صارفین کے امور، خوراک اور سرکاری نظام تقسیم کی وزارت کی مرکزی وزیر مملکت، محترمہ نیمو بین جینتی بھائی بمبھانیا نے آج یہاں فوڈ کارپوریشن آف انڈیا (ایف سی آئی) کے مایاپوری ڈپو کا دورہ کیا۔ اپنے دورے کے دوران، انہوں نے‘‘ایک پیڑ ماں کے نام’’ مہم کے ایک حصے کے طور پر شجرکاری مہم میں حصہ لیا۔ یہ مہم عزت مآب وزیر اعظم جناب نریندر مودی  نے 5 جون 2024 کو عالمی یوم ماحولیات کے موقع پر شروع کی تھی۔ یہ اقدام کرہ ارض کے تحفظ کو فروغ دیتے ہوئے ماؤں کے احترام کے لیے ہے۔

 

 

محترمہ وزیر نے پیپل کا پودا لگایا اور گوداموں کے اندر ماحول دوست ماحولیات کو فروغ دینے کی اہمیت پر زور دیا تاکہ سرسبزمقامات میں اضافہ کیا جاسکے اور ماحولیاتی پائیداریت میں مدد کی جاسکے۔ انہوں نے ایف سی آئی کے ملازمین  کی خوراک کے تحفظ کے لیے ان کی لگن اور ملک گیر شجرکاری کی اس کوشش میں ان کی فعال شرکت کی ستائش کی۔

 

 

محترمہ بمبھانیہ نے ہر کسی کو مہم میں شامل ہونے اور پودا  لگانے کے اپنے تجربات کو سوشل میڈیا پر شیئر کرنے کی ترغیب دی، اور ان پر زور دیا کہ وہ اسے ایک وسیع تر تحریک میں تبدیل کرنے میں مدد کریں۔ انہوں نے اپنی بات کا اختتام ان اقدامات میں ان کی شاندار قیادت کے لیے وزیر اعظم مودی سے اظہار تشکر کرتے ہوئے کیا۔

 

*************

(ش ح ۔ع ح۔ج ا(

U.No 853

(Release ID: 2061915) Visitor Counter : 5