অসামগী লৌউ-শিংউগী দিপার্তমেন্তনা ভারত সরকারগী লৌউ-শিংউ অমসুং লৌমীশিংগী য়াইফ-থৌরাংগী দিপার্তমেন্ত (DA&FW)গা খুৎশম্নদুনা শিনখিবা নেস্নেল মিসন ওন সস্তেনেবল ওইল পাম কলতিভেসন হায়বা হিরম অসিগী মতাংদা নুমিৎ নিনিগী ওইবা নেস্নেলগী লেভেল রিভ্যু অমসুং ৱার্কশোপ অমা গুৱাহাতিদা লোইশিনখ্রে। থৌরম অসিনা মালেম অসিগী খ্বাইদগী হেন্না ফবা চৎনবীশিং  অমসুং ভারত্তা এদভান্স ওইরবা সস্তেনেবল ওইল পাম কলতিভেসনগী মতাংদা তাথোক-তাশিন তৌননবা সরকারগী বোদীশিং, লনাইগী কমপনীশিং, লৌমীশিং, অমসুং ইন্তর্নেস্নেল ওর্গনাইজেশনশিংদগী মরু ওইবা স্তেকহোল্দরশিংনা মসিদা অমত্তা ওইনা পুনখি।

ৱার্কশোপ অসি হৌরকপাদা, লৌমীশিং অমসুং ওইল পাম ইন্দস্ত্রীগী মীহুৎশিংগা লোইননা ৱারি-ৱাতাই শানবগী সেসন অমা শিনখি, মদুদা মায়োক্নরিবা শিংনবশিং অদুবু কোকহনবা অমসুং ওইল পাম সেক্তরদা খ্বাইদগী হেন্না ফবা চৎনবীশিংগী মতাংদা খন্নখি। লৈবাক অসিগী তোঙান-তোঙানবা মফম কয়াদগী ওইল পাম থাবা লৌমীশিংগা লোইন=লোইননা ইন্দস্ত্রী অসিগী মীহুৎশিংনা মসিগী ৱারি-ৱাতাই শানবগী সেসন অসিদা শরুক য়াখি। মসিগী মখা তারকপদা রাজ্য সরকারগী মীহুৎশিংগা লোইননা নেস্নেল মিসন ওন এদিবল ওইল, ওইল পাম (NMEO-OP) ইমপ্লিমেন্ত তৌবদা মায়োক্নরিবা অপনবশিং অদুবু মশক খঙদোক্নবা রাজ্যগী পর্ফোর্মেন্সকী ফিজিকেল অমসুং ফাইনান্সিয়েল রিভ্যু অমা পাংথোকখি, মসিনা থবকশিং অসিবু নিংথিনা ইমপ্লিমেন্ত তৌবা য়াহন্নবা তুংদা লাক্কদবা থবক-থৌওংশিং অদুবু মওং-মরিল তাহনবদআ মতেং পাংলগনি। 

কনফরেন্স অসিদা ৱা ঙাংলদুনা, অসামগী লৌউ-শিংউ মন্ত্রী, শ্রী অতুল বোরানা লমদম অসিগী ইকোনোমীগীদমক্তা সস্তেনেবল ওইল পাম কলতিভেসনগী মরু ওইবা অদুগী মতাংদা য়াম্না মরু ওইনা হায়খি অমসুং লৌমীশিংদা সরকারগী মতেং লেপ্তনা ফংগনি হায়না থাজবা পীখি। মহাক্না ভারতকী সস্তেনেবল ওইল পাম সেক্তরবু লুচিংবদা অসামগী থৌদাং অদুগী মতাংদা মরু ওইনা পনখি। নোর্থিস্ত পুম্বগী ওইনা অমসুং মসিগা লোইন-লোইননা লৈবাক অসিগী ওইনশুনি।

ভারত সরকারগী DA&FWগী সেক্রেতরী, দা. দিভেশ চতুর্বেদিনা ভারতকী ফুদ সেক্যুরিতী লৈহন্নবা এদিবল ওইল প্রোদক্সনদা আত্মানির্ভর্তা ওইবা ঙম্নবা লৈবাক অসিগী পান্দম অদুবু ফংনবা ওইল পাম কলতিভেসনগী মরু ওইবা অদুগী মতাংদা পনখি অমসুং স্তেকহোল্দরশিং পুম্নমক্না অমত্তা ওইনা পুন্দুনা লৈবাক অসিগী পাম ওইলগী পোত্থোক অদুবু হৌজিক-হৌজিক লৈরিবা ২% অসিদগী মথংগী চহি ৫-৬ ফাওবদা ২০% হেনগৎহন্নবা হায়খি।

খন্ন-নৈনবা অদুবু হৌদোক্লদুনা, DA&FWগী জোইন্ত সেক্রেতরী (ওইলসিদস), শ্রী আজীত কুমার সাহুনা NMEO-OP ইপ্লিমেন্ত তৌবগী ইশুশিং অদুগী মতাংদা য়াম্না মচা খাইনা হায়খি, লোইননা মসিদা মায়োক্নবা শিংনবশিং অদুবু মায়োক্নবা ঙম্নবা রাজ্যশিং, লৌমীশিং অমসুং ইন্দস্ত্রীগী মরক্তা খুৎশম্নদুনা থবক তৌবগী মরু ওইবা অদুগী মতাংদা য়াম্না মরু ওইনা পনখি। হৌরকপদা, অসামগী এগ্রিকলচর প্রোদক্সন কমিস্নর, শ্রীমতি অরুনা রাজোরিয়ানা দেলিগেতপুম্নমকপু তরাম্না ওকখি অমসুং মরু ওইনা নোর্থিস্ততা সস্তেনেবল ওইল পামগী প্রক্তিসশিং প্রোমোত তৌবদা রাজ্য অসিনা লৌরিবা লুচিংবা অমগী থৌদাং অদুবু য়াম্না মরু ওইনা পনখি।

কমিসন ফোর এগ্রিকলচররেল কোস্ত এন্দ প্রাইসেস (CACP)গী চিয়রমেন, শ্রী বিজয় পোল শর্মানা ওইল পাম কলতিভেসন্না ইকোনোমীদা পীরিবা শাফু অদুগী মতাংদা অকন্নবামিৎয়েং থমখি, লোইনা শেন্দোং হেনগৎহন্নবা তেক্নোলোজীনা লৌরিবা থৌদাং অমসুং সস্তেনেবল প্রক্তিসশিংগী থৌদাং অদুবু মরি লৈনহনখি।

DA&FWগী হান্নগী সেক্রেতরী, শ্রী সঞ্জয় আগ্রৱালনা ময়াই তাংবল লৌদুনা পাংথোকখিবা মরু ওইবা সেসন অমদা, NMEO-OP ইমপ্লিমেন্ত তৌবদা মায়োক্নিরিবা শিংনবশিং অদুবু য়েংশিনখি। মহাক্না ওইল পাম প্রোদক্সন য়াংখৎহন্নবা সরকারগী বোদীশিং, ইন্দস্ত্রীগী লুচিংবশীং, অমসুং লৌমীশিংগী মরক্তা কোওর্দিনেশন হেন্না লৈহন্নবা তকশিনখি, লোইননা পোলিসী অমসুং ইমপ্লিমেন্ত তৌবদা থেংনরিবা অপনবশিং অদুবু কোকহন্নবগী মতাংদা পেনেল দিস্কসনশিং পাংথোকখি।

ৱার্কশোপ অসিনা চারা পাম্বিগী ক্বালিতী অমসুং থাও থোকপগী চাং হেনগৎহন্নবা শেল জীন তেক্নোলোজী য়াওনা তেক্নোলোজিগী লমদা চাউখৎলক্লিবা অদুশু উৎখি।ওইল পাম কলতিভেসনগী মাইপাক্নবগী খ্বাইদগী মরু ওইবা মচাক অমা ওইরিবা, থানবগী খ্বাইদগী হেন্না ফবা মচাকশিং ফংহনবা হায়বসিগী মতাংদা অকন্নবা মিৎয়েং থমখি। মসিগী মথক্তা, পাম ওইলগি মতাংদা লৈরিবা অরানবা ৱাখল্লোনশিং অদুবু কোকহনবা অমসুং মসিগী কান্নবশিং অদুগী মতাংদা খঙহন্নবা পাম ওইলগী হেল্থ অমসুং ন্যুত্রিস্নেল অসপেক্তশিং অদুগী মতাংদা খন্নখি।

কাউন্সিল ওফ পাম ওইল প্রোদ্যুসিং কন্ত্রীজ (CPOPC)দগী মীহুৎশিং য়াওনা ইওন্তর্নেস্নেল এক্সপর্তশিংনা পাম ওইল কলতিভেসনগী মতাংদা গ্লোবল ত্রেন্দশিং অমসুং রেগুলেতরী দেবেলপমেন্তশিং অদুগী মতাংদা ৱাখল-লৌশিং পীখি। রাউন্দতেবল ওন সস্তেনেবল পাম ওইল (RSPO) অমসুং ৱার্লদ ৱাইদ ফন্দ ফোর নেচর (WWF)না সস্তেনেবিলিতী অমসুং ক্লাইমেত রেজিলিয়েন্সকী মতাংদা খন্ন-নৈনবদা শরুক য়াখি, ভারতনা সস্তেনেবল প্রক্তিসশিং শিজিন্ননবা অমসুং অতোপ্পা লমশিংদা থেংনরিবা এনভাইরনমেন্তকী ওইবা খুদোংথিবশিং অদুদগী ঙাক্না চৎনবা স্ত্রেতেজীশিং শিয়র তৌখি।

ইন্দস্ত্রীগী লুচিংবশিং কুদম ওইনা গোদ্রেজ এগ্রোভেত লিমিতেদ (GAVL), 3F ওইল পাম প্রাইভেত লমিতেদ, পতাঞ্জলি ফুদস লিমিতেদ (PFL), অমসুং AAKনা হকথেংননা শরুক য়াখি, মখোয়না ওইল পাম ভেল্যু চেনদা থেংনখিবা মখোয়গী এক্সপরিয়েন্সশিং অদুবুশু শিয়র তৌখি। মখোয়গী ৱাখল-লৌশিং অদুনা মরু ওইনা পব্লিক-প্রাইভেত পার্তনর্শিপ তৌদুনা ভারত্তা সস্তেনেবল ওইল পাম প্রোদক্সন হেন্না হেনগৎহনবদা প্রাইভেত সেক্তরগী থৌদাং অদুগী মতাংদা পনখি।

থৌরম অদু মরু ওইনা নোর্থইস্ততা ওইল পাম কলতিভেশনগা মরি লৈননা তুংগী ওইবা প্রোসপেক্তশিং অদুদা অদুদা অখন্নবা মিৎয়েং থম্লদুনা য়াম্না থাজবা অমগা লোইননা লোইশিনখি। খন্ন-নৈনবশিং অদুনা লমদম অসিদা পোত্থোক হেনগৎহনবদা দাউনস্ত্রীম ইন্দস্ত্রীশিং অমসুং পব্লিক-প্রাভেত কোলাবোরেশনশিংগী থৌদাং অদগী মতাংদা খন্নখি। ৱার্কশোপ অসিদগী ফংলকপা ৱাখল-লৌশিং অদুনা NMEO-OP ইমপ্লিমেন্ত তৌনবগীদমক্তা স্তেকহোলদরশিংবু মখোয়গী স্ত্রেতেজীশিং অদুবু হেন্না ফগৎহনবদা মতং পাংগনি হায়না থাজৈ, লোইননা মসিদা শরুক য়ারিবা স্তেকহোল্দর পুম্নক্কী সস্তেনেবিলিতী, প্রোফিতেবিলিতী অমসুং ইকোনোমিক গ্রোথ লৈহল্লগনি হায়না থাজৈ।

পোলিসীমেকরশিং, ইন্দস্ত্রীগী লুচিংবশিং, লৌমীশিং অমসুং ইন্তর্নেস্নেল এক্সপর্তশিংনা খুৎশম্নদুনা থবক তৌমিন্নবা অসিনা ভারত্তা ওইল পাম প্রোদক্সনগী তুংলমচৎকীদমক্তা য়াম্না লিংবা য়ুমফম অমা শেম্লগনি, মসিনা ভেল্যু চেন পুম্বদা গ্রোথ লাকপা অমসুং এনভাইরনমেন্তকীদমক্তা ঐখোয়দা লৈরিবা থৌদাং অনিমক্তা মাইপাকপা পুরকপা ঙম্লগনি।

*****

(Release ID: 2061279) Visitor Counter : 30