாக்கலின் முக்கிய அம்சங்களில் சிவில் மற்றும் எலக்ட்ரிக்கல் மேம்பாடுகள், பாதுகாப்பு மேம்பாடுகள், HVAC வசதி, சுத்தமான அறை வசதி, நவீனமயமாக்கப்பட்ட மாநாடு மற்றும் வரவேற்பு பகுதிகள் ஆகியவை அடங்கும்

 

தென் மண்டல ஆய்வகத்தின்  நவீனமயமாக்கல், நுகர்வோர் பாதுகாப்பை உறுதி செய்வதற்கும், அன்றாட வாழ்வில் முக்கியப் பங்கு வகிக்கும் தயாரிப்புகளில் தர உத்தரவாதத்தை மேம்படுத்துவதற்கும் BIS இன் உறுதிப்பாட்டுடன் ஒத்துப்போகிறது. இந்த நவீனமயமாக்கல்,  ஆய்வகத்தின் திறன்களை மேலும் விரிவுபடுத்தவும்  மற்றும் இந்திய தொழில்துறையின் வளர்ந்து வரும் தேவைகளை பூர்த்தி செய்யவும் உதவும். இந்த வசதி, சோதனை திறன்களை மேம்படுத்துவது மட்டுமல்லாமல், நுகர்வோர் பாதுகாப்பு மற்றும் தயாரிப்பின் தரம் ஆகியவற்றில் இந்திய அரசின் தற்போதைய அர்ப்பணிப்பை பிரதிபலிக்கிறது.

 

பின்னர், இந்திய தர நிர்ணய அமைவனத்தின் அறிவியல் பூங்காவைத் திறந்து வைத்து பேசிய திரு பிரமோத் குமார் திவாரி, “சென்னையில் உள்ள அறிவியல் பூங்கா மாணவர்களுக்கு அறிவியலை கற்றுக்கொள்வதில் மகிழ்ச்சியை அளிக்கும். Interactive  மாதிரிகளுடன்  கூடிய இந்த அறிவியல் பூங்கா ஒரு ஆரோக்கியமான, திறந்தவெளி மற்றும் இயற்கை சூழலில், அறிவியல் மற்றும் தொழில்நுட்பத்தின் அடிப்படைக் கொள்கைகளைக் கற்றுக்கொள்வதற்கு உதவும்  வகையில் அமைக்கப்பட்டுள்ளது. மாதிரிகள் எளிமையான முறையில் உருவாக்கப்பட்டுள்ளன, இதனால் மாணவர்கள் தாங்களாகவே கருத்துக்களை ஆராய்ந்து புரிந்து கொள்ள முடியும். ஒவ்வொரு உபகரணங்களும்  ஒரு  குறிப்பிட்ட அறிவியல் கொள்கைகளை நிரூபிக்கும் வகையில் கவனமாக தேர்வு செய்யப்பட்டுள்ளது. அதே நேரத்தில் மாணவர்கள் பயன்படுத்தும் பொது வேடிக்கையாகவும் இருக்கும். சயின்ஸ் பார்க் மூலம் குழந்தைகள் அடிப்படைக் கொள்கைகளைப் புரிந்துகொள்ள உதவும் மாதிரிகள் மற்றும் குறிப்பிடப்பட்டுள்ள விளக்கங்களைப் பயன்படுத்தி விஷயங்களை 'எப்படி, ஏன்' என்பதை எளிதாக அறிந்துகொள்ள முடியும். இந்த வழியில், அவர்களின் தர்க்கரீதியான அணுகுமுறை மற்றும் பகுப்பாய்வு திறன்கள் மேம்படுகின்றன" என்றார்.

 

கோண உந்தம், சைக்ளோயிடல்பாத், இரட்டை முனை கூம்பு, முதல் வரிசை நெம்புகோல், நிறை மற்றும் செயலற்ற தன்மை, நியூட்டனின் மூன்றாம் விதி, கப்பி மற்றும் கப்பி தொகுதிகள், கிரக இயக்கம், கண்ணாடியுடன் விளையாடுதல்,சுழலும் பெரிஸ்கோப்,  ஊஞ்சல் & சுழல் இயக்கம் போன்ற கருத்துகளை அறியவும் புரிந்துகொள்ளவும் மாதிரிகள்/உபகரணங்கள் பிஐஎஸ் அறிவியல் பூங்காவில் அமைக்கப்பட்டுள்ளன.

 

 

***

(Release ID: 2061990) Visitor Counter : 15